#بطيخة
#بقلم_مريم_اليوسف
#الجزء_الثالث
فاتو ع بيتن وطبشو الباب وهنن فارطين من الضحك
قمر :ههههههه عنجد منظرا كان غير شكل كان لازم نصورا شي فيديو
ياسمينة :ياحرام صدقت انو يلي رشيناه اسيد هههه
قمر :من الرعبة معد ميزت
ياسمينة :كلن شوية مي سخنة وما سخنة كتير .. معقول من الخوف سيطر عليها وعم يحرقوها لهلأ هههههه
______________
طلعو اهلا للبنى على صريخا ..
اما :ماما شبك .. حكيني .. قوليلي شبك
لبنى :تشوهت ياماما .. تشوهت
اما :كييف .. ومين شوهك
لبنى :ياماما ياسمينة وقمر رشو على وجهي اسيييد
ابوها :شوووو ..
قرب منها ورفعلا اديها عن وجها
ابوها :بنتي وجهك مافيه شي .. متل الوردة
مغمضة عيونا وعم تبكي
لبنى :حااج تضحكو علييي انا تشوهت خلص
اما :لك والله وجهك مافيه شييي
لبنى :بعرف بدكن تخففو عني ..خلص انا حياتي تمدرت
ابوها :لك والله مافي شي قومي شوفي ع المراي
لبنى :ااااه مراااي .. ليش لسه استرجي اتطلع بالمراي
طااااخ
فتحت عيونا بصدمة
واذا ايد ابوها عم تبعد عن وجها
ابوها :يابنت الكلب عم قلك ماافي شي .. وانت متل المجنونة تشوهت وعميت .. قومي انقلعي ع البيت فضحتينا قدام الجيران
لبنى مصدومة وماعم تحكي
ابوها :لك لساتك قاااعدة .. يلااا ع البيت
قامت هرولة وركضت ع البيت
امها : روق شوي ع البنت
ابوها :اسكتي انتي التاني .. ولحقيها
ام لبنى :حاضر .. حاضر
وصلت لبنى لقدام المراي وصارت تلمس على وجها ..
لبنى :مافي شي.. لكن شو هاد يلي حرقني .. معقول مي سخنة ..ياسمينةةةة ياحقييييرة .. ببقى بفضالك بس بالاول بدي رجع غيث قبل مايطير
___________________
ببيت ام غيث
لبنى: شو رأيك بهل الخطة طنط
ام غيث: مابعرف .. بس غيث بيكره الكذب كتير
لبنى :كذبة بيضا .. مشان يصالحك
ام غيث :هيك قولتك
لبنى :اي بصراحة ..وكمان مانو هاين علي انو غيث يقاطعك
ام غيث :تقبري قلبي شو انو قلبك طيب
لبنى :بعيد الشر عن قلبك طنط ..
ام غيث :لكن اتصلي فيه انتي
لبنى :اوكي
_____________
قاعد ورا مكتبو .. وعم يشتغل ع الكومبيتر
رن تلفونو وكانت لبنى .. مارد
رنت عليه اكتر من مرة كمان مارد .. بعتتلو مسج (غيث امك تعبانة رد ع التلفون )
شاف المسج وبسرعة رجع دق
لبنى :الوو
غيث :شبا امي
لبنى :تعبت شوي واتصلت فيني اجي لعندا
غيث :طيب شوو عم يوجعا .. شوو صرلا
لبنى :لا تخاف بس تعبت شوي وانا عندا ..
غيث :شووو ما خااف .. لك هي امي .. جاي. وسكر
لبنى :تضرب منك لامك
............
وصل ع البيت ملهوف .. فتح الباب وفات بسرعة
لبنى :اهلين حبيبي
غيث :امي وينا
لبنى :عملتا كاسة ليمون وهلأ نايمة
قطعا ومشي اتجاه غرفة امو
لبنى :نايمة لاتزعجا
غيث :مادخلك
فتح الباب وام غيث بسرعة تظاهرت بالنوم
قرب لحدا بهدوء
غيث :ماما .. ماما .. عم تسمعيني
فتحت عيونا شوي وصار تحكي بصوت تعبان :اهلين حبيبي
غيث :شبك ياعمري .. قوليلي شبك
ام غيث :لا تشغل بالك تعبت شوي
غيث :يلا قومي لاخدك ع الدكتور
ام غيث :والله مافي داعي
غيث :شوو مافي داعي .. يلا قومي
ام غيث : انا تعبت لاني ماكنت عم اتغذا منيح وانت مانك داير علي
غيث :لك انضرب انا بمليون صرماي .. سامحيني ماما
دمعو عيونا :مسامحتك ياروحي بس انتي سامحني
غيث :بعمري مازعلت منك
ام غيث :الله يرضا عليك ولا يحرمني منك
بسلا ايدا وقال :ولا منك يارب
ام غيث :يكتر خيرا لبنى اول ما اتصلت فيها اجت فورا .. والله هالبنت بنت اصل
غيث :اي
ام غيث :خطي ابني سامحا .. وهية عملت هيك لانها خايفة عليك
غيث :بتأمري ياست الكل
ام غيث :يلا قوم لعندا وانا بدي نام شوي
غيث :طيب ماشي .. اذا بدك شي انا برا
ام غيث :ماشي
قرب وبسلا راسا وطلع ..
لبنى كانت عم تسمع كلشي .. ولما خلصو بسرعة بعدت وعملت حالا عم تلبس جزدانا
غيث : ع وين
لبنى :مهمتي خلصت
غيث :طيب شو رأيك تعميلنا فنجانين قهوة ونقعد شوي
لبنى :لا مابصير .. وكمان انا واياك لحالنا موظابطة وكمان انت بعدك زعلان مني وكمااان
غيث :كمان كمان .. خلص مافيها شي اذا ضليتي نص ساعة وانا بوصلك
لبنى بدلع : بس انت زعلان مني
غيث :لا سامحتك
مسك ايدها وباسا وقال :انا اسف
لبنى : خلص متل مابدك
غيث :دخيلو الرايق
لبنى :اي مشان القهوة شو رأيك تعملا انت
غيث :مابتعرفي تعملي قهوة
لبنى :ااه .. لأ مبلا بعرف بس بدي دوقا من تحت اديك
غيث :تعالي معي
مسكا من ايدا وراحو هو اياها ع المطبخ
________________
المسا
ياسمينة عم تكوي تيابها .. فاتت عليها قمر ومعا كاستين عصير
قمر :اي شو هالنشاط .. كنتي خليهن لبكرا
ياسمينة :مابلحق بكرا نازلة ع المجلة
قمر :اح .. اح
ياسمينة :صحة
قمر :سمسومة حبيبتي بدي قلك شغلة بس لاتزعلي
ياسمينة تركت المكواي من ايدا وقالت :شوفي
قمر :استغنو عن خدماتك بالمجلة
ياسمينة : ليش ما اخدتيلي اجازة
قمر :مبلا .. بس لما عرفو انك محبوسة بعتولك مستحقاتك وقال لعد تروحي
ياسمينة : طيب كيف عرفتي انو مشان الحبس
قمر :انا سألت الموظف يلي جبلك المصاري .. وهو قلي
قعدت جنب قمر وهية عم تخفي الحزن ..
قمر :يلا اريح عيشيلك كم يوم وانبسطي فيهن
ياسمينة : بتعرفي انا الشغل حياتي اذا ضليت قاعدة بطق بفقع .. وانتي بتعرفي انو مابحاجة مصاري بس بتسلا
قمر : طبعا بعرف .. شو بدك تعملي
رجعت قامت وراحت ع المكوى ومسكت المكواي ورجعت تكوي :رح دور ع شغل .. حتى لو انسة رسم بشي مدرسة
قمر:لك صحي ياسمينة انتي ليش مابترسمي لوحات . ممكن تصيري مشهورة .. رسمك كتير بجنن .
ياسمينة :مابحب هيك شغلات بحب الرسم الطفولي .. الكاركتير .. وخصوصا رسوم قصص الاطفال
قمر : عنجد انتي قلبك قلب طفلة
ياسمينة :ههههه طفلة بحجم عائلي ... لك صحي شوفيني ماني ضعفانة ع الحبس
قمر :بصراحة ... لا حاسستك سمنانة
ياسمينة :شي اكيد بدي اسمن اذا صرلي شهر عايشة ع النشويات رز وبطاطا وبرغل وخبز .. وهاد سمن ع حلّو
_______________
عباب البناي واقف غيث بسيارتو ولبنى جنبو
لبنى :شكرا .. قضيا وقت حلو
غيث :شكرا الك
لبنى :غيث بدي قلك شي بس لاتفهمني غلط
غيث :قولي ومارح افهمك غلط
لبنى :مشان موضوع الخطبة .. انت بتعرف مشان اهلي والجيران
غيث : والله بعرف .. بس انتي بتعرفي شو صار يعني نض المصاري يلي كنت شايلن راحو ع المشفى وكمان في تقصير كتير بالشغل .. هو بصراحة انا كنت بدي فاتحك بالموضوع انو شورأيك نعمل خطبة ع الديق وبوعدك ع العرس عوضك
تغير ملامح لبنى ..
غيث :شو رأيك
لبنى :لأ خلص بنستنا انا بحكي مع اهلي انك حاليا مانك جاهز تعمل واكيد مارح يعارضو
انصدم غيث لما قالتلو هيك .. وماحكي
لبنى :تصبح على خير
غيث :وانتي بخير
نزلت وفاتت ع البناي وهو بعدو عم يراقبا لحتى صارت جوا .. دور السيارة ومشي
غيث : معقول المظاهر عندا اهم من العلاقات .. عنجد صدمتني ماتوقعت هيك جوابا نهائيا ..
_________
لبنى وهية عم تفتح الباب وقفت وصفنت .. ليش هيك حكيتو .. اكيد بكون فكرني بحب المظاهر .. بس هي خطبتي معقول رنيم الجربوعة تعمل خطبة وانا لأ .. لازم بررلو وجهة نظري احسن ما يغير رأيو فيني .. وكمان انا شبني كان لازم اجيه بطريقة غير هي .. لك تضربي يا لبنى .. فتحت الباب وفاتت
اما :لبونة تعالي العشا جاهز
لبنى :يلا ثواني بس لغير تيابي
فاتت ع غرفتا ومسكت تلفونا وبعتت رسالة لغيث
__________
وهو عم ينزل من السيارة رن تلفونو بمسج
( حبيبي غيث مابعرف شو بتكون عم تفكر فيني .. بس انا متلي متل اي بنت بتحلم تعمل خطبة وعرس كل العالم يحكو فيهن .. وكمان رفقاتي كلن ناطرين خطبتي قد ماحكيتلن عنك وعن كرمك ... يعني اذا ماعملنا خطبة رح يقولو انو خطيبا بخيل لا سمح الله وانا مابدي تطلع هي السمعة عليك .. صدقني مشانك مو مشاني .. بحبك 😘)
غيث :هه عم تبرر الغلط بغلط اكبر .. مفكرة بهل الرسالة تغيرلي رأيي فيها .. بس بهي الرسالة قنعتني انو هية وحدة متصنعة وبتحب المظاهر .. ايه هينة اصلا كل البنات هيك ماوقفت عليكي
__________________
بعد يومين ..
فاتت قمر ع البيت وريحة الاكل ملاي البيت .. كملت بوجها ع المطبخ وكانت ياسمينة عم تترم سلطة
قمر :الله ع طبخاتك يا ام السوس ..
ياسمنة :اهلا قمورة
قربت قمر من الطنجرة ورفعت الغطا وطلع البخار من الطنجره
قمر : ولييي على هالريحة بتشللل ... اااخ ع المحاشي بتشهي .. بتعرفي انو الريحة بكل البناي
ياسمينة :يلا روحي غير وتعي لاسكبلك
قمر :طيارة ههههه
حطو اكل وصارو ياكلو
قمر :حبيبتي ما لقيتي شغل
ياسمينة :لا والله
قمر طلعت من جنبا مجلة وحطتا قدام ياسمينة
ياسمينة :شو هي
قمر : فوتي ع صفحة الاعلانات
مسكت المجلة وفتحتا
ياسمينة : دائما نرغب بالتمييز والتطور .. مجلة الاسرة لكل الاسرة .. وقد قررت المجلة ان تضيف صفحتين في اخر المجلة للأطفال لكلي تصبح مجلة الاسرة لكل الاسرة وبدون استثناء احد لا صغير ولا كبير ولا مراهق ولا فتاة ولا امرأة ولارجل وقريبا للأطفال
اعلان : نريد موظفين لهذا العمل .. شروط العمل ان يكون لديه خيال خصب لكي يكتب قصص جديدة للأطفال وغير ومكررة ونريد رسام كركتير لكي يرسم ويجسد لنا القصص ... من يمتلك تلك المواهب الرجاء الحضور يوم الخميس الساعة ١٠:٠٠ص للتقديم على طلب للوظيفة
ياسمينة:يعني بكراا
قمر :اي بكرا جهزي حالك
ياسمينة :معقول تظبط
قمر :قولي يارب
ياسمينة :يااارب
___________________
فات راجح لعند غيث
راجح :ليش ماقلتي
غيث :شوبدي قلك
راجح:انك بدك تضيف صفحتين للاطفال بالمجلة
غيث :فكرة حلوة ماهيك
راجح :فكرتك ما هيك
غيث :ههه اي .. راجعت المدير واقترحت عليه وكتير عجبتو الفكرة
راجح:عجبت الكل
غيث : اي طبعا الطفل بحاجة للاطلاع والثقافة حتى لو بس يتفرج ع الصور رح يكون حلو .. والطفل اذا حب المجلة بصير ينطر العدد لينزل وبيجبر اهلو يجيبولو المجلة كل اسبوع
راجح :لك انت عندك جمجمة من ذهب
غيث :ان شاء الله نلاقي الاشخاص المناسبين لهاد العمل مشان ننزل قصة الاسبوع الجاي
راحج :اهووو .. في كتير .. البلد مليانة مواهب مدفونة
غيث : معك حق
رن تلفون غيث
غيث :الو ... اي حبيبتي .. اليوم ... طيب .. طيب .. متل مابدك ... سلام
راجح : شوفي
غيث :عيد زواج امهاووابوها لخطيبتي وقال جيب هدية محرزة تليق فيني
راجح :هيك قالتلك
غيث : اي .. بصراحة هو انا عم انسى
راجح: لا تزعل مني بس حتى لو عم تنسى .. شو انت ولد صغير لحتى تقلك جيب هيك وخود هيك
غيث: راجح رجاءً لا تتدخل
راجح :اسف .. بالاذن
طلع راجح .. وغيث حاول يكتم غضبو .. وبعدين برر لحالو انو حقا تطلب هالطلب وهو مابدو يحرما من شي
خلص شغل وقام طلع ع المحاسبة
غيث :لو سمحتي انسة شهد بدي دفعة ع الحساب
شهد :انت بتأمر استاذ غيث .. شقد بتريد
غيث : ٣٠٠ دولر
شهد : ثواني
عطتو المصاري . اخدن وطلع
___________
وصل لتحت البناي .. واتصل فيها
غيث :لبنى انزلي
لبنى :ليش حبيبي
غيث :بصراحة مابعرف شو جيب بهيك مناسبة .. نزلي لنروح انا واياكي
لبنى :يلا ثواني 🤩
نزلت بسرعة وراحت معو
___________
ام غيث ... رايحة جاي بالبيت ناطرة غيث ليجي
ام غيث :رح دقلو واعرف وينو
ام غيث :الو ماما ... وينك ... اااه عنجد ... اي ماشي سلم عليها حبيبي
سكرت وهية مقهورة : بحياتو ماجبلي هدية .. هلأ رايح يجيب هدية لامها .. لكن ياعمي هية ابدى .. بعدين انا ليش مقهورة يسطفل .. خليه يعمل يلي بريحو وكمان لبنى بتستاهل
............
بعد كم ساعة رجع غيث
غيث :ماما وينك
كانت عم تتفرج ع التفزيون
ام غيث :هون ماما عند التلفزيون
فات لعندا قعد جنبا وبسلا ايدا
ام غيث :الله يرضا عليك
طلع من جيبتو علبة وقال ماما هي الك
ام غيث : شو هية حبيبي
غيث :شتهيتلك اياها
فتحت العلبة وكان خاتم دهب
ام غيث : ياحبيبي ليش معزب حالك .. بعدين هاد غالي .. وانت هلأ يادوب تلحق تجمع مبلغ مشان الخطبة
غيث :للخطبة فرج ورحمة .. وكمان انت مابيغلا عليكي شي ياست الكل ... يلا البسيه بدي شوفو بأيدك
لبستو وقالت ان شاء الله ما انحرم منك
غيث :يلا قومي مشان نروح ع بيت حماي
ام غيث : يلا
فات غيث ع غرفتو لحتى يبدل تيابو
وقف قدام المراي
٧٠٠ دولار دفعة وحدة .. انا شو بدي لحق ... لوني ماني ماخدها .. مابدا تشتري لاهلا غير دهب .. ياربي ..شو هاد .. والله مو بخل بس والله على هالحالة مابضل معي شي .. منيح سحبت مصاري سلفة .. خاتم لامها ب٣٠٠ وساعة فضة لابوها بمية وخاتم امي كمان ٣٠٠ . يلا عادين مناسبة ومرقت
_____________
قاعدة قمر عم تتفرج ع التلفزيون وياسمينة عم تمشي ع جهازي المشي ..
مسكت الريموت ووطت الصوت
قمر :ياسمينة سامعة شي
وقفت ياسمينة وقالت :لأ
قمر :مبلا في ضجة بالبناي ..
ياسمينة :قومي فتحي الباب وسمعي
قامت قمر فتحت الباب وشافت جارتن نازلة من فوق
_مسالخير قمر
قمر :مسالنور .. خالة شو هالصوت
_اليوم عيد زواج ابو لبنى وام لبنى وعم يحتفلو
قمر :اااه عنجد ... ومن ايمت بيحتفلو هدول
_والله علمي علمك ههههه يمكن ع العريس الجديد
قمر :بجوز ههههه تفضلي خالة تفضلي
_غير مرة .. بدي روح لعندن
قمر :ليش معزومة
_اي والله عازمين كل البناي
قمير :ايه الله يهني العالم
_امين
فاتت وسكرت الباب
ياسمينة :شوو
قمر :عيد زواج ام وابوها للبنى
ياسمينة :اووف صرلنا عمر قاعدين حدن بحياتنا ماشفناهن احتفلو بشي
قمر :ولا بيعملو... بس اكيد كلو ع حساب غيث
ياسمينة: صحي شو بيشتغل هاد
قمر :مابعرف
ياسمينة : ع كل حال بيستاهل
قمر :ههه معك حقك كمان ماخد الملكة لبنى
ياسمينة :يضرب منو لالها
قمر :اي والله
_____________
تاني يوم بالمجلة ...
فايتة ياسمينة مستعجلة .. وراحت لتركب بالاسنسير بسرعة اجت بدا تركب وشافت غيث ..
وقفت وماكملت
غيث اتطلع فيها وعرفا
حط ايدو ع باب الاسنيسر وقال :يلا مابوقف كتير هاد
ياسمينة :لا بطلع ع الدرج شكرا
غيث :بتطولي ع الدرج .. يلا تعي
قربت وركبت
وقفت قدامو ودارتلو ضهرا
هو نظرو غلبو وصار يتطلع على جسما الممتلئ
غيث :بقلبو يا حرام هي من بدو يتطلع فيها ... اي تنحف حالا منظرا كتير كره ... خلص شوبدي فيها .. تسطفل
فاق من شرودو وقال :شو جاي تعملي هون
ياسمينة :ما دخلك
غيث : ايه متل مابدك
وقف الاسنسير وكل واحد راح من جهة .. هو صار يلتفت ليعرف وين رايحة ..
وصلت للغرفة يلي عم يقدمو فيها الوظايف .. دخلت عليها كان في شباب وصبايا كتير جايين يقدمو ع الوظيفة ..
اول ما فاتت الكل اتطلع عليها ..
ياسمينة:لو سمحتي انا جاي قدم ع وظيفة
_كتابة نصوص ولا رسم
ياسمينة:رسم
_تفضلي هي الورقة واقعدي ع الكرسي هنيك وعبيها
ياسمينة :اوكي
اخدت الورقة وراحت قعدت ع الكرسي حست بلش يزقزق .. بسرعة قامت قبل ماينكسر فيها ويفضحا ..
سندت الورقة ع الحيط وصار تعبي البيانات
_ليش ماقعدتي ع الكرسي
ياسمينة : طول الطريق قاعدة ورجلي معضلين .. هيك مرتاحة
_ عراحتك
وهية عم تسجل البيانات فات شب ... حليوة
فات اخد ورقة واجا ع الكرسي ليقعد
ياسمينة :بصوت واطي لاتقعد
الشب: في شي
ياسمينة : لا تقعد الكرسي مو ظابط
الشب اتطلع عليها من فوق لتحت ودار وجهو عنها وقعد
ياسمينة لما شافتو قعد صارت تعد :واحد .. تنين .. تلاتة
دووووب
انكسر الكرسي واتدحرج الشب ع الارض
الكل قامو ليساعدوه
ياسمينة ابتسمت ابتسامة سخرية وقالتلو قلتلك لا تقعد هههههه
قام ينفض تيابو وهو عم يزورا .. مرقت من قدامو حطت الورقة مع رسمة من رسوماتا وطلعت
____________
بعد ساعة
فاتت الموظفة لعند غيث
_استاذ هدول يلي قدمو ع الوظايف .. جبتن لحتى تختار منن تين
غيث :حطيهن وانا براجعن ...
_حاضر استاذ
مسك الاوراق وقال شو كان اسما هية .. اي صح ياسمينة
____________
بعد يومين
فايتة قمر ع البيت وياسمينة عم تحكي ع التلفون : اوكي .. ماشي
وسكرت
قمر : مع مين عم تحكي
ياسمينة : من المجلة عم يخبروني انو قبلوني
قمر : اي مبروك
ياسمينة : الله يبارك بعمرك
قمر :كأنك مو مبسوطة
ياسمينة: بصراحة عادي .. معد في نفس لشي
______________
غيث عند بيت حماه وكلن عم يتغدو سوا
خلصو غدا ... ولبنى سحبت غيث من ايدو وراحو ع البلكون
لبنى :هون الجو احلا ماهيك
غيث :الجو بوجودك بيحلا
لبنى :الله .. الله .. شو هاد ياغيث
غيث :لك يقبرني جمالك
لبنى:هههه خلص بقا انا عم اخجل
غيث:يسلملي الخجول
لبنى :حبيبي بدي منك طلب
غيث :امري
لبنى :بدي سجل بمدرسة سواقة
غيث :انا بعلمك
لبنى :لا بدي اتعلم بمدرسة وكمان بدي شهادة
غيث:هههه ولأشلك بالشهادة اذا ماعندك سيارة
لبنى :بتشتريلي 😊
غيث بتوتر :اااه .. اي تكرمي .. كم لبونة عندي انا
لبنى:يعني بكرا انطرك لحتى تجي توصلني
غيث :اي متل مابدك
لبنى :لك تسلملي يا احلا غيث بالدني
غيث تخربط مزاجو : انا صار لازم روح
لبنى :ع وين
غيث :تذكرت شغلة وبدي اعملا ضروري
لبنى :حكيني
غيث :اكيد .. يلا سلام
ركب سيارتو وهو معصب
غيث :شتهيت اقعد معا شي قعدة على رواق بدون ماتبلش طلبات بدي وبدي .. لك انا تكاليف الخطبة لسه ما امنتون اووووف
________________
تاني يوم ..
فاتت ع المكتب يلي رح يكون مكتبا وتشتغل فيه
كان بالمكتب في طاولتين
فاتت قعدت ورا طاولة .. ركزت قعدتا
ياسمينة :اي هاه هاد كرسي .. منيح هاد الكرسي ماكن
بعد شوي فات شب .. وهو نفسو يلي وقع عن الكرسي
الشب : هاد انتي 😒
ياسمينة :ههههن اي انا
الشب :اكيد انتي الرسامة
ياسمينة :وانت كاتب النصوص
الشب : اسمي عصام
ياسمينة:وانا ياسمينة
عصام :شو بدنا نعمل هلأ
ياسمينة :اقعد هنن لما بدن شي بيجو لعنا
وهنن قاعدين .. اجت موظفة :الاستاذ غيث طالبكن
ياسمينة :قلتلك هههه
وصلو لعند غيث ..
ياسمينة : هاد انت
غيث : اي .. بس مايكون ماعجبك
ياسمينة :ماحكينا شي 🙂
غيث :اي قعدو لاشرحلكن اكتر عن الشغل وشو المطلوب منكن
ياسمينة : انت بتأمر استاذ غيث
..........
خلصو اجتماع مع غيث وطلعو
ياسمينة هلانسان مابطيقو
عصام:لا والله محترم
ياسمينة :تعال نتعرف على الموظفين
عصام :يلا 🙂
مشو بين الموظفين .. والبنات كلن عطو اهتمامن لعصام .. ياسمينة تركتو ومشت لحالا تتفقد المجلة ..
وصلت للبوفيه .. وفاتت
كان فيها ٣ شباب
ياسمينة : مرحبا
الكل : اهلا
كانو متجمعين حوالي طاولة وكأنو في شي قدامن
ياسمينة : شو عم تعملو
_ جبنا بطيخة .. بدنا نكسرا وناكلا .. تعالي شاركينا
ياسمينة : عنجد 😍 بطيخة .. يا الله انا حلمي اكل بطيخ
_حلمك تاكلي بطيخ ؟؟ شو هالحلم الغريب 😒
ياسمينة بنظرة حزن : لاني منحوسة .. كل مرة بجيب بطيخة بتطلع بيضا .. ههه ولما طلعت حمرا اجت ع راس شخص وكانت رح تقتلو ههههه
الكل :عنجد هههههههه
صوت من وراها : شو عم تعملوو
التفتو كلن وكان غيث
الشباب : اهلين استاذ غيث .. تفضل
غيث :بطيخة ؟؟ تطعموني معكن
الشباب :اكيد
قرب غيث وقعد
شب :انتي يا انسة تفضلي ... صحي شو اسمك
غيث :ياسمينة ... اسما ياسمينة
ياسمينة :لا شكرا .. صحة وهنا
غيث : تعي لاتضيعي ع حالك هالفرصة .. وكمان البطيخة حمرا
ياسمينة : لا بيضا
غيث : حمرا
ياسمينا : بيضاا
شب :طيب خلونا نكسرا ونشوفا اذا حمرا او لأ
غيث : بتشارطي
ياسمينة : بشارط من شو لشو
غيث : اذا طلعت حمرا .. بدي تعزميني ع فنجان قهوة .. واذا بيضا بعزمك ع فنجان قهوة
ياسمينة : وانا موافقة
قعدت مقبالو .. وشب كسرها وطلعت حمرا
ياسمينة :كيف هييك ؟؟
غيث :هههه جهزي حالك ع فنجان قهوة
ياسمينة عم تتطلع ع البطيخة الحمرا وريالتها شاطة قالت : وغدا كمان تكرم عيونك .. يلا شباب قطعوها اماني
_ هههه يلا يلا ليش مستعجلة
ياسمينة :قال ليش مستعجلة .. لك حلمي تحقق 🤩🤩😍😍
غيث بقلبو :مجنونة 😐
خلصوها تقطيع وكل شخص اخد صحن .. مسكت ياسمينة الشوكة وبلشت تاكل بشراهة
الكل :😳😳😳😳
بثواني كانت قاضية على الصحن يلي قداما
ياسمينة : في كمان
غيث :😳 في صحني اذا بدك ..
ياسمينة :عنجد 😍شكرا كتير
سحبت الصحن من قدامو .. واكلتو وصحون الشباب كلن سحبتن واحد ورا واحد
حطت الشوكة من ايدا ورجعت ع الكرسي لورا وحطت ايدا ع بطنا
ياسمينة : يا سلااام ما اطيبا
الكل :😐😐 صحة وهنا
ياسمينة :عقلبكن .. ايه لقوم انا .. اذا جبتو بطيخ تاني مرة احسبو حسابي 😊😊
_ اكيد
طلعت وحكي شب : شو صار هوون
_مابعرف... كأنو شي عاصفة
_لك شو عاصفة .. قول كارثة
غيث : ههههه يلا بالاذن
رجعت ع مكتبا وهية طايرة من الفرح
عصام : وين كنتي
ياسمينة : بالبوفيه .. وانت ايمت خلصت حكي مع البنات
عصام : هالبنات هون غير شكل
ياسمينة : والبطيخ كمان غير شكل 😌
عصام : بطيخ .. بطيخ شو
ياسمينة : ولا شي خليني مبسوطة
عصام : علي الحلال هالبنت في بعقلا شي
يتبع ......
#بقلم_مريم_اليوسف
#الجزء_الثالث
فاتو ع بيتن وطبشو الباب وهنن فارطين من الضحك
قمر :ههههههه عنجد منظرا كان غير شكل كان لازم نصورا شي فيديو
ياسمينة :ياحرام صدقت انو يلي رشيناه اسيد هههه
قمر :من الرعبة معد ميزت
ياسمينة :كلن شوية مي سخنة وما سخنة كتير .. معقول من الخوف سيطر عليها وعم يحرقوها لهلأ هههههه
______________
طلعو اهلا للبنى على صريخا ..
اما :ماما شبك .. حكيني .. قوليلي شبك
لبنى :تشوهت ياماما .. تشوهت
اما :كييف .. ومين شوهك
لبنى :ياماما ياسمينة وقمر رشو على وجهي اسيييد
ابوها :شوووو ..
قرب منها ورفعلا اديها عن وجها
ابوها :بنتي وجهك مافيه شي .. متل الوردة
مغمضة عيونا وعم تبكي
لبنى :حااج تضحكو علييي انا تشوهت خلص
اما :لك والله وجهك مافيه شييي
لبنى :بعرف بدكن تخففو عني ..خلص انا حياتي تمدرت
ابوها :لك والله مافي شي قومي شوفي ع المراي
لبنى :ااااه مراااي .. ليش لسه استرجي اتطلع بالمراي
طااااخ
فتحت عيونا بصدمة
واذا ايد ابوها عم تبعد عن وجها
ابوها :يابنت الكلب عم قلك ماافي شي .. وانت متل المجنونة تشوهت وعميت .. قومي انقلعي ع البيت فضحتينا قدام الجيران
لبنى مصدومة وماعم تحكي
ابوها :لك لساتك قاااعدة .. يلااا ع البيت
قامت هرولة وركضت ع البيت
امها : روق شوي ع البنت
ابوها :اسكتي انتي التاني .. ولحقيها
ام لبنى :حاضر .. حاضر
وصلت لبنى لقدام المراي وصارت تلمس على وجها ..
لبنى :مافي شي.. لكن شو هاد يلي حرقني .. معقول مي سخنة ..ياسمينةةةة ياحقييييرة .. ببقى بفضالك بس بالاول بدي رجع غيث قبل مايطير
___________________
ببيت ام غيث
لبنى: شو رأيك بهل الخطة طنط
ام غيث: مابعرف .. بس غيث بيكره الكذب كتير
لبنى :كذبة بيضا .. مشان يصالحك
ام غيث :هيك قولتك
لبنى :اي بصراحة ..وكمان مانو هاين علي انو غيث يقاطعك
ام غيث :تقبري قلبي شو انو قلبك طيب
لبنى :بعيد الشر عن قلبك طنط ..
ام غيث :لكن اتصلي فيه انتي
لبنى :اوكي
_____________
قاعد ورا مكتبو .. وعم يشتغل ع الكومبيتر
رن تلفونو وكانت لبنى .. مارد
رنت عليه اكتر من مرة كمان مارد .. بعتتلو مسج (غيث امك تعبانة رد ع التلفون )
شاف المسج وبسرعة رجع دق
لبنى :الوو
غيث :شبا امي
لبنى :تعبت شوي واتصلت فيني اجي لعندا
غيث :طيب شوو عم يوجعا .. شوو صرلا
لبنى :لا تخاف بس تعبت شوي وانا عندا ..
غيث :شووو ما خااف .. لك هي امي .. جاي. وسكر
لبنى :تضرب منك لامك
............
وصل ع البيت ملهوف .. فتح الباب وفات بسرعة
لبنى :اهلين حبيبي
غيث :امي وينا
لبنى :عملتا كاسة ليمون وهلأ نايمة
قطعا ومشي اتجاه غرفة امو
لبنى :نايمة لاتزعجا
غيث :مادخلك
فتح الباب وام غيث بسرعة تظاهرت بالنوم
قرب لحدا بهدوء
غيث :ماما .. ماما .. عم تسمعيني
فتحت عيونا شوي وصار تحكي بصوت تعبان :اهلين حبيبي
غيث :شبك ياعمري .. قوليلي شبك
ام غيث :لا تشغل بالك تعبت شوي
غيث :يلا قومي لاخدك ع الدكتور
ام غيث :والله مافي داعي
غيث :شوو مافي داعي .. يلا قومي
ام غيث : انا تعبت لاني ماكنت عم اتغذا منيح وانت مانك داير علي
غيث :لك انضرب انا بمليون صرماي .. سامحيني ماما
دمعو عيونا :مسامحتك ياروحي بس انتي سامحني
غيث :بعمري مازعلت منك
ام غيث :الله يرضا عليك ولا يحرمني منك
بسلا ايدا وقال :ولا منك يارب
ام غيث :يكتر خيرا لبنى اول ما اتصلت فيها اجت فورا .. والله هالبنت بنت اصل
غيث :اي
ام غيث :خطي ابني سامحا .. وهية عملت هيك لانها خايفة عليك
غيث :بتأمري ياست الكل
ام غيث :يلا قوم لعندا وانا بدي نام شوي
غيث :طيب ماشي .. اذا بدك شي انا برا
ام غيث :ماشي
قرب وبسلا راسا وطلع ..
لبنى كانت عم تسمع كلشي .. ولما خلصو بسرعة بعدت وعملت حالا عم تلبس جزدانا
غيث : ع وين
لبنى :مهمتي خلصت
غيث :طيب شو رأيك تعميلنا فنجانين قهوة ونقعد شوي
لبنى :لا مابصير .. وكمان انا واياك لحالنا موظابطة وكمان انت بعدك زعلان مني وكمااان
غيث :كمان كمان .. خلص مافيها شي اذا ضليتي نص ساعة وانا بوصلك
لبنى بدلع : بس انت زعلان مني
غيث :لا سامحتك
مسك ايدها وباسا وقال :انا اسف
لبنى : خلص متل مابدك
غيث :دخيلو الرايق
لبنى :اي مشان القهوة شو رأيك تعملا انت
غيث :مابتعرفي تعملي قهوة
لبنى :ااه .. لأ مبلا بعرف بس بدي دوقا من تحت اديك
غيث :تعالي معي
مسكا من ايدا وراحو هو اياها ع المطبخ
________________
المسا
ياسمينة عم تكوي تيابها .. فاتت عليها قمر ومعا كاستين عصير
قمر :اي شو هالنشاط .. كنتي خليهن لبكرا
ياسمينة :مابلحق بكرا نازلة ع المجلة
قمر :اح .. اح
ياسمينة :صحة
قمر :سمسومة حبيبتي بدي قلك شغلة بس لاتزعلي
ياسمينة تركت المكواي من ايدا وقالت :شوفي
قمر :استغنو عن خدماتك بالمجلة
ياسمينة : ليش ما اخدتيلي اجازة
قمر :مبلا .. بس لما عرفو انك محبوسة بعتولك مستحقاتك وقال لعد تروحي
ياسمينة : طيب كيف عرفتي انو مشان الحبس
قمر :انا سألت الموظف يلي جبلك المصاري .. وهو قلي
قعدت جنب قمر وهية عم تخفي الحزن ..
قمر :يلا اريح عيشيلك كم يوم وانبسطي فيهن
ياسمينة : بتعرفي انا الشغل حياتي اذا ضليت قاعدة بطق بفقع .. وانتي بتعرفي انو مابحاجة مصاري بس بتسلا
قمر : طبعا بعرف .. شو بدك تعملي
رجعت قامت وراحت ع المكوى ومسكت المكواي ورجعت تكوي :رح دور ع شغل .. حتى لو انسة رسم بشي مدرسة
قمر:لك صحي ياسمينة انتي ليش مابترسمي لوحات . ممكن تصيري مشهورة .. رسمك كتير بجنن .
ياسمينة :مابحب هيك شغلات بحب الرسم الطفولي .. الكاركتير .. وخصوصا رسوم قصص الاطفال
قمر : عنجد انتي قلبك قلب طفلة
ياسمينة :ههههه طفلة بحجم عائلي ... لك صحي شوفيني ماني ضعفانة ع الحبس
قمر :بصراحة ... لا حاسستك سمنانة
ياسمينة :شي اكيد بدي اسمن اذا صرلي شهر عايشة ع النشويات رز وبطاطا وبرغل وخبز .. وهاد سمن ع حلّو
_______________
عباب البناي واقف غيث بسيارتو ولبنى جنبو
لبنى :شكرا .. قضيا وقت حلو
غيث :شكرا الك
لبنى :غيث بدي قلك شي بس لاتفهمني غلط
غيث :قولي ومارح افهمك غلط
لبنى :مشان موضوع الخطبة .. انت بتعرف مشان اهلي والجيران
غيث : والله بعرف .. بس انتي بتعرفي شو صار يعني نض المصاري يلي كنت شايلن راحو ع المشفى وكمان في تقصير كتير بالشغل .. هو بصراحة انا كنت بدي فاتحك بالموضوع انو شورأيك نعمل خطبة ع الديق وبوعدك ع العرس عوضك
تغير ملامح لبنى ..
غيث :شو رأيك
لبنى :لأ خلص بنستنا انا بحكي مع اهلي انك حاليا مانك جاهز تعمل واكيد مارح يعارضو
انصدم غيث لما قالتلو هيك .. وماحكي
لبنى :تصبح على خير
غيث :وانتي بخير
نزلت وفاتت ع البناي وهو بعدو عم يراقبا لحتى صارت جوا .. دور السيارة ومشي
غيث : معقول المظاهر عندا اهم من العلاقات .. عنجد صدمتني ماتوقعت هيك جوابا نهائيا ..
_________
لبنى وهية عم تفتح الباب وقفت وصفنت .. ليش هيك حكيتو .. اكيد بكون فكرني بحب المظاهر .. بس هي خطبتي معقول رنيم الجربوعة تعمل خطبة وانا لأ .. لازم بررلو وجهة نظري احسن ما يغير رأيو فيني .. وكمان انا شبني كان لازم اجيه بطريقة غير هي .. لك تضربي يا لبنى .. فتحت الباب وفاتت
اما :لبونة تعالي العشا جاهز
لبنى :يلا ثواني بس لغير تيابي
فاتت ع غرفتا ومسكت تلفونا وبعتت رسالة لغيث
__________
وهو عم ينزل من السيارة رن تلفونو بمسج
( حبيبي غيث مابعرف شو بتكون عم تفكر فيني .. بس انا متلي متل اي بنت بتحلم تعمل خطبة وعرس كل العالم يحكو فيهن .. وكمان رفقاتي كلن ناطرين خطبتي قد ماحكيتلن عنك وعن كرمك ... يعني اذا ماعملنا خطبة رح يقولو انو خطيبا بخيل لا سمح الله وانا مابدي تطلع هي السمعة عليك .. صدقني مشانك مو مشاني .. بحبك 😘)
غيث :هه عم تبرر الغلط بغلط اكبر .. مفكرة بهل الرسالة تغيرلي رأيي فيها .. بس بهي الرسالة قنعتني انو هية وحدة متصنعة وبتحب المظاهر .. ايه هينة اصلا كل البنات هيك ماوقفت عليكي
__________________
بعد يومين ..
فاتت قمر ع البيت وريحة الاكل ملاي البيت .. كملت بوجها ع المطبخ وكانت ياسمينة عم تترم سلطة
قمر :الله ع طبخاتك يا ام السوس ..
ياسمنة :اهلا قمورة
قربت قمر من الطنجرة ورفعت الغطا وطلع البخار من الطنجره
قمر : ولييي على هالريحة بتشللل ... اااخ ع المحاشي بتشهي .. بتعرفي انو الريحة بكل البناي
ياسمينة :يلا روحي غير وتعي لاسكبلك
قمر :طيارة ههههه
حطو اكل وصارو ياكلو
قمر :حبيبتي ما لقيتي شغل
ياسمينة :لا والله
قمر طلعت من جنبا مجلة وحطتا قدام ياسمينة
ياسمينة :شو هي
قمر : فوتي ع صفحة الاعلانات
مسكت المجلة وفتحتا
ياسمينة : دائما نرغب بالتمييز والتطور .. مجلة الاسرة لكل الاسرة .. وقد قررت المجلة ان تضيف صفحتين في اخر المجلة للأطفال لكلي تصبح مجلة الاسرة لكل الاسرة وبدون استثناء احد لا صغير ولا كبير ولا مراهق ولا فتاة ولا امرأة ولارجل وقريبا للأطفال
اعلان : نريد موظفين لهذا العمل .. شروط العمل ان يكون لديه خيال خصب لكي يكتب قصص جديدة للأطفال وغير ومكررة ونريد رسام كركتير لكي يرسم ويجسد لنا القصص ... من يمتلك تلك المواهب الرجاء الحضور يوم الخميس الساعة ١٠:٠٠ص للتقديم على طلب للوظيفة
ياسمينة:يعني بكراا
قمر :اي بكرا جهزي حالك
ياسمينة :معقول تظبط
قمر :قولي يارب
ياسمينة :يااارب
___________________
فات راجح لعند غيث
راجح :ليش ماقلتي
غيث :شوبدي قلك
راجح:انك بدك تضيف صفحتين للاطفال بالمجلة
غيث :فكرة حلوة ماهيك
راجح :فكرتك ما هيك
غيث :ههه اي .. راجعت المدير واقترحت عليه وكتير عجبتو الفكرة
راجح:عجبت الكل
غيث : اي طبعا الطفل بحاجة للاطلاع والثقافة حتى لو بس يتفرج ع الصور رح يكون حلو .. والطفل اذا حب المجلة بصير ينطر العدد لينزل وبيجبر اهلو يجيبولو المجلة كل اسبوع
راجح :لك انت عندك جمجمة من ذهب
غيث :ان شاء الله نلاقي الاشخاص المناسبين لهاد العمل مشان ننزل قصة الاسبوع الجاي
راحج :اهووو .. في كتير .. البلد مليانة مواهب مدفونة
غيث : معك حق
رن تلفون غيث
غيث :الو ... اي حبيبتي .. اليوم ... طيب .. طيب .. متل مابدك ... سلام
راجح : شوفي
غيث :عيد زواج امهاووابوها لخطيبتي وقال جيب هدية محرزة تليق فيني
راجح :هيك قالتلك
غيث : اي .. بصراحة هو انا عم انسى
راجح: لا تزعل مني بس حتى لو عم تنسى .. شو انت ولد صغير لحتى تقلك جيب هيك وخود هيك
غيث: راجح رجاءً لا تتدخل
راجح :اسف .. بالاذن
طلع راجح .. وغيث حاول يكتم غضبو .. وبعدين برر لحالو انو حقا تطلب هالطلب وهو مابدو يحرما من شي
خلص شغل وقام طلع ع المحاسبة
غيث :لو سمحتي انسة شهد بدي دفعة ع الحساب
شهد :انت بتأمر استاذ غيث .. شقد بتريد
غيث : ٣٠٠ دولر
شهد : ثواني
عطتو المصاري . اخدن وطلع
___________
وصل لتحت البناي .. واتصل فيها
غيث :لبنى انزلي
لبنى :ليش حبيبي
غيث :بصراحة مابعرف شو جيب بهيك مناسبة .. نزلي لنروح انا واياكي
لبنى :يلا ثواني 🤩
نزلت بسرعة وراحت معو
___________
ام غيث ... رايحة جاي بالبيت ناطرة غيث ليجي
ام غيث :رح دقلو واعرف وينو
ام غيث :الو ماما ... وينك ... اااه عنجد ... اي ماشي سلم عليها حبيبي
سكرت وهية مقهورة : بحياتو ماجبلي هدية .. هلأ رايح يجيب هدية لامها .. لكن ياعمي هية ابدى .. بعدين انا ليش مقهورة يسطفل .. خليه يعمل يلي بريحو وكمان لبنى بتستاهل
............
بعد كم ساعة رجع غيث
غيث :ماما وينك
كانت عم تتفرج ع التفزيون
ام غيث :هون ماما عند التلفزيون
فات لعندا قعد جنبا وبسلا ايدا
ام غيث :الله يرضا عليك
طلع من جيبتو علبة وقال ماما هي الك
ام غيث : شو هية حبيبي
غيث :شتهيتلك اياها
فتحت العلبة وكان خاتم دهب
ام غيث : ياحبيبي ليش معزب حالك .. بعدين هاد غالي .. وانت هلأ يادوب تلحق تجمع مبلغ مشان الخطبة
غيث :للخطبة فرج ورحمة .. وكمان انت مابيغلا عليكي شي ياست الكل ... يلا البسيه بدي شوفو بأيدك
لبستو وقالت ان شاء الله ما انحرم منك
غيث :يلا قومي مشان نروح ع بيت حماي
ام غيث : يلا
فات غيث ع غرفتو لحتى يبدل تيابو
وقف قدام المراي
٧٠٠ دولار دفعة وحدة .. انا شو بدي لحق ... لوني ماني ماخدها .. مابدا تشتري لاهلا غير دهب .. ياربي ..شو هاد .. والله مو بخل بس والله على هالحالة مابضل معي شي .. منيح سحبت مصاري سلفة .. خاتم لامها ب٣٠٠ وساعة فضة لابوها بمية وخاتم امي كمان ٣٠٠ . يلا عادين مناسبة ومرقت
_____________
قاعدة قمر عم تتفرج ع التلفزيون وياسمينة عم تمشي ع جهازي المشي ..
مسكت الريموت ووطت الصوت
قمر :ياسمينة سامعة شي
وقفت ياسمينة وقالت :لأ
قمر :مبلا في ضجة بالبناي ..
ياسمينة :قومي فتحي الباب وسمعي
قامت قمر فتحت الباب وشافت جارتن نازلة من فوق
_مسالخير قمر
قمر :مسالنور .. خالة شو هالصوت
_اليوم عيد زواج ابو لبنى وام لبنى وعم يحتفلو
قمر :اااه عنجد ... ومن ايمت بيحتفلو هدول
_والله علمي علمك ههههه يمكن ع العريس الجديد
قمر :بجوز ههههه تفضلي خالة تفضلي
_غير مرة .. بدي روح لعندن
قمر :ليش معزومة
_اي والله عازمين كل البناي
قمير :ايه الله يهني العالم
_امين
فاتت وسكرت الباب
ياسمينة :شوو
قمر :عيد زواج ام وابوها للبنى
ياسمينة :اووف صرلنا عمر قاعدين حدن بحياتنا ماشفناهن احتفلو بشي
قمر :ولا بيعملو... بس اكيد كلو ع حساب غيث
ياسمينة: صحي شو بيشتغل هاد
قمر :مابعرف
ياسمينة : ع كل حال بيستاهل
قمر :ههه معك حقك كمان ماخد الملكة لبنى
ياسمينة :يضرب منو لالها
قمر :اي والله
_____________
تاني يوم بالمجلة ...
فايتة ياسمينة مستعجلة .. وراحت لتركب بالاسنسير بسرعة اجت بدا تركب وشافت غيث ..
وقفت وماكملت
غيث اتطلع فيها وعرفا
حط ايدو ع باب الاسنيسر وقال :يلا مابوقف كتير هاد
ياسمينة :لا بطلع ع الدرج شكرا
غيث :بتطولي ع الدرج .. يلا تعي
قربت وركبت
وقفت قدامو ودارتلو ضهرا
هو نظرو غلبو وصار يتطلع على جسما الممتلئ
غيث :بقلبو يا حرام هي من بدو يتطلع فيها ... اي تنحف حالا منظرا كتير كره ... خلص شوبدي فيها .. تسطفل
فاق من شرودو وقال :شو جاي تعملي هون
ياسمينة :ما دخلك
غيث : ايه متل مابدك
وقف الاسنسير وكل واحد راح من جهة .. هو صار يلتفت ليعرف وين رايحة ..
وصلت للغرفة يلي عم يقدمو فيها الوظايف .. دخلت عليها كان في شباب وصبايا كتير جايين يقدمو ع الوظيفة ..
اول ما فاتت الكل اتطلع عليها ..
ياسمينة:لو سمحتي انا جاي قدم ع وظيفة
_كتابة نصوص ولا رسم
ياسمينة:رسم
_تفضلي هي الورقة واقعدي ع الكرسي هنيك وعبيها
ياسمينة :اوكي
اخدت الورقة وراحت قعدت ع الكرسي حست بلش يزقزق .. بسرعة قامت قبل ماينكسر فيها ويفضحا ..
سندت الورقة ع الحيط وصار تعبي البيانات
_ليش ماقعدتي ع الكرسي
ياسمينة : طول الطريق قاعدة ورجلي معضلين .. هيك مرتاحة
_ عراحتك
وهية عم تسجل البيانات فات شب ... حليوة
فات اخد ورقة واجا ع الكرسي ليقعد
ياسمينة :بصوت واطي لاتقعد
الشب: في شي
ياسمينة : لا تقعد الكرسي مو ظابط
الشب اتطلع عليها من فوق لتحت ودار وجهو عنها وقعد
ياسمينة لما شافتو قعد صارت تعد :واحد .. تنين .. تلاتة
دووووب
انكسر الكرسي واتدحرج الشب ع الارض
الكل قامو ليساعدوه
ياسمينة ابتسمت ابتسامة سخرية وقالتلو قلتلك لا تقعد هههههه
قام ينفض تيابو وهو عم يزورا .. مرقت من قدامو حطت الورقة مع رسمة من رسوماتا وطلعت
____________
بعد ساعة
فاتت الموظفة لعند غيث
_استاذ هدول يلي قدمو ع الوظايف .. جبتن لحتى تختار منن تين
غيث :حطيهن وانا براجعن ...
_حاضر استاذ
مسك الاوراق وقال شو كان اسما هية .. اي صح ياسمينة
____________
بعد يومين
فايتة قمر ع البيت وياسمينة عم تحكي ع التلفون : اوكي .. ماشي
وسكرت
قمر : مع مين عم تحكي
ياسمينة : من المجلة عم يخبروني انو قبلوني
قمر : اي مبروك
ياسمينة : الله يبارك بعمرك
قمر :كأنك مو مبسوطة
ياسمينة: بصراحة عادي .. معد في نفس لشي
______________
غيث عند بيت حماه وكلن عم يتغدو سوا
خلصو غدا ... ولبنى سحبت غيث من ايدو وراحو ع البلكون
لبنى :هون الجو احلا ماهيك
غيث :الجو بوجودك بيحلا
لبنى :الله .. الله .. شو هاد ياغيث
غيث :لك يقبرني جمالك
لبنى:هههه خلص بقا انا عم اخجل
غيث:يسلملي الخجول
لبنى :حبيبي بدي منك طلب
غيث :امري
لبنى :بدي سجل بمدرسة سواقة
غيث :انا بعلمك
لبنى :لا بدي اتعلم بمدرسة وكمان بدي شهادة
غيث:هههه ولأشلك بالشهادة اذا ماعندك سيارة
لبنى :بتشتريلي 😊
غيث بتوتر :اااه .. اي تكرمي .. كم لبونة عندي انا
لبنى:يعني بكرا انطرك لحتى تجي توصلني
غيث :اي متل مابدك
لبنى :لك تسلملي يا احلا غيث بالدني
غيث تخربط مزاجو : انا صار لازم روح
لبنى :ع وين
غيث :تذكرت شغلة وبدي اعملا ضروري
لبنى :حكيني
غيث :اكيد .. يلا سلام
ركب سيارتو وهو معصب
غيث :شتهيت اقعد معا شي قعدة على رواق بدون ماتبلش طلبات بدي وبدي .. لك انا تكاليف الخطبة لسه ما امنتون اووووف
________________
تاني يوم ..
فاتت ع المكتب يلي رح يكون مكتبا وتشتغل فيه
كان بالمكتب في طاولتين
فاتت قعدت ورا طاولة .. ركزت قعدتا
ياسمينة :اي هاه هاد كرسي .. منيح هاد الكرسي ماكن
بعد شوي فات شب .. وهو نفسو يلي وقع عن الكرسي
الشب : هاد انتي 😒
ياسمينة :ههههن اي انا
الشب :اكيد انتي الرسامة
ياسمينة :وانت كاتب النصوص
الشب : اسمي عصام
ياسمينة:وانا ياسمينة
عصام :شو بدنا نعمل هلأ
ياسمينة :اقعد هنن لما بدن شي بيجو لعنا
وهنن قاعدين .. اجت موظفة :الاستاذ غيث طالبكن
ياسمينة :قلتلك هههه
وصلو لعند غيث ..
ياسمينة : هاد انت
غيث : اي .. بس مايكون ماعجبك
ياسمينة :ماحكينا شي 🙂
غيث :اي قعدو لاشرحلكن اكتر عن الشغل وشو المطلوب منكن
ياسمينة : انت بتأمر استاذ غيث
..........
خلصو اجتماع مع غيث وطلعو
ياسمينة هلانسان مابطيقو
عصام:لا والله محترم
ياسمينة :تعال نتعرف على الموظفين
عصام :يلا 🙂
مشو بين الموظفين .. والبنات كلن عطو اهتمامن لعصام .. ياسمينة تركتو ومشت لحالا تتفقد المجلة ..
وصلت للبوفيه .. وفاتت
كان فيها ٣ شباب
ياسمينة : مرحبا
الكل : اهلا
كانو متجمعين حوالي طاولة وكأنو في شي قدامن
ياسمينة : شو عم تعملو
_ جبنا بطيخة .. بدنا نكسرا وناكلا .. تعالي شاركينا
ياسمينة : عنجد 😍 بطيخة .. يا الله انا حلمي اكل بطيخ
_حلمك تاكلي بطيخ ؟؟ شو هالحلم الغريب 😒
ياسمينة بنظرة حزن : لاني منحوسة .. كل مرة بجيب بطيخة بتطلع بيضا .. ههه ولما طلعت حمرا اجت ع راس شخص وكانت رح تقتلو ههههه
الكل :عنجد هههههههه
صوت من وراها : شو عم تعملوو
التفتو كلن وكان غيث
الشباب : اهلين استاذ غيث .. تفضل
غيث :بطيخة ؟؟ تطعموني معكن
الشباب :اكيد
قرب غيث وقعد
شب :انتي يا انسة تفضلي ... صحي شو اسمك
غيث :ياسمينة ... اسما ياسمينة
ياسمينة :لا شكرا .. صحة وهنا
غيث : تعي لاتضيعي ع حالك هالفرصة .. وكمان البطيخة حمرا
ياسمينة : لا بيضا
غيث : حمرا
ياسمينا : بيضاا
شب :طيب خلونا نكسرا ونشوفا اذا حمرا او لأ
غيث : بتشارطي
ياسمينة : بشارط من شو لشو
غيث : اذا طلعت حمرا .. بدي تعزميني ع فنجان قهوة .. واذا بيضا بعزمك ع فنجان قهوة
ياسمينة : وانا موافقة
قعدت مقبالو .. وشب كسرها وطلعت حمرا
ياسمينة :كيف هييك ؟؟
غيث :هههه جهزي حالك ع فنجان قهوة
ياسمينة عم تتطلع ع البطيخة الحمرا وريالتها شاطة قالت : وغدا كمان تكرم عيونك .. يلا شباب قطعوها اماني
_ هههه يلا يلا ليش مستعجلة
ياسمينة :قال ليش مستعجلة .. لك حلمي تحقق 🤩🤩😍😍
غيث بقلبو :مجنونة 😐
خلصوها تقطيع وكل شخص اخد صحن .. مسكت ياسمينة الشوكة وبلشت تاكل بشراهة
الكل :😳😳😳😳
بثواني كانت قاضية على الصحن يلي قداما
ياسمينة : في كمان
غيث :😳 في صحني اذا بدك ..
ياسمينة :عنجد 😍شكرا كتير
سحبت الصحن من قدامو .. واكلتو وصحون الشباب كلن سحبتن واحد ورا واحد
حطت الشوكة من ايدا ورجعت ع الكرسي لورا وحطت ايدا ع بطنا
ياسمينة : يا سلااام ما اطيبا
الكل :😐😐 صحة وهنا
ياسمينة :عقلبكن .. ايه لقوم انا .. اذا جبتو بطيخ تاني مرة احسبو حسابي 😊😊
_ اكيد
طلعت وحكي شب : شو صار هوون
_مابعرف... كأنو شي عاصفة
_لك شو عاصفة .. قول كارثة
غيث : ههههه يلا بالاذن
رجعت ع مكتبا وهية طايرة من الفرح
عصام : وين كنتي
ياسمينة : بالبوفيه .. وانت ايمت خلصت حكي مع البنات
عصام : هالبنات هون غير شكل
ياسمينة : والبطيخ كمان غير شكل 😌
عصام : بطيخ .. بطيخ شو
ياسمينة : ولا شي خليني مبسوطة
عصام : علي الحلال هالبنت في بعقلا شي
يتبع ......
تعليقات
إرسال تعليق