التخطي إلى المحتوى الرئيسي

بطيخة الجزء السابع

#بطيخة
#بقلم_مريم_اليوسف

#الجزء_السابع

من بعد رحلة دامت ايام الكل رجع عبيوتن .. ليرجعو لحياتن الطبيعة .. بس عنا مشاعر متجددة بين ياسمينة يلي اكتشفت انها بتحب غيث وغيث يلي تحركت مشاعرو تجاه ياسمينة بس مابيعرف انها مشاعر حب وفي مشاعر بين عصام ولين وقمر وراجح

طلعت من الحمام وقعدت جنب قمر يلي عم تحضر ع التلفزيون
سكرت قمر التلفزيون وفتلت لعند ياسمينة
قمر : اي حكيلي كيف كانت هالرحلة
ياسمينة : حلوة .. حلوة كتير
قمر : اي منيح الله يهنيكي ياعمري ..
ياسمينة : لك صحي مع مين يضل خطك مشغول
قمر :ههه مع راجح
ياسمينة :اي لوين متطورة الامور معكن
قمر :فيكي تقولي صرنا بمرحلة الاعجاب
ياسمينة :وعصام معد حكاكي
قمر :لا انا اصلا من الاول ماحبيتو لعصام حسيتو مولدن اما راجح راكز اكتر
ياسمينة حكت بدون مقدمات : وانا حبيت
قمر :حبيتي .. ميين وليش انا مابعرف
ياسمينة :ياريت ماحبيت
قمر :لك قوليلي ميين
ياسمينة :غيث
قمر :شووووو .. غيث .. مالقيتي غير غيث
ياسمينة :لاتحكيني هيك وكأنو الشغلة بأيدي .. ماشفت حالي غير عم حبو
قمر :وهو ؟؟
ياسمينة :بحبني كصديقة
قمر :اعترفتيلو ؟؟
ياسمينة :لا طبعا .. ولا رح يعرف رح خبي هالحب بقلب وبس
قمر :حب من طرف واحد ؟
ياسمينة :اي .. بس رح ضل جنبو كصديقتو .. وهاد الشي بيكفيني
قمر :بس هيك رح تتعذبي وخصوصا هو خاطب
ياسمينة : اذا لقيت حالي عم اتعذب رح ابعد .
قمر : بس ياترى هاد الحل الصحيح
ياسمينة :ليش عندك حل تاني .. اكيد مار روح لعندو وقلو انا بحبك اولا هو مابحني وثانيا خاطب وخطيبتو بتجنن واكيد مارح يتركا عشان وحدة قد الفيل .. اذا قلتلو رح اخسرو وانا مابدي اخسرو بدي ضل جنبو
قمر :بس لاتنسي انك بتقدري تغيري شكلك وتصيري احلا منها
ياسمينة :ليش بدي غير شكلي .. لك عم قلك مابحبنييي
قمر : و بعدين
ياسمينة : مابعرف .. اذا حاولت اتأقلم رح ضل واذا ماقدرت رح ابعد .. بس انا رح خفف اقتراب منو وخلي علاقتنا رسمية
قمر : بكون احسن
ياسمينة : قمر مابدي وصيكي مابدي حدا يعرف وخصوصا راجح
قمر : شو مجنونة انتي.. اكيد مارح خبر حدا
_____________
ام غيث عم تدق ع ابنها باب الغرفة : غيث ماما يلا رح نتأخر ع الجماعة
خلص لبس غيث وفتح الباب غيث :وهي خلصت يلا لنمشي
ام غيث :حكيت معن
غيث :اي ماما .. وناطرينا
وصلو ع وجهتن وهية بيت اهلا للبنى .. دخلو سلمو وقعدو ..
لبنى : الحمد لله عسلامتك حبيبي
غيث :الله يسلمك
لبنى :اسفة هداك اليوم بس كتير كان مشغول بالي عليك
غيث :هه اي واضح انو كان مشغول بالك
لبنى : خلص حقك علي معد عيدا
ابو لبنى :اي كيفك ابني .. وكيف هالشغل
غيث : الحمد لله عمي كلو تمام
ام لبنى وهية جايبة صينية ضيافة وعليها صحون بطيخ :وشو صار مع هالخطبة كأنو مطتيوها كتير
غيث :انا خبرت لبنى انو اخر الشهر يعني اخر الشهر .. وانا ماشي بالموضوع
ام لبنى :اي انا عم احكي مشان ما اتأجلها كمان
غيث :لا طنط اطمني
اخدت صحن بطيخ لبنى وعطتو لغيث
لبنى :تفضل حبيبي
اتطلع بصحن البطيخ وابتسم لانو اتذكر ياسمينة
ام لبنى :اي يامية اهلا وسهلا
ام غيث : بمهلي
_________________
تاني يوم ..
وصلت ياسمينة ع مكتبا .. قعدت وعم تظبط غراضا ع المكتب وقع قلم ونزلت لتحت الطاولة تجيبو .. وهية تحت الطاولة فجأة انفتح الباب وفات عصام وساحب لين من ايدا .. سكر الباب هية سندت حالا ورا الباب وهو حاوط اديه على خصرا .. وهية كمان حاوطت ايده على رقبتو
عصام :والله الك وحشة ولوو
لين :يعني اشتقتلي
عصام :كتيير
لين :وانا كمان
عصام :عطيني بوسة
لين :ياعيبو عليك .. مافي
عصام :بحيات امك .. عطيني بوسة
لين بدلع :هئ
عصام : بزعل ها
لين : مابقدر .. انا محترمة ومابعمل هيك شي
عصام :والله بعرف انك محترمة .. بس بوسة صغييرة
لين:طيب اتفضل وبرمتلو خدا
عصام :هلأ هون البوسة
لين :لكن وين
اشر بأصبعو ع شفافا
لين خجلت ونزلت راسا
عصام :شوو بتخليني
لين عضت ع اصبعتا بخجل وهزت براسا
عصام عم يقرب بهدوء لياخد قبلة من شفايفا .. بس قاطعو صوت ياسمينة يلي غشانة من الضحك وراه
ياسمينة :قولو في جيران .. والله عيب ههههه
بعدو عن بعض بسرعة
عصام :ياسمينة ؟؟ انتي هوون
ياسمينة اتطلعت ع حالا وقالت :اي هون
عصام :كيف هيك .. من وين طلعتي
ياسمينة :انا الملاك يلي بطلع عند قلة الادب مشان امنعن يقربو ع بعض
لين ولونا مخطوف : بالاذن
ياسمينة :لين لحظة .. اعتبري ماصار شي ولا شفت شي
لين :شكرا ..
اتطلعت بعصام وزورتو وطلعت
ياسمينة اتطلعت بعصام وفرطت ضحك
ياسمينة :اول مرة بعرف انك رومنسي
عصام: لك يخرب بيت حظي .. تضربي يا ياسمينة ..
ياسمينة :انا شو دخلني ههههههه والله لزلك ليوم الدين
عصام :لئيمة وبتعمليها
ياسمينة:هههههههههه
صفن شوي ورجع قال :يضرب حظيي.
ياسمينة :ههههههههه
اجت حلا وقالت :في اجتماع تفضلو
عصام: شو مناسبة هالاجتماع
حلا :مابعرف الاستاذ قال كل الموظفين يجتمعو
عصام :يلا جايين
قامت ياسمينة وعصام وراحو ع الاجتماع .
اول ما وصلو سلمو وفاتو .. وغيث ضل يراقب ياسمينة بعيونو .. وصلو ع كرسيين فاضين جنب بعض وحلا جنبن ... قعد عصام وياسمينة اجت لتقعد انكسر فيها الكرسي ووقعت ع الارض .. طبعا حلا ورا هالقصة .. الكل فرطو من الضحك الا غيث وعصام .. عصام بسرعة مسكا وشدا وغيث اجا بسرعة لعندا ..
ياسمينة خجلت كتير وانجرحت من مسخرتن
غيث : انتي منيحة
ما ردت واتطلعت بطرف عينا ع الكل كيف فارطين من الضحك ومن بيناتن لين
تركت القاعة وطلعت فورا وعصام لحقا
غيث : بظن مافي شي بضحك .نص سكتو ونص عم يحاول يكتم الضحكة ..
غيث :الاجتماع التغى كل واحد ع شغلو
............
طابة ع مكتبا وعم تبكي
عصام : حاج تبكي قومي
ياسمينة : خلص عصام تركني بحالي
فات غيث وشاف عصام واقف حدا انقهر منو واتجاهلو ..
غيث :ياسمينة ليش عم تبكي
سمعت صوتو وزاد خجلا منو من هالموقف يلي صار قدامو
ياسمينة : مافي شي تركوني بحالي .
عصام :انا رح جيب قهوة ..
طلع وكان في شي ببالو
غيث : ياسمينة اتطلعي فيني
ياسمينة : مالي عين اتطلع بحدا
مسكا من كتافا ورفعلا راسا عن الطاولة وقعد مقابلا
غيث : لا تبكي .. مانك حلوة وانتي عم تبكي
ياسمينة :ليش انا حلوة بباقي الاوقات .. غيث روح وتركني
كان من جوا عم يغلي وبدو يضما لصدرو تبكي ع صدرو ليرتاح ويريحا .. وبالفعل وماشاف حالو غير جذبا لعندو وضما على صدرو .. حس برياحة كبيرة كان مفتقدا .. وهية زادت بكي ع صدرو يمكن من قربا منو ويمكن انو هاد الحضن مارح يكون الها
صار يلمسلا على شعرا ويقلا خلص .. لاتبكي .. والله مارح خلي حدا يتمسخر عليكي والكل الو عقوبة لانو ضحك اليوم .. ماردت وضلت عم تبكي
_____________
عصام سأل موظفة بالكوريدور :لو سمحتي شفتيلي الانسة لين
_اي هلأ شفتا فايتة لعند الانسة حلا
عصام :شكرا
وصل للباب وقبل مايفوت سمع حلا عم تحكي : شفتي شو عملت فيها
لين :ههههه لاتذكريني المنظر بغشي من الضحك .. بس حرام شفقت عليها
حلا :لسه ماشفتي شي بدي طفشا من هالمجلة
لين :ههههه بس يكون بعلمك انا مادخلني ..
حلا :هههه ولايهمك
فتح الباب عصام .. ولين تبلكت
عصام : انقهرت منك لانك تمسخرتي عليها وكنت جاي لحتى فهمك غلطك .. بس تطلعي انتي ورا هالعملة .. ليش قلبك اسود .. شوو عملتلك ياسمينة ...
لين :عصام حبيبي فهمتني غلط
عصام : هه غلط وهاد يلي سمعتو .. ع كل حال المواقف هية يلي بتأثبتلنا الشخص وانتي نزلتي من عيني .. وانتي انسة حلا يكون بعلمك انا مارح اسكت
حلا ماحكت اصلا مافي شي تحكيه ..
طلع ولحقتو لين
لين :عصام .. عصام .. لحظة شوي
عصام :لو سمحتي كلشي انتهى ..
تركن ورجع ع المكتب ..
غيث : مابدي اياكي تبكي بكفي ماهيك
هزت براسا وهية عم تمسح دموعا بكف ايدا
فات عصام :استاذ غيث تعال عايزك بكلمتين ..
طلعو لبرا .. وياسمينة ما استحملت تبقا اكتر بالمجلة حملت غراضا وطلعت .. وهية ماشية اتجاه الباب .. الكل يتهامسو عليها ويضحكو .. كملت طريقا وهية مقررا انو معد ترجع عهي المجلة بعد اليوم
____________
غيث : انت شو عم تحكي .. متأكد
عصام : اي متأكد .. وقبل مرة في حدا كان معلقلا عضهرا ورقة ومكتوب عليها الفيل ابو دنب ومعلقيلا دنب .. انا شلتو فورا قبل ما تنتبه .. واليوم اكتشفت انو لين وحلا ورا هالقصة
غيث : لين تمادت كتير .. وهي حلا حسابا عندي .. يا انا ياهنن بهل المجلة
عصام : وانا معك
_____________
وصلت لقدام بيت .. وقفت ورنت الجرص.. اجا شب ووقف حدا وكمان رن نفس الجرص .. صارو يتطلعو ببعض بأستغراب..
انفتح الباب
طلعت منو مرى بالخمسين .. اتطلعت فيهين تنيناتن
_اهلين حبيبي ادم .. تفضل فوت الوالدة جوا
_كيفك طنط شو اخبارك
_مشتاقة لهل العيون الحلوة .. تفضل حبيبي تفضل
فات وياسمينة بقيت واقفة
ام ياسمينة : اهلين حبيبتي .. تفضلي فوتي
دخلت خطوتين لجوات الباب
ياسمينة :شو اخبارك ماما
ام ياشمينة :مشتاقتلك .. كيف خطرنا عبالك
ياسمينة : تعبانة وبدي ريح راسي من كل العالم وعندك احسن مكان .. واكيد مارح تسأليني شبني
امها : طيب فوتي سلمي عالضيوف
ياسمينة : مابدي سلم ع حدا ..فايتة حط راسي ونام ورجاءً لا تزعجيني
امها: متل مابدك
فاتت على غرفة النوم .. سكر الباب وتمددت ع التخت وصارت تبكي
.................
رجعت امها لعند الضيوف
_يا مية اهلا وسهلا نورتو
ادم :خالة مين هي يلي كانت ع الباب
ام ياسمينة :هي بنتي ياسمينة
ادم :عنجد
ام ادم :وينا
ام ياسمينة :اي والله هية .. قال تعبانة وبدا تفوت تريح راسا شوي
ادم :ماعرفتا بالاول .. لو سمحتي بدي اقعد معا شوي
ام ياسمينة :يا ريت يا ابني بس قال تعبانة ومابدا تحكي مع حدا .. ببقا بعطيك رقما تحكي معا .. بس انا بتذكر انو انتو مابتعرفو بعض
ادم :مبلا خالة انا بعرفا كتير منيح .. من زمان كنا صغار واخدتونا انتي والماما ع الملاهي .. يومتا في ولد ضربني واجت ياسمينة ضربتو وتعرفنا عبعض .. ومن هداك اليوم ما شفتا .. بس الحادثة ضلت معلقة براسي
ام ياسمينة :والله مابعرف .. عكل حال هية موجودة ايمت ماحبيت تحكي معا
ادم :اكيد رح احكي معا بس هلأ خليها على راحتا
______________
دق الباب على مكتب حلا وفات .. كانت موجودة حلا ولين
غيث : انسة حلا من هاللحظة بتعتبري حالك مفصولة ومابدي شوف وجهك بالمجلة
حلا :بس ليش
غيث :بدون ليش .. وانتي انسة لين .. لو سمحتي تاني مرة اذا بشوفك بالمجلة رح اطلب من السكيورتي يطردك برات هي المجلة ..
لين :غيث انت بتعرف مع مين عم تحكي
غيث :بعرف كتير .. وابوكي عندو علم بكلشي عم يصير هون .. هاد مكان عمل ماساحة حرب وساحة مسخرة .. بالاذن
طلع وتركن مصدومين وعم يتطلعو عبعض
_____________
رجع ع مكتب ياسمينة
غيث :وينا
عصام :جيت مالقيتا يمكن راحت ع البيت
مسكت تلفونو وصار يدقلا .. طلع مغلق
غيث :مغلق
عصام :يمكن مابدا ترد ع حدا
غيث :خايف عليها
عصام: دق لعند رفيقتا قمر
غيث :مامعي رقما
عصام :معي اتفضل
غيث : الوو .. مرحبا انسة قمر.. بدي اسألك ياسمينة اجت ع البيت .. اااه عنجد ... طيب اول مابتوصل خبريني ... اوكي .. لا لا مافي شي ... اوكي سلام
غيث :مانا بالبيت
عصام :مابعرف .. شو صار معك
غيث :قلعتن تنيناتن برات المجلة .. وممنوع اي وحدة منن تفوت ع المجلة مرة تانية
عصام : عملت عين العقل
_____________
المسا قمر رايحة جاي بالبيت وعم تدق ع تلفون ياسمينة وعم يطلع مغلق ..
دقت لراجح : الو كيفك حبيبي ... بدي اسألك شو صاير بالمجلة ... اااه انت كنت بأجازة .. لا مافي شي بس سؤال ... انا منيحة مشتاقتلك .. اوكي بكرا بنلتقى .. سلام .... وانا كمان😘
سكرت وصار يتصل غيث : الو .. اهلين غيث .. لا ما اتصلت ممكن تقلي شو صاير ...اتمسخرو عليها بالمجلة ... ياسمينة حساسة كتير ... بس مابتطول وهية زعلانة ... حلص لاتاكل هما ... هلأ بترجع ..اوك اول ماترجع بخبرك
____________________
سكر التلفون ورماه ع التخت
غيث :وين راحت هي المجنونة ... بس ماتعمل بحالا شي... اوووف منك ياياسمينة ..
رن تلفونو وراح بسرعة لعندو .. شاف الاسم برم تمو عجنب ومارد .. الاسم ع الشاشة (لبنى يتصل بك)
اندق الباب عليه وفاتت امو
ام غيث :ماما العشا جاهز
غيث :جاي ماما ..
طلع مع امو وقعدو عالسفرة وبلشو ياكلو ... وكل شوي يتطلع ع التلفون
ام غيث :شبك ابني ناطر اتصال من حدا
غيث :اي ماما .. عندي صديقة ومشغول بالي عليها
ام غيث ليش مشغول بالك عليها
غيث :صار معا موقف .. وزعلت كتير خايف تعمل بحالا شي
ام غيث : اطمن مابتعمل شي .. بس انت ليش مهتم لهل الدرجة 😏 بس ماتكون حبيبتك ما صديقتك
غيث :انا لا لا ماني مهتم بس خايف عليها ما اكتر .. وكمان ليش بدي حبا وانا بالاصل خاطب
ام غيث : اي فكرت .. سماع غيث احسن من لبنى مابتلاقي
غيث :ماما عم قلك صديقة
ام غيث :اي منيح
رجع ياكل وصار يقول بينو وبين حالو اكيد مانها مجنونة وتعمل شي بحالا بس السؤال الاهم انا ليش مشغول بالي عليها كتير متل ماقالت ماما .. معقول بحبا .. لا لا هههه انا بدي حب ياسمينة ...
________________
فتحت عيونا كانت الدنيا عتمة .. وقفت ورفعت البرداي وشافت نو الدنيا ليل والساعة بعد ٨ .. لبست وطلعت برات الغرفة .. اول ماطبشت الباب امها سمعتا وندهتلا .. مشت اتجاه غرفة القعدة
ياسمينة :مسالخير
امها وعما :مسالنور
امها :تعالي ماما اسهري معنا ..
ياسمينة لا بدي روح
ادهم :مافي روحة اقعدل مشان تنعشى مع بعض
ياسمينة:صحة وهنا مالي نفس .. بدي روح بدكن شي
ادهم :هيك بدك تروحي بدون ما تقوليلنا شبك
ياسمينة :غير مرة بلا تصبحو على خير
_وانتي بخير ..
طلعت وطلعت وراها اما
ام ياسمينة : ماما ايمت مالقيتي حالك مزعوجة تعالي لهون
ياسمينة بأبتسامة مجاملة : ان شاء الله ..
نزلت وصارت تتمشى بالشارع
فجأة صار زمور سيارة يطاردا .. التفتت وشافت ادم
ادم نزل البلور وقال: لهلأ نايمة
ياسمينة :عفواا
ادم: من اول مافتي وانا ناطرك لتطلعي
ياسمينة :ليش شوبدك مني
ادم :اركبي لقلك
ياسمينة :بلله شو عم تحكي جد
ادم :اي جد ليش في بيناتنا مزح
ياسمينة :اي منيح انا مابحب المزح هههه
راحت وركبت جنبو
ادم :ثقتك عالية .. كيف ركبتي معي بدون ماتعرفيني
ياسمينة :اي واذا شو بدك تاكلني هههه .. كمان مابتقدر علي
ادم :هههه معك حق ..
مد ايدو وقال :ادم
مدت ايدا :ياسمينة
ادم :اتذكرتيني
ياسمينة :هه تذكرتك .. ليش انا بعرفك
ادم :هلأ لا بس يمكن لما كنا صغار
ياسمينة :ذكرني
ادم : بالملاهي من سنين كنا صغار .. وفي ولد ضربني وانتي رحتي ضربتيه
ياسمينة:ايييه تذكرت ..
ادم : اي كيفك
ياسيمنة :متل مانك شايف
ادم : بتشكرك عهداك اليوم
ياسمينة :هههه لاشكر ع واجب .. بس عفكرة انا ماضربتو لانو ضربك يومتا
ادم :لكن ليش
ياسمينة :كان معو بطيخ ومارضي يطعميني .. وانا رحت ضربتو اصلا ما انتبهت اذا ضربك او لأ ههههه🤣🤣
ادم: عم تحكي جد
ياسمينة :اي والله جد ... هلأ انت ناطرني كل هالوقت مشان تتشكرني
ادم :بصراحة لا .. بس حابب اتعرف عليكي
ياسمينة : بس ماتقلي حبيتني من اول نظرة 🤣🤣
ادم :كمان لا هههههه حابب نكون اصدقاء
ياسمينة :ليش لأ .. اهلا وسهلا 😅
ادم :اهلين فيكي .. وين بتحبي نروح
ياسمينة :انا رايحة ع البيت بتحب تروح ..
ادم :بالنسبة الي عادي بس مشانك
ياسمينة:شو شايفني بنت صغيرة كمان رفيفتي ساكنة معي .. روح روح
ادم :اوك .. من وين روح
ياسمينة :هلأ بدلك ع الطريق
_____________
لبنى عم تفتح باب البيت وطالعة
لبنى بصوت عالي :ماما انا طالعة لعند خنساء ..
طلعت وطبشت الباب وصارت تدق لغيث
لبنى :شبو هاد ماعم يرد
غيث :الو
لبنى :الو .. وينك
غيث :بالبيت
لبنى: كيفك
غيث :الحمد لله بخير كيفك انتي
لبنى :مشتاقتلك ..
بالاثناء طلعت ياسمينة وادم ع الدرج
ياسمينة :بدي دوقك كيك طيب كتير مبارح عملتو
ادم :اها .. يعني نفسك طيب بالحلويات
ياسمينة:نفسي طيب ع كلشي هههه
غيث عم يسمعن من سماعة التلفون ولبنى عم تراقبن بصمت ..
مشو من حد لبنى بدون مايحكوها وكملو
غيث :لبنى .. لبنى .. مين حدك
لبنى :هي الدبة ياسمينة ومعا واحد
غيث :مليون مرة قلتلك لاتحكي هيك عنها .. المهم مين هاد يلي مع
لبنى :شبعرفني ..شب حليوة وضحكتن لورا ادانن .. المهم شيلنا منا .. ايمت بدي شوفك
غيث صفن عم يقول هاد ماصوت عصام .. ياترى مين هاد
لبنى:الوووو
غيث :اي .. شو كنتي تقولي
لبنى :ايمت بدي شوفك
غيث :بكرا .. بكرا بنحكي سلام
لبنى :الله معك
غيث رما التلفون وصار يروح ويجي بالغرفة وحاسس النار رح تاكلو وهو لحد الآن ما اقتنع انها نار الغيرة
_________
ياسمنة: تفضل .. تفضل .. قمرر .. ياقمرر
طلعت قمر من جوا ..
ياسمينة :قمر بعرفك ادم صديق جديد .. قمر صديقة قديمة 😅😅
قمر :اهلين 😐... ياسمينة تعي شوي
سحبتا وراحو عجنب يتوتوتو
قمر :مين هاد
ياسمينة :قلتلك صديق .. شبك انتي
قمر: وين كنتي
ياسمينة :عند امي ..
قمر :شو صاير بالمجلة
ياسمينة نفخت وقالت :ماصاير شي ..
قمر :غيث دوشني وهو يتصل فيكي
ياسمينة:هلأ بتصل فيه ..
قمر : ليكي شوبدي قلك
ياسمينة :شوو
قمر :حسيت غيث مهتم فيكي كتير وخايف عليكي
ياسمينة:هه ما انا صديقتو المقربة ومتل اختو .. المهم عمللينا قهوة حبابة
قمر :تكرمي
عملت قهوة قمر وجابت صحون كيك وقعدو مع ادم .. ادم شب كتير بريئ ... والدليل انو لسه متذكر حادثة صارت معن وهنن صغار بعدو متذكرا واتشكر ياسمينة عليها .. وهنن قاعدين عم يحكو .. اندق الباب
قمر :انا بشوف مين
قامت وفتحت الباب واتفاجئت وقالت :استاذ غيث ؟؟

يتبع ......
















تعليقات

المشاركات الشائعة من هذه المدونة

قلبي الصغير لا يتحمل الجزء الاول

#قلبي_الصغير_لايتحمل (واقعية) #بقلم_مريم_اليوسف #الجزء_الاول القصة من عام ٢٠١٢ .. بداية الحرب بسوريا اسمي مروة عمري كان ١٦ سنة عم ادرس بصف العاشر بصراحة وبدون مبالغة انا كنت حلوة كتير وملفتة كتير للنظر وجسمي كان معبا ونص بنات ضيعتنا كانو يغارو مني ... وبسبب هالشي اهلي كانو كتير يشددو علي .. بس شوبدي اعمل هيك الله خالقني حلوه 😊😊😊.... نحنا كنا عايشين بضيعة من ضيع حمص الجنوبية يعني على الحدود اللبنانية ... وببداية الاحداث صار عنا الوضع فلتان متل كل مين ايدو الو .. وكل واحد صار يعمل دولة لحالو .. لانو مافي نظام والامن والجيش كان ملتهي بالمدن لانو الاحداث كانت ولعانة اكتر شي بالمدن .. والضيع يلي متل ضيعتنا ماكن حدا داير عليها ... يعني صارت ضيعتنا متل مسلسل الهيبة 😂😂😂 ... وانتشرت كتير بضيعتنا شغلة التهريب ... بس للامانة حرام بس كانو يهربو مازوت ...وكان كل يوم يمرق من ضيعتنا حوالي ١٠٠ سيارة ... سيارات كبيرة وفيها خزانات كبيرة وكانو ينقلو فيها مازوت من سوريا للبنان ... تعو لاحكيلكم شوي عن اهلي ... اهلي من النوع يلي بيمشو الحيط الحيط ويارب السترة .. كانت عندي اخين شباب وانا واخت...

قلبي الصغير لايتحمل الجزء التاني

#قلبي_الصفير_لايتحمل(واقعية) #بقلم_اليوسف #الجزء_الثاني اجو اهلي من الشغل وانا كنت قاعدة على تختي وماسكة كتابي وعم هز لقدام ولورا بس علقي ابدا مانو بالكتاب ... صارت اختي فاطمة تسألني انو شبني وانا ماكنت رد .. تاني يوم رحت ع المدرسة وكنت حاول اسرع بالمشي وكان راسي بالارض مشان ماشوف حدا ... مرق يومي عادي بالمدرسة ...وانا راجعة ع البيت كنت ماشية لحالي وعم حاول اسرع مشان ماشوف يلي مابيتسمى ... ولما وصلت من مدخل حارتنا بلشت السيارات تمر ... انا رجعت لورا لبين مايمرقو ... بس يوما اخواتي ماكانو من هي الدفعة .. وبلشو يمرقو سيارة ورا التاني ... طبعا انة منزلة راسي مشان ماشوف حدا ... بس سمعت حدا من السيارات الاخيرة صفر صفرة كبييرة وقال بصووت عاالي ريييتو يكفني يلي جاي المدرسة ... والسيارات كانت ماشية بهدوء يعني الكل سمعوه وانا ماسترجيت ارفع راسي ولا رد عليه .. ماسمعت غيير صووت زمورر جاي من ورا السيارات يعني الصوت معد وقف ... ماشفت غير السيارات كلن وقفوا .. انا قلت شو عم يصير معن هدول .. فجأة ظهر صهيب من ورا السيارات .. وكان عم يزورني .. انا هون هبط قلبي وفكرت جاي لعندي .. بس قطعني ومشي ك...

قلبي الصغير لايتحمل الجزء الرابع

#قلبي_الصغير_لايتحمل(واقعية) #بقلم_مريم_اليوسف #الجزء_الرابع بلشنا شغل وبتجهيز الفطور واجت ليلى وولادا وسلفتي ميس وولادا .. قامت حماتي وبلشت تبويس بميس وبولادا حماتي : يا اهلين بالغالية .. اهلين بأميرة هالعيلة .. حسيتا عم تجاكرني ... بس انا ماعملت اي ردة فعل بس من جواي مقهورة كتير .. وكنت متأكدة رح موت قهر بهل البيت ميس : اي مرت عمي شو ساعدكن حماتي : والله مابتمدي ايدك علي شي .. بس تعالي قعدي قبالي خليني شوف هالوجه الحلو يلي مشتاقتلو ميس : تسلميلي يا حماتي على هالحكيات الحلوين ميس حسيتا عم تطلع علي بقهر مبين انها غيرانة مني يمكن لاني احلا منا ميس : اي كيفك ياعروستنا مروة : الحمد لله ميس : قلك شي بس ما تزعلي مروة : قولي ميس : بصراحة تيابك كتير مشرشحين وماحلوين .. هيك تياب مابتلبسن عروس كلن قصدن يجرحوني بالحكي وبصراحة تلبكت وماعرفت شو رد .. قام نطت حماتي وقالت : اي شو مفكرة كل الناس متلك بتعرف تلبس .. انا كنت لابسة بجامة قديمة شوي من تيابي القداما ليلى: لا مروة زوقا كتير حلو بالتياب بس لاتنسو انو ماجهزت شي وهدول التياب عندا اياهن من زمان ... ميس تحكي بمياعة : ومين ض...