#قلبي_الصغير_لايتحمل(واقعية)
#بقلم_مريم_اليوسف
#الجزء_ الثالث
مرق اسبوع على خطبتنا .. وصهيب كنت شوفو اوقات قليلة بحكم شغلو ... وانا حسيت حالي بلشت انجزبلو وحبو ... وحددنا العرس بعد شهرين لحتى يخلص بيتو .. عنجد كنت عم عيش معو لحظات حلوة لانو هو كان عطول كان يسمعني كلام حلو ... يعني شي طبيعي وحدة بعمري بس حدا يسمعا كم كلمة حلوة بتكيف
لحتى اجا اليوم المشؤوم يلي غيرلي كل حياتي .. طبعا كانو يجيو المباركين يباركولي بالخطبة ... اجت رفيقتي لحتى تباركلي هية معي بنفس الصف بس مو كتير صحبة
قعدنا انا واياها لحالنا بغرفة القعدة ...
رجاء : شو كيفك انت وخطيبك
مروة : والله مافي منو ..كتير حباب ومهضوم
قالت بصوت واطي بس كانت قاصدة تسمعني : اي هيك ببين بالاول
انا سمعتا
مروة : شو قلتي ما فهمت
رجاء : اااه لا مافي شي
مروة : لا عنجد حكيلي
رجاء : طيب رح احكيلك بس امنتك بالله انك ماتجيبي سيرة لحدا انو انا قلتلك
مروة : والله مارح احكي ..بس احكيلي قلقتيني
رجاء : انتي بتعرفي انو صهيب كان متزوج
مروة : لا مامعي خبر ... عم تحكي جد
رجاء : اي جد ..
مروة : طيب وينا يلي كان متزوجا .. ومين كان متزوج
رجاء : اتزوج شهرين وحدة من برات الضيعة .. وبعدين قتلا
مروة : شووو قتلا .. ليش
رجاء : قال لانو ردت بوجهو .. قام صار يضربا لحتى ماتت بين اديه ... بس هون بالضيعة محدا بفيتح هي السيرة لانو بخافو من صهيب ... وبصراحة انا ما هان علي شوفك عم تتزوجي لهيك واحد وما حذرك
صرت ابكي وقلتلا : عم تحكي جد
رجاء : اي والله جد ... بس مشان الله لاتجيبي سيرة لحدا انك بتعرفي او انا قلتلك والله اذا وصل الخبر لابي بيدبحني
مروة : يعني اهلي بيعرفو
رجاء : كل الضيعة بتعرف
مروة : كيف هيك بدون يجوزوني لواحد قتال قتلا
رجاء : والله مابعرف .. كمان اول ما خطب هديك البنت كان يحبا كتير متلك .. وكمان هو بيشرب
مروة : شو بيشرب
رجاء : مخدارت .. بكرا بالمستقبل اذا شرب وماحس ع حالو والله بيقتلك
وانا عم ابكي : لك انا هلأ شو اعمل
رجاء : طلبي من اهلك انو يفسخو الخطبة .. واصحك لاتجيبلن سيرة مرتو امانة .. وكمان صهيب مابحب حدا يذكرو فيها لانو بتقوم القيامة
مروة : ياربي شو هالمصيبة ... ياربي دخيلك
رجاء : يلا انا صار لازم روح .. سلام
مروة : لك ع وين رايحة ... مشان الله قوليلي شو اتصرف
رجاء : قلتلك خلي اهلك يفسخو الخطبة
مروة : مارح يرضو
رجاء : اي هربي ولا تقبلي تعيشي مع هيك مجرم
قامت راحت .. طبعا كلشي قالتلو كان كذب .. وانا متل الجدبة لا سألت حدا ولا تأكدت اذا حكيا صحيح .. ضليت هيك للمسا وانا عم ابكي واندب حظي ... المسا لما اجتمعو اهلي كلون .. طلعت وقفت قدامن وحكيت
انا معد بدي صهيب
الكل انصدمو وحكت امي : ليش يابنتي شبو صهيب بشو زعجك
انا: ماعملي شي ومعد بدي اياه ... انا مستحيل اتزوجو .. يا بتفسخوالخطبة يا اما والله بنتحر
ابي بعصبية ؛ لك شو عم تخبصي .. شوعملك الزلمة
انا : ما عملي شي ومابدي ايااااه ...والله بهرب ومابخليكن تشوفي وجهي مرة تانية
قام خضر بدو يضربني انا هربت من قدامو ورحت ع غرفتي وقفلت على حالي الباب
خضر : يا حيوانة فتحي .. وفهميني شو القصة
مروة : عم قلكن مافي شي بس انا مابدي اياه ... ومارح اتزوجو لو تطبق السما على الارض
خضر : رح تتزوجيه ورجلك فوق رقبتك حتى لو بدي ضل حابسك هيك ليوم العرس ..
مروة : طيب ماشي منشوف
صار يضرب ع الباب ويقول عم تهددي يا كلبة ..
اهلي كلن حاوليه واقفين وما عرفانين شي .. تلفوني صار يرن وكان صهيب ... انا سكرت بوجهو وقلت الك عين تتصل ياكلب ...
قعدت ع تختي وانا خلص حاسمة امري ... بعد شوي ولا الباب عم يندق
مروة : قلتلكن ماني فاتحة
صهيب : مروة هاد انا فتحي خلينا نحكي
مروة : انت بالذات مالي حكي معك .. انا بكرهك ومابدي اياك ...
صهيب : لك شو صرلك الصبح كنا مبسوطين وعين الله علينا
مروة : ماصار شي ..بس اكتشفت انو انا بكرهك ومابدي اياك .. انت مابتهم وما بتحس عم قلك بكرهكككك
صهيب ضرب ضربة ع الباب ومبين عليه عصب وعم يحاول يفش خلقو .. سمعتو راح .. وقال لاهلي بس ترجع لعقلا اتصلو فيني
رجعت امي تدق واخواتي وابي وماكنت افتح ..ماشفت غير حدا دفش الباب بقوة وانفتح .. وفات اخي خضر متل الحيوان .. مسكني بلش فيني ضرب
خضر : شووو قلتي وليه مابدك تتزوجي .. والله بدفنك هون ولابخلي صوتك يعلا علينا فهمتي
وانا عم ابكي بين اديه : مشااان الله فهموني .. مابديي ايااااه .. بكرهو ..
كان عم يضربني بأديه وبرجليه وامي واخواتي عم يحاولو يبعدوه عني بس بدون جدوى ..
خضر : شووووو ... لسه ما بدك اياه ..ويضرب يرجع يسألني
انا من كتر الضرب قلتلو : خلص .. خلص .. بدي اياه .. خلص بتزوجو .. بس ببوس ايدك تركني
تركني وبعد عني وقال : شوووو
وانا عم لملم حالي وعم ابكي : خلص متل مابدكن
قرب لعندي وقال والله المرة التانية بدبحك لانو نحنا مانا ماشين من تحت امرك ... ومتل مابدنا بتنفذي وبس
تركني وطلع قربت امي حضنتي وصرت ابكي على صدرا .. طلع عمر وابي بدون ما يوجهولي اي كلمة وكأنو رضيانين بيلي عملو خضر
مروة : ماما مشان الله ليش هيك عم تعملو معي
امي : يابنتي قوليلي شو يلي غيرك
ماسترجيت قلا على رجاء لانها امنتني ..
ضليت عم ابكي بحضن امي لحتى غفيت .. حسيت الصبح بكير وكانت الساعة ٦ ..قمت اتطلع ع حالي بالمراي كيف شوهيني خضر من الضرب... ومع هيك ما تراجعت عن قراري وقررت اهرب لبست وطلعت شوي شوي من البيت ...طلعت من البيت وصرت اركض .. احترت ع وين بدي روح .. فقررت روح لعند رجاء .. رحت دقيت عليها الباب .. فتحتلي اختا يلي اكبر منها واسما ايمان وكان مبين انها فايقة من النوم
مروة : رجاء هون
ايمان : اي فوتي ..
فوتتني بدون ما تسألني شي لا ليش جاي هلا ولا ليش هيك منظري.. وصلتني لعند رجاء وهية يمكن رجعت تكمل نومتا ..
مروة : رجاء.. رجاء .. فيقي
فاقت رجاء وتفاجئت فيني
رجاء : مروة ؟؟ شو جايبك لعندي بهل الوقت وليش هيك منظرك
صرت ابكي وقلتلا : هربت
رجاء : طيب اهدي لاتبكي
مروة : مشان الله انا خايفة قوليلي شو اعمل
رجاء : والله مابعرف .. بس انا مافيني خليكي عندي انتي بتعرف اهلي
مروة : ياربي وين بدي روح بحالي
رجاء : رح خليكي هون للمسا والمسا انتي دبري حالك بكذب ع اهلي وبقلن جاي تقضي النهار عندي
مروة : رح روح لعند عمتي .. هية متفهة واكيد رح توقف معي ... يلا انا رايحة
رجاء : لك ع وين .. شو انتي مجنونة .. ع القليلة خليكي للمسا لانو اهلك اكيد رح يدورو عليكي عندا ..
ضليت عند رجاء . وكل ما تمر الساعة ساعة حس قلبي رح يوقف من الرعبة .. صرت حكي حالي : انا شو عملت بحالي اكيد اهلي رح يدبحوني .... لا لا انا ماعملت شي ليش لحتى يدبحوني ... ياربي تكون معي .. وضليت هيك للمسا
مروة : انا صار لازم روح
رجاء : انا رح وصلك قومي
رحنا انا ورجاء مشي ع بيت عمتي لانو قريب
رجاء : مروة مشان الله مابدي حدا يخبر انك كنتي عندي
مروة : خلص ولا يهمك مارح خبر حدا
رجاء : اي الله يوفقك
وصلتني ع الباب وراحت .. رنيت الجرس.. فتحتلي عمتي
عمتي : مروة ؟؟؟ وين كنتي من الصبح اهلك قلبو الدني عليكي
صار قلبي متل النار لما قالت هيك
مروة : كنت هربانة لانو مابدي اتزوج هاد يلي اسمو صهيب
عمتي : فوتي .. فوتي
فوتتني لجوا .. وانا كان مخطوف لوني وجسمي ع يرجف
عمتي لاحظت علي هالشي : وين كنتي
مروة : عند رفيقتي
عمتي : ايو رفيقة
مروة : مابقدر قلك
عمتي : مروة بلا كذب وين كنتي
مروة : والله عند رفيقتي
عمتي : مروة مين هو الشب يلي كنتي بدك تهربي معو
مروة : اناااا .. والله ماكنت مع شب .. والله كنت عند رفيقتي
عمتي : طيب مين رفيقتك خليني روح اسألا
مروة : مابقدر قلك شو اسما
عمتي : لكن ليش جاي لعندي
مروة : بدي اتخبا عندك .. خايفة من اهلي
عمتي : بتعرفي انتي هلأ شو عملتي
مروة : شو عملت
عمتي : هربانة من الصبح ومحدا بيعرف وين ارضيكي ... وهلأ جاي لعندي المسا بدك تتخبي عندي .. ليش ماجيتي من الصبح
مروة : رفيقتي قالتلي خليكي للمسا
عمتي : مينا هي رفيقتك
مروة : قلتلك مابقدر قلك مين هي
حسيت عمتي شاكة فيني وماعم تصدقني .. لانو عنجد محدا رح يصدقني وانا حطيت حالي بمصيبة فوق المصيبة يلي انا عملتا وماني دريانة
عمتي : انا رايحة حطلك لقمة تاكليها ونجي نلاقي حل لهل المصيبة يلي انتي فيها
فاتت عمتي ع المطبخ .. وانا هون دمعو عيوني وكان قلبي شعلان من الخوف ..طلعت ومعها الاكل وقعدت حدي
مروة : وينو جوزك وولادك
عمتي : راحو يدورو عليكي مع ابوكي واخواتك
مروة : عمتي ابي بدو يدبحني شي
عمتي : لا رح يغنيلك يرقصلك
مروة : مشان الله لا تزيدها علي
عمتي : لك ياعمتي ليش هيك عملتي
مروة : قلتلن مابدي هاد العريس .. وهنن مصرين يجوزوني اياه بالغصب
عمتي : بس بالخطبة كان طاير عقلك
مروة : كنت عم مثل
صار الباب يندق .. انا بسرعة مسكت بأيد عمتي من الخوف
عمتي : لا تخافي هاد بكون زوج عمتك ووالولاد خليكي انتي هون .. وانا رايحة شوف مين
رجعت لمحلي .. سمعت صوت الباب انفتح بس ماسمعت حكي .. فجأة مابشوف قدامي غير اخواتي وابن عمتي وصهيب معن .. انا معد قدرت اتحرك من محلي من الرعبة
قرب خضر وقعد حدي انا صرت ابكي
بكل هدوء طبعا كان خافي غضبو قال : وين كنتي
بدي احكي معد طلع معي الحكي
خضر: مروة حبيبتي وين كنتي
انا : ك..كك.ككك... كنت عنددددد..رفيقتي
خضر: مين هية
بلعت ريقي وقلت ماااا .. بقدر قول مين هية
ماشفتو غير مسكني من راسي وخبطني بصحن الاكل يلي قدامي .. وصار يصرخ: وييين كنتيي ... وقف وشدني من راسي ..
وسحبني معو ..
وقفني قبالو بنص الصالة ورجع سألني نفس السؤال
مروة : قلتلك عند رفيقتي
خضر : مين هية
مروة : مابقدرر. ..قلك شو اسما
وماشفت غير رفع ايدو وضربني هداك الكف خلاني اوقع ع الارض
قرب علي عمر وقلي : كنتي مع واحد
مروة : لا والله .. لا والله ...
عمر : كنتي بدك تهربي معو ماهيك
مروة : والله العظيم ماكنت مع واحد ..والله
صهيب حكي : هربتي لانك مابدك اياني
هزيت براسي وقلت اي
انتهد وحسيت هالتنهيدة طلعت من نص قلبو
صهيب : خلونا نروح بنحكي بالبيت سحبني عمر .. وهو عم يلطوشني كفوف .. وعمتي ماحاولت تمنعن او تتدخل نهائيا ... ركبنا بسيارة صهيب .. انا وعمر من ورا وصهيب عم يسوق وخضر حدوا .. كانو ساكتين مافي غير صوت شهقاتي بالسيارة .. وصلنا ع البيت نزلوني وشحطوني ع البيت .. كان ابي قاعد بصدر الغرفة ووجهو ماعم يتفسر .. وامي واختي واقفين ع باب غرفتي عم يبكو .. وكأنو عنجد عاملة شي عملة
ابي : جيتي يابنت الكلب .. جيتي يابنت الصرماي .. والله لاشرب من دمك ..
صهيب : لحظة قبل ما تشرب من دمها .. عندي كلمتين بدي قولن .. هي بنتكن عنكن انا هون خلصت مهمتي .. مروة انتي طالق ... وانا هلأ رح اتركن معها لتعرفو وين كانت فلتانة من الصبح
طلع وماشفت غير ابي معو سكين وهجم علي .. امي واختي صرخو .. بس اخي عمر بسرعة هجم عليه ومسكلو ايدو ... انا كمان صرخت صوت ... كان صهيب لسه مانو رايح وسمع صوت الصريخ ورجع فورا .. وشاف ابي هاجم علي واخي عمر عم يحاول يخلصو السكين .. قرب بسرعة وخلص السكين من ابي
ابي : لك الله يلعنك .. الله يخلصني منك ... حطيتي راسي بالارض ..
مروة : والله ماعملت شي .. والله ..
عمر : لك مشان الله قولي وين كنتييي
سكتت ومارديت
صهيب : عمي روق .. لسه ما وصلنا للقتل
ابي : يا ابني لاتواخذنا .. خلص طلقتا ورجاءً لا تتدخل انا بدي اغسل عاري بأيدي .. مشان هيك اتيسر عبيتك واستر ما شفت منا
صهيب : مارح خليك تقتلا ...
ابي : لو بدو يضل بعمري يوم رح اقتلا
صهيب: وانا ماااارح خليك
ابي : مابحقلك تمنعني
صهيب : لا بحقلي لانو انا زوجا
ابي : شو نسيت انك هلأ طلقتا
صهيب : لا مانسيت وهلأ بجيب الشيخ وبردا .. بس انت مشان الله اهدى وروق قعدوه لابي على الكرسي .. وانا قاعدة بالزاوية عم ابكي متل شي كلبة ولا حدا قرب مني ...
قعدو كلن ..
ابي : صهيب قوم روح ع بيتكن .. مابشرفك هاي تكون مرتك
صهيب : بشرفني ونص خلص مانها بنتك .. بس انت روق
ابي قال : وبركي طلعت ع .. ع ..عا..عابية .. وحدا ضحكان عليها .. وصاريبكي ( يا الله شو حرقولي قلبي دموع ابي ... العما شو اني حقيرة لاني بكيتو.. بس والله ماكنت عرفانة شو عم اعمل)
اتطلع فيني صهيب وقال : ساعتها انا يلي بدي اقتلا .. بس انت لا تبكي ..
اندق الباب ...
صهيب : هاد الشيخ بكون وصل .. انا قايم افتحلو .. النسوان فوتو لجوا
اجت امي اخدتني لجوا .. قعدت ع تختي وصرت ابكي .. امي ما حكتني ولا اختي ..
بعد شي ساعة .. فات عمر وقال : قومي روحي مع جوزك
مروة : انااا ... بس
عمر : هس ولا كلمة بدك تضلي عند ابوكي مشان يدبحك .. يلا قومي..
طلعت من بيت ابي وانا منزلة راسي .. وطلعت بتباب منترة ووجه مورم ...
ركبت جنبو بالسيارة وساق بسرعة ..
صهيب : وين كنتي
مارديت وضليت عم ابكي ..
صهيب : بسيطة ..
اخدني ع بيت اهلو ... يلي اول مرة بفوت عليه .. سحبني من دراعي وفوتني لجوا .. كانت امو وابوه واختو ليلى واخوه الصغير
امو : وين لقيتوها
طلع معن خبر بكلشي
صهيب : ماوقتو هالحكي
امو : وليش جايبها لهون .. ما تروح ترميها عند اهلا
صهيب : ماما انا جبتا من عند اهلا كانو رح يدبحوها
امو : ويدبحوها الله لايردا ... لكن في بنت بتهرب من بيت ابوها ومكتوب كتابا ..والله اعلم مع مين كانت .. بس ماتكون غلطانة وانت جاي تستر عليها
صهيب : امي مشان الله سكتي ماني ناقصك
ابوه : امك عم تحكي الصح ليش جايبها
صهيب : انا بعرف شو عم اعمل
امو : لا ماعم تعرف .. شو ضحكو عليك بكم كلمة وانت جيت تسترلن على بنتن
مروة : انا والله ماغلطت
صهيب : انتي بتخرسي مابدي اسمع صوتك ... واذا غلطانة مع شي حدا او مانها بنت انا برجعا لابوها خليه يقتلا .. بس انا متأكد انها ماكنت مع حدا
امو : شو يعني هلأ
صهيب : مروةمرتي ورح تسكن معنا هووون
امو:شوو تفضلت ..يعني رح تتزوجا
صهيب : اي واليوم لحتى اثبت للكل انها شريفة....
امو: وبدك تقعدا بخلقتي
صهيب : اي مشان تضل تحت نظرك
ابوه : خلص تركي صهيب يعمل يلي بريحو ... مزال البنت ماغلطت حرام نظلما
ليلى : طيب شو عشان الناس
صهيب : اذا طلعت بنت وشريفة بكرا بنعمل عرس ع الديق وبنلفلف القصة
امو : بدي اتأكد بنفسي انا شريفة ..
صهيب : ماما شو يعني تفوتي معي عغرفة النوم
امو : اي ليش لأ
صهيب : حرااام
ابوه : شو جنيتي يا مرى ...
انا كنت عم اسمع حكين وانا عم ابكي وارجف من الخوف بس ماني فهمانة شي بس يلي فهمتو انو بدو يصير شي بغرفة النوم
صهيب : انا رح فرجيكي العلامة شو مابتكفي هي
امو : وبركي طلعت مغشوشة
صهيب : انا ماني دابح حالي عليها لحتى استر عليها .. وكمان ماعندك ثقة فيني
امو : لا عندي .. خلص ابني اعمل يلي بريحك
صهيب : ليلى خديها ع الغرفة وانا شوي وجاي
ليلى متزوجة بس جاي زيارة لعند اهلا ...
ليلى : تعي معي مروة
رحت معها وانا قلبي رح يوقف
فتنا ع غرفة صهيب وسكرت الباب .. سحبتني من ايدي وقعدتني ع التخت
ليلى بكل حنية : خلص حاج تبكي ..
لما شفتة شقد لطيفة تجرئت وحكيت : شوبدكن تعملو فيني
ليلى : هههه مارح نعمل شي ...
مروة: لكن شو كانو يحكو امك وصهيب
ليلى : انتي ماعندك فكرة ابدا عن الموضوع
هزيت راسي بالنفي
ليلى حسيتا تلبكت كيف بدا تفاتحني بالموضوع ... اجت قعدت حدي وشلحتني الحجاب وقالتلي : تفرفدي شوي .. وشلحتني البلوزة يلي كنت لابستا
ليلى : اي قوليلي ليش هربتي
مروة : لانو خايفة من صهيب ..
مافعلت قلا انو بكرهو مابدي زيد الطين بلي وانا هلأ صرت عندن
ليلى : بس هيك ولا في شي تاني حكيلي
مروة : والله مافي شي .. كمان صهيب اول شخص بحياتي
ليلى : طيب ليش خايفة منو ... هلأ هو صحي عصبي شوي .. بس منيح كتير اذا كنتي معو منيحة
مروة : مابعرف خايفة منو وبس
ليلى : طيب وين كنتي
مروة : عند رفيقتي
ليلى : شو اسما
مروة : مابقدر
ليلى : ليش مابدك تقولي شو اسما
مروة : اهلا بيقتلوها اذا عرفو انو انا كنت عندا هربانة عأساس كنت زيارة
ليلى : طيب مين زرتي اليوم
مارديت
ليلى : هي مافيها سر ... انتي رحتي عملتي زيارة وين رحتي
مروة : بس هية امنتني
ليلى : هية لما امنتك مانها رايدتلك الخير واكيد بتكرهك .. لحتى طلبت منك ما تقولي اسما ... شوفي شو صار معك لانك مافعلتي تقولي اسما ..
مروة : معقول ؟؟
ليلى : اكيد معقول ..
مروة : طيب اسما رجاء
ليلى : بنت ابو براهيم
مروة : اي
ليلى : اي ماخربت الدني .. المهم تثبتي برائتك قدام العالم .. المهم هلأ اخي بدو يفوت لعندك بصراحة مافي شي لبسك اياه .. بس يلا هيك منيح
مروة : انا كتير خايفة .. قوليلي شو بدو يصير
ليلى : والله مابعرف شو قلك ... بس خلص سلمي حالك لصهيب وشو ماعمل ما تمنعيه
انفتح الباب وفات صهيب وقال بسخرية : شو جهزت العروس
قامت ليلى لعندو وقالتلو : اخي البنت اعصابا فارطة .. لا تضغط عليها وكون معا لطيف
صهيب : بعرف شو بدي اعمل ريحي حالك انتي
ليلى : طيب ماشي .. اااه صح قال كانت عند رفيقتا رجاء بنت ابو براهيم
صهيب اتطلع فيني وصفن حسيتو مخبي شي لما عرف اسما
طلعت ليلى وضلينا انا وصهيب
قرب مني وقال : بنبقى بنعرف بعدين شو قصتا هي رجاء .. وهلأ جاهزة
حسيت قلبي رح يطلع من مكانو وما رديت ... بلش يشلح تيابو ................................. ...
......... بعد ربع ساعةكان اخدلي عذريتي هلأ فهمت شو يعني الحكي يلي كانو يحكوه وفهمت شو يعني علامة ... انا عملت متل ماقالتلي ليلى انو سلمو حالي .. بس الشي يلي ماكنت اقدر سيطر عليه هنن دموعي .. غرقو المخدة يلي تحت راسي ...
قام صهيب وقلي حمدي ربك انك طلعتي بنت
فات على الحمام يلي بغرفتو .. كانت غرفتو على الطراز الحديث .. فات يتحمم وتركني منهارة من البكي .. عم حاول استجمع قواي ... وانا ضليت ع نفس الحالة لحتى طلع من الحمام وانا بعدني على التخت وضامة الحرام علي مشان يسترني .. وعم ابكي عليه
طلع تياب الو من الخزاني لبسن وقرب اخد الشرشف يلي كان تحتي وطلعو لبرا مشان يفرجبها العلامة لامو بدون مايحكي ولا كلمة .. بعد شوي انفتح الباب وكانت ليلى .. قربت مني وضمتني وقالتلي مبروك
انا هون فرطت بكي بس هالمرة عم ابكي بصوت عالي واشهق على صدرا
ليلى : ليش عم تبكي لازم تفرحي انك طلعتي شريفة
ضليت عم ابكي وماحكيت
بعدتني عنا وسألنتي موجوعة شي
مروة : اي .. قلبي عم يوجعني كتير
ليلى : يا قلبي عليكي .. يلا قومي تحممي لحتى جبلك بجامة تلبسيها
هية طلعت وانا قمت ع الحمام عم جر حالي جر .. اجري حسيتن معد حملوني يمكن من الخوف .. ويمكن من الجوع .. ويمكن من القهر والزعل ويمكن منن كلن
وقفت تحت الدوش وبلشت اتحمم ... خلصت حمام لقيت منشفة لفيت حالي فيها وطلعت لقيت ليلى وصهيب ..ليلى جايبتلي تياب وصهيب كان عم ياخد شي من الخزانة ... اتطلع علي بطرف عينو .. ودار وجهو وطلع ...
ليلى : خدي لبسي هاي .. صح كبيرة شوي بس منيحة لحتى يجو تيابك بكرا
مروة : شكرا
ليلى : هلأ صهيب اتصل بأهلك وبشرهن انك طلعتي شريفة .. وكمان صهيب قلن انو بكرا رح يعمل غدا يعزم عليه رجال الضيعة ونحنا بكرا رح ناخدك لعند اهلك بنعملك حفلة عرس مشان تطلعي عروس من بيت اهلك قدام الناس
هزيت راسي بدون اهتمام لانو معد بهمني شي .. خلص انا انتهيت .. رح يبلش مصيري الجديد من هاد البيت .. خلص انا معد فكر بشي ولا رح احلم بشي انكتب علي العذاب طول عمري .. لانو صهيب اذا كنت حبو نتفة هلأ صرت بكرهو كتير وامو من هلأ فرجتني وجها التاني
لبست البجامة ورحت نمت ع التخت .. اجت ليلى غطتني منيح وطفت الضو وطلعت .. بس انا ما نمت .. تجلست وصرت اتأمل الغرفة بالعتمة وكان هدووء كبير .. بس في صوت الساعة عم يعمل تك تك .. صرت حكي حالي .. معقول انا غلطت غلط كبير لحتى يصير فيني هيك ... ياترى شو هالذنب يلي رتكبتو .. بس مين المذنب الحقيقي اهلي يلي قررو يزوجوني صغيرة .. ولا صهيب يلي طلبني وانا صغيرة ولا انا كان لازم اتصرف غير هيك ... بس اكبر غلط عملتو هو انو هربت ... او يمكن لانو سمعت لرجاء .. لك صحيح ليش حسيت صهيب تفاجئ لما سمع اسم رجاء ... بس معقول انو يكون مصيري متل مصير مرتو لصهيب .. يلا بكون احسن خليني موت وارتاح ...
رجعت نزلت بالفرشة لنام .. وفاحت ريحة عطر صهيب من الفرشة .. الريحة حلوة بس هو لأ ولا بتلبقلو هو ريحة المازوت كتير عليه
مابعرف هديك الليلة ايمت نمت وانا صافنة وفكر .. فقت الصبح على صوت ام صهيب
ام صهيب : يلا ياعروووس ... قومي عنا شغل بلاوي قومي ..
تجلست وقلتلا صباح الخير بس صوتي كان مبحوح
ام صهيب : خير ههه من وين بدو يجي الخير .. قومي قومي في عنا شغل بلاوي .. ولا نسيتي انو اليوم عرسك ... الله يسامحو صهيب ما تركك لاهلك بركي كانو دبحوكي .. جبلي اياكي وحطك بخلقتي ... بس يلا ما بأثر هو كان بدو يجبلي خدامة بعتبرك خدامة ... وبكرا بزوجو بنت احلا منك بمليون مرة وبيسكن ببيتو .. يا حسرتي عليه انحسبت عليه جازة
مارديت عليها وقمت .. هو بقلبي في قهر بس ماكان الي نفس ابكي قد مابكيت
قمت معا .. لبست ورحت لعند اهلي .. وصهيب كان عم يحضر مشان يعملو غدا ويعزمو عليه كل الضيعة .. وصلنا لعند اهلي ماكنت طايقة شوف خلقت حدا فيهم كنت كرهانتن كلن ..
حماتي : قربي سلمي ع اهلك وبوسيهن وطلبي السماح .. عملت حالا قدام اهلي الملاك البريئ ..
قربت بوستلن اديهن كلن وطلبت منن السماح
امي كانت عم تبكي صارت تقلي الله يرضا عليكي .. وابي رضي علي واخواتي كمان .. فتنت قعدنا بالصالون .. انا كنت ساكتة وحاطة راسي بالارض وماحكيت شي .. الكل ساكت وعم يتصفن ببعضو .. وبصراحة انا كنت ميتة من جوعي لانو محدا طعماني
قمت وقلتلن انا رايحة ع الحمام .. لحقتني فاطمة انا مافتت ع الحمام فتت بوجهي ع المطبخ .. مالقيتن طابخين قام لفيت عروسة زعتر وصرت اكلا
وقلتلا لفاطمة : ليش لاحقتيني مفكرتيني بدي اهرب
فاطمة : لا .. بس جاي اسألك كيفك
انا : احسن من هيك بنتزع
فاطمة : شو صار معك بعد ما رحتي .. صهيب ضربك شي
مروة : لا
فاطمة : اي الحمد لله
سمعت الباب اندق وفات حدا .. اجت امي وقالت اجا فستان العرس والكوفيرا اجت كمان يلا قومي لانو جاين ياخدوكي ع ٢
قمت معا ورحنا ع غرفتي مشان يلبسوني ويظبطوني
امي استأذنت مشان تروح تعزم القرايبن والجيران .. بصراحة انا ماكنت طايقة هالعرس لانو متل الضحك ع اللحى متل ما بقولو.... ومابدي احكي عنو زيادة لانو كان يوم كتير كئيب ... المهم لبسوني وظبطوني وقعدوني بالصالون واجو القرايبن والجيران عملو هيصة صغيرة .. وطبعا الكل عم يسأل انو ليش مستعجلين وحماتي تقلن انو ظروف وانومستعجلين ومن هالحكي .. ومرقو هالكم ساعة ع خير وخلص الغدا عند العريس واجو مشان ياخدوني .. فات صهيب قعد جنبي دقيقتين وقام مشان نروح .. انا قمت ودعت اهلي وصرت ابكي .. ماني عم ابكي نفس بكي العروس يلي بتطلع من بيت اهلا وعأساس رح تشتقلن .. لا كنت عم ابكي وعاتبن بقلبي وقلن الله لا يسامحكن .. الله لايسامحكن لانكن ظلمتوني وحرمتوني من طفولتي ومن مدرستي وجبرتوني اعمل شغلات مابعرفا وبالاخير انا طلعت المذنبة .. انا طالعة من بيت اهلي على قبر محتم لانو مانو مرغوب فيني .. اخر نظرة اتطلعتا بعيون ابي وكنت عم قلو شكيتك لالله ..طالعوني بسيارة صهيب عأساس سيارة العريس ورحنا ع البيت
صهيب : واخيرا خلصت هالتمثلية على خير .. تفضلي انزلي .. نزلنا وقبل ما نفوت قال عطوني عجينة لزقتا ع الباب هه ...وبعتبار هاد اخر مشهد لزقتا وفتنا طبعا كان معنا كتير نسوان بتقربن لبيت عمي عندن بالدار مشان هيك انا وصهيب فتنا ع الغرفة وسكرنا ع حالنا متل مابيعملو العرسان ..
قعد صهيب على التخت وقلي : اي انسة مروة هلأ فضيتلك .. احكيلي شو حكتلك رجاء عني
انا : وانت كيف عرفت
صهيب : سألت امك وقالتلي انها كانت عندك قبل ما تجني وتصيري تصرخي معد بدي اياك وبكرهك
انا : قالتلي انك قتلت مرتك وانك بتشرب
صهيب : مرتي؟؟
انا : اي مرتك
صهيب : انتي مجنونة .. لك انا بحياتي ماتزوجت غير حضرتك
انا : شويعني
صهيب : يعني ضحكو عليكي وخلوكي تهربي من بيت ابوكي متل الجدبة
انا : لا انت واحد كذاب ..قام لعندي بسرعة ومسكني من وجهي وقال : اذا بتعيدها لسانك لقصو
صهيب : هي رجاء واختا ايمان حسابن معي بعدين
انا : ليش شو دخلا ايمان
صهيب : كل هاد من ايمان لانو كنا انا واياها صحبة .. مشان هيك لعبو بعلقك يا خوتة وخلوكي تهربي .. المهم هاد الموضوع خلصنا منو .. المهم هلأ انا بالاول كنت حابك وكنت ناوي اعملك اميرة لكل هالعيلة بس بعد الشي يلي عملتيه كرهتك وماني طايق شوفك .. وشغلتك بهل البيت هية خدامة وبس واذا حبيت نام معك مارح اتردد .. بس انو انتي مالك اي كلمة بهل البيت بتقولي حاضر وبتنفذي .. قوانين هي الغرفة بتحفظيها منيح .. التخت هاد صغير ومابنقدر انام عليه انا وانتي مشان هيك بتنامي انتي ع الارض .. وثانيا هاد الحمام خاص فيني انا وبس .. وانتي اذا بدك تقضي حاجة او تتحممي بتستخدمي حمام العيلة .. فهمتي
كنت عم ابكي وقلتلو حاضر
صهيب : ممتاز .. برات هي الغرفة الكلمة الاولة والاخيرة هية لامي يلي بتقولو امي بتنفذيه .. والله يطعمك وشي يوم تردي بوجها .. لخليكي تشتهتي الموت وما تلاقيه .. واذا اعتذتي اي شي بتطلبيه من امي ... وكمان طلعة برات البيت مافي .. ولا حتى خطوة وحدة الا بأذني ... روحة لعند اهلك مافي .. اذا بدن يجو هنن اهلا وسهلا .. تلفون ممنوع ..والباب مابتفتحي لحدا اذا اندق بتخلي اي حدا يفتح الا انتي .. وكمان اخي معاذ الصغير مابدي تختلطي معو ابدا .. وبالدار بدي لاباسك عطول كامل . يعني مايوم شوفك رافعة عن اديكي او عن اجريكي او طالعة شعرة من شعراتك برات الحجاب والله بعدمك حياتك .. مفهوووم
هزيت براسي وانا عم ابكي من قلبي
صهيب : وكمان هي دموعك السخية مابدي شوفا .. يعني لما مابكون هون ابكي ونوحي قد مابدك اما قدامي ممنوع لانو انا مابحب البكي بلا سبب .. واذا شفتك عم تبكي رح خليكي تبكي ع المظبوط .. رفعت ايدي يلي عم يرجفو وصرت امسح دموعي
صهيب : انا اليوم المسا رايح ع حمص وبدي ضل ٣ تيام مشان غيب عن عيون الناس مشان اذا شافوني بالطريق مايقولو عريس وطالع من بيتو .. فيكي تستخدمي التخت لبين ما ارجع .. انا هلأ رح بدل تيابي واطلع اقعد مع عمامي وخوالي .. بكونو راحو النسوان من عنا .. وانتي بتكوني بدلتي تيابك
طلع .. وقعدت بالارض وصرت ابكي مابعرف على شو على غبائي ولا عحظي البهوي ولا ع القرارات يلي امرني فيها ... اندق الباب وفاتت ليلى ساعدتني لحتى بدلت الفستان ولبست تياب عادية
ليلى : ليكي لاتطلعي من الغرفة لبكرا .. وانا رح جبلك شي تاكليه
راحت جابتلي اكل من اكل العرس .. وانا اكلت لانو كنت جوعانة كتير .... المسا اجا صهيب اخد شوية تياب الو وراح ... نمت انا هي الليلة وفقت الصبح ع صوت حماتي
حماتي : يلااا.. يلااا ياعروس شو فاتحيلك اوتيل نحنا قومي في عنا شعل بلاوي
قمت انا وقلتلا : يلا بس لبدل تيابي وجاي
حماتي : اي لا تتأخري
بسرعة اخدت من تيابي يلي كانت عند اهلي لانو ماكنت مجهزة وماجبت معي جهاز ... اخدت بنطلون وكنزة طويلة للركبة ولفيت الحجاب ... بس تيابي كانووحلوين ومرتبين .. طلعت لعندا اتطلعت فيني من تحت لفوق وماحكت
حماتي : تعي لعرفك ع البيت
فتنا ع المطبخ وكأنو قايمة قيامتو الجلي والكركبة بكل مكان
حماتي هاد المطبخ اول مابتفيقي كل يوم بتبلشي فيه بتنضفيه ع ٢٤ وبعدا بتجهزي الفطور للكل .. بعد ما نفطر بترجعي بتنضفي جليات الفطورة وبتنتقلي ع الغرف بتنضفيهن غرفة غرفة وكل يوم بدك تشطفي ارض الدار وتسقي الزريعة ... والحمامات بدي ريحتن تضل عم تهفهف نضافة ... والغسيل كل يوم يتدوري غسالة الاتومانيك بتغسلي وانا بطلع بنشرن لانو صهيب مابدو حدا يشوفك مفكر عندو شي ملكة جمال
مروة : حاضر .. وبدك شي غيرو
حماتي : لا اذا بدي انا بطلب منك .. يلا روحي الشغل ناطرك ... واذا الجلي بعدو زفر بدي خليكي تجلي مرة تانية
قلتا حاضر ورحت ع المطبخ لبست مريول الجلي وبلشت .. وهي ساعة كاملة وانا واقفة ع المجلى .. خلصت وبلشت تجهيز الفطور .. خلص الفطور ونقلتو على غرفة القعدة يلي عندن .. ندهت لحماتي انو الفطور جاهز وانا متل الجدبة مجهزي حالي افطر معن
قعدت حماتي واجا عمي صبح علي واجا معاذ يلي هو اصغر مني بسنة ..
حماتي : ليش واقفة عندك
فكرتا بدا تقلي تعي فطري معنا .. بس لأ قالتلي روحي بسرعة عملي غرفة الضيوف وبعدا ارض الدار هلأ الناس بتصير تجي ..
عمي : خليها تاكل لقمة
حماتي : كانت عم تاكل بالمطبخ
يا الله شو حسيت حالي رخيصة وبلا قيمة ... وصلت معن يحرمني من الاكل ... خبيت هالغصة بقلبي ورحت اشتغل ... اشغلت كل الشغلات البيت وبيتن كبير وانا حسيت ضهري انكسر .. صار وقت الغدا .. قامت حماتي طبخت وانا كنت حدا ساعدا طبعا انا مابعرف اطبخ بس اذا بدا شي اعطيها .. خلص الغدا وسكبتو كلوو وحطتو ع السفرة .. كانت عاملة شاكرية ورز وحطتن كلن ع السفرة .. يمكن عملت هيك عن قصد مشان مايضل شي بالطناجر واكلن انا .. كمان قعدو ياكلو ومحدا قلي تعي كلي .. حتى لو بدن يعزموني مارح قرب بس كلمة وبتنقال .. لما خصلو غدا رحت لميت السفرة والاكل الباقي مرت عمي سكبتن لجارتن
حماتي : معاذ .. معاذ . تعال خود هالسكبة لجارتنا ام ضياء خطي مرى ارملة ومالها حدا .. انا كنت احبس بقلبي واسكت .. واخيرا خلص هاليوم الشاق وصار وقت ارتاح .. حطيت راسي ع المخدة مشان نام بس ماقدرت لانو حسيت معدتي عم تفرك علي من الجوع ... حاولت نام بس ماقدرت .. وفكرت فيها انو انا مافيني ضل بلا اكل ع طول .. لازم قوم واكل شي لقمة وكمان مشان بكرا يكون الي حيل اشتغل
قمت ع المطبخ شوي شوي .. وبسرعة لفيت عروسة زعتر وخبيتا بتيابي وفوتا ع غرفتي وصرت اكلا بدون لا كاسة شاي ولا حتى خيارة كانت كل لقمة تغصصني وحسا علقت بحلقي .. ودموعي على خدي نازلين ..
مرق يومين ع نفس الحالة وانا كنت استنى اخر الليل لحتى اكل سندوشة هالزعتر
تالت يوم اجا المحروس ... واستقبلوه احلا استقبال وكأنو كان بالحج .. فات تحمم بغرفتو وبدل تيابو وحط راسو ونام انا ماسلمت عليه وهو ماقلي شي .. صار الغدا وقعدو ياكلو..
انا مابعرف كيف حكيت او ليش سألت وقلتلا لحماتي : فيق صهيب ع الغدا
حماتي : لا صهيب محدا بيفيقو ولما بفيق بياكل اصحك شي يوم تزعجيه
قعدو اكلو وخلصو اكل انا طبعا قاعدة بالمطبخ ناطرة لحتى يخصلو اكل ... ولما خلصو رحت جبت الغدا ع المطبخ .. اجت مرت عمي الاكل يلي ضل حطتن بصحن وغلفتن بكيس شفاف وحطتن بالبراد وقالت هدول حتى يفيق صهيب بتسخنيهن وبتحطيلو اياهن
مروة : حاضر
وقلت بقلبي : وانا شوو .. معقول عم تتجاهنلي عن قصد ولا مانا منتبهة .. طيب ما عم تسأل حالا شو عم اكل ..ياربي ليش هيك .. جليت الجليات وقعدت ومعدتي صارت تنق علي .. وانا كنت اتذكر كيف الاكل كان منظرو بشهي وحتى دوق ما دقتو .. لك حتى عروسة زعتر ما سترجيت قوم واكل خفت حدا يشوفني ... كانت الدمعة بعيني تحاول تنزل انا فورا امسحا قبل ما تنزل .. قمت رحت ع الحمام وغسلت وجهي مشان مايبن علي انو بكيانة .. وانا عم غسل وجهي اتطلعت ع المراي وشفت شقد وجهي تعبان ..
مسحتو ورجعت قعدت بالمطبخ .. وانا قاعدة بالمطبخ فات صهيب
صهيب بتجاهل : شوفي اكل
مروة : امك عملت مقلوبة سخنلك
صهيب : اي وجيبلي الاكل ع الغرفة
برم ضهرو وطلع .. انا سخنت الاكل بالمايكرويف .. وحطيتو ع صينية واخدتن ع الغرفة
قعد ع التخت وصار ياكل .. انا جيت بدي اطلع مشان ما تفضحني عيوني وانا عم اتطلع عليه كيف عم ياكل بس هو ندهلي وقلي : لا تروحي عايزك
مروة : بدك شي جبلك شي
صهيب : لا بس قعدي عندك لاتطلعي
قعدت وحطيت راسي بالارض
صهيب : عجبك طبخ امي
مروة بصوت واطي ليش انا دقتو
صهيب : شو قلتلي
مروة : اي طيب
صهيب : بدي تتعلمي منها وتصيري انتي تطبخي
وانا منزلة راسي قلتلو حاضر ..
صهيب : خلصت تعي خديه
قمت اخدتو ع المطبخ وكان تارك وراه شوية اكل .. انا كانت شاطة ريالتي وماصدقت انو ترك اكل وراه وبسرعة اكلتن .. صح قلال بس حسيت صرلي شي مية سنة ماني ماكلة ... حطيتن بالمجلى مشان اجليهن .. ماشفت غير صهيب واقف وراي
صهيب : شو عم تعملي
مروة : بدي اجلي
صهيب : تركي الجلي وتعالي عايزك
مروة : مافهمت
صهيب : تعالي وبتفهمي
فوتني ع الغرفة وسكر الباب بالمفتاح ... انا هون نقزت
مروة : ليش قفلتو
صهيب : شبك وليش خايفة شو بدي اكلك انا جوزك .. بصراحة انا هاد الموضوع كان رايح عن بالي نهائيا
.............
لما خلص قلي : لا تنسي انتي بتحممي بالحمام يلي برا
مروة : لا مانسيت ... بس ليش ماهون
صهيب : هيك لانو بقرف حدا يستخدملي غرضي
بقلبي : انت القرف كلو وعم تحكي عن القرف .. لك الله ياخدني لارتاح .. الله يورجيني فيكن يوم .. وكنت حاول قدامو قد مافيني احبس دمعتي مشان ما ابكي قدامو ... قمت لبست واخدت تياب نضيفة الي ومنشفة وطلعت ...وشافتني حماتي
حماتي : شو ع وين
قلتلا بخوف : بدي اتحمم
حماتي : وليش ماتتحمي بالحمام يلي بغرفتك
مروة : صهيب مابدو اياني اتحمم هنيك
حماتي : اي ... بس هاد الحمام ما بتستخدميه الا لما تاخدي اذني
مروة : حاضر
بحسا بدا تعيط علي وتبهدلني بس انا ماعم خليلا مجال لانو شو ما قالتلتي بقلا حاضر وامرك
وبلشت الايام تمر انا كان بدي سلتي بدون عنب متل ما بقولو ...اخدم الكل من تم ساكت .. لك حتى يمكن اذا حدا سألني شو اسمك قلو حاضر .. واكتر رفيق بهل البيت هو المجلى .. وكنت افرك الجلي من كل قلبي وحاول طالع كل قهر فيه ... كنت فيق من الخمسة مشان اتحمم وماتحس علي حماتي واشتغل كل الشغل بكير وحطلن فطور الن وصهيب ما بفيق لبعد ١٢ برجع بحطلو فطور والغدا كمان هيك صهيب يتغدا عند المغرب بس عشا ماكانو ياكلو كانو ياكلو فواكه ويشربو شاي ومتة وقهوة وهيك .. بس انا صرت حاول اسرق اكل مشان اكل .. مرة اسرق موزة ومرة خيارة ومرة صحن اكل واخدو ع الغرفة لما صهيب مايكون بالبيت .. وصهيب يطلع على شغلو الضهر ويرجع يروح من اذان العشي مايرجع لل٢بعد نص ليل ولما يجي يفيقني وياخد مني حقو الشرعي .. يعني كنت نام اخر وحدة وفيق اول وحدة ... لما يحطو اكل تقول حماتي مروة هلأ بتاكل مع زوجا .. وصهيب لما يقعد ياكل لا بقلي تعي كلي ولا بيسألني اذا اكلت يمكن مفكر انو عم اكل معن .. وضاعت الطاسة ... بس كنت ضووج كتير وحس حالي رح اختنق .. مشتهية اطلع بس ع السطح بس مابسترجي اطلع درجة وحدة لفوق لانو مرت عمي بالبيت متل الضابط علي .. وطبعا نام ع الارض هيك اوامر صهيب بيك وماكان في حرام كنت اتغطى بشرشف رقيق كنت موت فيه بالبرد ...
فقت الصبح بكير لميت فرشتي وحطيتا بقلب الخزانة طبعا بكل هدوء مشان ماينزعج حضرة جنابو ...وقمت تحممت واشتغلت الشغلات ... وانا عم اشتغل حسيت ع مرت عمي فايقة
حماتي : مروة ليش فايقة بكير
مروة : صايرة عم فيق بكير مشان اشتغل كل الشغل بكير مشان لحق
حماتي : ايه .. منيح .. يلا شدي همتك لانو جاي سلفتك مرت سليمان وليلى يقضو اليوم عنا
مروة : شو بتأمرني هلأ
حماتي : خلصي شغلاتك وبدنا نجهز فطور مرتب .. بدنا نسلق فول وحمص ونعمل مسبحة وتسئية
مروة : حاضر
بلشنا شغل وبتجهيز الفطور واجت ليلى وولادا وسلفتي ميس وولادا ..
قامت حماتي وبلشت تبويس بميس وبولادا
حماتي : يا اهلين بالغالية .. اهلين بأميرة هالعيلة ..
حسيتا عم تجاكرني ... بس انا ماعملت اي ردة فعل بس من جواي مقهورة كتير .. وكنت متأكدة رح موت قهر بهل البيت
ميس : اي مرت عمي شو ساعدكن
حماتي : والله مابتمدي ايدك علي شي .. بس تعالي قعدي قبالي خليني شوف هالوجه الحلو يلي مشتاقتلو
ميس : تسلميلي يا حماتي على هالحكيات الحلوين
ميس حسيتا عم تطلع علي بقهر مبين انها غيرانة مني يمكن لاني احلا منا
ميس : اي كيفك ياعروستنا
مروة : الحمد لله
ميس : قلك شي بس ما تزعلي
مروة : قولي
ميس : بصراحة تيابك كتير مشرشحين وماحلوين .. هيك تياب مابتلبسن عروس
كلن قصدن يجرحوني بالحكي وبصراحة تلبكت وماعرفت شو رد .. قام نطت حماتي وقالت : اي شو مفكرة كل الناس متلك بتعرف تلبس ..
انا كنت لابسة بجامة قديمة شوي من تيابي القداما
ليلى: لا مروة زوقا كتير حلو بالتياب بس لاتنسو انو ماجهزت شي وهدول التياب عندا اياهن من زمان ...
ميس تحكي بمياعة : ومين ضربا ع ايدا وقلا تهرب ماكانت وصلت حالا لهون
بصراحة انا معد استحملت حكين تركتن قمت رحت ع الحمام وصرت ابكي .. اصلا الشي الوحيد يلي كنت اقدر اعملو هو البكي واوقات حتى البكي كان ممنوع
يتبع ......
#بقلم_مريم_اليوسف
#الجزء_ الثالث
مرق اسبوع على خطبتنا .. وصهيب كنت شوفو اوقات قليلة بحكم شغلو ... وانا حسيت حالي بلشت انجزبلو وحبو ... وحددنا العرس بعد شهرين لحتى يخلص بيتو .. عنجد كنت عم عيش معو لحظات حلوة لانو هو كان عطول كان يسمعني كلام حلو ... يعني شي طبيعي وحدة بعمري بس حدا يسمعا كم كلمة حلوة بتكيف
لحتى اجا اليوم المشؤوم يلي غيرلي كل حياتي .. طبعا كانو يجيو المباركين يباركولي بالخطبة ... اجت رفيقتي لحتى تباركلي هية معي بنفس الصف بس مو كتير صحبة
قعدنا انا واياها لحالنا بغرفة القعدة ...
رجاء : شو كيفك انت وخطيبك
مروة : والله مافي منو ..كتير حباب ومهضوم
قالت بصوت واطي بس كانت قاصدة تسمعني : اي هيك ببين بالاول
انا سمعتا
مروة : شو قلتي ما فهمت
رجاء : اااه لا مافي شي
مروة : لا عنجد حكيلي
رجاء : طيب رح احكيلك بس امنتك بالله انك ماتجيبي سيرة لحدا انو انا قلتلك
مروة : والله مارح احكي ..بس احكيلي قلقتيني
رجاء : انتي بتعرفي انو صهيب كان متزوج
مروة : لا مامعي خبر ... عم تحكي جد
رجاء : اي جد ..
مروة : طيب وينا يلي كان متزوجا .. ومين كان متزوج
رجاء : اتزوج شهرين وحدة من برات الضيعة .. وبعدين قتلا
مروة : شووو قتلا .. ليش
رجاء : قال لانو ردت بوجهو .. قام صار يضربا لحتى ماتت بين اديه ... بس هون بالضيعة محدا بفيتح هي السيرة لانو بخافو من صهيب ... وبصراحة انا ما هان علي شوفك عم تتزوجي لهيك واحد وما حذرك
صرت ابكي وقلتلا : عم تحكي جد
رجاء : اي والله جد ... بس مشان الله لاتجيبي سيرة لحدا انك بتعرفي او انا قلتلك والله اذا وصل الخبر لابي بيدبحني
مروة : يعني اهلي بيعرفو
رجاء : كل الضيعة بتعرف
مروة : كيف هيك بدون يجوزوني لواحد قتال قتلا
رجاء : والله مابعرف .. كمان اول ما خطب هديك البنت كان يحبا كتير متلك .. وكمان هو بيشرب
مروة : شو بيشرب
رجاء : مخدارت .. بكرا بالمستقبل اذا شرب وماحس ع حالو والله بيقتلك
وانا عم ابكي : لك انا هلأ شو اعمل
رجاء : طلبي من اهلك انو يفسخو الخطبة .. واصحك لاتجيبلن سيرة مرتو امانة .. وكمان صهيب مابحب حدا يذكرو فيها لانو بتقوم القيامة
مروة : ياربي شو هالمصيبة ... ياربي دخيلك
رجاء : يلا انا صار لازم روح .. سلام
مروة : لك ع وين رايحة ... مشان الله قوليلي شو اتصرف
رجاء : قلتلك خلي اهلك يفسخو الخطبة
مروة : مارح يرضو
رجاء : اي هربي ولا تقبلي تعيشي مع هيك مجرم
قامت راحت .. طبعا كلشي قالتلو كان كذب .. وانا متل الجدبة لا سألت حدا ولا تأكدت اذا حكيا صحيح .. ضليت هيك للمسا وانا عم ابكي واندب حظي ... المسا لما اجتمعو اهلي كلون .. طلعت وقفت قدامن وحكيت
انا معد بدي صهيب
الكل انصدمو وحكت امي : ليش يابنتي شبو صهيب بشو زعجك
انا: ماعملي شي ومعد بدي اياه ... انا مستحيل اتزوجو .. يا بتفسخوالخطبة يا اما والله بنتحر
ابي بعصبية ؛ لك شو عم تخبصي .. شوعملك الزلمة
انا : ما عملي شي ومابدي ايااااه ...والله بهرب ومابخليكن تشوفي وجهي مرة تانية
قام خضر بدو يضربني انا هربت من قدامو ورحت ع غرفتي وقفلت على حالي الباب
خضر : يا حيوانة فتحي .. وفهميني شو القصة
مروة : عم قلكن مافي شي بس انا مابدي اياه ... ومارح اتزوجو لو تطبق السما على الارض
خضر : رح تتزوجيه ورجلك فوق رقبتك حتى لو بدي ضل حابسك هيك ليوم العرس ..
مروة : طيب ماشي منشوف
صار يضرب ع الباب ويقول عم تهددي يا كلبة ..
اهلي كلن حاوليه واقفين وما عرفانين شي .. تلفوني صار يرن وكان صهيب ... انا سكرت بوجهو وقلت الك عين تتصل ياكلب ...
قعدت ع تختي وانا خلص حاسمة امري ... بعد شوي ولا الباب عم يندق
مروة : قلتلكن ماني فاتحة
صهيب : مروة هاد انا فتحي خلينا نحكي
مروة : انت بالذات مالي حكي معك .. انا بكرهك ومابدي اياك ...
صهيب : لك شو صرلك الصبح كنا مبسوطين وعين الله علينا
مروة : ماصار شي ..بس اكتشفت انو انا بكرهك ومابدي اياك .. انت مابتهم وما بتحس عم قلك بكرهكككك
صهيب ضرب ضربة ع الباب ومبين عليه عصب وعم يحاول يفش خلقو .. سمعتو راح .. وقال لاهلي بس ترجع لعقلا اتصلو فيني
رجعت امي تدق واخواتي وابي وماكنت افتح ..ماشفت غير حدا دفش الباب بقوة وانفتح .. وفات اخي خضر متل الحيوان .. مسكني بلش فيني ضرب
خضر : شووو قلتي وليه مابدك تتزوجي .. والله بدفنك هون ولابخلي صوتك يعلا علينا فهمتي
وانا عم ابكي بين اديه : مشااان الله فهموني .. مابديي ايااااه .. بكرهو ..
كان عم يضربني بأديه وبرجليه وامي واخواتي عم يحاولو يبعدوه عني بس بدون جدوى ..
خضر : شووووو ... لسه ما بدك اياه ..ويضرب يرجع يسألني
انا من كتر الضرب قلتلو : خلص .. خلص .. بدي اياه .. خلص بتزوجو .. بس ببوس ايدك تركني
تركني وبعد عني وقال : شوووو
وانا عم لملم حالي وعم ابكي : خلص متل مابدكن
قرب لعندي وقال والله المرة التانية بدبحك لانو نحنا مانا ماشين من تحت امرك ... ومتل مابدنا بتنفذي وبس
تركني وطلع قربت امي حضنتي وصرت ابكي على صدرا .. طلع عمر وابي بدون ما يوجهولي اي كلمة وكأنو رضيانين بيلي عملو خضر
مروة : ماما مشان الله ليش هيك عم تعملو معي
امي : يابنتي قوليلي شو يلي غيرك
ماسترجيت قلا على رجاء لانها امنتني ..
ضليت عم ابكي بحضن امي لحتى غفيت .. حسيت الصبح بكير وكانت الساعة ٦ ..قمت اتطلع ع حالي بالمراي كيف شوهيني خضر من الضرب... ومع هيك ما تراجعت عن قراري وقررت اهرب لبست وطلعت شوي شوي من البيت ...طلعت من البيت وصرت اركض .. احترت ع وين بدي روح .. فقررت روح لعند رجاء .. رحت دقيت عليها الباب .. فتحتلي اختا يلي اكبر منها واسما ايمان وكان مبين انها فايقة من النوم
مروة : رجاء هون
ايمان : اي فوتي ..
فوتتني بدون ما تسألني شي لا ليش جاي هلا ولا ليش هيك منظري.. وصلتني لعند رجاء وهية يمكن رجعت تكمل نومتا ..
مروة : رجاء.. رجاء .. فيقي
فاقت رجاء وتفاجئت فيني
رجاء : مروة ؟؟ شو جايبك لعندي بهل الوقت وليش هيك منظرك
صرت ابكي وقلتلا : هربت
رجاء : طيب اهدي لاتبكي
مروة : مشان الله انا خايفة قوليلي شو اعمل
رجاء : والله مابعرف .. بس انا مافيني خليكي عندي انتي بتعرف اهلي
مروة : ياربي وين بدي روح بحالي
رجاء : رح خليكي هون للمسا والمسا انتي دبري حالك بكذب ع اهلي وبقلن جاي تقضي النهار عندي
مروة : رح روح لعند عمتي .. هية متفهة واكيد رح توقف معي ... يلا انا رايحة
رجاء : لك ع وين .. شو انتي مجنونة .. ع القليلة خليكي للمسا لانو اهلك اكيد رح يدورو عليكي عندا ..
ضليت عند رجاء . وكل ما تمر الساعة ساعة حس قلبي رح يوقف من الرعبة .. صرت حكي حالي : انا شو عملت بحالي اكيد اهلي رح يدبحوني .... لا لا انا ماعملت شي ليش لحتى يدبحوني ... ياربي تكون معي .. وضليت هيك للمسا
مروة : انا صار لازم روح
رجاء : انا رح وصلك قومي
رحنا انا ورجاء مشي ع بيت عمتي لانو قريب
رجاء : مروة مشان الله مابدي حدا يخبر انك كنتي عندي
مروة : خلص ولا يهمك مارح خبر حدا
رجاء : اي الله يوفقك
وصلتني ع الباب وراحت .. رنيت الجرس.. فتحتلي عمتي
عمتي : مروة ؟؟؟ وين كنتي من الصبح اهلك قلبو الدني عليكي
صار قلبي متل النار لما قالت هيك
مروة : كنت هربانة لانو مابدي اتزوج هاد يلي اسمو صهيب
عمتي : فوتي .. فوتي
فوتتني لجوا .. وانا كان مخطوف لوني وجسمي ع يرجف
عمتي لاحظت علي هالشي : وين كنتي
مروة : عند رفيقتي
عمتي : ايو رفيقة
مروة : مابقدر قلك
عمتي : مروة بلا كذب وين كنتي
مروة : والله عند رفيقتي
عمتي : مروة مين هو الشب يلي كنتي بدك تهربي معو
مروة : اناااا .. والله ماكنت مع شب .. والله كنت عند رفيقتي
عمتي : طيب مين رفيقتك خليني روح اسألا
مروة : مابقدر قلك شو اسما
عمتي : لكن ليش جاي لعندي
مروة : بدي اتخبا عندك .. خايفة من اهلي
عمتي : بتعرفي انتي هلأ شو عملتي
مروة : شو عملت
عمتي : هربانة من الصبح ومحدا بيعرف وين ارضيكي ... وهلأ جاي لعندي المسا بدك تتخبي عندي .. ليش ماجيتي من الصبح
مروة : رفيقتي قالتلي خليكي للمسا
عمتي : مينا هي رفيقتك
مروة : قلتلك مابقدر قلك مين هي
حسيت عمتي شاكة فيني وماعم تصدقني .. لانو عنجد محدا رح يصدقني وانا حطيت حالي بمصيبة فوق المصيبة يلي انا عملتا وماني دريانة
عمتي : انا رايحة حطلك لقمة تاكليها ونجي نلاقي حل لهل المصيبة يلي انتي فيها
فاتت عمتي ع المطبخ .. وانا هون دمعو عيوني وكان قلبي شعلان من الخوف ..طلعت ومعها الاكل وقعدت حدي
مروة : وينو جوزك وولادك
عمتي : راحو يدورو عليكي مع ابوكي واخواتك
مروة : عمتي ابي بدو يدبحني شي
عمتي : لا رح يغنيلك يرقصلك
مروة : مشان الله لا تزيدها علي
عمتي : لك ياعمتي ليش هيك عملتي
مروة : قلتلن مابدي هاد العريس .. وهنن مصرين يجوزوني اياه بالغصب
عمتي : بس بالخطبة كان طاير عقلك
مروة : كنت عم مثل
صار الباب يندق .. انا بسرعة مسكت بأيد عمتي من الخوف
عمتي : لا تخافي هاد بكون زوج عمتك ووالولاد خليكي انتي هون .. وانا رايحة شوف مين
رجعت لمحلي .. سمعت صوت الباب انفتح بس ماسمعت حكي .. فجأة مابشوف قدامي غير اخواتي وابن عمتي وصهيب معن .. انا معد قدرت اتحرك من محلي من الرعبة
قرب خضر وقعد حدي انا صرت ابكي
بكل هدوء طبعا كان خافي غضبو قال : وين كنتي
بدي احكي معد طلع معي الحكي
خضر: مروة حبيبتي وين كنتي
انا : ك..كك.ككك... كنت عنددددد..رفيقتي
خضر: مين هية
بلعت ريقي وقلت ماااا .. بقدر قول مين هية
ماشفتو غير مسكني من راسي وخبطني بصحن الاكل يلي قدامي .. وصار يصرخ: وييين كنتيي ... وقف وشدني من راسي ..
وسحبني معو ..
وقفني قبالو بنص الصالة ورجع سألني نفس السؤال
مروة : قلتلك عند رفيقتي
خضر : مين هية
مروة : مابقدرر. ..قلك شو اسما
وماشفت غير رفع ايدو وضربني هداك الكف خلاني اوقع ع الارض
قرب علي عمر وقلي : كنتي مع واحد
مروة : لا والله .. لا والله ...
عمر : كنتي بدك تهربي معو ماهيك
مروة : والله العظيم ماكنت مع واحد ..والله
صهيب حكي : هربتي لانك مابدك اياني
هزيت براسي وقلت اي
انتهد وحسيت هالتنهيدة طلعت من نص قلبو
صهيب : خلونا نروح بنحكي بالبيت سحبني عمر .. وهو عم يلطوشني كفوف .. وعمتي ماحاولت تمنعن او تتدخل نهائيا ... ركبنا بسيارة صهيب .. انا وعمر من ورا وصهيب عم يسوق وخضر حدوا .. كانو ساكتين مافي غير صوت شهقاتي بالسيارة .. وصلنا ع البيت نزلوني وشحطوني ع البيت .. كان ابي قاعد بصدر الغرفة ووجهو ماعم يتفسر .. وامي واختي واقفين ع باب غرفتي عم يبكو .. وكأنو عنجد عاملة شي عملة
ابي : جيتي يابنت الكلب .. جيتي يابنت الصرماي .. والله لاشرب من دمك ..
صهيب : لحظة قبل ما تشرب من دمها .. عندي كلمتين بدي قولن .. هي بنتكن عنكن انا هون خلصت مهمتي .. مروة انتي طالق ... وانا هلأ رح اتركن معها لتعرفو وين كانت فلتانة من الصبح
طلع وماشفت غير ابي معو سكين وهجم علي .. امي واختي صرخو .. بس اخي عمر بسرعة هجم عليه ومسكلو ايدو ... انا كمان صرخت صوت ... كان صهيب لسه مانو رايح وسمع صوت الصريخ ورجع فورا .. وشاف ابي هاجم علي واخي عمر عم يحاول يخلصو السكين .. قرب بسرعة وخلص السكين من ابي
ابي : لك الله يلعنك .. الله يخلصني منك ... حطيتي راسي بالارض ..
مروة : والله ماعملت شي .. والله ..
عمر : لك مشان الله قولي وين كنتييي
سكتت ومارديت
صهيب : عمي روق .. لسه ما وصلنا للقتل
ابي : يا ابني لاتواخذنا .. خلص طلقتا ورجاءً لا تتدخل انا بدي اغسل عاري بأيدي .. مشان هيك اتيسر عبيتك واستر ما شفت منا
صهيب : مارح خليك تقتلا ...
ابي : لو بدو يضل بعمري يوم رح اقتلا
صهيب: وانا ماااارح خليك
ابي : مابحقلك تمنعني
صهيب : لا بحقلي لانو انا زوجا
ابي : شو نسيت انك هلأ طلقتا
صهيب : لا مانسيت وهلأ بجيب الشيخ وبردا .. بس انت مشان الله اهدى وروق قعدوه لابي على الكرسي .. وانا قاعدة بالزاوية عم ابكي متل شي كلبة ولا حدا قرب مني ...
قعدو كلن ..
ابي : صهيب قوم روح ع بيتكن .. مابشرفك هاي تكون مرتك
صهيب : بشرفني ونص خلص مانها بنتك .. بس انت روق
ابي قال : وبركي طلعت ع .. ع ..عا..عابية .. وحدا ضحكان عليها .. وصاريبكي ( يا الله شو حرقولي قلبي دموع ابي ... العما شو اني حقيرة لاني بكيتو.. بس والله ماكنت عرفانة شو عم اعمل)
اتطلع فيني صهيب وقال : ساعتها انا يلي بدي اقتلا .. بس انت لا تبكي ..
اندق الباب ...
صهيب : هاد الشيخ بكون وصل .. انا قايم افتحلو .. النسوان فوتو لجوا
اجت امي اخدتني لجوا .. قعدت ع تختي وصرت ابكي .. امي ما حكتني ولا اختي ..
بعد شي ساعة .. فات عمر وقال : قومي روحي مع جوزك
مروة : انااا ... بس
عمر : هس ولا كلمة بدك تضلي عند ابوكي مشان يدبحك .. يلا قومي..
طلعت من بيت ابي وانا منزلة راسي .. وطلعت بتباب منترة ووجه مورم ...
ركبت جنبو بالسيارة وساق بسرعة ..
صهيب : وين كنتي
مارديت وضليت عم ابكي ..
صهيب : بسيطة ..
اخدني ع بيت اهلو ... يلي اول مرة بفوت عليه .. سحبني من دراعي وفوتني لجوا .. كانت امو وابوه واختو ليلى واخوه الصغير
امو : وين لقيتوها
طلع معن خبر بكلشي
صهيب : ماوقتو هالحكي
امو : وليش جايبها لهون .. ما تروح ترميها عند اهلا
صهيب : ماما انا جبتا من عند اهلا كانو رح يدبحوها
امو : ويدبحوها الله لايردا ... لكن في بنت بتهرب من بيت ابوها ومكتوب كتابا ..والله اعلم مع مين كانت .. بس ماتكون غلطانة وانت جاي تستر عليها
صهيب : امي مشان الله سكتي ماني ناقصك
ابوه : امك عم تحكي الصح ليش جايبها
صهيب : انا بعرف شو عم اعمل
امو : لا ماعم تعرف .. شو ضحكو عليك بكم كلمة وانت جيت تسترلن على بنتن
مروة : انا والله ماغلطت
صهيب : انتي بتخرسي مابدي اسمع صوتك ... واذا غلطانة مع شي حدا او مانها بنت انا برجعا لابوها خليه يقتلا .. بس انا متأكد انها ماكنت مع حدا
امو : شو يعني هلأ
صهيب : مروةمرتي ورح تسكن معنا هووون
امو:شوو تفضلت ..يعني رح تتزوجا
صهيب : اي واليوم لحتى اثبت للكل انها شريفة....
امو: وبدك تقعدا بخلقتي
صهيب : اي مشان تضل تحت نظرك
ابوه : خلص تركي صهيب يعمل يلي بريحو ... مزال البنت ماغلطت حرام نظلما
ليلى : طيب شو عشان الناس
صهيب : اذا طلعت بنت وشريفة بكرا بنعمل عرس ع الديق وبنلفلف القصة
امو : بدي اتأكد بنفسي انا شريفة ..
صهيب : ماما شو يعني تفوتي معي عغرفة النوم
امو : اي ليش لأ
صهيب : حرااام
ابوه : شو جنيتي يا مرى ...
انا كنت عم اسمع حكين وانا عم ابكي وارجف من الخوف بس ماني فهمانة شي بس يلي فهمتو انو بدو يصير شي بغرفة النوم
صهيب : انا رح فرجيكي العلامة شو مابتكفي هي
امو : وبركي طلعت مغشوشة
صهيب : انا ماني دابح حالي عليها لحتى استر عليها .. وكمان ماعندك ثقة فيني
امو : لا عندي .. خلص ابني اعمل يلي بريحك
صهيب : ليلى خديها ع الغرفة وانا شوي وجاي
ليلى متزوجة بس جاي زيارة لعند اهلا ...
ليلى : تعي معي مروة
رحت معها وانا قلبي رح يوقف
فتنا ع غرفة صهيب وسكرت الباب .. سحبتني من ايدي وقعدتني ع التخت
ليلى بكل حنية : خلص حاج تبكي ..
لما شفتة شقد لطيفة تجرئت وحكيت : شوبدكن تعملو فيني
ليلى : هههه مارح نعمل شي ...
مروة: لكن شو كانو يحكو امك وصهيب
ليلى : انتي ماعندك فكرة ابدا عن الموضوع
هزيت راسي بالنفي
ليلى حسيتا تلبكت كيف بدا تفاتحني بالموضوع ... اجت قعدت حدي وشلحتني الحجاب وقالتلي : تفرفدي شوي .. وشلحتني البلوزة يلي كنت لابستا
ليلى : اي قوليلي ليش هربتي
مروة : لانو خايفة من صهيب ..
مافعلت قلا انو بكرهو مابدي زيد الطين بلي وانا هلأ صرت عندن
ليلى : بس هيك ولا في شي تاني حكيلي
مروة : والله مافي شي .. كمان صهيب اول شخص بحياتي
ليلى : طيب ليش خايفة منو ... هلأ هو صحي عصبي شوي .. بس منيح كتير اذا كنتي معو منيحة
مروة : مابعرف خايفة منو وبس
ليلى : طيب وين كنتي
مروة : عند رفيقتي
ليلى : شو اسما
مروة : مابقدر
ليلى : ليش مابدك تقولي شو اسما
مروة : اهلا بيقتلوها اذا عرفو انو انا كنت عندا هربانة عأساس كنت زيارة
ليلى : طيب مين زرتي اليوم
مارديت
ليلى : هي مافيها سر ... انتي رحتي عملتي زيارة وين رحتي
مروة : بس هية امنتني
ليلى : هية لما امنتك مانها رايدتلك الخير واكيد بتكرهك .. لحتى طلبت منك ما تقولي اسما ... شوفي شو صار معك لانك مافعلتي تقولي اسما ..
مروة : معقول ؟؟
ليلى : اكيد معقول ..
مروة : طيب اسما رجاء
ليلى : بنت ابو براهيم
مروة : اي
ليلى : اي ماخربت الدني .. المهم تثبتي برائتك قدام العالم .. المهم هلأ اخي بدو يفوت لعندك بصراحة مافي شي لبسك اياه .. بس يلا هيك منيح
مروة : انا كتير خايفة .. قوليلي شو بدو يصير
ليلى : والله مابعرف شو قلك ... بس خلص سلمي حالك لصهيب وشو ماعمل ما تمنعيه
انفتح الباب وفات صهيب وقال بسخرية : شو جهزت العروس
قامت ليلى لعندو وقالتلو : اخي البنت اعصابا فارطة .. لا تضغط عليها وكون معا لطيف
صهيب : بعرف شو بدي اعمل ريحي حالك انتي
ليلى : طيب ماشي .. اااه صح قال كانت عند رفيقتا رجاء بنت ابو براهيم
صهيب اتطلع فيني وصفن حسيتو مخبي شي لما عرف اسما
طلعت ليلى وضلينا انا وصهيب
قرب مني وقال : بنبقى بنعرف بعدين شو قصتا هي رجاء .. وهلأ جاهزة
حسيت قلبي رح يطلع من مكانو وما رديت ... بلش يشلح تيابو ................................. ...
......... بعد ربع ساعةكان اخدلي عذريتي هلأ فهمت شو يعني الحكي يلي كانو يحكوه وفهمت شو يعني علامة ... انا عملت متل ماقالتلي ليلى انو سلمو حالي .. بس الشي يلي ماكنت اقدر سيطر عليه هنن دموعي .. غرقو المخدة يلي تحت راسي ...
قام صهيب وقلي حمدي ربك انك طلعتي بنت
فات على الحمام يلي بغرفتو .. كانت غرفتو على الطراز الحديث .. فات يتحمم وتركني منهارة من البكي .. عم حاول استجمع قواي ... وانا ضليت ع نفس الحالة لحتى طلع من الحمام وانا بعدني على التخت وضامة الحرام علي مشان يسترني .. وعم ابكي عليه
طلع تياب الو من الخزاني لبسن وقرب اخد الشرشف يلي كان تحتي وطلعو لبرا مشان يفرجبها العلامة لامو بدون مايحكي ولا كلمة .. بعد شوي انفتح الباب وكانت ليلى .. قربت مني وضمتني وقالتلي مبروك
انا هون فرطت بكي بس هالمرة عم ابكي بصوت عالي واشهق على صدرا
ليلى : ليش عم تبكي لازم تفرحي انك طلعتي شريفة
ضليت عم ابكي وماحكيت
بعدتني عنا وسألنتي موجوعة شي
مروة : اي .. قلبي عم يوجعني كتير
ليلى : يا قلبي عليكي .. يلا قومي تحممي لحتى جبلك بجامة تلبسيها
هية طلعت وانا قمت ع الحمام عم جر حالي جر .. اجري حسيتن معد حملوني يمكن من الخوف .. ويمكن من الجوع .. ويمكن من القهر والزعل ويمكن منن كلن
وقفت تحت الدوش وبلشت اتحمم ... خلصت حمام لقيت منشفة لفيت حالي فيها وطلعت لقيت ليلى وصهيب ..ليلى جايبتلي تياب وصهيب كان عم ياخد شي من الخزانة ... اتطلع علي بطرف عينو .. ودار وجهو وطلع ...
ليلى : خدي لبسي هاي .. صح كبيرة شوي بس منيحة لحتى يجو تيابك بكرا
مروة : شكرا
ليلى : هلأ صهيب اتصل بأهلك وبشرهن انك طلعتي شريفة .. وكمان صهيب قلن انو بكرا رح يعمل غدا يعزم عليه رجال الضيعة ونحنا بكرا رح ناخدك لعند اهلك بنعملك حفلة عرس مشان تطلعي عروس من بيت اهلك قدام الناس
هزيت راسي بدون اهتمام لانو معد بهمني شي .. خلص انا انتهيت .. رح يبلش مصيري الجديد من هاد البيت .. خلص انا معد فكر بشي ولا رح احلم بشي انكتب علي العذاب طول عمري .. لانو صهيب اذا كنت حبو نتفة هلأ صرت بكرهو كتير وامو من هلأ فرجتني وجها التاني
لبست البجامة ورحت نمت ع التخت .. اجت ليلى غطتني منيح وطفت الضو وطلعت .. بس انا ما نمت .. تجلست وصرت اتأمل الغرفة بالعتمة وكان هدووء كبير .. بس في صوت الساعة عم يعمل تك تك .. صرت حكي حالي .. معقول انا غلطت غلط كبير لحتى يصير فيني هيك ... ياترى شو هالذنب يلي رتكبتو .. بس مين المذنب الحقيقي اهلي يلي قررو يزوجوني صغيرة .. ولا صهيب يلي طلبني وانا صغيرة ولا انا كان لازم اتصرف غير هيك ... بس اكبر غلط عملتو هو انو هربت ... او يمكن لانو سمعت لرجاء .. لك صحيح ليش حسيت صهيب تفاجئ لما سمع اسم رجاء ... بس معقول انو يكون مصيري متل مصير مرتو لصهيب .. يلا بكون احسن خليني موت وارتاح ...
رجعت نزلت بالفرشة لنام .. وفاحت ريحة عطر صهيب من الفرشة .. الريحة حلوة بس هو لأ ولا بتلبقلو هو ريحة المازوت كتير عليه
مابعرف هديك الليلة ايمت نمت وانا صافنة وفكر .. فقت الصبح على صوت ام صهيب
ام صهيب : يلا ياعروووس ... قومي عنا شغل بلاوي قومي ..
تجلست وقلتلا صباح الخير بس صوتي كان مبحوح
ام صهيب : خير ههه من وين بدو يجي الخير .. قومي قومي في عنا شغل بلاوي .. ولا نسيتي انو اليوم عرسك ... الله يسامحو صهيب ما تركك لاهلك بركي كانو دبحوكي .. جبلي اياكي وحطك بخلقتي ... بس يلا ما بأثر هو كان بدو يجبلي خدامة بعتبرك خدامة ... وبكرا بزوجو بنت احلا منك بمليون مرة وبيسكن ببيتو .. يا حسرتي عليه انحسبت عليه جازة
مارديت عليها وقمت .. هو بقلبي في قهر بس ماكان الي نفس ابكي قد مابكيت
قمت معا .. لبست ورحت لعند اهلي .. وصهيب كان عم يحضر مشان يعملو غدا ويعزمو عليه كل الضيعة .. وصلنا لعند اهلي ماكنت طايقة شوف خلقت حدا فيهم كنت كرهانتن كلن ..
حماتي : قربي سلمي ع اهلك وبوسيهن وطلبي السماح .. عملت حالا قدام اهلي الملاك البريئ ..
قربت بوستلن اديهن كلن وطلبت منن السماح
امي كانت عم تبكي صارت تقلي الله يرضا عليكي .. وابي رضي علي واخواتي كمان .. فتنت قعدنا بالصالون .. انا كنت ساكتة وحاطة راسي بالارض وماحكيت شي .. الكل ساكت وعم يتصفن ببعضو .. وبصراحة انا كنت ميتة من جوعي لانو محدا طعماني
قمت وقلتلن انا رايحة ع الحمام .. لحقتني فاطمة انا مافتت ع الحمام فتت بوجهي ع المطبخ .. مالقيتن طابخين قام لفيت عروسة زعتر وصرت اكلا
وقلتلا لفاطمة : ليش لاحقتيني مفكرتيني بدي اهرب
فاطمة : لا .. بس جاي اسألك كيفك
انا : احسن من هيك بنتزع
فاطمة : شو صار معك بعد ما رحتي .. صهيب ضربك شي
مروة : لا
فاطمة : اي الحمد لله
سمعت الباب اندق وفات حدا .. اجت امي وقالت اجا فستان العرس والكوفيرا اجت كمان يلا قومي لانو جاين ياخدوكي ع ٢
قمت معا ورحنا ع غرفتي مشان يلبسوني ويظبطوني
امي استأذنت مشان تروح تعزم القرايبن والجيران .. بصراحة انا ماكنت طايقة هالعرس لانو متل الضحك ع اللحى متل ما بقولو.... ومابدي احكي عنو زيادة لانو كان يوم كتير كئيب ... المهم لبسوني وظبطوني وقعدوني بالصالون واجو القرايبن والجيران عملو هيصة صغيرة .. وطبعا الكل عم يسأل انو ليش مستعجلين وحماتي تقلن انو ظروف وانومستعجلين ومن هالحكي .. ومرقو هالكم ساعة ع خير وخلص الغدا عند العريس واجو مشان ياخدوني .. فات صهيب قعد جنبي دقيقتين وقام مشان نروح .. انا قمت ودعت اهلي وصرت ابكي .. ماني عم ابكي نفس بكي العروس يلي بتطلع من بيت اهلا وعأساس رح تشتقلن .. لا كنت عم ابكي وعاتبن بقلبي وقلن الله لا يسامحكن .. الله لايسامحكن لانكن ظلمتوني وحرمتوني من طفولتي ومن مدرستي وجبرتوني اعمل شغلات مابعرفا وبالاخير انا طلعت المذنبة .. انا طالعة من بيت اهلي على قبر محتم لانو مانو مرغوب فيني .. اخر نظرة اتطلعتا بعيون ابي وكنت عم قلو شكيتك لالله ..طالعوني بسيارة صهيب عأساس سيارة العريس ورحنا ع البيت
صهيب : واخيرا خلصت هالتمثلية على خير .. تفضلي انزلي .. نزلنا وقبل ما نفوت قال عطوني عجينة لزقتا ع الباب هه ...وبعتبار هاد اخر مشهد لزقتا وفتنا طبعا كان معنا كتير نسوان بتقربن لبيت عمي عندن بالدار مشان هيك انا وصهيب فتنا ع الغرفة وسكرنا ع حالنا متل مابيعملو العرسان ..
قعد صهيب على التخت وقلي : اي انسة مروة هلأ فضيتلك .. احكيلي شو حكتلك رجاء عني
انا : وانت كيف عرفت
صهيب : سألت امك وقالتلي انها كانت عندك قبل ما تجني وتصيري تصرخي معد بدي اياك وبكرهك
انا : قالتلي انك قتلت مرتك وانك بتشرب
صهيب : مرتي؟؟
انا : اي مرتك
صهيب : انتي مجنونة .. لك انا بحياتي ماتزوجت غير حضرتك
انا : شويعني
صهيب : يعني ضحكو عليكي وخلوكي تهربي من بيت ابوكي متل الجدبة
انا : لا انت واحد كذاب ..قام لعندي بسرعة ومسكني من وجهي وقال : اذا بتعيدها لسانك لقصو
صهيب : هي رجاء واختا ايمان حسابن معي بعدين
انا : ليش شو دخلا ايمان
صهيب : كل هاد من ايمان لانو كنا انا واياها صحبة .. مشان هيك لعبو بعلقك يا خوتة وخلوكي تهربي .. المهم هاد الموضوع خلصنا منو .. المهم هلأ انا بالاول كنت حابك وكنت ناوي اعملك اميرة لكل هالعيلة بس بعد الشي يلي عملتيه كرهتك وماني طايق شوفك .. وشغلتك بهل البيت هية خدامة وبس واذا حبيت نام معك مارح اتردد .. بس انو انتي مالك اي كلمة بهل البيت بتقولي حاضر وبتنفذي .. قوانين هي الغرفة بتحفظيها منيح .. التخت هاد صغير ومابنقدر انام عليه انا وانتي مشان هيك بتنامي انتي ع الارض .. وثانيا هاد الحمام خاص فيني انا وبس .. وانتي اذا بدك تقضي حاجة او تتحممي بتستخدمي حمام العيلة .. فهمتي
كنت عم ابكي وقلتلو حاضر
صهيب : ممتاز .. برات هي الغرفة الكلمة الاولة والاخيرة هية لامي يلي بتقولو امي بتنفذيه .. والله يطعمك وشي يوم تردي بوجها .. لخليكي تشتهتي الموت وما تلاقيه .. واذا اعتذتي اي شي بتطلبيه من امي ... وكمان طلعة برات البيت مافي .. ولا حتى خطوة وحدة الا بأذني ... روحة لعند اهلك مافي .. اذا بدن يجو هنن اهلا وسهلا .. تلفون ممنوع ..والباب مابتفتحي لحدا اذا اندق بتخلي اي حدا يفتح الا انتي .. وكمان اخي معاذ الصغير مابدي تختلطي معو ابدا .. وبالدار بدي لاباسك عطول كامل . يعني مايوم شوفك رافعة عن اديكي او عن اجريكي او طالعة شعرة من شعراتك برات الحجاب والله بعدمك حياتك .. مفهوووم
هزيت براسي وانا عم ابكي من قلبي
صهيب : وكمان هي دموعك السخية مابدي شوفا .. يعني لما مابكون هون ابكي ونوحي قد مابدك اما قدامي ممنوع لانو انا مابحب البكي بلا سبب .. واذا شفتك عم تبكي رح خليكي تبكي ع المظبوط .. رفعت ايدي يلي عم يرجفو وصرت امسح دموعي
صهيب : انا اليوم المسا رايح ع حمص وبدي ضل ٣ تيام مشان غيب عن عيون الناس مشان اذا شافوني بالطريق مايقولو عريس وطالع من بيتو .. فيكي تستخدمي التخت لبين ما ارجع .. انا هلأ رح بدل تيابي واطلع اقعد مع عمامي وخوالي .. بكونو راحو النسوان من عنا .. وانتي بتكوني بدلتي تيابك
طلع .. وقعدت بالارض وصرت ابكي مابعرف على شو على غبائي ولا عحظي البهوي ولا ع القرارات يلي امرني فيها ... اندق الباب وفاتت ليلى ساعدتني لحتى بدلت الفستان ولبست تياب عادية
ليلى : ليكي لاتطلعي من الغرفة لبكرا .. وانا رح جبلك شي تاكليه
راحت جابتلي اكل من اكل العرس .. وانا اكلت لانو كنت جوعانة كتير .... المسا اجا صهيب اخد شوية تياب الو وراح ... نمت انا هي الليلة وفقت الصبح ع صوت حماتي
حماتي : يلااا.. يلااا ياعروس شو فاتحيلك اوتيل نحنا قومي في عنا شعل بلاوي
قمت انا وقلتلا : يلا بس لبدل تيابي وجاي
حماتي : اي لا تتأخري
بسرعة اخدت من تيابي يلي كانت عند اهلي لانو ماكنت مجهزة وماجبت معي جهاز ... اخدت بنطلون وكنزة طويلة للركبة ولفيت الحجاب ... بس تيابي كانووحلوين ومرتبين .. طلعت لعندا اتطلعت فيني من تحت لفوق وماحكت
حماتي : تعي لعرفك ع البيت
فتنا ع المطبخ وكأنو قايمة قيامتو الجلي والكركبة بكل مكان
حماتي هاد المطبخ اول مابتفيقي كل يوم بتبلشي فيه بتنضفيه ع ٢٤ وبعدا بتجهزي الفطور للكل .. بعد ما نفطر بترجعي بتنضفي جليات الفطورة وبتنتقلي ع الغرف بتنضفيهن غرفة غرفة وكل يوم بدك تشطفي ارض الدار وتسقي الزريعة ... والحمامات بدي ريحتن تضل عم تهفهف نضافة ... والغسيل كل يوم يتدوري غسالة الاتومانيك بتغسلي وانا بطلع بنشرن لانو صهيب مابدو حدا يشوفك مفكر عندو شي ملكة جمال
مروة : حاضر .. وبدك شي غيرو
حماتي : لا اذا بدي انا بطلب منك .. يلا روحي الشغل ناطرك ... واذا الجلي بعدو زفر بدي خليكي تجلي مرة تانية
قلتا حاضر ورحت ع المطبخ لبست مريول الجلي وبلشت .. وهي ساعة كاملة وانا واقفة ع المجلى .. خلصت وبلشت تجهيز الفطور .. خلص الفطور ونقلتو على غرفة القعدة يلي عندن .. ندهت لحماتي انو الفطور جاهز وانا متل الجدبة مجهزي حالي افطر معن
قعدت حماتي واجا عمي صبح علي واجا معاذ يلي هو اصغر مني بسنة ..
حماتي : ليش واقفة عندك
فكرتا بدا تقلي تعي فطري معنا .. بس لأ قالتلي روحي بسرعة عملي غرفة الضيوف وبعدا ارض الدار هلأ الناس بتصير تجي ..
عمي : خليها تاكل لقمة
حماتي : كانت عم تاكل بالمطبخ
يا الله شو حسيت حالي رخيصة وبلا قيمة ... وصلت معن يحرمني من الاكل ... خبيت هالغصة بقلبي ورحت اشتغل ... اشغلت كل الشغلات البيت وبيتن كبير وانا حسيت ضهري انكسر .. صار وقت الغدا .. قامت حماتي طبخت وانا كنت حدا ساعدا طبعا انا مابعرف اطبخ بس اذا بدا شي اعطيها .. خلص الغدا وسكبتو كلوو وحطتو ع السفرة .. كانت عاملة شاكرية ورز وحطتن كلن ع السفرة .. يمكن عملت هيك عن قصد مشان مايضل شي بالطناجر واكلن انا .. كمان قعدو ياكلو ومحدا قلي تعي كلي .. حتى لو بدن يعزموني مارح قرب بس كلمة وبتنقال .. لما خصلو غدا رحت لميت السفرة والاكل الباقي مرت عمي سكبتن لجارتن
حماتي : معاذ .. معاذ . تعال خود هالسكبة لجارتنا ام ضياء خطي مرى ارملة ومالها حدا .. انا كنت احبس بقلبي واسكت .. واخيرا خلص هاليوم الشاق وصار وقت ارتاح .. حطيت راسي ع المخدة مشان نام بس ماقدرت لانو حسيت معدتي عم تفرك علي من الجوع ... حاولت نام بس ماقدرت .. وفكرت فيها انو انا مافيني ضل بلا اكل ع طول .. لازم قوم واكل شي لقمة وكمان مشان بكرا يكون الي حيل اشتغل
قمت ع المطبخ شوي شوي .. وبسرعة لفيت عروسة زعتر وخبيتا بتيابي وفوتا ع غرفتي وصرت اكلا بدون لا كاسة شاي ولا حتى خيارة كانت كل لقمة تغصصني وحسا علقت بحلقي .. ودموعي على خدي نازلين ..
مرق يومين ع نفس الحالة وانا كنت استنى اخر الليل لحتى اكل سندوشة هالزعتر
تالت يوم اجا المحروس ... واستقبلوه احلا استقبال وكأنو كان بالحج .. فات تحمم بغرفتو وبدل تيابو وحط راسو ونام انا ماسلمت عليه وهو ماقلي شي .. صار الغدا وقعدو ياكلو..
انا مابعرف كيف حكيت او ليش سألت وقلتلا لحماتي : فيق صهيب ع الغدا
حماتي : لا صهيب محدا بيفيقو ولما بفيق بياكل اصحك شي يوم تزعجيه
قعدو اكلو وخلصو اكل انا طبعا قاعدة بالمطبخ ناطرة لحتى يخصلو اكل ... ولما خلصو رحت جبت الغدا ع المطبخ .. اجت مرت عمي الاكل يلي ضل حطتن بصحن وغلفتن بكيس شفاف وحطتن بالبراد وقالت هدول حتى يفيق صهيب بتسخنيهن وبتحطيلو اياهن
مروة : حاضر
وقلت بقلبي : وانا شوو .. معقول عم تتجاهنلي عن قصد ولا مانا منتبهة .. طيب ما عم تسأل حالا شو عم اكل ..ياربي ليش هيك .. جليت الجليات وقعدت ومعدتي صارت تنق علي .. وانا كنت اتذكر كيف الاكل كان منظرو بشهي وحتى دوق ما دقتو .. لك حتى عروسة زعتر ما سترجيت قوم واكل خفت حدا يشوفني ... كانت الدمعة بعيني تحاول تنزل انا فورا امسحا قبل ما تنزل .. قمت رحت ع الحمام وغسلت وجهي مشان مايبن علي انو بكيانة .. وانا عم غسل وجهي اتطلعت ع المراي وشفت شقد وجهي تعبان ..
مسحتو ورجعت قعدت بالمطبخ .. وانا قاعدة بالمطبخ فات صهيب
صهيب بتجاهل : شوفي اكل
مروة : امك عملت مقلوبة سخنلك
صهيب : اي وجيبلي الاكل ع الغرفة
برم ضهرو وطلع .. انا سخنت الاكل بالمايكرويف .. وحطيتو ع صينية واخدتن ع الغرفة
قعد ع التخت وصار ياكل .. انا جيت بدي اطلع مشان ما تفضحني عيوني وانا عم اتطلع عليه كيف عم ياكل بس هو ندهلي وقلي : لا تروحي عايزك
مروة : بدك شي جبلك شي
صهيب : لا بس قعدي عندك لاتطلعي
قعدت وحطيت راسي بالارض
صهيب : عجبك طبخ امي
مروة بصوت واطي ليش انا دقتو
صهيب : شو قلتلي
مروة : اي طيب
صهيب : بدي تتعلمي منها وتصيري انتي تطبخي
وانا منزلة راسي قلتلو حاضر ..
صهيب : خلصت تعي خديه
قمت اخدتو ع المطبخ وكان تارك وراه شوية اكل .. انا كانت شاطة ريالتي وماصدقت انو ترك اكل وراه وبسرعة اكلتن .. صح قلال بس حسيت صرلي شي مية سنة ماني ماكلة ... حطيتن بالمجلى مشان اجليهن .. ماشفت غير صهيب واقف وراي
صهيب : شو عم تعملي
مروة : بدي اجلي
صهيب : تركي الجلي وتعالي عايزك
مروة : مافهمت
صهيب : تعالي وبتفهمي
فوتني ع الغرفة وسكر الباب بالمفتاح ... انا هون نقزت
مروة : ليش قفلتو
صهيب : شبك وليش خايفة شو بدي اكلك انا جوزك .. بصراحة انا هاد الموضوع كان رايح عن بالي نهائيا
.............
لما خلص قلي : لا تنسي انتي بتحممي بالحمام يلي برا
مروة : لا مانسيت ... بس ليش ماهون
صهيب : هيك لانو بقرف حدا يستخدملي غرضي
بقلبي : انت القرف كلو وعم تحكي عن القرف .. لك الله ياخدني لارتاح .. الله يورجيني فيكن يوم .. وكنت حاول قدامو قد مافيني احبس دمعتي مشان ما ابكي قدامو ... قمت لبست واخدت تياب نضيفة الي ومنشفة وطلعت ...وشافتني حماتي
حماتي : شو ع وين
قلتلا بخوف : بدي اتحمم
حماتي : وليش ماتتحمي بالحمام يلي بغرفتك
مروة : صهيب مابدو اياني اتحمم هنيك
حماتي : اي ... بس هاد الحمام ما بتستخدميه الا لما تاخدي اذني
مروة : حاضر
بحسا بدا تعيط علي وتبهدلني بس انا ماعم خليلا مجال لانو شو ما قالتلتي بقلا حاضر وامرك
وبلشت الايام تمر انا كان بدي سلتي بدون عنب متل ما بقولو ...اخدم الكل من تم ساكت .. لك حتى يمكن اذا حدا سألني شو اسمك قلو حاضر .. واكتر رفيق بهل البيت هو المجلى .. وكنت افرك الجلي من كل قلبي وحاول طالع كل قهر فيه ... كنت فيق من الخمسة مشان اتحمم وماتحس علي حماتي واشتغل كل الشغل بكير وحطلن فطور الن وصهيب ما بفيق لبعد ١٢ برجع بحطلو فطور والغدا كمان هيك صهيب يتغدا عند المغرب بس عشا ماكانو ياكلو كانو ياكلو فواكه ويشربو شاي ومتة وقهوة وهيك .. بس انا صرت حاول اسرق اكل مشان اكل .. مرة اسرق موزة ومرة خيارة ومرة صحن اكل واخدو ع الغرفة لما صهيب مايكون بالبيت .. وصهيب يطلع على شغلو الضهر ويرجع يروح من اذان العشي مايرجع لل٢بعد نص ليل ولما يجي يفيقني وياخد مني حقو الشرعي .. يعني كنت نام اخر وحدة وفيق اول وحدة ... لما يحطو اكل تقول حماتي مروة هلأ بتاكل مع زوجا .. وصهيب لما يقعد ياكل لا بقلي تعي كلي ولا بيسألني اذا اكلت يمكن مفكر انو عم اكل معن .. وضاعت الطاسة ... بس كنت ضووج كتير وحس حالي رح اختنق .. مشتهية اطلع بس ع السطح بس مابسترجي اطلع درجة وحدة لفوق لانو مرت عمي بالبيت متل الضابط علي .. وطبعا نام ع الارض هيك اوامر صهيب بيك وماكان في حرام كنت اتغطى بشرشف رقيق كنت موت فيه بالبرد ...
فقت الصبح بكير لميت فرشتي وحطيتا بقلب الخزانة طبعا بكل هدوء مشان ماينزعج حضرة جنابو ...وقمت تحممت واشتغلت الشغلات ... وانا عم اشتغل حسيت ع مرت عمي فايقة
حماتي : مروة ليش فايقة بكير
مروة : صايرة عم فيق بكير مشان اشتغل كل الشغل بكير مشان لحق
حماتي : ايه .. منيح .. يلا شدي همتك لانو جاي سلفتك مرت سليمان وليلى يقضو اليوم عنا
مروة : شو بتأمرني هلأ
حماتي : خلصي شغلاتك وبدنا نجهز فطور مرتب .. بدنا نسلق فول وحمص ونعمل مسبحة وتسئية
مروة : حاضر
بلشنا شغل وبتجهيز الفطور واجت ليلى وولادا وسلفتي ميس وولادا ..
قامت حماتي وبلشت تبويس بميس وبولادا
حماتي : يا اهلين بالغالية .. اهلين بأميرة هالعيلة ..
حسيتا عم تجاكرني ... بس انا ماعملت اي ردة فعل بس من جواي مقهورة كتير .. وكنت متأكدة رح موت قهر بهل البيت
ميس : اي مرت عمي شو ساعدكن
حماتي : والله مابتمدي ايدك علي شي .. بس تعالي قعدي قبالي خليني شوف هالوجه الحلو يلي مشتاقتلو
ميس : تسلميلي يا حماتي على هالحكيات الحلوين
ميس حسيتا عم تطلع علي بقهر مبين انها غيرانة مني يمكن لاني احلا منا
ميس : اي كيفك ياعروستنا
مروة : الحمد لله
ميس : قلك شي بس ما تزعلي
مروة : قولي
ميس : بصراحة تيابك كتير مشرشحين وماحلوين .. هيك تياب مابتلبسن عروس
كلن قصدن يجرحوني بالحكي وبصراحة تلبكت وماعرفت شو رد .. قام نطت حماتي وقالت : اي شو مفكرة كل الناس متلك بتعرف تلبس ..
انا كنت لابسة بجامة قديمة شوي من تيابي القداما
ليلى: لا مروة زوقا كتير حلو بالتياب بس لاتنسو انو ماجهزت شي وهدول التياب عندا اياهن من زمان ...
ميس تحكي بمياعة : ومين ضربا ع ايدا وقلا تهرب ماكانت وصلت حالا لهون
بصراحة انا معد استحملت حكين تركتن قمت رحت ع الحمام وصرت ابكي .. اصلا الشي الوحيد يلي كنت اقدر اعملو هو البكي واوقات حتى البكي كان ممنوع
يتبع ......
تعليقات
إرسال تعليق