التخطي إلى المحتوى الرئيسي

بطيخة الجزء السادس

#بطيخة
#بقلم_مريم_اليوسف

#الجزء_السادس

بعد مسافةطويلة ع الطريق ..
ياسمينة :غيث ليك هالبناء ما احلاه ..
غيث :....
التفتت عليه كان نايم على كتفا
ابتسمت ابتسامة وتركتو ع راحتو
وبالمقاعد الخلفي عصام عم يحكي لين وهية عم تخفي بسمتا
لين: انت ماهلكت
عصام :لا .. شو عم كسر حطب .. هو حكي
لين :بس صرعتني ياريت تخفف غلاظة
عصام :والله انا مهضوم ..بس خلص اذا عم ازعجك رح اسكت
لين: ياريت
_________________
لبنى قاعدة مع رفقاتا ع البلكون
خنساء : يعني غيث برحلة
لبنى: اي والله ..
خنساء :وايمت حددتو الخطبة
لبنى :اول الشهر .. لسه اسبوعين
رنيم :وبتلحقي
لبنى :اي وقبل يومين كمان .. انا علي اجهز عند الكوافيرة واحجز للفستان والكروت والصالة وكلشي عليه
خنساء :اي الله يهنيكي يارب
لبنى: تسلمي
رنيم : معد تعرضتي لياسمينة وقمر
لبنى : لا .. معد هموني .. هلأ ملتهية بالسواقة
خنساء: وايت بدك تجيبي السيارة
لبنى :غيث يقبر قلبي قلي رح يهديني اياها بعد الخطبة
خنساء ورنيم بقهر داخلي : اي بالهنا
لبنى بقلبا : والله الغيرة رح تقتلكن هههه

________________
عند العصر
كانو مخلصين بناء الخيم ..
غيث : ياجماعة تعبنا اليوم .. يلا ارتاحو شي ساعة الشيف بكون جهز الاكل
انتشرو تحت الشجر لحتى يقعدو تحتو
قعدت ياسمينة تحت شجرة وقداما وادي .. مسكت غصن واقع بالارض وصارت تكسرو
اجا غيث وقعد حدا
غيث :شو وين شادرة
ياسمينة :ما قصة شاردة ..بس المنظر حلو كتير .. بتنسى حالك
غيث :معك حق .. انا بقول قومي ارتاحي بتكوني نعستي
ياسمينة :اي والله راسي عم يفتل ومابقدر نام ع الطريق
غيث :انا بعكسك تماما ..
ياسمينة: اي من هالشي كسرتلي كتفي
غيث :بس ماكون تقيل دم
ياسمنية :ههه عم امزح معك ..عادي ماحسيت عليك
غيث :بس شو رتحت كتير .. النومة ع كتفك شغللة
ياسمينة:لكن لكن كلو لحم هههههه
غيث :وطرايا كمان ههههه
سند اديه لورا ومد رجليه
ياسمينة :انا قايمة ارتاح شوي بخيمتي
غيث :اوك وانا لما بصير الغدا جاهز بفيقك
ياسمينة: ماشي
مشت كم خطوة لحتى يوقفا صوت غيث
غيث :ااااااخ ..
رجعت لعندو بسرعة كان ماسك ايدو وعم يصرخ
ياسمينة :بلهفة غيث شبك .. غيث حكيني
غيث :اااااخ .. ايدي .. ايدي .. قرصتني حية
ياسمينة :شوووو .. فرجيني
غيث ضامم ايدو ع صدرو وعم يتمردغ بالارض
ياسمينة :غيث فرجيني ايدك .. وينا الحية
غيث :راحت من هووون .. ااااخ
اتجمعو الكل عند غيث يلي عم يصرخ من وجعو
قعدت حدو وهية متوترة وسحبتولو ايدو وكانت حطا على راسا شال صغير متل الفولار .. سحبتو وربطلتو ايدو لحتى تحبس الدم
راجح :شووو في
ياسمينة :غيث قرصتو حية
راجح :بعدي هيك
بسرعة طلع من جيبتو موس (سكين صغيرة)فتحو وجرحلو ايدو محل القرصة .. وبلش يمص الدم ويبثقو ..
غيث :ااااخ .. رااجح بكفي .. اااخ
راجح : يلا قوم .. اخدك ع الدكتور
وقف غيث
راجح :في هون شي مركز صحي
_اي في مستوصف قريب امشي انا بدلك عليه
ياسمينة : جاي معكن
ركبو بسيارة ..راجح عم يسوق وحدو الشب يلي بدو يدلن ع الطريق وياسمينة وغيث من ورا
ياسمينة وهية عم تبكي : غيث انت منيح
غيث :اااه .. اي مووجع .. مووجوع كتير
سند راسو ع كتف ياسمينة .. وصار يلهت من الوجع ويعن
هية ضمتو لصدرا وصارت تبكي وتمسحلو على راسو
غيث معد طلعلو صوت
ياسمينة :غيث عم تسمعني
غيث :اي .
ياسمينة :ليش ماعم تحكي
غيث :هيك مرتاح .. خليني
ياسمينة : ماشي .. يارب .. يارب مايصيبك شي ياغيث
وصلو ع المستوصف .. دخلو غيث وهنن ضلو برا
راجح :كيف قرصتو
ياسمينة :مابعرف انا كنت بعيدة عنو
راجح :ان شاء الله مافي شي
ياسمينة :ان شاء الله
راجح: ليش عم تبكي
تلبكت ومسحت دموعا وقالت خايفة عليه .. خايفة يصرلو شي
راجح :لا اطمني .. هي المنطقة مافيها افاعي كتير والافاعي مانا سامة .. هيك سمعت
ياسمينة :يااارب
فتح الدكتور الباب ليفتو
قربت ياسمينة لعند غيث بسرعة
ياسمينة :كيفك
غيث بتعب منيح
التفتت ع الدكتور
الدكتور :لاتخافو الافاعي هون مانا سامة بس عضتها قوية..
ياسمنية :يعني ما الها اي مضاعفات
الدكتور :مبلا الها مضاعفات .. ارتفاع حرارة الجسم وبردية
ياسمينة :رح يضل هون اليوم ماهيك
الدكتور :للأسف لا لانو هاد مستوصف مانو مشفى وبنسكر المسا ..
ياسمينة :بس مابصير هيك .. بركي صابو شي
الدكتور :اطمني صحتو منيحة .. وانا عطيتو حقن مضادة .. يعني احتمال بس يسخن
ياسمينة مبين عليها التوتر :اذا حدا عنكن صابو شي شوبتعملو
الدكتور :في مشفى قريب .. بس صدقيني حالتو مابتخوف ومافي داعي للمشفى
اتجلس غيث وقال: ياسمينة انا صرت منيح
ياسمينة :بس لازم نطمن عليك اكتر
غيث :هي الدكتور طمنا
راجح : هاه ليكيه متل الحصان مافيه شي
ياسمينة :اي الحمد لله
رجعو ع المخيم ..
غيث :انا فايت نام
ياسمينة :طيب ماشي وانا رح ابقا اطمن عليك
غيث :ماشي
فات عخيمتو مع راجح وهية راحت قعدت جنب النار يلي شعلوها لانو بلش يصير المسا .... اجا وقعد حدا عصام
عصام :والله بينتي كتير ملهوفة عليه
ياسمينة :اي والله قطعلي قلبي .. الله لايضرو
عصام :امين ... بس قد ماخفنا عشخص مابتوصل للبكي
اتطلعت فيه وقالتلو :شو مشكلتك .. انا مشاعري عالية ودغري بتأثر
عصام :بس يلي شفتو بعيونك هو حب
ياسمينة :ههه حب .. لا انت اكيد غلطان .. غيث بالنسبة الي صديق عزيز وبس
عصام :يمكن .. بس بحب حذرك انو هو خاطب وبعمرو مارح يتطلع عليكي غير كأخت .. انا عم احكي لمصلحتك مشان مشاعرك الجياشة ماتتأثر هه
ياسمينة :عنجد انك واحد سخيف ..تضرب انت ويلي بيقعد معك ..
تركتو وقامت ..قعدت بمكان تاني
وكل شوي تتطلع ع خيمة غيث .. شافت راجح طلع من عندو قامت لعندو بسرعة
ياسمينة : كيف صار غيث
راجح :تركتو نايم
ياسمينة :انا فايتة اطمن عليه
راجح :ماشي
رفعت الباب وفاتت .. قربت وقعدت حدو .. حطت ايدا ع راسو كان سخنان
ياسمينة :ياربي هاد سخنان وهداك مانو منتبهلو
قامت جابت جاط صغير فيه مي وقطعة قماش وصارت تعملو كمادات ..
رجع راجح وشافا عم تعملو كمادات
راجح :سخنان ؟
ياسمينة :اي كيف مانك منبهلو
راجح:والله راح عن بالي .. خلص قومي انتي وانا بهتم فيه
ياسمينة :لا رح ضل عندو لتنزل الحرارة
راجح :الوقت اتأخر والكل قام ينام قومي نامي
ياسمينة :قلتلك رح ضل جنبو وكمان خيمتي فاضية مامعي شريكة اذا بدك تنام روح نام فيها
راجح : طيب عراحتك .. تصبحي على خير
ياسمينة :وانت من اهلو
طلع راجح وقال :والله فارط من النعس يلا تهتم فيه هية احسن مانام وانساه انا
فتح عيونو غيث وشال الكمادة عن راسو وتجلس ومبين انو مانو بوعيو
ياسمينة :غيث شو عم تعمل .. رجاع ع محلك
غيث :وينو ..راجح
ياسمينة :نايم ..بدك منو شي
غيث :وين انا
ياسمينة :بالخيمة شو نسيت
غيث :اي اي..
ياسمينة :يلا نام مشان حطلك كمادات مشان تنزل الحرارة
غيث :مابدي
ياسمينة :شوبدك ..قلي شو اعملك
قرب وحط راسو على رجليها
غيث :خليكي قريبة مني لاتتركيني
ياسمينة :هيك انت مرتاح
غيث :اي .. اي
ركزلتو نومتو على رجليها ورجعت تحطلو كمادات
___________________
الصبح
فتحت عيونا ياسمينة وكان غيث مقابلا تماما .. اتطلعت عحالا ولا هية وغيث حاضنين بعض ونايمين ..
ياسمينة :كيف نمت انا هيك
مدت ايدا على راسو مالقت حرارة ..
ياسمينة :اووه .. الحمد لله
رفعتلو ايدو عنها وقامت شوي شوي .. غطتو وطلعت
قعدت عند جزع شجرة سندت راسا لورا وصارت تتأمل وراق الشجرة كيف عم يتمايلو مع نسمات الهوا الخفيفة
________________
لبنى رايحة جاي بالبيت
وامها عم تجيب الفطور من المطبخ ع السفرة
ام لبنى :شبك ماما ..
لبنى من مبارح ما تصل فيني اكيد ملتهي بالرحلة مع البنات
امها :ياماما الغايب عزرو معو
لبنى :لك ايو عذر .. بس الحق علي كان لازم روح معو
امها :لك تروح روحك وين بدك تروحي وهو لحد هلأ مافي شي رسمي بيناتكن
لبنى :بسيطة ياغيث انابفرجيك والله مارح مرقلك اياها
امها :طولي بالك ع الشب بكرا بيطفش
لبنى :لا اطمني شايفني ومانو مصدق .. بس بدي سملو بدنو مشان يحرم يعيدا
____________
فتح عيونو وتجلس وهو كلو نشاط .. اتطلع حوليه مالقى حدا .. بس كان حاسس حالو طاير من الفرح وقلبو عم يدق بسرعة وكأنو في شي حلو ناطرو .. وقف وطلع من الخيمة .. طلع براتا وصار يتمطمط ويحرك حالو يمين وشمال .. لحتى ضربت عيونو عليها .. كانت نايمة تحت الشجرة .. قرب لعندا ونزل شوي وصار مقابيلا وصار يتأملا وهية نايمة .. وحس عقلبو عم يدق بسرعة حس بدفء دخل عقلبو واتذكر ليلةمبارح كيف كان كتير مبسوط وهو نايم على رجيلها ولما ركب جنبا كيف كان عم يفرغ وجعو بحضنا .. فاق من شرودو ومسك قشة وصار يمررا ع وجها.. وهية رفعت اديها وصارت تلوح فيها قدام وجها وعم تحاول تبعد الشي يلي عم يقلق نومتا.. بس سرعان ماتغلب عليها وفتحت عيونا ..
ياسمينة: غيث !!
غيث :ههه اي غيث .. ليش نايمة هون
ياسمينة : تركتك وطلعت اتمشى وقعدت هون والظاهر غفيت .. اي قلي انت كيفك
غيث :بخير اطمني .. لاتشغلي بالك فيني
ياسمينة :اي الحمد لله
غيث :وينو راجح
ياسمينة :نايم بخيمتي
غيث : هاتي ايدك لنقوم نجهز الفطور للكل
ياسمينة اتطلعت ع حالا وقالت :بقوم لحالي
غيث بنبرة امر :عم قلك هاتي ايدك .
حطت ايدا بأيدو وهو شد .. طبعا هية ساعدتو لانو مابيقدر يشدا 😅😅
وقفت قدامو وصارو يتطلعو ع بعض واديهن ببعض ..
ياسمينة: احمم .. يلا نروح
فاق من شرودو وقال :ايه .. يلا
مشو جنب بعض وراحو ع سيارة الاكل وهية عبارة عن كرفانة عشكل مطبخ .
بس كل واحد بالو مشغول بهي الفتيلة يلي شعلت جواتن ومابيعرفو سببا وابدا ماخطر عبالن انها فتيلة الحب
يلسمينة :ايه شو الفطور
غيث :مابعرف .. انا بعمل شاي 😅
ياسمينة :انا رح اعمل بيض مقلي وبسجق ومسلوق وكل واحد بياكل يلي بحب
غيث :بتعرفي تطبخي
ياسمينة: ههه هلأ البيض بدك تعملي اياه طبخ .. بس البيض بسجق بيطلع معي كتير طيب هلأ دوقو
غيث :اوكي ..
بلشت هالروايح الطيبة تفوح بالمخيم والكل طلعو من خيمون وصارو يلحقو الريحة .. وقفو بباب الكرافانة
_ اي شو هالروايح الطيبة
غيث :هي ياسمينة عم تعمل بيض
راجح :غيث كيف صرت
غيث :تمام بخير الحمد لله
راحج :اي الحمد لله
لين :والله خفنا عليك
غيث :تسلمي
عصام :اي شوهاد يا ام السوس والله بعرفك معدلة
ياسمينة :من بعدك شريك ههههه
غيث بقهر :شريك؟؟ وشو هالشراكة
ياسمينة :عصام اخي وصديقي
غيث :ايه الله يهنيكن
بلشو يساعدو غيث وياسمينة ع الفطور .. ومدو الاكل على العشب وقعدو وصارو ياكلو ..
اجت قعدت ياسمينة جنب عصام .. وغيث قعد مقابيلا
غيث بقلبو :ليش هو قعد حد .. وانا صديقا كمان .. معقول بتحبو اكتر مني 😏
لين كانت عم تراقب عصام بعيونا .. وياسمينة لاحظت عليها ..
شدت عصام وهمست بأدنو :شو شبا هي البنت
عصام :شكلا حبتني هههه
ياسمينة :عنجد ؟؟
عصام :اي بس انا متقل حالي ..
ياسمينة :كيف ؟
عصام: لما جينا قعدت حدا وصرت لطف معا جو بس هيك ادايقت مني قال وانا عملت حالي زعلان ومعد حكيتا وهية من وقتا وهية عم تحبرم حولي .. بس انا عم اتجاهلا اي لكن البنات مابيجو غير هيك
ياسمينة :لا ولووو
عصام :والله ههههه
ياسمينة :لك تضرب ههههههه
رن تلفون غيث .. اتطلع فيه وقام .. وياسمينة صارت تراقبو بعيونا ع وين رايح
غيث :الو
لبنى :وينك يا استاذ .. شفت كم مكالمة متصلة فيك ..
غيث :اي شفت
لبنى :وين كنت حضرتك وليش ما اتصلت فيني
غيث : اتصلت فيكي بس مارديتي
لبنى: بس مرة اتصلت .. ليش ما اتصلت اكتر من مرة
غيث :والله مابعرف انو حضرتك وزيرة ومابتردي من اول مكالمة
لبنى :المهم وين كنت مبارح
غيث :كنت مريض .. قرصتني حية وضليت بالمشفى
لبنى :كذب غير هالكذبة
غيث :نعمم
لبنى :متل ماسمعت .. معقول قرصتك حية وبعدك عايش
غيث :ااه يعني بدك اياني موت
لبنى :ماهيك .. بس ماني مصدقتك
غيث :بالناقص
وسكر بوجها
راحج ع جنب عم يحكي ع التلفون
راجح :شتقتلك
قمر :وانا كمان .. شو كيف الوضع عنكن
راجح :بجنن .. تمنيتك لو تكوني معي
قمر :مابحب تقل دم ع حدا
راجح :والله ماتقلة دم والاستاذ قال اذا بتحبو كل شخص بحقلو يجيب شخص معو .. كنتي جيتي مع ياسمينة
قمر :ههه خلص غير مرة
راجح :لك شتقتلك كتير ولووو
قمر :والله وانا كمان 🥰
ياسمينة عم ترن ع قمر وعم يطلع مشغول ..
ياسمينة لك تضربي مع مين مشغولة ..
عصام من حدا :انا قايم اتمشى تقومي معي
ياسمينة :لا ..
عصام :طيب
قام عصام مشي لتحت شجرة .. طلع سيجارة وصار يدخن ..
ولين من جنب تاني عم تتطلع عليه وعم تاكل اضافيرها .. اجت لجنبا حلا
حلا : شايفة كيف الكل عم يحوم حوليها لهل البومة
لين بدون اهتمام :مين
حلا : ياسمينة
لين: لك محدا شايلا من ارضا حلي عني
حلا :بس انا لسه بدي طفشا
تركتا لين ومشت وقالت عملي يلي بدك اياه
حلا :بسيطة يا ياسمينة اذا مابطفشك مشان بنت خالتي مابكون اسمي حلا
وصلت لين لجنب عصام
لين :عفكرة انت كتير غليظ
عصام :ليش بشو زعجتك مرة تانية
لين :بكلشي
عصام :بتحبي اتركلك هالرحلة واخفتى
لين :لا مو هيك
عصام ابتسم بخبث وقال :قولي انك حاببتيني ومقهورة ليش ماعم حكيكي
لين :لا طبعا مو هيك
عصام :لك ليش عم تكابري ع حالك .. عادي احكي انا متل اخوكي هههه
لين :تضرب شو غليظ مو الحق عليك الحق ع يلي اجت لعندك
اجت بدا تروح بس هو دغري مسكا من دراعا
عصام :خلص تعالي
لين :تركني خلص
عصام :لك عم نهز الورد لنشمو
لين :خلص تركني انا بدي روح
عصام :لا مافي روحة .. تعالي مبارح شفت منظر كتير حلو بدي فرجيكي عليه
لين بغنج :مابدي
عصام :اي تعالي خلصينا .. الك تلتين الخاطر ههه
لين :لك خليني بين تقيلة شوي هههه
عصام :ههه لك انتي تقيلي بقلبي هههه
لين :يا امي عليك شو بياع كلام
عصام :بعجبك 😉
غيث بصوت عالي: شباب وصبايا .. من اليوم فيكن تقولو بلشت رحلتنا .. هلأ اذا بدكن تتفتلو بالغابة معكن ساعتين وبعدها بدنا نجي نجهز الغدا وهو المشاوي لانو الشيف راح وبعد الغدا رح نروح ع حديقة الحيونات هية قريبة من هون ..وبعدها رح نلعب شوية العاب والمسا رح نتجمع حول النار ونلعب تحديات ونغني ونرقص .. شو رأيكن البرنامج
الكل :كتير حلوو استاذ غيث
غيث : لكن يلا روحو استكشفو المكان .. وانتبهو لاتبعدو مشان ما تضيعو بقلب الغابة
ياسمينة ضلت واقفة مكانا مانا عرفانة وين تروح
قرب منها غيث وقال :شو مابدك تروحي ع الغابة
ياسمينة :بخاف لحالي
غيث :ومين قال لحالك
مسكا من ايدا سحبا
ياسمينة :ع وين
غيث :شفت شجرة كتير حلوة وعليها اطلالة بتجنن
وصلو للشجرة وكانت احلا من الوصف بكتير كانت كبيرة وغصانا كبار
ياسمينة :حلووة كتير
غيث : تعالي نطلع عليها
ياسمينة :لا لا بركي انكسر فيني شي غصن
غيث: لا غصانها قوية وكمان كبيرة ..يلا تعالي
ياسمينة:متأكد
غيث :اي يلا ..
طلعو عليها تنيناتن .. وقعدت ياسمينة على غصن كبير وتخين وغيث قعد حدا
غيث :ياسمينة ممكن طلب
ياسمينة : اكيد
بدي نام على رجليكي وانتي تلعبيلي بشعراتي
ياسمينة بأستغراب :شو هالطلب الغريب
غيث :ما نحنا اصدقاء
ياسمينة :اي بس
غيث :بس شوو .. مامبارح نيمتيني علي رجليكي
ياسمينة :طيب ليش
غيث :مابعرف .. بس بكون مبسوط لما بتدلليني
ياسمنية :طيب نام
حط راسو على رجليها ومد رجليه على الغصن نفسو يلي قاعدين عليه كانت العصافير عم تمرق من فوق روسن وتزقزق ونسمات الهوا عم تدابع ورقات الشجر وفي نسمة عليل عم تنعش صدورن بهل الجو الحارق
غيث وهو شارد بالسما :ياسمينة
ياسمينة كمان كانت شاردة بالمناظر يلي قداما :نعم
غيث :ليش كنتي تبكي علي مبارح
ياسمينة تلبكت وقالت خفت عليك
غيث : عنجد خفتي علي
ياسمينة :اي والله
غيث :تقاتلت مع لبنى
ياسمينة حست حالا من جوا فرحت :ليش
غيث :مابعرف حاسس حالي ماعم افهم عليها
ياسمينة : اي وشوبدك تعمل
غيث :قرار الانفصال كل يوم عم يكبر براسي اكتر
ياسمينة: غيث لاتغلط
غيث : والله مابعرف اذا عم اغلط ولا لأ
ياسمينة : طيب شو عم يقلك قلبك
اتطلع فيها وهية اتطلعت فيه .. صفن شوي بعيونا وقال :مابعرف ..
ياسمينة :والله مابعرف بالنهاي هاد قرارك
غيث :هلأ لبنى حلوة وبنت عالم وناس ومية شب بيتمناها وبصراحة مارح لاقي متلا بس لو مابتنق كتير وبتتطلب كتير
حست حالا عم تغار من لبنى وكيف عم يحكي عنها غيث
ياسمينة :هي شغلات بسيطة وبتحلوها بين بعضكن بعد الزواج
غيث :هيك قولتك
ياسمينة : اي
غيث : بتعرفي ياسمينة انا لما بكون معك بنسا العالم وما فيه .. بتعرفي حاسس حالي بعرفك من زمان .. انا من زمان كنت بحاجة لصديقة متلك انتي يلي بتفهميني .. انتي يلي اول مابصير معي شي بحب احكيلك اياه الك واشكيلك همي ...ما ضروري تعطيني حل المهم تسمعيني ...
ابتسمت وهية عم تمسحلو ع شعرو .. بس من جوا في شي مدايقا ياترى شو هو
غيث :انا بحبك ياسمينة
تجمدت كل حواسا وحست قلبا صار يدق بسرعة اتطلعت بعيونو
غيث :بحبك يا اغلا رفيقة بالدني .. انت بمثابة اختي وحتى اغلا
ضلت ساكتة بس ماعم تعرف تفسر الحواس يلي جواتا .. ليش قلبا نفض اول ما قلا انا بحبك وانقهرت وقت قلا بحبك يارفيقتي .. اسئلة كتير شاغلة بالا ..
مشاعر ملخبطة ..
تجلس غيث وقعد حدا
غيث :اتأخر الوقت يلا نروح
ياسمينة :ايه .. يلا
قامو وراحو وقضو النهار سوا شوا المشاوي وراحو ع حديقة الحيوان وطعمو الحيونات .. وغيث وياسمينة ماكانو يفارقو بعض وكانت البسمة ماعم تفارق وجهوهن وهنن مع بعض ..
رجعو ع المخيم
غيث :يلا معكن نص ساعة اذا بتحبو تبدلو تيابكن .. لبين ما نشعل النار .
مشت ياسمينة معن
غيث :ياسمينة ع وين
ياسمينة :بدل تيابي وراجعة
غيث :لا تطولي
ابتسمت ابتسامة وقالت:ثواني ..
مشت اتجاه خيمتا .. بس وقفا عصام
عصام : شكلك كتير مبسوطة
ياسمينة :وليش لحتى ما انبسط
عصام : اي صح ليش لحتى ماتنبسطي وانتي مع غيث
ياسمينة :عصام شو قصدك
عصام : لك يابنت انتي عشقانة
ياسمينة : لك حاج تخبيص
عصام : هههه تخبيص المشكلة انتي كلشي فيكي حبو بس لحد هلأ قلبك ما اعترف بتعرفي ليش .. لانك مانك مجربة الحب وكمان لانك معتبرة الشعور يلي عم تحسيه تجاه غيث شعور صداقة بس هو مانو هيك .. هي انا صديقك بتحسي تجاهي نفس الاحساس مع غيث .. مع انو بحس انا وانتي مقربين من بعض اكتر منك انت وغيث كأصدقاء يعني ..
ياسمينة : .....
عصام : انا ماني عم حاسبك او لومك .. بس عم وضحلك المرحلة يلي عم تمري فيها
ياسمينة : يعني انا حابة ؟؟
عصام : اي
ياسمينة : يمكن صح متل ماعم تقول .. بس شو لازم اعمل .. كيف فيني حافظ على هالشعور بدون مابحس غيث
عصام : شووو ؟؟
ياسمينة : اي بدون مايحس .. مابعرف كيف حبيتو بس هالشي غلط والشعور يلي جواتي كتير حلو ..مابدي اخسر الشعور يلي جواتي ومابدي غيث
عصام : كيف هيك
ياسمينة : شو نسيت انو خاطب .. وكمان هو اكيد مابحبني هو بيعتبرني صديقتو وبس .. ومستحيل يفكر فيني كحبيبة
تركتو ومشت
عصام :الله يكون بعونك يا ياسمينة
فاتت ع الخيمة وبلشت تبدل تيابا بس في جواتا نار وشاعلة .. كيف هيك ..كيف حبت .. كيف عملت .. كيف ماقدرت سيطر على مشاعري .. بس خلص هالشي رح يضل جواتي ورح حاول انساك ياغيث وبدون ماتحس .. رح بعد عنك .. انا صديقتك وبس .. سامحني بس والله شي خارج ع السيطرة
تجمعو كلن حوالي النار وبشلو يغنو .. ويرقصو .. كانت عم تتأملو وماتشيل عيونا عنو يمكن لانها عرفت انها حاببتو .. عم تتأملو كيف عم يضحك ويغني وضو النار ضاوي ع وجهو وعيونو العسلية عم تعكس ألسنة النارالمتوهجة ..
وبلشو يلعبو لعبة وهية انو كل شخص بفكر بشخص بدخلو وبيختار غنية عشوائية من مجموعة من اسماء اغناي مكتوبين ع ورق ع شكل قرعة وبشرط يغني الغنية بصوتو
غيث :اول شخص ياسمينة
ياسمينة :انا ..لا لا خليني للأخير
الكل :ياسمينة ... ياسمينة
ياسمينة طيب .. طيب
غيث :يلا فكري بشخص
اتطلعت بعيونو وقالت فكرت
غيت :يلا مدي ايدك واختاري غنية
مدت ايدا وسحبة ورقة
وكانت الغنية لنانسي عجرم (عم بتعلق فيك شوية )
الكل :حلوووو ...
عصام :يلا ام السوس غني
ياسمينة: بس ماني حافظتا زيادة
غيث :رح طلع الكلمات من النت ..
طلع كلمات الغنية من النت وعطا التلفون لياسمينة لحتى تبلش غني
ياسمينة :احمم .. احمم...عم بتعلق فيك شويّ شويّ، وعم حس بحنية
ولا مرّة حسيتها بعمري اللي عشته انا
قلي انك حاسس فيي، وشايف شو بيحكوا عينيي
لما بتمرق حدّي وبرجف قدامك انا

انا عم بلّش حبّك، انا لما بشوفك بتلبّك
مع انك بتضلّك ساكت، قلبي عم يسمعك
انا عم حبّك هلق، انا بعيونك عم بتعلّق
بالإيام اللي جايي حدّي عم بقشعك

كلّن عم يحكوني، كلّ شويّ بيسألوني
شو تغيّر فيي وشو صارلي، عنن عم بختفي
شو بقلّن؟ عشقانة بقلّن، بعيونك غرقانة بقلّن
على قلبك هربانة، تركني اتخبّى فيه

انا عم بلش حبّك، انا لما بشوفك بتلبّك
مع انك بتضلّك ساكت، قلبي عم يسمعك
انا عم حبّك هلق، انا بعيونك عم بتعلّق
بالأيام اللي جايي حدّي عم بقشعك

غنتا بكل احساس وكانت عم تعني بكل كلمة غيث ..
الكل كان سارح بصوتا يلي بجنن والاحساس الرائع يمكن لانو احساس صادق
الكل : وااااااوو
غيث :صوتك بجنن .. ليش مابتغني
ياسمينة :ههه عم غني
غيث :قصدي ليش ما بتنمي موهبتك عنجد عليكي صوت بياخد العقل
ياسمينة : مازيادةبحب الغني
عصام :الله على هالصوت الحلو بدك تغنيلنا غنية تانية ولا شو شباب
الكل :اي .. اي
ياسمينة :لا خلص
غيث :ليش بينشبع من صوتك .. يلا غنية تانية كرمالي
ابتسمت ووافقت لانها مارح تقدر ترفضلو طلب وخصوصا قال كرمالي ❤

يتبع.........

تعليقات

المشاركات الشائعة من هذه المدونة

قلبي الصغير لا يتحمل الجزء الاول

#قلبي_الصغير_لايتحمل (واقعية) #بقلم_مريم_اليوسف #الجزء_الاول القصة من عام ٢٠١٢ .. بداية الحرب بسوريا اسمي مروة عمري كان ١٦ سنة عم ادرس بصف العاشر بصراحة وبدون مبالغة انا كنت حلوة كتير وملفتة كتير للنظر وجسمي كان معبا ونص بنات ضيعتنا كانو يغارو مني ... وبسبب هالشي اهلي كانو كتير يشددو علي .. بس شوبدي اعمل هيك الله خالقني حلوه 😊😊😊.... نحنا كنا عايشين بضيعة من ضيع حمص الجنوبية يعني على الحدود اللبنانية ... وببداية الاحداث صار عنا الوضع فلتان متل كل مين ايدو الو .. وكل واحد صار يعمل دولة لحالو .. لانو مافي نظام والامن والجيش كان ملتهي بالمدن لانو الاحداث كانت ولعانة اكتر شي بالمدن .. والضيع يلي متل ضيعتنا ماكن حدا داير عليها ... يعني صارت ضيعتنا متل مسلسل الهيبة 😂😂😂 ... وانتشرت كتير بضيعتنا شغلة التهريب ... بس للامانة حرام بس كانو يهربو مازوت ...وكان كل يوم يمرق من ضيعتنا حوالي ١٠٠ سيارة ... سيارات كبيرة وفيها خزانات كبيرة وكانو ينقلو فيها مازوت من سوريا للبنان ... تعو لاحكيلكم شوي عن اهلي ... اهلي من النوع يلي بيمشو الحيط الحيط ويارب السترة .. كانت عندي اخين شباب وانا واخت...

قلبي الصغير لايتحمل الجزء التاني

#قلبي_الصفير_لايتحمل(واقعية) #بقلم_اليوسف #الجزء_الثاني اجو اهلي من الشغل وانا كنت قاعدة على تختي وماسكة كتابي وعم هز لقدام ولورا بس علقي ابدا مانو بالكتاب ... صارت اختي فاطمة تسألني انو شبني وانا ماكنت رد .. تاني يوم رحت ع المدرسة وكنت حاول اسرع بالمشي وكان راسي بالارض مشان ماشوف حدا ... مرق يومي عادي بالمدرسة ...وانا راجعة ع البيت كنت ماشية لحالي وعم حاول اسرع مشان ماشوف يلي مابيتسمى ... ولما وصلت من مدخل حارتنا بلشت السيارات تمر ... انا رجعت لورا لبين مايمرقو ... بس يوما اخواتي ماكانو من هي الدفعة .. وبلشو يمرقو سيارة ورا التاني ... طبعا انة منزلة راسي مشان ماشوف حدا ... بس سمعت حدا من السيارات الاخيرة صفر صفرة كبييرة وقال بصووت عاالي ريييتو يكفني يلي جاي المدرسة ... والسيارات كانت ماشية بهدوء يعني الكل سمعوه وانا ماسترجيت ارفع راسي ولا رد عليه .. ماسمعت غيير صووت زمورر جاي من ورا السيارات يعني الصوت معد وقف ... ماشفت غير السيارات كلن وقفوا .. انا قلت شو عم يصير معن هدول .. فجأة ظهر صهيب من ورا السيارات .. وكان عم يزورني .. انا هون هبط قلبي وفكرت جاي لعندي .. بس قطعني ومشي ك...

قلبي الصغير لايتحمل الجزء الرابع

#قلبي_الصغير_لايتحمل(واقعية) #بقلم_مريم_اليوسف #الجزء_الرابع بلشنا شغل وبتجهيز الفطور واجت ليلى وولادا وسلفتي ميس وولادا .. قامت حماتي وبلشت تبويس بميس وبولادا حماتي : يا اهلين بالغالية .. اهلين بأميرة هالعيلة .. حسيتا عم تجاكرني ... بس انا ماعملت اي ردة فعل بس من جواي مقهورة كتير .. وكنت متأكدة رح موت قهر بهل البيت ميس : اي مرت عمي شو ساعدكن حماتي : والله مابتمدي ايدك علي شي .. بس تعالي قعدي قبالي خليني شوف هالوجه الحلو يلي مشتاقتلو ميس : تسلميلي يا حماتي على هالحكيات الحلوين ميس حسيتا عم تطلع علي بقهر مبين انها غيرانة مني يمكن لاني احلا منا ميس : اي كيفك ياعروستنا مروة : الحمد لله ميس : قلك شي بس ما تزعلي مروة : قولي ميس : بصراحة تيابك كتير مشرشحين وماحلوين .. هيك تياب مابتلبسن عروس كلن قصدن يجرحوني بالحكي وبصراحة تلبكت وماعرفت شو رد .. قام نطت حماتي وقالت : اي شو مفكرة كل الناس متلك بتعرف تلبس .. انا كنت لابسة بجامة قديمة شوي من تيابي القداما ليلى: لا مروة زوقا كتير حلو بالتياب بس لاتنسو انو ماجهزت شي وهدول التياب عندا اياهن من زمان ... ميس تحكي بمياعة : ومين ض...