#قلبي_الصغير_لايتحمل(واقعية)
#بقلم_مريم_اليوسف
#الجزء_الرابع
بلشنا شغل وبتجهيز الفطور واجت ليلى وولادا وسلفتي ميس وولادا ..
قامت حماتي وبلشت تبويس بميس وبولادا
حماتي : يا اهلين بالغالية .. اهلين بأميرة هالعيلة ..
حسيتا عم تجاكرني ... بس انا ماعملت اي ردة فعل بس من جواي مقهورة كتير .. وكنت متأكدة رح موت قهر بهل البيت
ميس : اي مرت عمي شو ساعدكن
حماتي : والله مابتمدي ايدك علي شي .. بس تعالي قعدي قبالي خليني شوف هالوجه الحلو يلي مشتاقتلو
ميس : تسلميلي يا حماتي على هالحكيات الحلوين
ميس حسيتا عم تطلع علي بقهر مبين انها غيرانة مني يمكن لاني احلا منا
ميس : اي كيفك ياعروستنا
مروة : الحمد لله
ميس : قلك شي بس ما تزعلي
مروة : قولي
ميس : بصراحة تيابك كتير مشرشحين وماحلوين .. هيك تياب مابتلبسن عروس
كلن قصدن يجرحوني بالحكي وبصراحة تلبكت وماعرفت شو رد .. قام نطت حماتي وقالت : اي شو مفكرة كل الناس متلك بتعرف تلبس ..
انا كنت لابسة بجامة قديمة شوي من تيابي القداما
ليلى: لا مروة زوقا كتير حلو بالتياب بس لاتنسو انو ماجهزت شي وهدول التياب عندا اياهن من زمان ...
ميس تحكي بمياعة : ومين ضربا ع ايدا وقلا تهرب ماكانت وصلت حالا لهون
بصراحة انا معد استحملت حكين تركتن قمت رحت ع الحمام وصرت ابكي .. اصلا الشي الوحيد يلي كنت اقدر اعملو هو البكي واوقات حتى البكي كان ممنوع
وانا عم ابكي بالحمام اجت لعندي ليلى
ليلى : وليش عم تبكي
مروة: ما سمعتيها كيف عم تلطشني حكي
ليلى : والله لانها غيرانة منك .. يلا مسحي دموعك وتعي معي .. وشو ما حكوكي لاتردي
مسحت دموعي ورحت معا
ميس : والله لو بعرفك حساسة لهل الدرجة ماكنت حكيت معك
ماريت
ونحنا عم نحط الفطور ع السفره .. فات علينا صهيب
صهيب : انا عم قول شو هالضجة
ليلى : زعجناك ماهيك
صهيب : انتو لأ بس ولادكن اي
ليلى : لا تواخذنا
صهيب : مامشكلة ويلا منيح يلي فقت مشان افطر معكن
حماتي : اي والله بتنورنا ...
خلصنا حط الفطور واجا عمي ومعاذ يفطرو .. انا اخر الشي جبلتن الخبز وقلتلا لحماتي : بدكن شي مرت عمو
حماتي بدون نفس : لا
لفيت ضهري وطلعت ... لحقتني ليلى
ليلى : ليش ماعم تاكلي
احترت شو بدي قلا .. قلا انو محدا بقلي تعي كلي قلتا : ماني جوعانة
ليلى : كيف هيك ... وبعدين انتي ليش كل هالقد ضعفانة
مروة : لا ماني ضعفانة ولا شي يمكن لانك صرلك زمان ماشفتيني
ليلى : يمكن .. بس هلأ يلا تعالي ناكل
مروة : خلص تركيني روحي كلي ماني جوعانة
ليلى : طيب ع راحتك
تركتني وراحت تفطر مع اهلا .. وصرت فكر انو صهيب متفق مع امو انو مايخلوني اكل ..
خلصو فطور وطبعا انا جليت وضبيت كلشي وهنن قاعدين ... وع الغدا وصوا على لحم بعجين ..
كمان ع الغدا فرشو السفرة وقعدو ياكلو ... رحت انا ع المطبخ .. سمعت صهيب عم يندهلي
مروة : اي قلي بدك شي
صهيب : ليش ماعم تاكلي معنا ولا مانا من قد المقام انسة مروة
ماعرفت شو رد عليه .. وضليت ساكتة
صهيب : عم احكي معك ليش ماعم تردي
معاذ : ماليكون في حدا يقلا تعي كلي .. كل مانحط الاكل امك بتبعتا تشتغل شي شغلة وبتقول هلأ بتاكل مع جوزا .. وحضرتك بتجي بتاكل ولا بتسأل عنها اذا اكلت او لأ ... ويوم يلي مابتكون فيه انت بالبيت بتسكب الاكل لاجيران .. بصراحة انا ملاحظ هالشي من اول يوم فاتت عليه بس ماعم احكي لانو محدا بهمو امرا ..
حماتي : انا بفرجيك ياحقير
معاذ : انا ماكنت بدي احكي .. بس صهيب عم يسألا ليش ماعم تعقد ليش هية بتسترجي تقعد ..
ترك الاكل وقام
ليلى : ماما عنجد هيك
حماتي : لا موهيك كل الاكل قداما مين مانعا تاكل
عمي : ليش مابتاكل معك
صهيب : لا
عمي : هيك بتعملي يا ام سليمان .. ماحرام عليكي ..
حماتي : شو هلأ حطيتو كل الحق علي .. ما الاكل كلو قداما ماتنقبر وتاكل ... وانتي ياحية عاملة حالك درويشة
مروة : انا ماطلبت منكن شي واصلا ماحكيت شي ... وكمان ماني جوعانة كلو صحتين وهنا ..
وهية اول مرة برد بوجهن
صهيب : خلص حصل خير .. مروة تعالي قعدي كلي
مروة : لا صحة ماني جوعانة
صهيب : انا قلت تعي كلي ولاتخليني عيد كلامي
قربت من خوفي من صهيب .. واول ما قعدت حماتي برمت بوزا وتركت السفرة وقامت ..
صهيب : يلا كلي .. انا قايم راضيها
اصلا بعد هالشي اللقمة معد تنزل ... قام راح راضها وجابا ..
صهيب : خلصونا كلو متنا من الجوع .. يلا ست الكل السفرة ماحلوة بدونك .. وحط ايدو ع رجلي مشان اكل
اكلت اول صفيحاي حسيت مرت عمي عم تزورني .. صرت اكلها شوي شوي .. بس انا كان تفكيري عند صهيب من وين اجتو هالحنية علي ..
خلصنا غدا وانا كنت اكلي ٢ فقط .. صهيب لبس وراح ع شغلو وميس راحت كمان ضلت ليلى
ليلى : مروة انا رايحة بدك مني شي
مروة : اي بدي حرام
ليلى : ليش الحرام
مروة : بصراحة انا عم نام ع الارض وبالغرفة عند صهيب مافي غير حرام واحد
ليلى : ليييش عم تنامي ع الارض
مروة : صهيب قال ماعم ياخد راحتو ع التخت
ليلى : لا هاد جن ع الخالص انا رح احكي معو
مروة : لا مشان الله لاتجيبلو سيرة بس عطيني حرام انتي وماعليكي وماعم استرجي اطلب من امك
ليلى : يلا رح جبلك من غرفتي بدون ماتنتبه امي .. بس انا رح احكي مع صهيب مشان ننزل انا واياكي ع السوق نشتريلي شوية تياب
مروة : مافي داعي
ليلى : شو مافي داعي انتي عروس
مروة : اذا وافق
ليلى : معو ع كيفو ... يلا انا رح جبلك الحرام وروح
...................
عند العصر ..
طلعت من الحمام .. وانا خجلانة .. هاد الشي ماكنت حاسبة حسابو ... وهية دورتي الشهرية ... رحت لعند مرت عمي مشان اطلب منها تجبلي محارم نسائية ... بس كان التوقيت ابدا مانو مناسب لانها كانت حاقدة علي من الضهر
مروة : مرت عمي بدي محارم نسائية
حماتي : ليش
مروة : مرت عمي فهمك كفاي
حماتي : وجاي تطلبي مني وبكل عين وقحة بعد الشي يلي عملتيه معي الضهر
مروة : بس والله انا ماحكيت شي هاد معاذ
حماتي : اي روحي انقبري ماني جابيتلك شي
مروة : كيف يعني ... مافيني ضل هيك
حماتي : تصطفلي دبري حالك ... وكمان عدورنا ماكن في محارم ولا بطيخ .. روحي استخدمي شي خرقة
رحت ع غرفتي وانا عم ابكي ... لك وصلت لعلبة المحارم ... قعدت ابكي وفكر شو اعمل ... ومالقيت حل الا قوم واعمل متل ماقالتلي .. قمت قصيت شقفت قماشة من كنزة قديمة لالي ...
بس ماكنت مرتاحة ابدا وكل شوي فوت ع الحمام وغيرا .. وقررت لحتى يجي صهيب قلو لانو هو زوجي ومجبور يشتريلي اجا عند المغرب ..
بدل تيابو مشان ينام شي ساعة قبل ما يروح ع الشغل
مروة : صهيب بدي اطلب منك طلب
صهيب : نعم .. نعم .. ومن ايمت بتطلبي انتي
مروة : والله متطرة عليها
صهيب : شو هي
مروة : علبة محارم نسائية
صهيب : تضربي انتي وهالشغلة .. وانا شو عرفني بهيك شغلات روحي قولي لامي تجبلك.. العما بقلبك شو بهيمة... شايفتني جاي تعبان وبدي نام عم تطلب وكمان شغلات انا مابفهم فيها .. روحي من خلقتي الله ينزع مساكي
طلعت وانا مجروحة ومكسورة ... ورحت ع المطبخ وصرت ابكي ...وقلت بقلبي خلص معد بدي شي يضربو هنن واياها كل هالمصاري يلي معن وبخلو علي بعلبة محارم حقا خمسين ليرة
فاق بعد ساعة صهيب وراح ع شغلو .. واول ما راح .. رحت مديت فرشتي وحرامي وتمددت لحتى نام .. بس ماكنت مرتاحة ابدا وكنت كل شوي فوت ع الحمام .. حسيت عليه لما اجا ع الساعة وحدة ... وامنت عليه لحتى نام قمت رحت ع الحمام شوي شوي مشان مايحس وكل خمس دقايق روح .. ويمكن هو حس علي طالعة فايتة
تجلس وصرخ فيني : شبك طالعة فايتة ماعم تخلي حدا ينام
مروة : خلص اسفة معد ازعجك
صهيب : عوين عم تطلعي
مروة : ع الحمام
صهيب : وشو عم تعملي بالحمام
خجلت ومارديت
صهيب : عم اسألك ردي
مروة : عم غير القماشة كل شوي مشان ضل نضيفة
صهيب : ليش ماطلبتي من امي تجلبك علبة محارم
مروة : مارضت تجبلي .. وانت كمان مارضيت .. وانا شو اعمل بحالي يعني وصرت ابكي
حسيتو انقهر علي .. بس ماطالع بأيدو يعمل شي ..
صهيب : نامي هلأ وبكرا انا بتصرف
مروة : اي
نمت وانا عم ابكي .. وعم قول بقلبي شقدكن ظالمين .. شلون بدكن تواجهو ربكن ...
................
فقت الصبح وكالعادة بلشت بشغل البيت .. وانا بالمطبخ سمعت صوت باب غرفتي تسكر .. رحت مالقيت صهيب
مروة : مالو بالعادة يفيق بكير .. ابصر وين راح
بعد شوي رجع وفات ع الغرفة ..
رحت لعندو قلتلو جهزلك الفطور
صهيب : لا رايح مشوار .. تركني وطلع
وشفت كيس اسود محطوط على الكومانيدا .. وعرفت انها علبة محارم.. بس ماقربت عليه لانو مابدي منون شي
الكل فاق وحضرنا الفطور
حماتي : تعي كلي لاتعمليلي مشاكل مع صهيب
مروة : ماني جوعانة صحة
حماتي : ماعلى كيفك تعي
قعدت اكلت شوي وقمت
.............
حماتي :مروة ... يا مروة
مروة : اي مرت عمي
حماتي : انا رايحة جيب شوي غراض للبيت .. انتبهي ع البيت
مروة : حاضر
طلعت وراحت .. حسيت هم وانزاح عن قلبي لانو طلعت من البيت .. مشان حس شوي بالحرية
فجأة صار يندق الباب
مروة : اكيد بتكون نست شي ..بس انا مابقدر افتحلا ... اي معاذ هون رح قلو يفتح الباب
رحت ع غرفة معاذ كان عم يدرس
مروة : معاذ الباب عم يندق قوم فتحو .. كنت فتحتو انا بس
معاذ : لا تكملي بعرف .. يلا قايم افتحو ..
طلع وانا صفنت بكتبو يلي كان عم يدرس فيها والغصة بقلبي
سمعت عم يقول : اي موجودة تفضلي
طلعت وكانت اختي فاطمة .. بصراحة ماكنت طايقة شوف حدا .. وكمان هي اول مرة بشوف حدا من اهلي بعد ما فتت عهاد البيت
فاطمة : شو مافي تفضلي
مروة : لا اكيد تفضلي ..
دخلتا ع غرفتي ....وانا عم اتعامل معا ببرود
فاطمة : شبك مروة
مروة : لا ماشبني شي
فاطمة : كيفك
مروة : من الله بخير
فاطمة : ليش هيك ضفانة كتير ووجهك شاحب
مروة : كيف خطرت عبالك
فاطمة : بصراحة صهيب مع اخواتك وانا كنت نازلة اشتري غراض من السوبر ماركت شفت حماتك طالعة قلت بجي وبشوفك
مروة : يعني محدا بعتك .. ولولا الصدفة ما بتجي
ماردت
مروة : اي كيفن اهلك
فاطمة: قصدك اهلك
مروة : انا ماعندي اهل
فاطمة : ليش هيك عم تحكي
مروة : هاي هية مصلحتي يلي بدن اياها .. وهاد هو يلي رح يسعدني ..
فاطمة : لاتنسي شو عملتي حضرتك
مروة : لك شوووو عملت .. شو هالذنب العظيم يلي ارتكبتو ... ااااه ... مشااان الله ... انا مابفهم فهميني شو عملت .. هربت .. بس رجعت وماكنت مع حدا كنت عند رفيقتي وكلكن عرفتو وين كنت ... شو هالذنب يلي ارتكبتو لحتى اهلي ماعم يحكوني ولا عم يسألو عني .. شو هالذنب يلي بسببو عايشة متل الخدامة .. شو هالذنب يلي بسببو عم نام ميتة من الجوع ... شو هالذنب يلي عم نام فيه ع الارض وعم موت من البرد ... " نزلو دموعي " . شو هالذنب يلي الكل عم يهيني ويسمعني كلام طالع نازل وانا مابسترجي رد ع حدا ... شو هالذنب مشااان الله قوليلي شو هالذنب
فاطمة صارت تبكي معي .. وقامت ضمتني .. ضميتا وانا وصرت ابكي على صدرا كنت محتاجة حدا اشكيلو كلشي بقلبي ويحس فيني ... كنت محتاجة حضن حنون ارمي عليه كل تعبي وحزني
فاطمة : مشان الله حاج .. حاج
مروة : انتي توجعتي بس ع الحكي ... لكن انا شو كمية الوجع يلي حاملتا بقلبي
فاطمة : ياحبيبتي انتي ... ياعمري .. سامحيني
مروة: انتي ماعملتي شي .. ماني زعلامة منك
فاطمة : خلص طولي بالك
مروة : تعبانة .. تعبااانة
فاطمة : والله بعرف .. والله بعرف
مروة : لك حتى علبة محارم نسائية بخلو علي فيها ..
فاطمة : كيف هيك
مروة : انا بالدورة ... وطلبت من مرت عمي بهدلتني وقال مافي وروحي حطي شي خرقة .. وطلبت من صهيب كمان بهدلني وقال هو شو فهمو بهيك شغلات وروح اطلب من امو
فاطمة : خلص انا هلأ بجبلك وحدة
مروة : اي الله يخليكي .. مابدي منن شي
فاطمة : انا رح احكي لاهلك كلشي
مروة : ودخلك شو بدو يطلع معن
فاطمة : لازم يعرفو بنتن شو عم تعاني
مروة : اي وقوليلن انو مروة زعلانة منكن ومانها مسامحتكن خليهن يحسو بالذنب
فاطمة : المهم انتي انتبهي على حالك .. انا مافيني اتأخر رح جبلك علبة المحارم واجي بسرعة
هزيت براسي
مسحت دموعا ... وودعتني وطلعت .. بعد خمس دقايق اجت عطتني كيس من الباب وراحت فتحت الكيس كان فيه اكلات طيبة من شيبس وبسكوت وعصير وبمبون ..مع علبة المحارم
يا الله شوفرحت لما شفت الاكلات الطيبة وكأنو صرلي شي مية سنة ماني اكلة منها وشو كنت مشتهيتا .. اخدتن ع غرفتي وبلشت اكل متل المفجوعة .. عنجد حسيت حالي طفلة عمر ٧ سنين .. بعد شوي سمعت باب الدار انفتح وكانت حماتي .. خبيت الاكلات وقمت لحتى شوف اذا بدا شي ...
حماتي : خدي انقبري
مروة : شو هاد
حماتي : يلي طلبتيها مبارح
مروة : يسلمو بس مابدي .. اختي اجت وانا طلبت منها وجابتلي وحدة
حماتي انقهرت : ماعيب عليكي تطلبي من اختك
مروة: شو بدي اعمل اذا انتو ماجبتولي شو بسلكن ايدكن .. انا كنت عم دبر حالي ولما اجت طلبت منها
حماتي : شو بدن يحكو اهلك علينا
مروة : مارح يحكو شي اطمني
حماتي : وشو حكيتي انت واختك
مروة : بظن هي شغلات خاصة بيني وبين اختي
حماتي : طولان لسانك وصايرة عم تردي بوجهي ياشرنة
مروة : انا ماحكيت شي غلط
حماتي: اي هلأ بدي فرجيكي شو هو الغلط .. ماشفتا غير هجمت علي وبلشت تضربني ومسكتلي شعري من فوق الحجاب وصارت تاخدني وتجيني وانا ابكي وحاول افلت منها ...
مروة : مشااان الله يامرت عمي عم توجعني
حماتي : لسه بدي اقبرك يا كلبة ياحيوانة ... كان ع جنب في مكنسة قش .. مسكتا وصارت تضربني فيها .. طلع معاذ على صوتنا وفكني منها
معاذ : ماما ليش عم تضرييها
حماتي : مادخلك انت فيها روح انقلع ع غرفتك
انا هربت ع غرفتي وقفلت على حالي وصرت ابكي ..
مروة : ياربي ليش انا مكتوب علي التعتير .. ومابيلبقلي الفرح .. يمكن لانو فرحت بالاكلات الطيبة ماكملت معي واكلت قتلة .. اجت الحزينة لتفرح مالقت لحالا مطرح ..
ااااخ يا جسمي .. الله يكسرلك هالايدين ... ياربي مانك شايفن يارب مالي غيرك تاخدلي حقي .. مافي غير انت عم تسمعني ....
ضليت حابسة حالي بالغرفة للمسا وانا عم ابكي .. اجا صهيب بدو يفتح الباب ما انفتح معو .. صار يدق
قمت فتحتلو
صهيب : ليش قافلة على حالك الباب .. وليش هيك شكلك
مروة : مافي شي
صهيب : عم اسألك انقبري ردي
مروة : امك ضربتني
صهيب: ليش
مروة : مابعرف ...بس يمكن كانت مقهورة واجت تفششت فيني
صهيب : اكيد انتي عاملة شي شغلة
مروة : اليوم اجت فاطمة لعندي
صهيب : اي
مروة : وانا طلبت منها تجلبي علبة محارم
صهيب : ليش لتطلبي منها ..وهي يلي جبتلك اياها
انا قصد ماقربت عليها وعملت حالي مامعي خبر
مروة : وينا ماشفت شي
اشرلي على الكوماندينا وقلي هديك يلي بالكيس
مروة : ماشفتا .. وفكرت الكيس فيه شي الك وماقربت عليه
صهيب : لكن بتستاهلي الضرب ... بس ماعرفت شو هو السبب
مروة : عم تسألني شو حكينا انا واختي .. وانا ماقلتلا
صهيب : طيب روحي حضريلي العشا ..
مروة : حاضر
رحت واناعم دور ع حماتي بعيوني خايفة تشوفني وترجع تضربني مرة تانية .. حضرت الاكل بسرعة وجبتو لصهيب
صهيب : تعي كلي
مروة: ماني جوانة .. صحة
صهيب : ماني عم اسألك عم اأمرك
جيت قعدت مقبالو ... وصرت اكل متل نقد العصفور .. بصراحة انا ماكنت جوعانة كنت متقلة من الاكلات الطيبة 😅😅
حسيتو عم يتطلع علي بس انا كنت منزلة راسي .. اصلا ماني طايقة اتطلع بوجهو ...
خلصنا اكل ... وانا قمت وديتو على المطبخ ورجعت بسرعة .. واصلا كان كل جسمي عم يوجعني من القتلة مالي نفس اجلي او اشتغل اي شغلة
فتحت الخزانة طلعت فرشتي وحرامي ومديتن ع الارض مشان نام ..
صهيب : بدك تنامي من هلأ ..
تمددت وبرمتلو ضهري وقلتلو تعبانة وجسمي كلو عم يوجعني من ورا ادين امك
ودغري نمت ..
حسيت ع الساعة ستة الصبح .. جيت بدي قوم بس ماقدرت جسمي كلو عم يوجعني .. وحسيت الدنيا عم تفتل فيني .. رجعت حطيت راسي ع المخدة وصرت حاول حرك ادي او اجري .. حسيت الاعصاب فارطة وهاد الشي ما اول مرة بصيبني .. وعرفت فورا انو انا مكربة ... وانا كريبي كتير كره وماعندي مناعة لانو وانا صغيرة كنت ضل مريضة وقد ماكانو يعطوني ادوية ماضل عندي مناعة .. وكل فترة بمرض متل هالمرضة ومابصح الا لما روح ع المشفى .. رجعت غفيت .. حسيت بعد شي ساعتين .. حدا عم ينكعني برجلو .. فتحت عيوني غصب وكانت حماتي
حماتي : والله نومك ضحاوي ... قومي وليه .. قومي احسن اقبرك بأرضك ... قمت غصب وكنت بردانة كتير وحرارتي يمكن فوق ٤٠ .. رحت معا ع المطبخ وانا عم اتسند ع الحيطان
مرت عمي : شبك وليه
مروة : مرضانة
حماتي : اي حاجتك دلال مافيكي شي متل الحصان ... يلا بسرعة جلي هالجليات مشان نحط فطور .. قربت من المجلى وانا نص واعية .. فتحت المي ومديت ايدي عليها حسيتا متل الكهربا يلي مشت بأعصابي ..
طلعت حماتي من المطبخ .. وبصراحة انا رجلي معد حملوني وراسي حاسستو قد الطبل ورقبتي عم توجعني كتير قعدت ع الكرسي وطبيت على الطاولة
رجعت فاتت حماتي
حماتي : لك شبك خلصينا قومي ..
ماكنت قدرانة حتى رد عليها
اجت بدا تسحبني من ايدي.. لقت ايدي سخنة .. حطت ايدا على راسي وحست بسخوتني .. راحت جابتلي حبة التهاب وحبة بنادول ...
حماتي : شربي هدول وبتصيري منيحة .. انا رح جهز الفطور .. بتكون دارت فيك الحبة ..
انا عرفانة انو مارح يمشي الحال .. رفعت راسي .. وضميت ادي على جسمي لانو كنت بردانة كتير ..
حماتي : قومي ع غرفتك .. ناقصني معلولين
قمت ع غرفتي تمددت بفرشتي .. وصهيب نايم مانو حاسس على شي ... وبلشت انا رج متل الغسالة ام جرنين لما الغسيل مايكون ظابط بالعصارة 😅 طبعا من البردية .. رجعت حماتي بعد شي ساعة كنت انا غفيانة ... فيقتني بهدوء طبعا مشان جناب صهيب ما ينزعج ..
حماتي : يلا قومي عنا شغل بلاوي
قمت معا انا غصب وحالتي كانت اسوء من قبل وقمت ما عم شوف شي .. وحرارتي يمكن صارت ٥٠ .. طلعت خطوتين برات الغرفة معد اقدر كمل نزلت ع الارض وضميت حالي
مروة : مشان الله ماقدرانة اعمل شي
حسيتا خافت علي .. وراحت تفيق صهيب .. انا هون حسيت عحالي قلبت وراسي عم يخبط بالارض ومعد حسيت على شي ..
............
فقت كنت بالمشفى .. معلق بأيدي كيس سيروم وحدي صهيب وحماتي
مروة : شو صار
حماتي : قلبتي بأرض الدرا ومعد صحيتي .. وجبناكي انا وصهيب لهون .. كانت حرارتك ٤٥
صهيب : الحمد لله عسلامتك
مروة : الله يسلمك .. شقد صرلي هون
صهيب : صرلك ساعتين ... انتي بعدك تعبانة
مروة : اي بس مو متل قبل
فات الدكتور ومعو ممرضة
الدكتور : لو سمحتو لبرا
طلعو واجا قعد حدي .. هاد الدكتور انا بعرفو وهو بيعرفني لانو عطول اهلي بيجيبوني لعندو .. وهو كتير حباب
الدكتور : شو مروة كيفك هلأ
مروة : منيحة دكتور
الدكتور : لك انا لما شفت جوزك حاملك وفايت تفاجئت وقلت اي والله هي مروة .. لك ايمت تزوجتي
مروة : رح يصرلي قريب الشهر
الدكتور : وعشو مستعجلة بعدك صغيرة
مارديت
الدكتور : حبيتيه
مروة : لا
الدكتور : اهلك ؟
مروة : اي
الدكتور : وعشو مستعجلبن اهلك ...في فاطمة اكبر منك
مروة : مابعرف
الدكتور : يلا نصيبك .. وكيفك على هالجازة
مروة : منيحة
الدكتور : هالمنيحة ماعجبتني
مروة : هههههه
الدكتور : والله اهلك بدن قتل ههههه ... بس مبين زوجك بحبك .. كان شكلو خايف عليكي .. وكمان مين مابدو يحب هالوجه الحلو ... يلا حطيلي ميزان الحرارة بتمك
حطيتو وكانت حرارتي ٣٨
الدكتور : منيح عم تنزل
مروة : بقدر اطلع ع البيت
الدكتور : لا هي الليلة بدك تضلي عنا ... يلا عسلامة
مروة : الله يسلمك
فات صهيب وحماتي
صهيب : شو طلع صوتك مع الدكتور
مروة : كنت عم تتسمع علينا
صهيب : لا بس سمعانك صوتك عم تحكي .. اي عن شو كنتو عم تحكو
مروة : هاد الدكتور اهلي بجيبوني عليه عطول وهو بيعرفني من لما كنت صغيرة
حماتي : ليش انتي بتمرضي عطول
مروة : اي لانو ماعندي مناعة .. يعني اذا رشحت بدي مشفى
حماتي برمت بوزا وقالت كمان معلولة
صهيب : امشي امي وصلك ع البيت
حماتي : ومين بدو يضل عندا
صهيب : انا برجع
مروة : مابدي حدا صرت احسن وهون في ممرضات اذا بدي شي بندهلن ... خلص روحو وارجعو الصبح انا رح نام
صهيب : يلا برجع بطمن عليكي بعد شي ساعة .. جبلك شي معي
مروة : لا شكرا
طلعو .. وانا مستغربة من تغيرن المفاجئ .. بس يمكن عم يعملو هيك لاني مريضة .. ولما ارجع ع البيت رح يرجعو يعاملوني متل قبل يعني ما اتأمل ع الفاضي انو تغيرو .. رجعت نمت لانو السيروم في مسكن ومنوم .. وماحسيت الا الصبح ع صوت الدكتور وصهيب
صهيب : مروة ... مروة .. قومي
فقت واتجلست
الدكتور : شو مروة كيفك هلأ
مروة : منيحة ..
الدكتور : عم يوجعك شي
مروة : لا
الدكتور : بسبب المسكن بس انتي لسه ماطبتي منيح .. بس رح خرجك
مروة : يعطيك العافية دكتور
الدكتور : الله يعافيكي .. والحمد لله ع سلامتك .. طلع وضلت الممرضة .. حطتلي سيروم جديد وحطتلي فيه ادوية
الممرضة : هاد مسكر بس بالبيت بتشغلوه .. وهي الروشتة بتجيبوها من الصيدلية
صهيب : ماشي .. شكرا الك
ساعدني صهيب لحتى قوم ومسك السيروم وساعدني لحتى اطلع بالسيارة .. وصلنا ع البيت وفوتني ع الغرفة كانت فرشتي بعدا بالارض .. قربت لحتى نام عليها .. بس صهيب قبل ما اقعد مسكني من ايدي وقعدني ع التخت
صهيب : نامي هون
مروة : لا خليني نام بفرشتي احسن .. لانو بدي قوم نام عليها المسا
صهيب : لا معد تنامي عليها لا هلأ ولا بعدين
مروة : وين بدي نام لكن
صهيب : ع هاد التخت
مروة : وانت
صهيب : جنبك
مروة : بس انا مابدي دايقك
صهيب : لا ما بتدايقني
يلا تسطحي لحتى شغلك السيروم
مروة : لا بدي قوم ع الحمام بالاول
صهيب : ساعدك
مروة : لا مافي داعي انا منيحة .. حملت السيروم وجيت بدي اطلع
صهيب : تعي فوتي ع هاد الحمام
مروة : وانت ..
صهيب : شبني انا .. خلص فوتي لهون .. وكمان بتصير تستخدميه عطول ..
فتت ع الحمام وانا مقهورة ليش هيك عم يعاملني بلطف ... انا مابدي هيك يعاملني وصير حسو انو منيح .. هو حقير وانا بكرهو كتير ... بكرهو وبكره كل عيلتو
طلعت وهو ساعدني لحتى تسطحت وشغلي السيروم
صهيب : رح جبلك شي تاكليه
مروة : مابدي شي
صهيب : ماعلى كيفك
راح جبلي صينة عليها مناقيش زعتر وجبنة وشاي
صهيب : يلا كلي
مروة : مين جايب مناقيش
صهيب : انا ..
مروة : بس عنجد ماني قدرانة
صهيب : مو على كيفك ... يلا
قعد حدي وصار يطعميني بأيدو
صهيب : يلا كلي هي من ايدي
اكلت منو ... وانا عم اكل انفتح الباب وكانو اهلي
حسيت انكب علي سطل مي باردة .. ويعني هلأ بفكرو انو كلشي حكيتو لفاطمة كذب .. والواضح انو صهيب عم يدللني ..
صهيب : اهلا .. اهلا عمي اهلا مرت عمي تفضلو .. تفضلو
قربت امي وبوستني وقرب ابي باسني من راسي
صهيب : هاتي الصينية عنك حبيبتي
حبيبتي 😱😱😳😳😳
اخدا وطلع .. وانا بقلبي عم قول والله عم يمثل والله 😭😭😭
امي : كيفك مروة
مروة : منيحة الحمد لله
ابي : شو يلي حكتو مبارح فاطمة .. كأنو عم تكذبي
مروة : لا ماني عم اكذب .. وليك فرشتي بعدا بالارض .. بس يمكن لاني مريضة عم يدللوني
وهاد صهيب واحد كذاب عمل هيك قدامكن وبس
امي : يعني مانك مبسوطة
مروة : بعمري مارح انبسط بهاد البيت ... وكمان كيف خطرت عبالكن لو مافتت ع المشفى مابتجو
ابي : ليش هيك عم تحكي معنا ... وكأنو مانك مبسوطة لانك شفتينا
مروة : لا ماني مبسوطة .. بتعرفو ليش فتت ع المشفى من القهر والزعل ونمت ماكلة قتلة غير شكل .. وكلو بسببكن
امي صار تبكي
مروة : ليش عم تبكي .. مو هاد يلي بدكن اياه
ابي : هاد انتي جبتيه لنفسك
مروة : ماجبت شي وانتو اصلا يلي ظلمتوني من لما بطلتوني من المدرسة وزوجتوني لابن هالحرام .. حتى لو ماهربت هي معاملتي ماكنت رح تتغير هون ... وعفكرة انا ماني مسامحتكن
ابي : طولان لسانك يابنت
صرت ابكي وقلتلو : ماعم تعيشو يلي عم عيشو .. انا قلبي محروق .. وعم احكي هيك من حرقة قلبي ... وانا تصلا ماني طالبة منكن شي .. روحو خلص انا نسيت انو عندي اهل
امي عم تبكي وتقول : مشان الله لاتحكي هيك ...
مروة : اذا بدكن سامحكن .. بتخلو صهيب يطلقني غير هيك بعمري مابسامحكن
ابي : وعمرك ماتسامحي .. خليكي هون مقبورة الله لا يقيمك وشو ماعملو فيكي مابقصرو ... امشي يامرى .. امشي
امي : مروة حبيبتي ...
ابي سحبا من ايدا وطلعو
شكلو يلي عم خطتتلو مارح يظبط .. عأساس كنت مفكرة استعطف اهلي ويطلقوني من صهيب بس قلوبن حجر ... بس انا مارح استسلم وبهل البيت مارح ضل ..
فات صهيب وقلي : شبن اهلك شو حكيتو لحتى طلعو مقهورين
مروة : هدول مانن اهلي
نزلت بالفرشة وغطيت راسي وصرت ابكي
المسا فات عمي سلم علي هو ومعاذ اصلا هدول احسن الشي بهل بالبيت ... فات صهيب ولما شاف معاذ عندي بالغرفة حسيتو اتدايق
صهيب : معاذ قوم ع دراستك
قام بدون مايحكي شي لانو هو كمان بخاف من اخوه
صهيب : السيروم خلص .. هاتي ايدك لشيلو
مروة : انا بشيلو خلي عنك
مسكلي ايدي وسحبا وبرملي وجهي بأيدو ع تاني جهة ... سحب الابرة وحط قطنة ولزق مكانها
عمي : حمد لله عسلامتك يابنتي ..
مروة : الله يسلمك عمي
طلع عمي وصهيب قام سكر الباب ..
صهيب : اي قوليلي شبن اهلك
قصدي اقهرو مشان استفذو مابدي يكون معي حنون بدي يكون معي حقير مشان يا بيقتلني وبرتاح يا اما بيوصل الخبر لاهلي وبطلقوني منو وحكيت : قلتلن انو انا ماني مسامحتن عكلشي عملوه معي ... وانو ما بسامحن لحتى يطلقوني منك
ضل صافن فيني وما حكي
مروة : انا قايمة نام محلي .. لانو بعرف رح تغير رأيك وترجع تعاملني متل اول
صهيب : لا خليكي .. صح رح غيرا بس للأسوء وعطريقتي وعفكرة يلي عم تخطتيلو مارح يصير وطلاق انا مابطلق ووقت الجد بقتلك هون وما بطلقك
مروة : طيب قتلني انا كل يوم بدعي انو موت .. موتني وريحني
صهيب : هئ مو هلأ .. ويلا هلأ قومي تحممي من ريحة المشفى وتعي نامي حدي لانو مشتقلك
مروة : شو نسبت انو معزورة
صهيب : لا مانسيت بس انا حكيي واضح( نامي حدي )
مشان استفزو قلتلو : مابدي ..
بدي اياه يعصب وبدي استفزو .. بدي شوف صهيب الشرير بس هو بكل برود قلي : طيب ماشي انا بحممك لكن
مروة : شو انت مجنون شو تحممني ماتحممني
صهيب : ليش شوفيها ما انا زوجك ...
مروة : لا خلص انا بتحمم لحالي
صهيب : شطورة يلا قومي ..
شكلو فهم خطتي وعم يعمل عكس يلي بدي اياه .. ياربي لك ليش مافي شي عم يظبط معي .. فتت تحممت ولبست بجامة بكمام وقبتها عالية ولافة شعري بمنشفة
وقفت ع المراي لحتى نشف شعري ع الستشوار
وهو قاعد وعم يتطلع علي
مروة : ماعندك شغل اليوم
صهيب : لا
مروة : ليش
صهيب : مادخلك
مروة : شو يلي غيرك فجأة
صهيب: هاد انا ما بتغير ... بس الشخص شو بكون بدو بصير عاملو بالعكس
مروة : قصدك علي
صهيب : تماما
خلصت تشيف شعري وقمت قعدت حدو ع التخت بصراحة كنت كتير خجلانة هي اول مرة بنام انا واياه جنب بعض
صهيب : شو ناطرة .. طفي الضو ونامي
طفيت الضو ونمت ع حفة التخت ... ماحسيت غير سحبني لعندو ونيمني بحضنو .. حاولت بعد .. بس هو ثبتني بأيده .. كنت كتير كرهانتو وكرهانة قربي منو ..
تاني يوم الصبح فقت لقيت حالي منيحة قلت لقوم اشتغل هالشغلات .. فتت ع المطبخ لقيت حماتي عم تجلي
مروة : مرت عمي ليش عم تجلي انتيج بجلي عنك
حماتي : صرلي ٣٥سنة عم اشتغل بهل البيت ..ومحدا ساعدني ولاتفكري انو انا بحاجتك .. صح اشتغلتي كم يوم بس هي بعتبرا اجازة الي .. وهلأ رجعي نامي جنب جوزك لسه الوقت بكير ..
العما شو يلي غيرن هدول فجأة .. معقول متفقين علي
حماتي : انا صح قسيت عليكي .. بس بعدين تندمت وقلت كل عمرك ١٦ سنة ويلي عملتيه كان تصرف عادي بالنسبة لعمرك لانو مابتعرفي شو كنتي عم تعملي وشو عواقبو ... ونحنا الغلط منا انو نعاقبك ... المهم يلا رجعي نامي لسه بكير
بصراحة كلامها اثر فيني كتير ... ودغري كل الكره يلي كان جواتي تجاها راح وسامحتا من كل قلبي
مروة : طيب خليني ساعدك
حماتي : لا انتي لسه ما طبتي منيح ... يلا روحي نامي
رجعت ع غرفتي وانا مصدومة منها ... صرت فكر لو انها امي.... ماكانت عملت معي يلي عملوه اهلي ... بس الله يسامحن اهلي ...انا معد احقد ع حدا .. خلص رح عيش حياتي بهدوء وشوف القدر شو مخبيلي
حس علي صهيب
صهيب : شقد الساعة
مروة : ٦
صهيب : بكير .. رجعي نامي
والله وانا ما كذبت خبر رجعت نمت للعشرة 😅
__________
بعد يومين ..
كنت بالمطبخ عم ساعد حماتي .. اندق الباب وكانت ليلى .. فاتت معا كيس كبير
ليلى : مروة تعالي شوي
رحت معا وفتنا ع غرفتي
فتحت الكيس وكان كلو قمصان نوم عرايسية وفساتين سهرة
مروة : شو هدول
ليلى : بصراحة طلبت من صهيب نطلع انا واياكي ع السوق مشان تشتري تياب بس هو رفض ... قلي انتي جيبيلا .. بصراحة انا مابعرف قياسك مشان هيك جبتلك بس هدول
مروة : اي بس انا مافهمت شي ليش هدول
ليلى : شو ليش هدول ... هدول الك تلبسيهن ... ولا نسياني انك عروس
مروة : لا لا مستحيل البس هيك
ليلى : بلله شو .. انشالله بدك تقضيها بالبجامات بعدين اخي بمل منك
بقلبي : يمل بكون احسن
مروة : طيب تركيهن هون .. يسلمو هالادين
ليلى : عم تضحكي علي مو هيك
مروة : لا .. رح البسن
ليلى : مابعرف ليش ماني مصدقتك .. بس مارح خليكي ع كيفك
مروة : شو يعني
ليلى : اليوم انا بدي جهزك وساويكي احلا عروس ... قال عروس وعم تنام بالبجامة ... وكمان اخي بصير يحبك اكتر وانتي ابقي بمعرفتك فتحي معو موضوع التياب بركي بخلينا ننزل انا واياكي
مروة : اي يعني لاي ساعة بدك تضلي عنا .. اخوكي هلأ بيجي بالسهرة شي ساعة وبروح ع شغلو الله اعلم ايمت بيرجع
ليلى : اي بالسهرة .. واصلا اذا شافك مظبطة حالك كرمالو بضل .. ماضروري يروح ... اصلا انتي لو بتحسيسه انك بحاجتو جنبك ع طول مابيتركك ولا ثانية بس انتي جدبة عطول قالبة خلقتك فيه
بقلبي : لاني مابطيقو ... ياربي شو جابا هي هلق بكرا بتفتح علي بواب انا بغنى عنها .. اووووف
مروة : طيب ماشي بنشوف
قرب وقت جية صهيب
ليلى نقتلي فستان سهرة احمر
ليلى : بصراحة عجبني كتير لانو احمر .. مابنسى شكلك يوم الخطبة كنتي طالعة بتفلجي
مروة : والله كل هاد مالو داعي
ليلى بمزح : حبيبتي اذا انتي مانك مهتمة بأخي انا بدي خليكي تهتمي وغصب عنك ههههه
بقلبي : الله يخلصني منك ومن اخوكي
عملتلي المكياج ولبست الفستان وشعراتي تركتن مفرودين ع ضهري
ليلى : قمررررر
مروة : تسلمي
ليلى : ليكي انا رايحة جيب العشا لهون مشان ماتطلعي انتي ... والباقي عليكي
بقلبي الله يستر انا بدون لبس ومكياج مابخلص منو كيف هلأ
جابت العشا وقالتلي بدي اخي يكون مبسوط هاه وطلعت ..
اتطلعت عحالي بالمراي : مابدو يقول عني مجنونة اذا شافني لابسة هيك ... ولا بفكر قاتلة حالي عليه .. لا لا مارح ضل لابسة هيك شي فتحت الخزانة مشان دور على شي البسو .. فجأة سمعت باب الدار انفتح
مروة ،: ولي .. ولي .. هاد اكيد هو ..معد الحق ..
لقيت كامينو بسرعة لبستو .. وانا عم اربطو انفتح الباب
فات وهو صافن فيني
انا قربت شوي شوي ع الطاولة واخدت ربطة شعرة وربطن
صهيب : شو كنتي عم تعملي
مروة : لا ولا شي بس مشطت شعري وعم اربطو
صهيب: وهاد المكياج يلي ع وجهك
مروة : بس كنت مالي قلت بتسلى
صهيب : طلعتي ع ارض الدار وانتي متمكيجة
مروة : لا لا .. من شوي عملتو
اتطلع فيني منيح .. كان كتفي مبين منو شوي .. اتطلع على رجلي كانو مبينين وانو ماني لابسة شي
صهيب ،شو لابسة تحتو
بقلبي : اكلنا هوا
قرب مني وسحب الشريطة وانفتح الكامينو
كنت خجلانة كتير وراسي بالارض ..
مروة :هي ليلى... عملت فيني شيك
صهيب وهو عيوني علي : ليش ... مشاني
مارديت
برم لوراي وشالو عن كتافي ... وسحب ربطة الشعر وانفرد شعري
صهيب : يعني انتي الك تلتين الخاطر
ماسترجيت قلو لأ
نزل ع رقبتي وصار يشمها حسيت روحي طلعت مني
مروة : مابدك تتعشا
صهيب : لاحقين ع العشا ... قلتلك انو الاحمر عليكي بشل
سحبني التخت ................ ..
بصراحة هي المرة كانت غير كل مرة .. كان كتير رومنسي ولطيف ... غير عن القبلون كنت حسو يقرب علي لحتى يقهرني ويزلني .... عنجد حسيت حالي عروس بين اديه .... بس مع هيك ماكنت بحمل اي حب تجاهو .. هو صار شي من يومياتي بس مابظن وصلت لمرحلة الحب
#بقلم_مريم_اليوسف
#الجزء_الرابع
بلشنا شغل وبتجهيز الفطور واجت ليلى وولادا وسلفتي ميس وولادا ..
قامت حماتي وبلشت تبويس بميس وبولادا
حماتي : يا اهلين بالغالية .. اهلين بأميرة هالعيلة ..
حسيتا عم تجاكرني ... بس انا ماعملت اي ردة فعل بس من جواي مقهورة كتير .. وكنت متأكدة رح موت قهر بهل البيت
ميس : اي مرت عمي شو ساعدكن
حماتي : والله مابتمدي ايدك علي شي .. بس تعالي قعدي قبالي خليني شوف هالوجه الحلو يلي مشتاقتلو
ميس : تسلميلي يا حماتي على هالحكيات الحلوين
ميس حسيتا عم تطلع علي بقهر مبين انها غيرانة مني يمكن لاني احلا منا
ميس : اي كيفك ياعروستنا
مروة : الحمد لله
ميس : قلك شي بس ما تزعلي
مروة : قولي
ميس : بصراحة تيابك كتير مشرشحين وماحلوين .. هيك تياب مابتلبسن عروس
كلن قصدن يجرحوني بالحكي وبصراحة تلبكت وماعرفت شو رد .. قام نطت حماتي وقالت : اي شو مفكرة كل الناس متلك بتعرف تلبس ..
انا كنت لابسة بجامة قديمة شوي من تيابي القداما
ليلى: لا مروة زوقا كتير حلو بالتياب بس لاتنسو انو ماجهزت شي وهدول التياب عندا اياهن من زمان ...
ميس تحكي بمياعة : ومين ضربا ع ايدا وقلا تهرب ماكانت وصلت حالا لهون
بصراحة انا معد استحملت حكين تركتن قمت رحت ع الحمام وصرت ابكي .. اصلا الشي الوحيد يلي كنت اقدر اعملو هو البكي واوقات حتى البكي كان ممنوع
وانا عم ابكي بالحمام اجت لعندي ليلى
ليلى : وليش عم تبكي
مروة: ما سمعتيها كيف عم تلطشني حكي
ليلى : والله لانها غيرانة منك .. يلا مسحي دموعك وتعي معي .. وشو ما حكوكي لاتردي
مسحت دموعي ورحت معا
ميس : والله لو بعرفك حساسة لهل الدرجة ماكنت حكيت معك
ماريت
ونحنا عم نحط الفطور ع السفره .. فات علينا صهيب
صهيب : انا عم قول شو هالضجة
ليلى : زعجناك ماهيك
صهيب : انتو لأ بس ولادكن اي
ليلى : لا تواخذنا
صهيب : مامشكلة ويلا منيح يلي فقت مشان افطر معكن
حماتي : اي والله بتنورنا ...
خلصنا حط الفطور واجا عمي ومعاذ يفطرو .. انا اخر الشي جبلتن الخبز وقلتلا لحماتي : بدكن شي مرت عمو
حماتي بدون نفس : لا
لفيت ضهري وطلعت ... لحقتني ليلى
ليلى : ليش ماعم تاكلي
احترت شو بدي قلا .. قلا انو محدا بقلي تعي كلي قلتا : ماني جوعانة
ليلى : كيف هيك ... وبعدين انتي ليش كل هالقد ضعفانة
مروة : لا ماني ضعفانة ولا شي يمكن لانك صرلك زمان ماشفتيني
ليلى : يمكن .. بس هلأ يلا تعالي ناكل
مروة : خلص تركيني روحي كلي ماني جوعانة
ليلى : طيب ع راحتك
تركتني وراحت تفطر مع اهلا .. وصرت فكر انو صهيب متفق مع امو انو مايخلوني اكل ..
خلصو فطور وطبعا انا جليت وضبيت كلشي وهنن قاعدين ... وع الغدا وصوا على لحم بعجين ..
كمان ع الغدا فرشو السفرة وقعدو ياكلو ... رحت انا ع المطبخ .. سمعت صهيب عم يندهلي
مروة : اي قلي بدك شي
صهيب : ليش ماعم تاكلي معنا ولا مانا من قد المقام انسة مروة
ماعرفت شو رد عليه .. وضليت ساكتة
صهيب : عم احكي معك ليش ماعم تردي
معاذ : ماليكون في حدا يقلا تعي كلي .. كل مانحط الاكل امك بتبعتا تشتغل شي شغلة وبتقول هلأ بتاكل مع جوزا .. وحضرتك بتجي بتاكل ولا بتسأل عنها اذا اكلت او لأ ... ويوم يلي مابتكون فيه انت بالبيت بتسكب الاكل لاجيران .. بصراحة انا ملاحظ هالشي من اول يوم فاتت عليه بس ماعم احكي لانو محدا بهمو امرا ..
حماتي : انا بفرجيك ياحقير
معاذ : انا ماكنت بدي احكي .. بس صهيب عم يسألا ليش ماعم تعقد ليش هية بتسترجي تقعد ..
ترك الاكل وقام
ليلى : ماما عنجد هيك
حماتي : لا موهيك كل الاكل قداما مين مانعا تاكل
عمي : ليش مابتاكل معك
صهيب : لا
عمي : هيك بتعملي يا ام سليمان .. ماحرام عليكي ..
حماتي : شو هلأ حطيتو كل الحق علي .. ما الاكل كلو قداما ماتنقبر وتاكل ... وانتي ياحية عاملة حالك درويشة
مروة : انا ماطلبت منكن شي واصلا ماحكيت شي ... وكمان ماني جوعانة كلو صحتين وهنا ..
وهية اول مرة برد بوجهن
صهيب : خلص حصل خير .. مروة تعالي قعدي كلي
مروة : لا صحة ماني جوعانة
صهيب : انا قلت تعي كلي ولاتخليني عيد كلامي
قربت من خوفي من صهيب .. واول ما قعدت حماتي برمت بوزا وتركت السفرة وقامت ..
صهيب : يلا كلي .. انا قايم راضيها
اصلا بعد هالشي اللقمة معد تنزل ... قام راح راضها وجابا ..
صهيب : خلصونا كلو متنا من الجوع .. يلا ست الكل السفرة ماحلوة بدونك .. وحط ايدو ع رجلي مشان اكل
اكلت اول صفيحاي حسيت مرت عمي عم تزورني .. صرت اكلها شوي شوي .. بس انا كان تفكيري عند صهيب من وين اجتو هالحنية علي ..
خلصنا غدا وانا كنت اكلي ٢ فقط .. صهيب لبس وراح ع شغلو وميس راحت كمان ضلت ليلى
ليلى : مروة انا رايحة بدك مني شي
مروة : اي بدي حرام
ليلى : ليش الحرام
مروة : بصراحة انا عم نام ع الارض وبالغرفة عند صهيب مافي غير حرام واحد
ليلى : ليييش عم تنامي ع الارض
مروة : صهيب قال ماعم ياخد راحتو ع التخت
ليلى : لا هاد جن ع الخالص انا رح احكي معو
مروة : لا مشان الله لاتجيبلو سيرة بس عطيني حرام انتي وماعليكي وماعم استرجي اطلب من امك
ليلى : يلا رح جبلك من غرفتي بدون ماتنتبه امي .. بس انا رح احكي مع صهيب مشان ننزل انا واياكي ع السوق نشتريلي شوية تياب
مروة : مافي داعي
ليلى : شو مافي داعي انتي عروس
مروة : اذا وافق
ليلى : معو ع كيفو ... يلا انا رح جبلك الحرام وروح
...................
عند العصر ..
طلعت من الحمام .. وانا خجلانة .. هاد الشي ماكنت حاسبة حسابو ... وهية دورتي الشهرية ... رحت لعند مرت عمي مشان اطلب منها تجبلي محارم نسائية ... بس كان التوقيت ابدا مانو مناسب لانها كانت حاقدة علي من الضهر
مروة : مرت عمي بدي محارم نسائية
حماتي : ليش
مروة : مرت عمي فهمك كفاي
حماتي : وجاي تطلبي مني وبكل عين وقحة بعد الشي يلي عملتيه معي الضهر
مروة : بس والله انا ماحكيت شي هاد معاذ
حماتي : اي روحي انقبري ماني جابيتلك شي
مروة : كيف يعني ... مافيني ضل هيك
حماتي : تصطفلي دبري حالك ... وكمان عدورنا ماكن في محارم ولا بطيخ .. روحي استخدمي شي خرقة
رحت ع غرفتي وانا عم ابكي ... لك وصلت لعلبة المحارم ... قعدت ابكي وفكر شو اعمل ... ومالقيت حل الا قوم واعمل متل ماقالتلي .. قمت قصيت شقفت قماشة من كنزة قديمة لالي ...
بس ماكنت مرتاحة ابدا وكل شوي فوت ع الحمام وغيرا .. وقررت لحتى يجي صهيب قلو لانو هو زوجي ومجبور يشتريلي اجا عند المغرب ..
بدل تيابو مشان ينام شي ساعة قبل ما يروح ع الشغل
مروة : صهيب بدي اطلب منك طلب
صهيب : نعم .. نعم .. ومن ايمت بتطلبي انتي
مروة : والله متطرة عليها
صهيب : شو هي
مروة : علبة محارم نسائية
صهيب : تضربي انتي وهالشغلة .. وانا شو عرفني بهيك شغلات روحي قولي لامي تجبلك.. العما بقلبك شو بهيمة... شايفتني جاي تعبان وبدي نام عم تطلب وكمان شغلات انا مابفهم فيها .. روحي من خلقتي الله ينزع مساكي
طلعت وانا مجروحة ومكسورة ... ورحت ع المطبخ وصرت ابكي ...وقلت بقلبي خلص معد بدي شي يضربو هنن واياها كل هالمصاري يلي معن وبخلو علي بعلبة محارم حقا خمسين ليرة
فاق بعد ساعة صهيب وراح ع شغلو .. واول ما راح .. رحت مديت فرشتي وحرامي وتمددت لحتى نام .. بس ماكنت مرتاحة ابدا وكنت كل شوي فوت ع الحمام .. حسيت عليه لما اجا ع الساعة وحدة ... وامنت عليه لحتى نام قمت رحت ع الحمام شوي شوي مشان مايحس وكل خمس دقايق روح .. ويمكن هو حس علي طالعة فايتة
تجلس وصرخ فيني : شبك طالعة فايتة ماعم تخلي حدا ينام
مروة : خلص اسفة معد ازعجك
صهيب : عوين عم تطلعي
مروة : ع الحمام
صهيب : وشو عم تعملي بالحمام
خجلت ومارديت
صهيب : عم اسألك ردي
مروة : عم غير القماشة كل شوي مشان ضل نضيفة
صهيب : ليش ماطلبتي من امي تجلبك علبة محارم
مروة : مارضت تجبلي .. وانت كمان مارضيت .. وانا شو اعمل بحالي يعني وصرت ابكي
حسيتو انقهر علي .. بس ماطالع بأيدو يعمل شي ..
صهيب : نامي هلأ وبكرا انا بتصرف
مروة : اي
نمت وانا عم ابكي .. وعم قول بقلبي شقدكن ظالمين .. شلون بدكن تواجهو ربكن ...
................
فقت الصبح وكالعادة بلشت بشغل البيت .. وانا بالمطبخ سمعت صوت باب غرفتي تسكر .. رحت مالقيت صهيب
مروة : مالو بالعادة يفيق بكير .. ابصر وين راح
بعد شوي رجع وفات ع الغرفة ..
رحت لعندو قلتلو جهزلك الفطور
صهيب : لا رايح مشوار .. تركني وطلع
وشفت كيس اسود محطوط على الكومانيدا .. وعرفت انها علبة محارم.. بس ماقربت عليه لانو مابدي منون شي
الكل فاق وحضرنا الفطور
حماتي : تعي كلي لاتعمليلي مشاكل مع صهيب
مروة : ماني جوعانة صحة
حماتي : ماعلى كيفك تعي
قعدت اكلت شوي وقمت
.............
حماتي :مروة ... يا مروة
مروة : اي مرت عمي
حماتي : انا رايحة جيب شوي غراض للبيت .. انتبهي ع البيت
مروة : حاضر
طلعت وراحت .. حسيت هم وانزاح عن قلبي لانو طلعت من البيت .. مشان حس شوي بالحرية
فجأة صار يندق الباب
مروة : اكيد بتكون نست شي ..بس انا مابقدر افتحلا ... اي معاذ هون رح قلو يفتح الباب
رحت ع غرفة معاذ كان عم يدرس
مروة : معاذ الباب عم يندق قوم فتحو .. كنت فتحتو انا بس
معاذ : لا تكملي بعرف .. يلا قايم افتحو ..
طلع وانا صفنت بكتبو يلي كان عم يدرس فيها والغصة بقلبي
سمعت عم يقول : اي موجودة تفضلي
طلعت وكانت اختي فاطمة .. بصراحة ماكنت طايقة شوف حدا .. وكمان هي اول مرة بشوف حدا من اهلي بعد ما فتت عهاد البيت
فاطمة : شو مافي تفضلي
مروة : لا اكيد تفضلي ..
دخلتا ع غرفتي ....وانا عم اتعامل معا ببرود
فاطمة : شبك مروة
مروة : لا ماشبني شي
فاطمة : كيفك
مروة : من الله بخير
فاطمة : ليش هيك ضفانة كتير ووجهك شاحب
مروة : كيف خطرت عبالك
فاطمة : بصراحة صهيب مع اخواتك وانا كنت نازلة اشتري غراض من السوبر ماركت شفت حماتك طالعة قلت بجي وبشوفك
مروة : يعني محدا بعتك .. ولولا الصدفة ما بتجي
ماردت
مروة : اي كيفن اهلك
فاطمة: قصدك اهلك
مروة : انا ماعندي اهل
فاطمة : ليش هيك عم تحكي
مروة : هاي هية مصلحتي يلي بدن اياها .. وهاد هو يلي رح يسعدني ..
فاطمة : لاتنسي شو عملتي حضرتك
مروة : لك شوووو عملت .. شو هالذنب العظيم يلي ارتكبتو ... ااااه ... مشااان الله ... انا مابفهم فهميني شو عملت .. هربت .. بس رجعت وماكنت مع حدا كنت عند رفيقتي وكلكن عرفتو وين كنت ... شو هالذنب يلي ارتكبتو لحتى اهلي ماعم يحكوني ولا عم يسألو عني .. شو هالذنب يلي بسببو عايشة متل الخدامة .. شو هالذنب يلي بسببو عم نام ميتة من الجوع ... شو هالذنب يلي عم نام فيه ع الارض وعم موت من البرد ... " نزلو دموعي " . شو هالذنب يلي الكل عم يهيني ويسمعني كلام طالع نازل وانا مابسترجي رد ع حدا ... شو هالذنب مشااان الله قوليلي شو هالذنب
فاطمة صارت تبكي معي .. وقامت ضمتني .. ضميتا وانا وصرت ابكي على صدرا كنت محتاجة حدا اشكيلو كلشي بقلبي ويحس فيني ... كنت محتاجة حضن حنون ارمي عليه كل تعبي وحزني
فاطمة : مشان الله حاج .. حاج
مروة : انتي توجعتي بس ع الحكي ... لكن انا شو كمية الوجع يلي حاملتا بقلبي
فاطمة : ياحبيبتي انتي ... ياعمري .. سامحيني
مروة: انتي ماعملتي شي .. ماني زعلامة منك
فاطمة : خلص طولي بالك
مروة : تعبانة .. تعبااانة
فاطمة : والله بعرف .. والله بعرف
مروة : لك حتى علبة محارم نسائية بخلو علي فيها ..
فاطمة : كيف هيك
مروة : انا بالدورة ... وطلبت من مرت عمي بهدلتني وقال مافي وروحي حطي شي خرقة .. وطلبت من صهيب كمان بهدلني وقال هو شو فهمو بهيك شغلات وروح اطلب من امو
فاطمة : خلص انا هلأ بجبلك وحدة
مروة : اي الله يخليكي .. مابدي منن شي
فاطمة : انا رح احكي لاهلك كلشي
مروة : ودخلك شو بدو يطلع معن
فاطمة : لازم يعرفو بنتن شو عم تعاني
مروة : اي وقوليلن انو مروة زعلانة منكن ومانها مسامحتكن خليهن يحسو بالذنب
فاطمة : المهم انتي انتبهي على حالك .. انا مافيني اتأخر رح جبلك علبة المحارم واجي بسرعة
هزيت براسي
مسحت دموعا ... وودعتني وطلعت .. بعد خمس دقايق اجت عطتني كيس من الباب وراحت فتحت الكيس كان فيه اكلات طيبة من شيبس وبسكوت وعصير وبمبون ..مع علبة المحارم
يا الله شوفرحت لما شفت الاكلات الطيبة وكأنو صرلي شي مية سنة ماني اكلة منها وشو كنت مشتهيتا .. اخدتن ع غرفتي وبلشت اكل متل المفجوعة .. عنجد حسيت حالي طفلة عمر ٧ سنين .. بعد شوي سمعت باب الدار انفتح وكانت حماتي .. خبيت الاكلات وقمت لحتى شوف اذا بدا شي ...
حماتي : خدي انقبري
مروة : شو هاد
حماتي : يلي طلبتيها مبارح
مروة : يسلمو بس مابدي .. اختي اجت وانا طلبت منها وجابتلي وحدة
حماتي انقهرت : ماعيب عليكي تطلبي من اختك
مروة: شو بدي اعمل اذا انتو ماجبتولي شو بسلكن ايدكن .. انا كنت عم دبر حالي ولما اجت طلبت منها
حماتي : شو بدن يحكو اهلك علينا
مروة : مارح يحكو شي اطمني
حماتي : وشو حكيتي انت واختك
مروة : بظن هي شغلات خاصة بيني وبين اختي
حماتي : طولان لسانك وصايرة عم تردي بوجهي ياشرنة
مروة : انا ماحكيت شي غلط
حماتي: اي هلأ بدي فرجيكي شو هو الغلط .. ماشفتا غير هجمت علي وبلشت تضربني ومسكتلي شعري من فوق الحجاب وصارت تاخدني وتجيني وانا ابكي وحاول افلت منها ...
مروة : مشااان الله يامرت عمي عم توجعني
حماتي : لسه بدي اقبرك يا كلبة ياحيوانة ... كان ع جنب في مكنسة قش .. مسكتا وصارت تضربني فيها .. طلع معاذ على صوتنا وفكني منها
معاذ : ماما ليش عم تضرييها
حماتي : مادخلك انت فيها روح انقلع ع غرفتك
انا هربت ع غرفتي وقفلت على حالي وصرت ابكي ..
مروة : ياربي ليش انا مكتوب علي التعتير .. ومابيلبقلي الفرح .. يمكن لانو فرحت بالاكلات الطيبة ماكملت معي واكلت قتلة .. اجت الحزينة لتفرح مالقت لحالا مطرح ..
ااااخ يا جسمي .. الله يكسرلك هالايدين ... ياربي مانك شايفن يارب مالي غيرك تاخدلي حقي .. مافي غير انت عم تسمعني ....
ضليت حابسة حالي بالغرفة للمسا وانا عم ابكي .. اجا صهيب بدو يفتح الباب ما انفتح معو .. صار يدق
قمت فتحتلو
صهيب : ليش قافلة على حالك الباب .. وليش هيك شكلك
مروة : مافي شي
صهيب : عم اسألك انقبري ردي
مروة : امك ضربتني
صهيب: ليش
مروة : مابعرف ...بس يمكن كانت مقهورة واجت تفششت فيني
صهيب : اكيد انتي عاملة شي شغلة
مروة : اليوم اجت فاطمة لعندي
صهيب : اي
مروة : وانا طلبت منها تجلبي علبة محارم
صهيب : ليش لتطلبي منها ..وهي يلي جبتلك اياها
انا قصد ماقربت عليها وعملت حالي مامعي خبر
مروة : وينا ماشفت شي
اشرلي على الكوماندينا وقلي هديك يلي بالكيس
مروة : ماشفتا .. وفكرت الكيس فيه شي الك وماقربت عليه
صهيب : لكن بتستاهلي الضرب ... بس ماعرفت شو هو السبب
مروة : عم تسألني شو حكينا انا واختي .. وانا ماقلتلا
صهيب : طيب روحي حضريلي العشا ..
مروة : حاضر
رحت واناعم دور ع حماتي بعيوني خايفة تشوفني وترجع تضربني مرة تانية .. حضرت الاكل بسرعة وجبتو لصهيب
صهيب : تعي كلي
مروة: ماني جوانة .. صحة
صهيب : ماني عم اسألك عم اأمرك
جيت قعدت مقبالو ... وصرت اكل متل نقد العصفور .. بصراحة انا ماكنت جوعانة كنت متقلة من الاكلات الطيبة 😅😅
حسيتو عم يتطلع علي بس انا كنت منزلة راسي .. اصلا ماني طايقة اتطلع بوجهو ...
خلصنا اكل ... وانا قمت وديتو على المطبخ ورجعت بسرعة .. واصلا كان كل جسمي عم يوجعني من القتلة مالي نفس اجلي او اشتغل اي شغلة
فتحت الخزانة طلعت فرشتي وحرامي ومديتن ع الارض مشان نام ..
صهيب : بدك تنامي من هلأ ..
تمددت وبرمتلو ضهري وقلتلو تعبانة وجسمي كلو عم يوجعني من ورا ادين امك
ودغري نمت ..
حسيت ع الساعة ستة الصبح .. جيت بدي قوم بس ماقدرت جسمي كلو عم يوجعني .. وحسيت الدنيا عم تفتل فيني .. رجعت حطيت راسي ع المخدة وصرت حاول حرك ادي او اجري .. حسيت الاعصاب فارطة وهاد الشي ما اول مرة بصيبني .. وعرفت فورا انو انا مكربة ... وانا كريبي كتير كره وماعندي مناعة لانو وانا صغيرة كنت ضل مريضة وقد ماكانو يعطوني ادوية ماضل عندي مناعة .. وكل فترة بمرض متل هالمرضة ومابصح الا لما روح ع المشفى .. رجعت غفيت .. حسيت بعد شي ساعتين .. حدا عم ينكعني برجلو .. فتحت عيوني غصب وكانت حماتي
حماتي : والله نومك ضحاوي ... قومي وليه .. قومي احسن اقبرك بأرضك ... قمت غصب وكنت بردانة كتير وحرارتي يمكن فوق ٤٠ .. رحت معا ع المطبخ وانا عم اتسند ع الحيطان
مرت عمي : شبك وليه
مروة : مرضانة
حماتي : اي حاجتك دلال مافيكي شي متل الحصان ... يلا بسرعة جلي هالجليات مشان نحط فطور .. قربت من المجلى وانا نص واعية .. فتحت المي ومديت ايدي عليها حسيتا متل الكهربا يلي مشت بأعصابي ..
طلعت حماتي من المطبخ .. وبصراحة انا رجلي معد حملوني وراسي حاسستو قد الطبل ورقبتي عم توجعني كتير قعدت ع الكرسي وطبيت على الطاولة
رجعت فاتت حماتي
حماتي : لك شبك خلصينا قومي ..
ماكنت قدرانة حتى رد عليها
اجت بدا تسحبني من ايدي.. لقت ايدي سخنة .. حطت ايدا على راسي وحست بسخوتني .. راحت جابتلي حبة التهاب وحبة بنادول ...
حماتي : شربي هدول وبتصيري منيحة .. انا رح جهز الفطور .. بتكون دارت فيك الحبة ..
انا عرفانة انو مارح يمشي الحال .. رفعت راسي .. وضميت ادي على جسمي لانو كنت بردانة كتير ..
حماتي : قومي ع غرفتك .. ناقصني معلولين
قمت ع غرفتي تمددت بفرشتي .. وصهيب نايم مانو حاسس على شي ... وبلشت انا رج متل الغسالة ام جرنين لما الغسيل مايكون ظابط بالعصارة 😅 طبعا من البردية .. رجعت حماتي بعد شي ساعة كنت انا غفيانة ... فيقتني بهدوء طبعا مشان جناب صهيب ما ينزعج ..
حماتي : يلا قومي عنا شغل بلاوي
قمت معا انا غصب وحالتي كانت اسوء من قبل وقمت ما عم شوف شي .. وحرارتي يمكن صارت ٥٠ .. طلعت خطوتين برات الغرفة معد اقدر كمل نزلت ع الارض وضميت حالي
مروة : مشان الله ماقدرانة اعمل شي
حسيتا خافت علي .. وراحت تفيق صهيب .. انا هون حسيت عحالي قلبت وراسي عم يخبط بالارض ومعد حسيت على شي ..
............
فقت كنت بالمشفى .. معلق بأيدي كيس سيروم وحدي صهيب وحماتي
مروة : شو صار
حماتي : قلبتي بأرض الدرا ومعد صحيتي .. وجبناكي انا وصهيب لهون .. كانت حرارتك ٤٥
صهيب : الحمد لله عسلامتك
مروة : الله يسلمك .. شقد صرلي هون
صهيب : صرلك ساعتين ... انتي بعدك تعبانة
مروة : اي بس مو متل قبل
فات الدكتور ومعو ممرضة
الدكتور : لو سمحتو لبرا
طلعو واجا قعد حدي .. هاد الدكتور انا بعرفو وهو بيعرفني لانو عطول اهلي بيجيبوني لعندو .. وهو كتير حباب
الدكتور : شو مروة كيفك هلأ
مروة : منيحة دكتور
الدكتور : لك انا لما شفت جوزك حاملك وفايت تفاجئت وقلت اي والله هي مروة .. لك ايمت تزوجتي
مروة : رح يصرلي قريب الشهر
الدكتور : وعشو مستعجلة بعدك صغيرة
مارديت
الدكتور : حبيتيه
مروة : لا
الدكتور : اهلك ؟
مروة : اي
الدكتور : وعشو مستعجلبن اهلك ...في فاطمة اكبر منك
مروة : مابعرف
الدكتور : يلا نصيبك .. وكيفك على هالجازة
مروة : منيحة
الدكتور : هالمنيحة ماعجبتني
مروة : هههههه
الدكتور : والله اهلك بدن قتل ههههه ... بس مبين زوجك بحبك .. كان شكلو خايف عليكي .. وكمان مين مابدو يحب هالوجه الحلو ... يلا حطيلي ميزان الحرارة بتمك
حطيتو وكانت حرارتي ٣٨
الدكتور : منيح عم تنزل
مروة : بقدر اطلع ع البيت
الدكتور : لا هي الليلة بدك تضلي عنا ... يلا عسلامة
مروة : الله يسلمك
فات صهيب وحماتي
صهيب : شو طلع صوتك مع الدكتور
مروة : كنت عم تتسمع علينا
صهيب : لا بس سمعانك صوتك عم تحكي .. اي عن شو كنتو عم تحكو
مروة : هاد الدكتور اهلي بجيبوني عليه عطول وهو بيعرفني من لما كنت صغيرة
حماتي : ليش انتي بتمرضي عطول
مروة : اي لانو ماعندي مناعة .. يعني اذا رشحت بدي مشفى
حماتي برمت بوزا وقالت كمان معلولة
صهيب : امشي امي وصلك ع البيت
حماتي : ومين بدو يضل عندا
صهيب : انا برجع
مروة : مابدي حدا صرت احسن وهون في ممرضات اذا بدي شي بندهلن ... خلص روحو وارجعو الصبح انا رح نام
صهيب : يلا برجع بطمن عليكي بعد شي ساعة .. جبلك شي معي
مروة : لا شكرا
طلعو .. وانا مستغربة من تغيرن المفاجئ .. بس يمكن عم يعملو هيك لاني مريضة .. ولما ارجع ع البيت رح يرجعو يعاملوني متل قبل يعني ما اتأمل ع الفاضي انو تغيرو .. رجعت نمت لانو السيروم في مسكن ومنوم .. وماحسيت الا الصبح ع صوت الدكتور وصهيب
صهيب : مروة ... مروة .. قومي
فقت واتجلست
الدكتور : شو مروة كيفك هلأ
مروة : منيحة ..
الدكتور : عم يوجعك شي
مروة : لا
الدكتور : بسبب المسكن بس انتي لسه ماطبتي منيح .. بس رح خرجك
مروة : يعطيك العافية دكتور
الدكتور : الله يعافيكي .. والحمد لله ع سلامتك .. طلع وضلت الممرضة .. حطتلي سيروم جديد وحطتلي فيه ادوية
الممرضة : هاد مسكر بس بالبيت بتشغلوه .. وهي الروشتة بتجيبوها من الصيدلية
صهيب : ماشي .. شكرا الك
ساعدني صهيب لحتى قوم ومسك السيروم وساعدني لحتى اطلع بالسيارة .. وصلنا ع البيت وفوتني ع الغرفة كانت فرشتي بعدا بالارض .. قربت لحتى نام عليها .. بس صهيب قبل ما اقعد مسكني من ايدي وقعدني ع التخت
صهيب : نامي هون
مروة : لا خليني نام بفرشتي احسن .. لانو بدي قوم نام عليها المسا
صهيب : لا معد تنامي عليها لا هلأ ولا بعدين
مروة : وين بدي نام لكن
صهيب : ع هاد التخت
مروة : وانت
صهيب : جنبك
مروة : بس انا مابدي دايقك
صهيب : لا ما بتدايقني
يلا تسطحي لحتى شغلك السيروم
مروة : لا بدي قوم ع الحمام بالاول
صهيب : ساعدك
مروة : لا مافي داعي انا منيحة .. حملت السيروم وجيت بدي اطلع
صهيب : تعي فوتي ع هاد الحمام
مروة : وانت ..
صهيب : شبني انا .. خلص فوتي لهون .. وكمان بتصير تستخدميه عطول ..
فتت ع الحمام وانا مقهورة ليش هيك عم يعاملني بلطف ... انا مابدي هيك يعاملني وصير حسو انو منيح .. هو حقير وانا بكرهو كتير ... بكرهو وبكره كل عيلتو
طلعت وهو ساعدني لحتى تسطحت وشغلي السيروم
صهيب : رح جبلك شي تاكليه
مروة : مابدي شي
صهيب : ماعلى كيفك
راح جبلي صينة عليها مناقيش زعتر وجبنة وشاي
صهيب : يلا كلي
مروة : مين جايب مناقيش
صهيب : انا ..
مروة : بس عنجد ماني قدرانة
صهيب : مو على كيفك ... يلا
قعد حدي وصار يطعميني بأيدو
صهيب : يلا كلي هي من ايدي
اكلت منو ... وانا عم اكل انفتح الباب وكانو اهلي
حسيت انكب علي سطل مي باردة .. ويعني هلأ بفكرو انو كلشي حكيتو لفاطمة كذب .. والواضح انو صهيب عم يدللني ..
صهيب : اهلا .. اهلا عمي اهلا مرت عمي تفضلو .. تفضلو
قربت امي وبوستني وقرب ابي باسني من راسي
صهيب : هاتي الصينية عنك حبيبتي
حبيبتي 😱😱😳😳😳
اخدا وطلع .. وانا بقلبي عم قول والله عم يمثل والله 😭😭😭
امي : كيفك مروة
مروة : منيحة الحمد لله
ابي : شو يلي حكتو مبارح فاطمة .. كأنو عم تكذبي
مروة : لا ماني عم اكذب .. وليك فرشتي بعدا بالارض .. بس يمكن لاني مريضة عم يدللوني
وهاد صهيب واحد كذاب عمل هيك قدامكن وبس
امي : يعني مانك مبسوطة
مروة : بعمري مارح انبسط بهاد البيت ... وكمان كيف خطرت عبالكن لو مافتت ع المشفى مابتجو
ابي : ليش هيك عم تحكي معنا ... وكأنو مانك مبسوطة لانك شفتينا
مروة : لا ماني مبسوطة .. بتعرفو ليش فتت ع المشفى من القهر والزعل ونمت ماكلة قتلة غير شكل .. وكلو بسببكن
امي صار تبكي
مروة : ليش عم تبكي .. مو هاد يلي بدكن اياه
ابي : هاد انتي جبتيه لنفسك
مروة : ماجبت شي وانتو اصلا يلي ظلمتوني من لما بطلتوني من المدرسة وزوجتوني لابن هالحرام .. حتى لو ماهربت هي معاملتي ماكنت رح تتغير هون ... وعفكرة انا ماني مسامحتكن
ابي : طولان لسانك يابنت
صرت ابكي وقلتلو : ماعم تعيشو يلي عم عيشو .. انا قلبي محروق .. وعم احكي هيك من حرقة قلبي ... وانا تصلا ماني طالبة منكن شي .. روحو خلص انا نسيت انو عندي اهل
امي عم تبكي وتقول : مشان الله لاتحكي هيك ...
مروة : اذا بدكن سامحكن .. بتخلو صهيب يطلقني غير هيك بعمري مابسامحكن
ابي : وعمرك ماتسامحي .. خليكي هون مقبورة الله لا يقيمك وشو ماعملو فيكي مابقصرو ... امشي يامرى .. امشي
امي : مروة حبيبتي ...
ابي سحبا من ايدا وطلعو
شكلو يلي عم خطتتلو مارح يظبط .. عأساس كنت مفكرة استعطف اهلي ويطلقوني من صهيب بس قلوبن حجر ... بس انا مارح استسلم وبهل البيت مارح ضل ..
فات صهيب وقلي : شبن اهلك شو حكيتو لحتى طلعو مقهورين
مروة : هدول مانن اهلي
نزلت بالفرشة وغطيت راسي وصرت ابكي
المسا فات عمي سلم علي هو ومعاذ اصلا هدول احسن الشي بهل بالبيت ... فات صهيب ولما شاف معاذ عندي بالغرفة حسيتو اتدايق
صهيب : معاذ قوم ع دراستك
قام بدون مايحكي شي لانو هو كمان بخاف من اخوه
صهيب : السيروم خلص .. هاتي ايدك لشيلو
مروة : انا بشيلو خلي عنك
مسكلي ايدي وسحبا وبرملي وجهي بأيدو ع تاني جهة ... سحب الابرة وحط قطنة ولزق مكانها
عمي : حمد لله عسلامتك يابنتي ..
مروة : الله يسلمك عمي
طلع عمي وصهيب قام سكر الباب ..
صهيب : اي قوليلي شبن اهلك
قصدي اقهرو مشان استفذو مابدي يكون معي حنون بدي يكون معي حقير مشان يا بيقتلني وبرتاح يا اما بيوصل الخبر لاهلي وبطلقوني منو وحكيت : قلتلن انو انا ماني مسامحتن عكلشي عملوه معي ... وانو ما بسامحن لحتى يطلقوني منك
ضل صافن فيني وما حكي
مروة : انا قايمة نام محلي .. لانو بعرف رح تغير رأيك وترجع تعاملني متل اول
صهيب : لا خليكي .. صح رح غيرا بس للأسوء وعطريقتي وعفكرة يلي عم تخطتيلو مارح يصير وطلاق انا مابطلق ووقت الجد بقتلك هون وما بطلقك
مروة : طيب قتلني انا كل يوم بدعي انو موت .. موتني وريحني
صهيب : هئ مو هلأ .. ويلا هلأ قومي تحممي من ريحة المشفى وتعي نامي حدي لانو مشتقلك
مروة : شو نسبت انو معزورة
صهيب : لا مانسيت بس انا حكيي واضح( نامي حدي )
مشان استفزو قلتلو : مابدي ..
بدي اياه يعصب وبدي استفزو .. بدي شوف صهيب الشرير بس هو بكل برود قلي : طيب ماشي انا بحممك لكن
مروة : شو انت مجنون شو تحممني ماتحممني
صهيب : ليش شوفيها ما انا زوجك ...
مروة : لا خلص انا بتحمم لحالي
صهيب : شطورة يلا قومي ..
شكلو فهم خطتي وعم يعمل عكس يلي بدي اياه .. ياربي لك ليش مافي شي عم يظبط معي .. فتت تحممت ولبست بجامة بكمام وقبتها عالية ولافة شعري بمنشفة
وقفت ع المراي لحتى نشف شعري ع الستشوار
وهو قاعد وعم يتطلع علي
مروة : ماعندك شغل اليوم
صهيب : لا
مروة : ليش
صهيب : مادخلك
مروة : شو يلي غيرك فجأة
صهيب: هاد انا ما بتغير ... بس الشخص شو بكون بدو بصير عاملو بالعكس
مروة : قصدك علي
صهيب : تماما
خلصت تشيف شعري وقمت قعدت حدو ع التخت بصراحة كنت كتير خجلانة هي اول مرة بنام انا واياه جنب بعض
صهيب : شو ناطرة .. طفي الضو ونامي
طفيت الضو ونمت ع حفة التخت ... ماحسيت غير سحبني لعندو ونيمني بحضنو .. حاولت بعد .. بس هو ثبتني بأيده .. كنت كتير كرهانتو وكرهانة قربي منو ..
تاني يوم الصبح فقت لقيت حالي منيحة قلت لقوم اشتغل هالشغلات .. فتت ع المطبخ لقيت حماتي عم تجلي
مروة : مرت عمي ليش عم تجلي انتيج بجلي عنك
حماتي : صرلي ٣٥سنة عم اشتغل بهل البيت ..ومحدا ساعدني ولاتفكري انو انا بحاجتك .. صح اشتغلتي كم يوم بس هي بعتبرا اجازة الي .. وهلأ رجعي نامي جنب جوزك لسه الوقت بكير ..
العما شو يلي غيرن هدول فجأة .. معقول متفقين علي
حماتي : انا صح قسيت عليكي .. بس بعدين تندمت وقلت كل عمرك ١٦ سنة ويلي عملتيه كان تصرف عادي بالنسبة لعمرك لانو مابتعرفي شو كنتي عم تعملي وشو عواقبو ... ونحنا الغلط منا انو نعاقبك ... المهم يلا رجعي نامي لسه بكير
بصراحة كلامها اثر فيني كتير ... ودغري كل الكره يلي كان جواتي تجاها راح وسامحتا من كل قلبي
مروة : طيب خليني ساعدك
حماتي : لا انتي لسه ما طبتي منيح ... يلا روحي نامي
رجعت ع غرفتي وانا مصدومة منها ... صرت فكر لو انها امي.... ماكانت عملت معي يلي عملوه اهلي ... بس الله يسامحن اهلي ...انا معد احقد ع حدا .. خلص رح عيش حياتي بهدوء وشوف القدر شو مخبيلي
حس علي صهيب
صهيب : شقد الساعة
مروة : ٦
صهيب : بكير .. رجعي نامي
والله وانا ما كذبت خبر رجعت نمت للعشرة 😅
__________
بعد يومين ..
كنت بالمطبخ عم ساعد حماتي .. اندق الباب وكانت ليلى .. فاتت معا كيس كبير
ليلى : مروة تعالي شوي
رحت معا وفتنا ع غرفتي
فتحت الكيس وكان كلو قمصان نوم عرايسية وفساتين سهرة
مروة : شو هدول
ليلى : بصراحة طلبت من صهيب نطلع انا واياكي ع السوق مشان تشتري تياب بس هو رفض ... قلي انتي جيبيلا .. بصراحة انا مابعرف قياسك مشان هيك جبتلك بس هدول
مروة : اي بس انا مافهمت شي ليش هدول
ليلى : شو ليش هدول ... هدول الك تلبسيهن ... ولا نسياني انك عروس
مروة : لا لا مستحيل البس هيك
ليلى : بلله شو .. انشالله بدك تقضيها بالبجامات بعدين اخي بمل منك
بقلبي : يمل بكون احسن
مروة : طيب تركيهن هون .. يسلمو هالادين
ليلى : عم تضحكي علي مو هيك
مروة : لا .. رح البسن
ليلى : مابعرف ليش ماني مصدقتك .. بس مارح خليكي ع كيفك
مروة : شو يعني
ليلى : اليوم انا بدي جهزك وساويكي احلا عروس ... قال عروس وعم تنام بالبجامة ... وكمان اخي بصير يحبك اكتر وانتي ابقي بمعرفتك فتحي معو موضوع التياب بركي بخلينا ننزل انا واياكي
مروة : اي يعني لاي ساعة بدك تضلي عنا .. اخوكي هلأ بيجي بالسهرة شي ساعة وبروح ع شغلو الله اعلم ايمت بيرجع
ليلى : اي بالسهرة .. واصلا اذا شافك مظبطة حالك كرمالو بضل .. ماضروري يروح ... اصلا انتي لو بتحسيسه انك بحاجتو جنبك ع طول مابيتركك ولا ثانية بس انتي جدبة عطول قالبة خلقتك فيه
بقلبي : لاني مابطيقو ... ياربي شو جابا هي هلق بكرا بتفتح علي بواب انا بغنى عنها .. اووووف
مروة : طيب ماشي بنشوف
قرب وقت جية صهيب
ليلى نقتلي فستان سهرة احمر
ليلى : بصراحة عجبني كتير لانو احمر .. مابنسى شكلك يوم الخطبة كنتي طالعة بتفلجي
مروة : والله كل هاد مالو داعي
ليلى بمزح : حبيبتي اذا انتي مانك مهتمة بأخي انا بدي خليكي تهتمي وغصب عنك ههههه
بقلبي : الله يخلصني منك ومن اخوكي
عملتلي المكياج ولبست الفستان وشعراتي تركتن مفرودين ع ضهري
ليلى : قمررررر
مروة : تسلمي
ليلى : ليكي انا رايحة جيب العشا لهون مشان ماتطلعي انتي ... والباقي عليكي
بقلبي الله يستر انا بدون لبس ومكياج مابخلص منو كيف هلأ
جابت العشا وقالتلي بدي اخي يكون مبسوط هاه وطلعت ..
اتطلعت عحالي بالمراي : مابدو يقول عني مجنونة اذا شافني لابسة هيك ... ولا بفكر قاتلة حالي عليه .. لا لا مارح ضل لابسة هيك شي فتحت الخزانة مشان دور على شي البسو .. فجأة سمعت باب الدار انفتح
مروة ،: ولي .. ولي .. هاد اكيد هو ..معد الحق ..
لقيت كامينو بسرعة لبستو .. وانا عم اربطو انفتح الباب
فات وهو صافن فيني
انا قربت شوي شوي ع الطاولة واخدت ربطة شعرة وربطن
صهيب : شو كنتي عم تعملي
مروة : لا ولا شي بس مشطت شعري وعم اربطو
صهيب: وهاد المكياج يلي ع وجهك
مروة : بس كنت مالي قلت بتسلى
صهيب : طلعتي ع ارض الدار وانتي متمكيجة
مروة : لا لا .. من شوي عملتو
اتطلع فيني منيح .. كان كتفي مبين منو شوي .. اتطلع على رجلي كانو مبينين وانو ماني لابسة شي
صهيب ،شو لابسة تحتو
بقلبي : اكلنا هوا
قرب مني وسحب الشريطة وانفتح الكامينو
كنت خجلانة كتير وراسي بالارض ..
مروة :هي ليلى... عملت فيني شيك
صهيب وهو عيوني علي : ليش ... مشاني
مارديت
برم لوراي وشالو عن كتافي ... وسحب ربطة الشعر وانفرد شعري
صهيب : يعني انتي الك تلتين الخاطر
ماسترجيت قلو لأ
نزل ع رقبتي وصار يشمها حسيت روحي طلعت مني
مروة : مابدك تتعشا
صهيب : لاحقين ع العشا ... قلتلك انو الاحمر عليكي بشل
سحبني التخت ................ ..
بصراحة هي المرة كانت غير كل مرة .. كان كتير رومنسي ولطيف ... غير عن القبلون كنت حسو يقرب علي لحتى يقهرني ويزلني .... عنجد حسيت حالي عروس بين اديه .... بس مع هيك ماكنت بحمل اي حب تجاهو .. هو صار شي من يومياتي بس مابظن وصلت لمرحلة الحب
يسلم دياتك كتيير شوقتينا بتجنن 😍
ردحذفمبدعة
ردحذفكمليها بليييييز والله كل خمس دقايق عم افتح تشوقت كتيييير ربي يسعدك❤️
ردحذفلك وين الجزء التاني 😡
ردحذف