#قلبي_الصغير_لايتحمل(واقعية)
#بقلم_مريم_اليوسف
#الجزء_السادس
المسا ضبينا غراضنا واجت سيارة كبيرة حملنا غراضنا وطلعنا .. يعني نحنا احسن من غيرنا طلعنا بشوية غراض عالم طلعت بس بتيابها
كان سلفي سليمان رايح قبلنا واستأجر بيت كبير .. طلعنا وتركنا قبلنا وافراحنا واحزانا كل الزكريات الحلوة تركناها وطلعنا .. فتنا تهريب على لبنان . وسكنا كلنا مع بعض ... وتاني يوم اهلي لحقونا .. ويوم عن يوم كانت الا ضاع بالضيعة عم تخرب .. ونص البيوت صارت ع الارض .. مافي شهرين كان الجيش مسيطر على المنطقة كلا .. وممنوع حدا يرجع قال بدن يعملوها منطقة عسكرية .. وبيت عمي فتحو محل مجوهرات طبعا هاي كلا من مصاري صهيب .. استلم المحل سليمان ومعاذ وشغلو معن واحد بيعرف بالدهب لانو هنن ماعندن خبرة ..كانت الحياة بلبنان منيحة نوعا ما بس الواحد قد ماكان مالو متل بلدو ... بس معد نقدر لانو يمكن ولاد عمي واخي مطلوبين .. اذا مامطلوبين رح يروحو ع الجيش ..
حضرنا الغدا وقعدنا كلنا ناكل .. اكلت لقمتين وقمت
عمي : ع وين ياعمي
مروة : صحة .. شبعت
عمي : ليش هيك يابنتي عم تعملي بحالك .. صهيب صرلو ٨ اشهر ميت ... لازم تنسي
مروة : انتو نسيتوه
محدا رد
مروة : مارح انساه لاخر يوم بعمري .. وانا هيك منيحة لا تشغلو بالكن ..
فتت ع غرفتي كان صهيب الصغير عم يناغي كان عمرو اربع اشهر... حملتو وبستو ووقفنا انا واياه ع الشباك
كانت حياتي عادي كتير ماقرب من حدا ولا ازعج حدا كنت ساعدن بشغلات البيت وارجع ع غرفتي .. وكنت روح زور اهلي ..
بعد يومين كنت قاعدة بغرفتي عم رضع ابني.. فاتت لعندي حماتي
حماتي : كيفو صهيب
مروة : بخير ببوس ايدك
حماتي : مروة .. بصراحة في موضوع بدي افتحو معك
مروة: اي حماتي عم اسمعك
حماتي : هلأ انتي قعدتك معنا غلط بالحساب انتي ارملة وعندك سلوفي تنين بالبيت
حسيت انو بدن يقلعوني
مروة : خلص مرت عمي اذا مابدكن اياني بروح لعند اهلي ... بس انا كنت قاعدة هون مشان صهيب لانو انتو متعلقين فيه كتير وقلت مابدي احرمكن منو
حماتي : لا لا .. ماهيك قصدي.... بالعكس نحنا كتير حابينك تضلي معنا بالبيت ..
مروة : لكن شو المشكلة
حماتي : انك تتزوجي يا سليمان يا معاذ
مروة : شووووووو
حماتي : انتي ختياري ... لانو انا مستحيل خليكي تطلعي من هالبيت لا انتي ولاصهيب .. وكمان قعدتك معنا مانها ظابطة
مروة : حماتي يلي عم تحكيه مستحيل يصير ..
حماتي : مشان الله فكري منيح .. والله الوضع علي صعب كتير بس هي اوامر عمك ... وكمان انتي بدك تضلي طول عمرك هيك ... لساتك صغيرة بأول عمرك ..
مروة : شيلك عني .. شو نسيانة انو سليمان متزوج وعندو ولاد ومعاذ اصغر مني بسنة يعني كيف هيك ظبطت معكن ... بس خلص انا رح اتركلن هالبيت وخلصنا
حماتي : طلعة من هالبيت ما الك .. واذا بدك تطلعي صهيب مابيطلع .. انتي اختاري يا تضلي مع ابنك وتتزوجي واحد من الولاد يا اما بتتركي هالبيت وبتطلعي منو لحالك
مروة : يعني عم تحطوني تحت الامر الواقع
حماتي : هيك شي ..
تركتني وطلعت .. وانا صرت ابكي .. انو ليش هيك عم يصير معي ليييش ... الله يسامحكن يا اهلي .. كلو منكن .. كلو منكن ..
اندق الباب وفاتت سلفتي ميس .. كانت عم تبكي
مروة : شبك انتي التاني
ميس : مشان الله يامروة .. انا بحبو لسليمان كتير .. وبموت اذا شفت وحدة عم تشاركني فيه
مروة : من كل عقلك جاي عم تقوليلي هيك انا مستحيل اتزوج بعد صهيب ..لا جوزك ولا غيرو
ميس : عنجد
مروة: اي عنجد ... حطي اديكي ورجليكي بمي باردة ...
قمت وصرت البس
ميس : ع وين
مروة : رايحة لعند اهلي ... طلعي قولي لحماتي انو مروة طالعة
ميس : شو بدك تعملي عند اهلك
مروة : ولا شي .. بس مارح طول
لبست وطلعت .. بيت اهلي كان قريب .. كان بيناتنا حارة
دقيت الباب وفتحتلي امي
امي : اهلين مروة فوتي
فتت وكان ع الطاولة فناجين قهوة
مروة : مين كان عنكن
امي : عريس لفاطمة
مروة : هه صرنا تنتين
ابي : شو يعني
مروة : يعني بيت عمي قدمولي عريسين وانا اختار منن واحد .. ياسليمان يامعاذ
ابي : اي منيح .. مشان ابنك
مروة : لهووون وبس معد خلي حدا يتدخل بحياتي ...
اصلا انا ماوصلني لهون غير حضرتكم
امي : شو نحنا يلي موتنا صهيب
مروة : لااا بس لو مازوجتوني غصب عني ماكان صار فيني يلي صار
امي : بس انتي كنتي بتحبيه
مروة : ايمت صرت حبو .. لما حبيتو قام الله اخدو .. لو مازوجتوني اياه ماكنت حبيتو
ابي : شو يعني هلأ
مروة : بتقوم بتروح ع بيت عمي وبتقلن انو مروة مابدا تتزوج حدا وبدا تعيش عنا .. وصهيب كل يوم باخدلن اياه
ابي : طيب اهدي .. هلأ بروح
مروة : اي
قام راح ابي عبيت عمي ..
مروة : من وين العريس
امي : من حمص المدينة .. وهو ممرض عم يشتغل بمركز صحي للسورين هون
مروة: وشو رأيكن
امي : بدنا نسأل عنو وعن عيلتو ... والله هالشب حلو وشخصية ومحترم وصاحب دين
مروة : الله يقدم يلي فيه الخير ... وانتي فطومة شو رأيك بالعريس
فاطمة : مابعرف
مروة : احسن الشي
رجع بابا بعد شوي ..
مروة : شو بابا
ابي : خلص متل مابدك بصير
فرحت كتير وقلتلو : عنجد
ابي : اي عنجد .. بس من هلأ اذا بدك تتزوجي شي يوم بتنسي ابنك
مروة : ومين قلكن انو بدي اتزوج .. انا رايحة جيب غراضي وغراض صهيب
رحت جبت غراضي وقعدت عند اهلي .. بعد يومين اجو اهل العريس يلي جاين مشان فاطمة .. واهلي كانو سألين عنن وعطو الموافقة .. كنت واقفة بباب الغرفة وعم اتفرج عليهن وهن عم يقرو الفاتحة .. شفت بعيون فاطمة الفرح .. فرحتلا من كل قلبي ..
مروة : الله يهنيكي يافاطمة ..
رجعت لعند صهيب كان نايمة تمددت جنبو وصرت العبلو بشعراتو ...
بعد كم يوم .. كنت عم اجلي .. سمعت الباب انفتح .. وفاتت لعندي فاطمة
مروة : مين اجا
فاطمة : خطيبي
مروة : جاي تعملي قهوة يعني
فاطمة : اي
مروة : خلص انا بعملا وبفوتا ...
فاطمة : طيب ماشي .. وكمان مشان تتعرفي على اسامة
مروة : اي يلا
عملت قهوة وفوتا .. سلمت على اسامة كان شب كتير محترم وخجول
فاطمة : اسامة هي اختي مروة الصغيرة يلي حكيتلك عنا
اسامة : تشرفت
مروة : وانا كمان
اسامة : بصراحة زعلت كتير لما خبرت انك ترملتي وانتي صغيرة
مروة : هي حكمة الله
اسامة : الله يرحمو
مروة : تعيش
اسامة : وشو ناوي تعملي
مروة : ولا شي بدي ربي ابني وكبرو وافرح فيه
اسامة : بس انتي بعدك صغيرة ليش لحتى توفقي حياتك هون
مروة : لا تقلي تزوجي ههه
اسامة : اكيد لا .. بس انو كملي دراستك
مروة : وين هوون بلبنان .. لا مو ظابطة وكمان ما الي نفس لشي
اسامة : انتي لاي صف واصلة
مروة : كنت عم قدم عاشر
اسامة : طيب ماشي .. شو رأيك تدخلي دورة تمريض
مروة : تمريض
اسامة : اي بتدرسي سنتين بمعهد وبتصيري ممرضة
مروة : ممرضة ؟؟
اسامة : اي ليش لأ .. بكرا ستنين زمان ابنك بيكبر وبيدخل روضة وبعدا مدرسة .. وانتي شو بدك تعملي لحالك .. انا عم احكي مشانك والله ...
مروة : بفكر
اسامة : اي فكري .. بس لاتطولي لانو هلأ فتحو الدورات للتسجيل . وانا من المدربين
مروة : ان شاء الله خير .. يلا بالاذن خدو راحتكن
تركتن وفتت ع غرفتي وانا ع فكر .. تاني يوم اقترحت ع اهلي الاقتراح ما عترضو .. كمان اخدت رأي بيت عمي .. كمان ماعترضو .. بس شرطت علي حماتي انو صهيب بضل عندن طول ما انا بالدورة
__________________
ومرق اربع سنين .. اخدت شهادة تمريض من المعهد وتطوعت بمستوصف للسورين .. وبعد التطوع تثبتت وصرت موظفة وصرت اخد راتب وراتبي كان ٤٠٠ دلر .. كنت كتير مبسوطة بحياتي الجديدة ومبسوطة بشغلي كنت اتسلى كتير ..كنت اشتغل مع دكتورة نسائية .. كان يجيني خطابة كتير بس انا كنت ارفض لانو بصراحة قلبي كان ميت وماكنت مستعدة لا حب حدا ولا ارتبط بحدا .. كبرت وحليت 😅 وكنت قد حالي وماخلي اي مجال لحدا يقرب مني .. كنت بشغلي مع الدكتورة النسائية شوف كتير بنات صغار بأعمار ١٤ و١٥ و١٦ . جاين وحوامل ... كنت اتذكر حالي وكيف اهلي ظلموني وزوجوني صغيرة بس الحمد لله عندي ولد بالدنيا كلا .. وبالاخير كلو بأيد رب العالمين ..
___________
مروة : دكتورة خلصو ماضل حدا
الدكتورة : اوك .. يلا سلام لاهرب لكن ههههه
مروة : اي الله معك ههههه
ضبيت العيادة وقفلت الباب وطلعت قعدت مع الممرضة يلي بتسجل اسماء
نسرين : شو خلصو مرضاكن
مروة : اي .. بس كأنو اليوم عاجقة بالمستوصف شو القصة
نسرين : اي ع دكتور السنان
مروة : اممم .. انا قايمة روح بدك شي مني
نسرين : لك قعدي سليني شوي
مروة : لا بدي روح لحق حماتي شوف شو طابخة ههههه
نسرين : ااخ منك
مروة : يلا سلام
طلعت من المستوصف ورحت ع بيت عمي
دقيت الباب وفتحتلي ليلى
مروة : شو هون ام الول
ليلى : لك هلا بمروة فوتي فوتي
همست بأدنا وقلتلا سو طابخين اليوم
ليلى : ههههه فوتي داعمينها اليوم ..
مروة : عنجد .. شو المناسبة
ليلى : عازمين خطيبة معاذ ع الغدا
مروة : اممممم
ليلى : امممممممم هههه
مروة : وين ابني .. يا سوسو وينك ماما انا جيت
طلع ابني يلي متل القمر من المطبخ واجا لعندي وفاتح اديه .. نزلت لعندو وحملتو
صهيب : ماما انتي جيتي
مروة : شو شايف .. ليلى هلأ شوفي شو بيسألني
صهيب : ماما كنتي عند الدكتور
مروة :اي ههههههه ... كل يوم نفس السؤال
ليلى : لك دخيل قلبوو انا
مروة : حبيبي شو طابخة التيتي
صهيب : لز ( رز)
مروة : بس لز
صهيب : اي بس ..
مروة : تعال لنشوف
فتنا ع المطبخ وكانت حماتي وميس عم يجهزو الغدا وكانو عاملين كبسة وكبة وصفيحة
حماتي : هلا مروة .. منيح جيتي مشان تتغدي معنا
مروة : حماتي بتحبني ههههه
حماتي : اي والله بحبك ..
مروة : عذبكن صهيب
حماتي : يقبر قلبي .. لك اذا بكسر البيت على راسنا مارح نحكي ..
صهيب : ماما عطيني تلفونك اتفرج ع التيوب ( يوتيوب)
مروة : بس شوي اوك .. مشان عيونك
صهيب : اوك
عطيتو تلفوني وراح يتفرج هو ولاد عمو
ميس : مروة بكرا خديلي موعد عند الدكتورة
مروة : لا تقولي حامل
ميس بقهر : يمكن
مروة : هههه لك شو صايرلك ماخدة مقطوع ..
ميس : بالغلط
مروة : ههههههه قلتيلي بالغلط
حماتي : دخيل الله مافي احلا من الولاد خليها تجيب وتملي البيت كلو ولاد
مروة : يلا ميس خلفي مزال في مين عم يربي
ميس : هيك قولتك
مروة : اي هههههه ... خلص بكرا انا ببعتلك ع الواتس اي ساعة تروحي مشان ماتنطري
فات معاذ ع المطبخ
معاذ : ماما كلو جاهز
مروة: هههه اي كلو جاهز اطمن ..
معاذ : لانو رح يوصلو
مروة : ياعيب الشوم عليك عم تشك يقدرات امك .. سامعة يامرت عمي
معاذ : مروة لا تحرينا
مروة : والله انا اذا ماحريت مابتهنا ههههه
حماتي : حبيبي كلو جاهز .. يلا رح ننقل الاكل على السفرة
نقلنا الاكل على السفره واجو المعازيم .. وتغدينا معن واخدت ابني ورحت ع بيت اهلي
امي : ليش اتأخرتي
مروة : كنت عم اتغدا عند بيت عمي
امي : يعني مانك جوعانة
مروة: لا صحة ..
امي : لكن نيمي صعيب وتعي لنشرب متة
مروة : اوكيي
نيمت صهيب وطلعت اقعد مع امي
مروة : وين بابا ما اجا ع الغدا
امي : اي اجا وراح قبل ماتجي
مروة : وخضر وفاطمة ماعم يجو
امي : لا ..
مروة : هدول من يوم ماتزوجو معد شفنا حدا منن
امي : كل واحد عندو هم كافيه
مروة : ليش صاير معن شي
امي : لا بس مافي حدا ماعندو هموم وكمان لاتنسي كل واحد عندو عيلة ولاد
صفت وقلتلا : اي والله محدا مرتاح
امي : اليوم اجوكي خطابة
مروة : ايي
امي : لا تعصبي قلتلن البنت مابدا تتزوج
مروة : منيح
امي : لايمت يابنتي بدك تضلي هيك .. بكرا ابنك بيكبر وبيتركك وانتي رح تضلي لحالك
مروة : هي الدباجة صرعتو سماي فيها انا مااابدي اتزوج ..واصلا كرهاني كلشي اسمو زواج
امي : والله مابعرف بس والله مشان مصلحتك
مروة : انا هيك مرتاحة ..
امي : ان شاء الله عطول
________________
تاني يوم .. وانا بالعيادة
اتصلت بميس
مروة : الو .. ميس تعالي اخدتلك موعد .. وليكي جيبلي صهيب معك بدي فرجيه للدكتور
ميس : ليش شبو صهيب
مروة : مبارح حسيت سخنان وكمان في دكتور اطفال جديد عم يقولو عنو شاطر بدي خليه يشوفو
ميس : يلا
اجو ميس وصهيب .. فاتت ميس ع الدكتورة .. وانا اخدت صهيب على الدكتور
مروة : نسرين مين في عند دكتور الاطفال
نسرين : في ولد .. تعالي لفوت معك وعرفك عليه
مروة : يلا
فتنا لعندو .. مبين عليه صغير بالعمر وحليوة ..
نسرين: دكتور يوسف هي مروة .. ممرضة معنا هون بالمستوصف هي الممرضة الوحيدة يلي لسه ماشفتا
يوسف : اهلا مروة .. تشرفت فيكي
مروة: تسلم دكتور ... دكتور بدي تشفلي هالبطل بليل لاحظت عليه شوية سخونة
يوسف : اخوكي ؟؟
مروة : ههه لا ابني
يوسف : ااه .. والله مامبين ... تعال يابطل ..
راح صهيب لعندو
يوسف : شو اسمك يا حلو
صهيب : صهيب
يوسف : اسمك حلو .. مين سماك هالاسم
اتطلع فيني صهيب
مروة : قلو للدكتور ماما
صهيب : ماما سمتني
يوسف : وع اسم مين .. ع اسم جدك يعني
صهيب : لا ع اسم البابا
اتطلع فيني الدكتور بستغراب
مروة : اي لا تتفاجئ اسمو ع اسم ابوه الله يرحمو
يوسف : اااه .. اي فهمت الله يرحمو
مروة : تعيش
فحصو وقلي : لا تخافي بس حلقو شوي ملتهب
مروة : اوك دكتور يسلمن
يوسف : مروة خلينا نشوفك
مروة : ههه هون انا وين بدي روح .. يلا بالاذن
رجعت ع العيادة النسائية
مروة: شو دكتورة بشري
الدكتورة : ههههه صرلا شهرين حامل والحمل تمام
مروة : مبروك ميس
ميس : الله يبارك فيكي
مروة حبيبي صهيب روح مع مرت عمو ع البيت وانا لما خلص بجي ماشي ياحلو
صهيب : ماشي ماما
_____________
مرق كم يوم عادي وانا بالمستوصف .. كنت شوف يوسف وسلم عليه عادي
المسا كنت بغرفتي .. وعم انقل اسماء المرضى على اللابتوب ..
طنطن تلفوني وكان واتس اب .. رقم
_ مسالخير
م_مسالنور مين ؟
_انا يوسف
م: يوسف ؟؟ مين يوسف
ي: الدكتور يوسف
م: ااه ... اهلين دكتور كيفك
ي: تمام بخير ...
م: قلي دكتور في شي
ي: اااه لا ابدا .. بس كنت بدي اتطمن ع ابنك كيف صار
م: لا منيح كتير ... عم اعطيه الدوا يلي وصفتلي اياه والحمد لله ارتاح
ي : اي كتير منيح ... انا بس حبيت اطمن عليه لاتواخذيني ع الازعاج
م: شكرا كتير لاهتمامك ... لا مافي اي ازعاج
ي: تصبحي ع خير
م : وانت من اهلو
حفظت رقمو عندي ورميت التلفون ع جنب
امي من برا : مروة .. تعالي هون اختك فاطمة وجوزا
مروة : جاي .. جاي
طلعت وسهرت معن فتحت التلفون وصرت اتفرج على الستوري بالواتساب .. طلع قدامي الستوري ليوسف
كان حاطط مقطع حلو رومنسي .. تفرجتلو وسكرت ..
قلت بقلبي : الكل عم يعيش قصص حب ههههه
تاني يوم .. اتصلت فيني الدكتورة انو ماسجلا مواعيد لانو مانها جاي .. رحت لعند نسرين
مروة : نسرين اليوم الدكتورة مانها جاي .. مشان ماتسجلي لحدا
نسرين : عندا شي ولادة ؟؟
مروة: اكيد
نسرين : لكن تعالي لحدي لنشرب فنجان قهوة
مروة : اي والله جبتيها
فتت قعدت حدا .. وكانت العيادة عم تضج بالولاد
مروة : شو قصة هالجعقة ع الاطفال
نسرين ؛ اي لانو الدكتور يوسف كتير شاطر صاير عليه زحمة
مروة :اي
طلعت الممرضة يلي بتساعد دكتور الاطفال واجت لعند نسرين
ملك : نسرين كم في مريض اليوم
نسرين :صايرة مسجلة لمية
ملك : شوووو
نسرين : اي والله
ملك : لكن اذا لسه عم يجي بس سجلي للمية خمسين ..
نسرين : طيب ماشي
ملك : شو مروة قاعدة ما تقومي تشتغلي
مروة : الدكتورة مانا جاي اليوم
ملك : نيالك
مروة : قوم ساعدك
ملك : لا مشان مايصير عجقة عند الدكتور .. بس اذا تعبت بخليكي تجي محلي
مروة : اوك .. انا هون بالارجاء
طلع الدكتور من غرفتو وقال : ملك وين صرتي
ملك : اي دكتور جاي .. جاي .. بس كنت عم شوف كم مريض
يوسف : مروة قاعدة هون
مروة : ههه اي والله اليوم استراحة الدكتورة مانها جاي
يوسف : اصبح قومي ساعدينا مشان نخلص بكير
مروة : انا عرضت خدماتي بس ملك قال مشان مابصير عجقة
يوسف : لا يلا تعالي ..
مروة : يلا بس لاشرب فنجان القهوة
يوسف : تعالي بعدين بتشربيه
مروة : ههههه جيت
قمت وفتت معن .. قعدت ورا الطاولة وصرت سجل اسماء الولاد والدوا يلي عم يكتبو الدكتور على اللابتوب .. وملك تساعد الدكتور بالفحص .. وخلصنا بكير
مروة : خالص ؟
ملك : اي
يوسف : لكن ملك عمليلنا فنجان قهوة نطلع نشربو مع الصبايا
ملك : تكرم دكتور
خلصت انا شغل ع اللابتوب
مروة ؛ دكتور كلشي جاهز هون ..
يوسف : شكرا كتير الك يامروة ... عنجد لولاكي مدري شو كان صار فينا
مروة ؛ مامشكلة ما هاد شغلي
يوسف : اي كيفو ابنك
مروة : الحمد لله بخير
يوسف : اي الحمد لله
مروة : يلا بالاذن ..طالعة انطرك برا
يوسف : اي
طلعنا قعدنا بقاعة الانتظار .. واجتمعو الاطباء والممرضين والممرضات وقعدنا نشرب قهوة ..
اتطلعت بالساعة
مروة : يلا انا صار لازم روح ..
يوسف : مروة انا رايح انطري انا بوصلك
مروة : لا شكرا .. بروح لحالي
يوسف : لك مزال رايح
مروة : اسفة دكتور .. بس انا عنجد مابركب مع حدا ..هلأ باخد تاكسي
يوسف : اوك .. واسف ع الازعاج
مروة : لا لاتعتزر .. بس لاتفهني غلط انت بتعرف وضعي وحكي العالم مابيرحم
يوسف : اي فهمت .. حقك علي
طلعت ورحت جبت ابني من بيت حماي ورحت ع بيت اهلي ... فتحت التلفون بالبيت وليقيتو باعتلي رسالة
ي: بصراحة كتير عجبتيني وعجبتني اخلاقك العالية .. واسف لانو طلبت وصلك ونسيت وضعك
م: شكرا ع تفهمك.. وشكرا على مدحك الي وهي شهادة بعتز فيها
المسا صار يبعتلي
ي:مسالخير
م: هلا مسالنور
ي: شفتك اون لاين قلت بمسي عليكي
م: اي
ي : كيفك
م: تمام الحمد لله
ي: مروة ممكن سؤال
م: تفضل دكتور
ي: شقد عمرك
م: ٢٢
ي: العمر كلو
م: يسلم عمرك
ي: شقد صرلو ميت زوجك
م: اربع سنين ونص
ي، الله يرحمو
م، تسلم
ي: ليش لهلأ ما تزوجتي
م: انا بحبو كتير لزوجي الله يرحمو ومستحيل حب غيرو او اتزوج بعدو .. وكمان مشان ابني .. لانو مافي حدا رح يستحمل ابني .. وغير هيك بيت عمي اذا تزوجت مستحيل يتركوه معي
ي : بس حرام يلي عم تعمليه بحالك.. بعدك صبية بأول عمرك
م : لا ما حرام بالعكس انا كتير مبسوطة بوضعي هاد والحمد لله ماناقصني شي.. يعني مابتكمل سعادتي الا اذا كان في شخص بحياتي
ي : مابعرف هي وجهة نظرك
م : اي
ي : يلا انا مابدي ازعجك اكتر من هيك .. تصبحي ع خير
م : وانت من اهلو
مروة : الله يرحمك ياحبيبي .. اشتقتلك كتيير .. يارب تصبرني
قعدت وصرت ابكي
فاق صهيب : ماما بدي فوت ع الحمام
مروة : يلا قوم ياعمري
اخدتو ع الحمام ورجعنا لحتى انام .. حطيتو بحضني
اتطلع فيني وقام مسحلي دموعي بأديه الصغار
صهيب : ماما ليش عم تبكي ... انا بزعل عليكي
مروة :ياعمري انت .. كل شي الا زعلك .. خلص معد ابكي
صهيب :ماما انا بحبك
مروة : وانا بمووت فيك ياروح الماما
.___________
صارت تمرالايام .. ويوسف كنت حسو يعطيني اهتمام اكتر من غيري .. وانا بلشت افهم نواياه واتجنبو .. لانو مابدي حدا ..وخايفة تتطور علقتنا واتعلق فيه وانا مابدي ابدا هالشي ..
المسا صار يحيكني
ي: كيفك مروة
م: اهلا دكتور
ي: ماقلنا بلاه دكتور برات الدوام
م: احترام الك
ي : مروة انتي ليش متغيرة صاير معك شي
م : انا .. لا ابدا
ي : بس انا حاسك عم تتهربي مني
م ؛ انا قلتلك انو انا مابحب خالط رجال كتير
ي : طيب مروة بدي قلك شي
م : تفضل دكتور
ي: مروة انا معجب فيكي وحبيتك .. وحابب ابعت اهلي يطلبوكي بس خايف انك ترفضي
م : بصراحة انت فاجئتني .. بس اسفة مابقدر كون الك زوجة
ي : ليش .. مروة انتي صغيرة وحرام يلي عم تعمليه بحالك
م : رجاءً دكتور انا بعرف مصلحتي كتير منيح ..
ي : طيب خلينا نحاول
م : بشو بدنا نحاول
ي : خلينا نعطي فرصة لمشاعرنا .. مروة انا متأكد انك تعبانة وبحاجة حنان وحب ... بس انتي عاملة حاجز حواليكي وماعم تسمحي لحدا يتخطى هالحاجز .. بس هالشي يلي عم تعمليه رح يدمرك
انا ماكنت حابة رد عليه رد قاسي لانو دكتور ومعي بنفس الشغل .. وانا مامن طبعي خجل حدا او اجرح حدا
مروة : دكتور انا عنجد ماعم فكر حاليا بهل الشي
ي : ايمت ناوي تفكري ... لما تصيري ع العكازة
م : مابعرف ...
ي : طيب ع راحتك
م : دكتور لاتزعل ..واذا بتحب رح نضل اصدقاء
ي : ما زعلت ولايهمك ... اكيد رح نكون اصدقاء
.................
تاني يوم ..بالمستوصف
كانت غايبة ملك
اجا لعنا ع العيادة ودق ع الباب
يوسف : كيفك دكتورة
الدكتورة : اهلا دكتور يوسف
يوسف : بدي اخد منك الممرضة يلي عندك اذا ماعندك مانع
انا : ليش وين ملك دكتور
يوسف : ملك معطلة وبصراحة انا عندي ضغط وماعم لحق لحالي وكل الممرضات مشغولين .. قلت اذا مروة ماعندا شي ... تساعدني شي ساعة
الدكتورة : اكيد .. مروة روحي مع الدكتور ..
مروة : : طيب دكتورة بالاذن
رحت معو وانا كتير مقهورة من تصرفو .. بس ماحكيت
فتنا ع عيادتو
مروة : من وين بلش دكتور
يوسف : تقعدي ورا اللابتوب وتسجلي
مروة : اوكي
بلشو يفوتو المرضى وانا سجل ورا الدكتور ... وكنت حاسة عليه انو ما عم يشيل عيونو عني .. انا بعرف لوين بدو يوصل .. بدو يحاول يعلقني فيه وحبو .. وبصراحة انا خايفة كتير لانو انا عنجد بحاجة لهيك شخص
لما خلصو المرضى
يوسف : بس ماتكوني تدايقتي لانو جبتك تشتغلي معي
مروة : لا ابدا .. عادي
يوسف : اي منيح .. شو رأيك نشرب قهوة
مروة : بسس
يوسف : مافي بس.. ما عأساس اصدقاء
مروة : طيب ماشي .. طلبنا قهوة لعندو ع العيادة وقعدنا نشربا
يوسف : انتي بتطلعي ع حالك بالمراي
فكرت فيني شي
مروة : اي بتطلع في شي
وصرت لمس ع وجهي
يوسف : لا لا مافي شي ... بس انو لما بتطلعي ع حالك مابتقولي ماحرام هالجمال يضل وحداني .. بدون محدا يحرسو ويحميه
مروة : دكتور بليز
يوسف : انتي ليش انانية
مروة : كيف يعني
يوسف : انانية على حالك ... انا بعرف انك عم تتقربي مني بس عم تكابري ع حالك
مروة : ما صح نهائيا
يوسف : صح ونص ..
مروة : بالاذن ..
تركتو وطلعت ..ورحت ع الحمام غسلت وجهي ووقفت قدام المراي وصرت حكي حالي : مروة لا تضعفي .. مروة لاتنسي ابنك .. ولاتنسي حبك لصهيب ... ما عأساس وعدتي حالك تضلي تحبيه لاخر يوم بعمرك ... مروة انتي قوية .. بس فجأة حسيت حالي رح انهار .. صرت ابكي ... وقول : تعبتتت ... تعبتتت ... ااااه يا قلبي ... والله معد اتحمل ..
غسلت وجهي من الدموع .. وطلعت بدلت تيابي ورحت ع البيت ..
امي : مروة . شبك .. وينو صهيب ليش ماجبتيه معك
يا الله كيف نسيتو
مروة : كنت مطوشة من كتر الشغل ..يلا رايحة جيبو ..
امي : شو صاير معك يا بنتي
طلعت وقلتلا ولاوشي ...
وانا ماشية صرت ابكي .. وحكي حالي
يخرب بيتك يامروة... نسيتي ابنك .. وصلت معك المواصيل تنسي ابنك ... لا لا كلشي الاصهيب .. اصحك يامروة ... اصحك
وصلت ع بيت عمي دقيت الباب وفتحتلي حماتي .. سلمت عليها .. وفتت لقيت صهيب عم يلعب بالالعاب .. حملتو وضميتو لقلبي وصرت ابكي ...
حماتي : مروة شبك ... بنتي ليش عم تبكي
مروة : خايفة على صهيب
حماتي : خير شوفي
كذبت عليها وقلتلا : مات ولد اليوم عنا بالمستوصف .. واهلو صارو يبكو عليه ... يا الله ما اصعب الموت .. خايفة رب العالمين يحرمني من صهيب
حماتي دمعو عيونا وقالت : استهدي بالرحمن .. مافي شي ..
قمت ضمتا لحماتي وصرت ابكي على كتفا
حماتي : شبك مروة .. ليش عم تبكي هيك
مروة: اشتقتلو يا مرت عمي ... اشتقتلووو ..
صارت تبكي معي وقالتلي كل يوم قلبي عم يحترق عليه بس ماعم احكي ... كل مابشوف ابنوو كيف كان متلو لما كان صغير .. وكيف كل حركاتو متلو قلبي بيتقطع .. بخبي دمعتي عنوو ..وبروح ببكي بالغرفة جوا .... لانو يقبر قلبي بقلي لاتبكي يا تيتا مابحبك وانتي عم تبكي
صهيب صار يبكي : ماما ليش عم تبكي انتي والتيتا
مسحنا دموعنا
مروة : خلص ياعمري .. معد نبكي ..
حماتي : ياروح التيتا انت
_______________
مرق هاليوم .. وانا تعبانة ... ويوسف يحاول يتصل فيني بس انا ماكنت رد عليه لانو ماكنت طايقتو
تاني يوم وانا بالمستوصف ..
الدكتورة : مروة بتاخدي المريضة بتركبيلا كيس فيتامين ..
مروة : حاضر دكتورة .. تفضلي معي ..
اخدتا ع غرفة الادوية
قعدتا على الكرسي وربطلا ع ايدا مطيطة مشان يبين العرق ..
_بوجع
مروة : ان شاء الله لا
قعدت مقبالا وركبتلا كيس الدوا
مروة : وجعتك
_لا يسلم هالادين ... والله يبعتلك ايام حلوة متل هالوجه
مروة : تسلمي يارب .. والله يقومك بخير وسلامة ...
_ الله يسلمك ... يعني هلأ روح ع البيت
مروة : لا ... في تخت جوا فوتي ارتاحي عليه .. لحتى بخلص الكيس
اخدتا نيمتا على تخت جوا .. وانا طالعة سمعت حدا عم يعيط برا .. طلعت لشوف مين
شفت وحدة عم تعيط وتصرخ ع نسرين
_ قلتلك بدي فووت ع الدكتور يووسف هلأ .. انتي مابتفهمي
نسرين : لو سمحتي يامدام انطري ع الدور
قربت منها وقلتلا خير شوفي
_بدي فوت ع الدكتور يوسف
مروة ؛ طيب ممكن نعرف مين حضرتك
_ انا مرتوو
انا ونسرين انصدمنا وقلنا مرتوو
_اي مرتو
مابعرف حسيت حالي فرحت .. وانقهرت بنفس الوقت فرحت لانو طلع متزوج وانقهرت لانو كذب علي
مروة : اي يامية اهلا وسهلا يا مدام نورتي .. تفضلي معي لحتى دخلك لعند الدكتور يوسف .. بس من الاول لونك قايلة انك مرتو كنا دخلناكي بكل هدوء .. تفضلي معي ...
رحنا ع عيادة يوسف ..
دقيت الباب وانا الابتسامة على وجهي
مروة : كيفك ..دكتور
ابتسم وقلي اهلين مروة
مروة : جايك ضيوف .. تفضلي مدام
واول مافاتت حسيتو تلون وتلبك ومعد يعرف يحكي
تركتن وطلعت
يتبع.....
#قلبي_الصغير_لايتحمل(واقعية)
#بقلم_مريم_اليوسف
#الجزء_السابع
رجعت ع عيادتي وصرت اشتغل .. صار تلفوني يرن . شفتو وكان يوسف .. مارديت وحطيتو صامت ..
خلصت الدكتورة شغل وقامت راحت
وانا صرت ضبضب العيادة .. ماشفت غير الباب انفتح وفات يوسف وسكرو
يوسف : ليش ماعم تردي
مروة : اااه ما انتبهت اسفة دكتور كان صامت
يوسف : مروة خليني اشرحلك ..
مروة : شو بدك تشرحلي
يوسف : صح هية مرتي بس والله عم نطلق
مروة : مافهمت انا شو دخلني لحتى عم تقلي
يوسف: مروة انا والله بحبك
مروة : وانا قلتلك مابدي حب حدا .. بس حضرتك ماعم تفهم .. وبعدين يلي بدو يحب من الاول بكون صادق .. بس انا هلأ فهمت كل نواياك اتجاهي والحمد لله انو ماقبلت عرضك
يوسف : انا كنت ناوي قلك .. بس كنت ناوي قلك لما خلص من القضية
مروة : ومنيح ماقلتلي لانو انا مارح اقبل فيك
يوسف : ليش لاني مطلق .. شو نسيانة انك ارمل
فجأة سكت وحس عحالو غلط
حبست غضبي وقلتلو ... اي انا ارملة ... ولا الارملة صارت عار ... ولا لانو ارملة قلت هي دغري بتقبل فيني .. نحنا مجتمع فاشل .. كلو بينظر للارملة نظرة حقيرة . ومفكرينا لقمة سهلة .. انت لما شفتني ارملة قلت هاي هي ... بنتسلى معا ولما كنت صدك جيتني من باب الزواج ... بس الحمد لله الله فضحك
يوسف : انا اسف .. بس والله ماهيك نيتي فيكي
مروة : لو سمحت دكتور ياريت تطلع لانو نحنا بمكان عمل ..
نزل راسو وطلع وهو خجلان
عنجد انا حسيت هم وانزاح عن قلبي
خصلت شغلي ورحت وانا مرتاحة كتير .. رحت عبيت عمي اخدت صهيب ورحنا ع البيت
ويوسف يبعتلي رسائل اعتذار ورسائل يحلفلي فيها انو هو بحبني ... وصار يدق ..وانا مارد عليه
المسا اجا اخي خضر لعنا .. وبالصدفة صار يدق
مروة : اخي رد
خضر : مين هاد
مروة : خلص رد هلأ وبعدين بقلك
اخدك خضر التلفون : الو .. مين بدك .. انا اخوها قلي بدك منها شي ... طيب ماشي
سكر وقلي شو بدو
مروة : هاد دكتور عنا بالمستوصف وقال بدو يجي يخطبني وانا عم ارفضو
خضر : اذا منيح عطيه فرصة
مروة : لا مانو منيح وكمان متزوج
خضر : اي .. انا لو الامر الي مابخليكي تطلعي برات هالبيت
مروة : اي منيح هالامر مانو الك ..
خضر : لك يا اختي لاشلك بالشغل اذا مصروفك ومصروف ابنك كل راس شهر عندك ..
مروة : انا ماعم اشتغل مشان المصاري .. انا بدي اثبت حالي .. حس انو عم اعمل شي بهل المجتمع
خضر : هههههه
مروة : ليش عم تضحك
خضر : لا سلامتك ..
مروة : اي الله يسلمك
مرق اسبوع ويوسف بعد محاولاتو الكتيرة وانا صدو شكلو مل ومعد قرب مني
هلأ انا اكتر ايامي بضل قاعدة لانو الدكتورة بصير عندا ولادات وبتروح من نص الدوام او مابتجي
واليوم اتصلو فيها من المشفى وراحت .. وانا رحت قعدت عند نسرين
نسرين : شو رأيك تروحي ع الدكتور عماد ..
مروة : ليش وينا اسماء
نسرين: مريضة
مروة : لكن لقوم .. بتسلا ..
رحت ع لعند الدكتور عماد وهو دكتور صحة عامة ..
مروة : كيفك دكتور
الدكتور : اهلا مروة
مروة : جاي ساعدك ..
الدكتور : اي والله ياريت ..
كروة : من وين بلش
الدكتور : دخليلي المريض يلي بعدو
مروة: حاضر
طلعت وقلت يلي بعدو .. وكان زلمة كبير بالعمر وضعيف كتير .. وعم يمشي غصب .. قربت لحتى ساعدو
مروة : عمو انت جاي لحالك
_لا والله .. جاي معي ابني بس طلع يدخن برا
مروة : تفضل انا بساعدك ..
ساعدتو لفات والدكتور صار يفحصو ..
الدكتور : عم تاخد الفيتامينات يلي كتبتلك عليهن
_اي عم اخدن ..
الدكتور : طيب تابعن وبتاخد هاد الدوا معن
_شكرا كتير يادكتور
مروة : ساعدك عمو
_اي والله ياريت ..
سندتو وصرت امشي معو شوي شوي
_ذكرتيني بشب كان معي بالسجن كان يعطف علي كتير ويضل يساعدني
مروة : عمو ليش انت كنت بالسجن
_اي والله ياعمي
مروة : بسوريا
_ اي بسوريا ... صرلي شهرين طالع
مروة : وشو تهمتك ياعمو ..
ضحك وقلي : ارهاب
مروة : ارهااب ؟؟
_تهمتي ارهاب بس انا بحياتي ماشلت سكين
مروة : كيف اخدوك لكن
_بالغلط .. هههه قصة طويلة مابدي وجعلك راسك
مروة : المهم طلعت والله فك اسرك
_اي والله الحمد لله .. قوليلي يابنتي انتي من وين
مروة : من ريف حمص
_من ايو ضيعة
قلتلو اسم ضيعتي
_لك الشب يلي كان معي من نفس ضيعتك ..
مروة : كان معك بالحبس
_اي بس والله نسيت اسمو .. مع انو اسمو ماعم يروح عن بالي
اجا ابنو للزلمة
_ابي فتت ع الدكتور
ابوه: اي .. ليك ابني هاد الشب يلي قلتلك عنو كان معي بالسجن بتتذكر شو اسمو
_ليش عم تسأل
ابوه : هي الصبية من نفس الضيعة .. بدي قلا اسمو او اسم عليتو بركي بنوصل لعيلتو
ابنو : والله ماني متذكر بس هو اسمو مسجل عندك بالبيت وكمان في رسالة بأسمو
ابوه : لك انا صاير انسى كتير .. بعد ما اكلت ضربة ع راسي
ابنو : انتي يا انسة هون عطول ماهيك ؟
مروة : اي .. بس اسألو عن مروة
ابنو : خلص بكرا بجبلك اسمو .. بركي بتوصلينا لاهلو وبنفرحلن قلبون .... وهو امنو لابي انو يوصل هالرسالة لاهلو
مروة : ان شاء الله ... والله يجزيكن الخير ويوصل الخبر لاهلو
رجعت لعند الدكتور .. ونسيت القصة تماما ..
..............
تاني يوم .. وانا بالعيادة مع الدكتورة .. فاتت لعندي نسرين وقالتلي في شب عم يسأل عنك برا
مروة : عني انا؟؟
نسرين : اي .. قال ابوه كان محبوس وفي رسالة
مروة : اي .. اي .. جاي
طلعت لعندو
مروة : اهلا .. اي قلي شو اسمو ومن بيت مين
الشب : بصراحة مابعرف اقرا ليكي اسمو مكتوب هون .. اخدت الورقة من ايدو وقريت الاسم
حسيت اجتني الجمدة مابعرف شو صابني .. ادي صارو يرجفو ..
نسرين : مروة شبك
اخدت مني الورقة ..
نسرين : شوفي ليش هيك مصدومة مافيها شي الورقة
مكتبو صهيب .. لما قالت اسمو تذكرت
نسرين : مروووة ؟؟ هااد زوجك
وعيت من الصدمة وانا طايرة من الفرح ..
صرت ابكي دموع فرح وقلتلا : ايي ..ايي.اي .. هاد اسم صهيب .. هاد زووجي
حسيت الدنيا ما واسعتني ومعد عرفت وين روح او وين اجي .. رحت قعدت ع الكرسي .. وانا لساتني عم اتأمل الاسم وابكي
الشب : بكوون زوجك؟
قمت لعندو قلتلو : اي زوجي ... مشان الله قلي هو منيح .. شو اخبارو
الشب : انا مابعرف .. بدك تسألي ابي .. بس ليكي هي الرسالة عطاها لابي
اخدت الرسالة منو بسرعة ورجعت قعدت لانو عنجد رجلي حسيتون معد حملوني .. وفتحتا بلهفة وكتر ماكنت مستعجلة كنت رح خزقا
فتحتا وصرت اقرا بعيون مدمعين وادين عم يرجفو . ونسرين قعدت حدي
( الرسالة .. السلام عليكم ورحمة الله الله وبركاته ...
انا صهيب ########## من ضيعة ####
مواليد ١/٧/١٩٨٣ .. تاريخ كتابة الرسالة ٢٢/٤/٢٠١٦
الرسالة رقم ٣٥
عم اكتب هي الرسالة وان شاء الله توصلكن يا اهلي .. مابعرف شو بتعرفو عني .. بس انا عايش والحمد لله .. هداك اليوم طلعت بوجهنا دورية كبيرة وقوست علينا . وتصاوبنا انا وعمر ابن عمي .. عمر للأسف مات الله يرحمو .. بس انا الحمد لله الله كاتبلي عمر اخدوني عالجوني ... وحطوني بالحبس ... انا بسجن صيد نايا بالشام .. تهمتي تهريب وتهريب اسلحة .. لانو انكمش معي سلاح .. المهم انا بدي طمنكن عني .. وانا مشتقلكن كتيير .. لابي وامي واخي سليمان وليلى ومعاذ .. وطبعا حبيبة قلبي ورروحي مروة ... وابني يلي مابعرف اذا اجا ع هالدنيا او لا ... انا كتير تعبت ع غيابكن ... وبدي منكن اذا وصلتكن هي الرسالة توكلولي محامي وتطالعوني من هون قد ماكلفت الشغلة ادفعو .. وانا كمان تهمتي خفيفة والحمد لله مامسجليني ارهاب ...
ناطركن او ناطر منكن رد .. ورح ادعي ليل مع انهار انها توصل .. ابنكن صهيب )
ضميت الرسالة وصرت ابكي وقول ،: وصلت .. وصلت يا روحي .. وصلت
ضميت نسرين وقلتلا : طلع عايش ... طلع عااايش ... دخيل اسمك يا رب ما اكرمك ... الف حمد وشكر الك يارب ... الكل يلي بالمستوصف التم علي وانا عم ابكي واصرخ
مروة : انا لازم روح .. ..
قمت ومن لهفتي كنت رح اطلع بالمريول
نسرين : مروووة ... شلحي المريول .
تضحكت ع جدبنتي .. واتذكرت ورجعت لعند الشب ..
مروة : بترجاك عطيني عنوانكن
نسرين : انا باخدو منو .. روحي انتي
مروة : اي .. اي ..
طلعت متل المجنونة .. وقفت تاكسي ورحت ..
مروى : مشان الله اسرع
_والله ماشي بسرعة ..
حسيت الوقت وقف ومعد مشي
نزلت وعطيت كلشي معي مصاري لابو التاكسي ..
وفتت ع البناي .. من كتير ماني مستعجلة تفشكلت ع الدرج مرتين .. وصلت وصرت دق بقوة ورن الجرس ..
ميس من جوا : اي .. اي .. جاي .. رح تكسرو الباب
كانت الساعة عشرة ولسه محدا راح ع شغلو ..
فتحتلي ميس : مروة شبك ..
دفشتا وفتت .. لقيت الكل قاعدين عم يفطرو ..
حسيت لساني انربط ومعد طلع معي الحكي
قامو لعندي ملهوفين
لانو كنت عم ابكي ..
حماتي : مروة شبك ..
عمي : شبك يابنتي . ..
سليمان : خلوها تاخد نفس ..
جابولي كاسة مي ... بدي احكي ما اقدر حسيت حالي خرست ...
بس كنت عم ابكي ...
قربت مرت عمي وصارت تسمي علي وتقرالي قرأن
معاذ : مروة خلصينا نطقي هالجوهرة
مروة : صهيب ... صهيب..
حماتي : صهيب نايم .. فيقلك اياها
هزيت راسي انو لا ... ورجعت قلتلن صهيب .. صهيب
معاذ : شبك علقتي ع كلمة صهيب
مروة : لك صهيب عااايش .
الكل : شووووو
مروة : والله عااايش .. عاايش مانو ميت ... وهو هلأ بسجن بسوريا ..
حماتي صارت تبكي وتقلي عنجد .. عنجد
مروة : والله ... والله
سليمان : مين خبرك
مروة : هي الرسالة منو ..
اخد الرسالة مني وقعد يقراها والكل تجمع عندو لحتى يقرو معو ..
انا ماشفت حالي غير عم اسجد واحمد الله
خلصو الرسالة .. وكانو كتير مبسوطين .. ومرت عمي صارت تزلغط ... اجت ضمتني وانا ضميتا وصرنا نبكي
عمي : من وين جبتي هي الرسالة
مروة : شخص كان بالسجن معو .. هلأ بتبعتلي نسرين عنوانو ..
رن تلفون برسالة
هاد العنوان .. اخد سليمان مني التلفون وبعت الرسالة لعندو ..
سليمان : تروح ابي
عمي : اكيد .. يلا ..
راحو ونحنا كنا عم نبكي من الفرح ...
حماتي : انا قايمة صلي كم ركعة شكرر لله
قامت مرت عمي وفات ابني صهيب كان فايق من نومتو
حملتو وصرت دور فيه وصرت قلوو البابا عايش .. البابا عايش ورح يجي لعنا
وضلينا هيك قاعدين ع اعصابنا لحتى اجا عمي وسليمان
حماتي : شوو بشروو
عمي : اي والحمد لله عايش وصحتو منيحة
حماتي ،: الف حمد وشكر الك يارب .. الحمد لله يارب
مروة : انا قايم بشر اهلي
عمي : مروة
مروة : اي عمي
مروة : شوي شوي .. لانو لاتسي اخوكي عمر
مروة : والله ماني ناسيتو اصلا حاسة بغصة مشانو
____________________
مروة : امي ... امي ..
امي : شبك بنتي
مروة : في خبر بدي خبرك اياه
امي : شو هو
مروة: امي صهيب طلع عايش
تفاجئت امي : وقالتلي عنجد ... كيف هيك .. ومين خبرك ... طيب اخوكي عمر
مروة : عمر متوفي
خبت حزنا عني وقالت : بعرف .. كان عطول يجيني بالمنام ... اي المهم قوليلي عنجد جوزك عايش
انرسمت الابتسامة ع وجهي وقلتلا : اي .. وهو هلأ بالسجن
امي : والله فرحتلك من كل قلبي ... الله يفك اسرو .. عنجد شي مابيتصدق ... بس قوليلي كيف عرفتي
قعدت حكيتلا كلشي لامي
امي : الف حمد وشكر الك يارب ... الحمد لله جبر بخاطرك وفرحلك قلبك
مروة : عنجد يا امي الدنيا مانها وسعانتي .. بس ياريت كملت هالفرحة مع عمر
امي : لا تزعلي ع اخوكي .. اخوكي مبسوط وانا قلبي مرتاح تجاهو
مروة : الله يرحمو
امي : امين
تركتني وفاتت ع غرفتا يمكن تبكي .. بصراحة انا ماقدرت ازعل .. والله ماني انانية ومابكرهو لاخي ... بس كنت محتاجة هيك خبر ..
قعدت صهيب يلعب بالالعاب وانا رحت توضيت وصليت واشكر رب العالمين يلي فرجلي همي .. وجبر بخاطري وطلع زوجي عايش .. كنت اسجد وابكي
المسا لما اجا ابي حكيتلو .. واتصلنا بخضر وخبرناه ورحنا ع بيت عمي
__________€
ابي : يهنيكن السلامة
عمي : الله يهنيكن .. والله يرحم عمر
ابي وامي : امين
ابي : اي شو بدكن تعملو هلأ
سليمان : حكيت مع واحد صاحبي تعرفت عليه هو بلبنان.. قال بيعرف محامي كتير شاطر وخلال شهر بجيبو لعنا لهون
عمي : وكيف بدنا نوصلو
سليمان : دفعت ٥٠٠ دولار لحتى بس قابلو
عمي : اوووف ٥٠٠ بس لحتى تشوفو ... لكن شقد بدو ياخد لحتى يطالع صهيب
سليمان ؛ قد مابدو رح ادفعلو
مروة: وبركي كان نصاب
سليمان : مابياخد ولا ليرة لحتى يسلمنا صهيب
مروة : وايمت بدك تقابلو
سليمان: بكرا
__________________
تاني يوم رجعت من الشغل ورحت ع بيت عمي
مروة ؛ مرت عمي شو صار
حماتي : سليمان شاف المحامي وقال بالاول بدو يشوف صهيب اذا عايش او لأ .. وحسب القضية بياخد مصاري
مروة : ياااارب
بعد اسبوع اتصلت فيني حماتي المسا : مروة تعالي بسرعة ..
قمت لبست ورحت لعندن وانا قلبي عم يدق بسرعة عم ادعي انو يكون خبر من صهيب ... وخايفة انو يكون مانو موجود
دقيت الباب وفتت
مروة : شووو
حماتي : المحامي هلأ كان عنا
مروة : اييي
حماتي : شافو لصهيب .. وحكي معو ..
مروة: الحمد لله يارب
ضميتا لمرت عمي وانا طايرة من الفرح ..
قعدنا ..
مروة : وشو عشان المصاري
سليمان : بدو ٥٠ الف
مروة : سوري
سليمان : دولار
مروة : ماكتيير
سليمان : لا المهم صهيب يطلع .. وبعدين هي المصاري لصهيب وهو كاتب بالرسالة انو ادفعو وطالعوني
مروة : المهم يطلع يلعن ابو المصاري .. واصلا ماوصلنا لهون غير المصاري ..
_________________
مر حوالي الشهر ونحنا ناطرين ع اعصابنا .. والمحامي كان عاطينا موعد انو رح يجيبو ع باب البيت عن اليوم ..
البيت كلو متوتر حماتي طبخت كل الطبخات يلي بحبا صهيب .. وانا واقفة ع الشباك ... وانا كانت اعصتبي فارطة من الانتظار وكانو اهلي موجودين
حماتي : تعو لهون كلكن
تجمعنا حواليها
حماتي : هلأ لما يجي صهيب مروة بتفوتي بتتخبي بالغرفة جوا ... واذا سأل عنك صهيب بنقلو انك تزوجتي ..
مروة : حماتي بترجاكي .. ماني مصدقة ايمت شوفو وضمو .. وهلأ انت عم تقوليلي اتخبي
حماتي : بدنا نمزح مع صهيب شوي
مروة : والله ماوقت المزح هلأ
الكل قالو : اي .. اي .. مروة تخبي
معاذ كان واقف ع الشباك وصار يصرخ : ماما .. اجا .. اجا ... فاتوتني ع غرفة وقفلو علي الباب .. وكلون فتحو الباب ونزلو يستقبلوه ع باب البناي .. وصرت اسمع صوت الزلاغيط .. والضجة .. صرت اتناوق من شق الباب
مروة : الله يسامحك يا حماتي ..
فاتو كلن وكانو عم يبكو من الفرحة .. وانا كمان صرت ابكي ... شفت صهيب .. شفتو لحبيبي بعد خمس سنين غياب .. مانو متغير كتير .. بس ضعفان .. ودقنو طويلة كتير وشعرو كمان .. فوتوه ع غرفة الضيوف ..
اجت ليلى فتحتلي الباب .. ورحت صرت اتفرج عليهن من شق الباب .. كان قاعد بين امو وابوه و ضاممن ..
اخدت ليلى صهيب الصغير وفاتت لعندن .. انا بعدت عن الباب مشان مايشوفني ولما تسكر الباب رجعت اتفرج
ليلى : مابدك تسلم على هالبطل
صهيب بصوت حنون قال : ابني ؟؟
ليلى : اي هاد صهيب الصغير
نزل لعندو صهيب .. بس ابني خاف منو
صهيب : حبيبي تعال انا بابا
ابني : انت عمو بابا
الكل ضحك حتى انا ضحكت
صهيب : اي انا عمو بابا .. تعال سلم علي ..
قرب ابني وصهيب ضمو وصار يبسو ويشمو
صهيب : يا حبيبي ... يا عمري ..
بصراحة انا برا معد فيني صبر ... وعم حاول قاوم غصب عني
حملو صهيب ورجع ع مكانو .. وصار يتطلع فيهن
صهيب : مروة وين
محدا رد وصارو يتطلعو بالارض عأساس خجلانين بس هنن بالعكس عم يكتمو ضحكتن
صهيب : ماتردو .. مروة وين
حماتي : ابني لاتزعل ... مية بنت بتتمناك
صهيب ،: تزوجت
حماتي : اي والله فكرناك ميت وهية صبية اول عمرا .. وماحبينا نوقف بوجها .. اجها شب ادمي وهية وافقت وتزوجت
صهيب بحزن : الله يهنيها ويسعدا
ابني : عمو انت بدك الماما ... الماما برا
صهيب : وين برا
ابني : هون .. انا رايح جيبا نزل من حضنو وفتح الباب وانا كنت واقفة ورا الباب واول ما انفتح شافني صهيب .. واول ماشافني وقف .. وهو مستغرب
الكل ضحك ضحكة عالية
ركضت وضميتو .. وقلتلو بتصدق انو ممكن اتزوج غيرك .. وهو ضمني بقوة وصار يبوسني على وجهي بلهفة .. ومسكلي ادي وصار يبوسن .. كان مشهد مؤثر كتير .. وصارو كلن يبكو من لهفتنا ع بعض
مروة : اشتقتلك ... اشتقتلك
صهيب : كنت عم مووت ع غيابك
مروة : ماقدي وانا مفكرتك ميت وانو معد شوفك مرة تانية
صهيب : ااااه يا مروة ... اااه شو بحبك
مروة : بحبك .. بحبك ..
وانا ضاممتو حسيت قلبي عم يدق بسرعة وكأنو قلبي بدو يطلع من بين ضلاعي ويضمو .. حسيت الدنيا كلا بين ادي ... مافي اي شعور بيوصف الفرح يلي انا فيه
قعدني حدو وحاوطني بأيده .. وصار يحكيلنا كيف تصاوب ولما فاق لقا حالو بمشفى عسكري بعدا حولوه ع السجن .. وعن معاناتو ..
حماتي : يلا قومو خلونا ناكل هلأ الاكل بيبرد .. قعدنا انا واياه حد بعض ... وصرت انا طعميه بأدي بس هو رفض وهو يلي صار يطعميني ... كنا محط انظار الجميع .. وكل شوي يشيل صهيب الصغير ويبسو ..
خلصنا غدا
صهيب : سليمان قوم خدني ع الحلاق
سليمان : يلا
مروة : اجلها ماعم نشبع منك
حماتي : اي والله
سليمان : مابنطول .. انتو حمولو الحمام
مروة : بس لا تطولو .
صهيب : ليش فيني طول ..
طلعو وانا قمت حميتلو الحمام ..
اجا صهيب الصغير
صهيب : ماما مين هاد عمو البابا
مروة : حبيبي بس قلو بابا ..
صهيب : يعني هاد بابا ..متل لجين بنت عمو سليمان عندا بابا وانا بدو يصير عندي بابا
مروة : اي ياعمري
صار يضحك ويقول : انا عندي بابا .. انا عندي بابا
بعد شوي اجا صهيب كان حالق كان طالع بجنن بنظري ..
وقفت وصفنت فيه
صهيب : مافي نعيما
مروة : اي نعيما حبيبي
صهيب : شو هالنعيما الناشفة
قربت بستو عل خدو وقلتو نعيما هيك منيح
صهيب : اي منيح هههههه
والكل صار يضحك ههه
كنت مشتريتلو تياب جديدة .. رحت طالعتلو بجامة وعطيتو منشفة فات تحمم وطلع ..
كنا كلنا ماعم نشبع منو ولا من وجودو ولا من حكيو .. مرق الوقت بسرعة .. وصارت ١ بعد نص ليل
صهيب : انا نعست وين بدكن تنيمونا
سليمان : قوم نام بغرفتي انت ومروة
مروة : لا شو رأيك نروح انام ببيت اهلي .. غرفتي فاضي
خضر : اي روحو نامو هنيك .. وانا باخد امي وابي ينامو عندي
مروة : لا ليش لحتى يروحو .. بنامو معنا
امي : اي متل ماقال خضر
مروة : شو هلأ تلبكتو فينا .. خلص صهيب نام هون عند اهلك وانا بنام عند اهلي
اتطلع فيني وزورني
مروة : ليش هيك عم تزور
صهيب : لا سلامتك حبيبتي.. خلص انا رح نام هون عند اهلي انتي بتأمري
مروة : ههههه زعلت
صهيب : لا ليش لحتى ازعل .. يلا شاطرة قومي مشان ما تتأخري ع المدرسة ... قومي نامي عند الماما
مروة : صهييييب
صهيب : سليمان وين بنامو ولادك
سليمان : بهديك الغرفة .. كانت تنام فيها مروة اول ماجينا لهون ..
صهيب : تصبحو ع خير .. ابقو غطوني ..
امي : ااخ متل الولاد ... خدي مروة هاد مفتاح البيت نحنا رايحن ننام عند خضر
مروة : يسلمو .. صهيب نروح
صهيب : مابعرف بدي اسأل الماما اذا بتخليني نام برات البيت
مروة: هوهووو علينا .. خلصنا
صهيب : مشيت .. اي وينو ابني
ليلى : نام من زمان حرام تفيقوه هلأ
صهيب : اي .. يلا تصبحو ع خير
الكل : وانتو بخير ... حطيت ايدي بأيدو ومشيت ..
صهيب : بعيد البيت
مروة : لا هون قريب بالشارع التاني ..
تمشينا ع البيت .. فتحت الباب وفتنا ..
مروة : نور البيت ..
صهيب : منور فيك ياقمر ..
حسيت حالي خجلاني منو ..
مروة : بتحب اعملك شي .. مشتهي شي
صهيب : ماني مشتهي غيرك ..
مروة : ع فكرة انا بخجل ..
صهيب : ع فكرة انا معد فيني ..
حملني وقلي وين غرفتك وانا خجلانة قلتلو هديك ...
كانت ليلة مليانة حب ومشاعر ورمنس ... هديك الليلة مانمنا ضلينا فايقين لوجه الصبح ..
____________
كنت نايمة بحضنو بس مفتحين عيونا ..
مروة : طلع الضو
صهيب : اي واذا
مروة: بدي نام
صهيب : بدي اشبع منك هلأ اهلنا بيبعدونا عن بعض ومعد القطك للمسا ..
مروة : لكن رح حط حالة ع الواتس اب انو نحنا نايمين ولاحدا يزعجنا
صهيب : واتس اب
مروة : اي برنامج دردشة ببقا بفرجيك اياه ..
مسكت تلفوني ... وصهيب تفاجئ فيه
مروة : بيشتغل ع اللمس
صهيب : حاسس صرلي مية سنة محبوس
مروة: بالنسبة الي كانو اكتر من مية ..
صهيب : بعدك بتحبيني ..
مروة : انا مابس بحبك انا بموت فييك .. وانت
صهيب : انا من اول يوم شفتك فيه لما كنت رح ادعسك من يومتا حبيتك .. وانا بالحبس ما تذكر غيرك .. وضل ادعي انو ماتتزوجي وتتركيني .. انو نلقتى
مروة : والحمد لله الله استجابلنا
صهيب: مروة
مروة : اي حياتي قلي
صهيب : شو هاد يلي عتمك
مروة : ع تمي ... وين ..
صهيب : تعي لقلك
مروة : صهييب
صهيب : طيبة وماعم اشبع منك شو اعمل هههههه
والحمد لله وبفضل الله تعالى رجعت حياتي حلوة .. وانا وصهيب استأجرنا بيت صغير وعشنا فيه .. طبعا صهيب ماتغير وغيرتو علي بعدا .. والاكيد انو خلاني بطل من الشغل ... اهلو عرضو عليه انو يشتغل معن بمحل الدهب هو رفض .. لانو كان بدو يبلش من الصفر .. اتدين شوية مصاري من اهلو وقرر يشتغل بتجارة لانو لقا حالو بيفهم فيها .. والحمد لله الله فتحا بوجهو وخلال سنة كان تاجر معروف والو اسم ع الحدود ومعو بطاقة تجارية يطلع ويفوت عليها .. واشترينا سيارة وعم نصمد نشرتي بيت وصهيب الصغير سجلناه بالروضة ... والخبر الحلو انو انا هلأ حامل 😅😅 شكلي رح صير متل سلفتي ميس 😂😂
الحمد لله... رب العالمين ما بيحرمك من شي الا ليعوضك من شي احسن .. ومهما داقت فيكن الدنيا اتأكدو انو الفرج جاي وقريب ومتل مافي ليل في نهار .. ورب العالمين ماعندو الاجبران الخواطر ... وان شاء الله تضل كل ايامكن نهار ومشرقة وان شاء الله مابتشوفو الشر والحزن والله يبعدن عنا
ولاتنسو #لاتقنطو_من_رحمة_الله
عطونا رأيكن بالقصة لاتنسو😅
وجهزو حالكن شي جمعة ورح نزل روايتي الجديدة المليئة بالاكشن .. بعنوان الباشق
مع تحياتي الكم #مريم_اليوسف
#بقلم_مريم_اليوسف
#الجزء_السادس
المسا ضبينا غراضنا واجت سيارة كبيرة حملنا غراضنا وطلعنا .. يعني نحنا احسن من غيرنا طلعنا بشوية غراض عالم طلعت بس بتيابها
كان سلفي سليمان رايح قبلنا واستأجر بيت كبير .. طلعنا وتركنا قبلنا وافراحنا واحزانا كل الزكريات الحلوة تركناها وطلعنا .. فتنا تهريب على لبنان . وسكنا كلنا مع بعض ... وتاني يوم اهلي لحقونا .. ويوم عن يوم كانت الا ضاع بالضيعة عم تخرب .. ونص البيوت صارت ع الارض .. مافي شهرين كان الجيش مسيطر على المنطقة كلا .. وممنوع حدا يرجع قال بدن يعملوها منطقة عسكرية .. وبيت عمي فتحو محل مجوهرات طبعا هاي كلا من مصاري صهيب .. استلم المحل سليمان ومعاذ وشغلو معن واحد بيعرف بالدهب لانو هنن ماعندن خبرة ..كانت الحياة بلبنان منيحة نوعا ما بس الواحد قد ماكان مالو متل بلدو ... بس معد نقدر لانو يمكن ولاد عمي واخي مطلوبين .. اذا مامطلوبين رح يروحو ع الجيش ..
حضرنا الغدا وقعدنا كلنا ناكل .. اكلت لقمتين وقمت
عمي : ع وين ياعمي
مروة : صحة .. شبعت
عمي : ليش هيك يابنتي عم تعملي بحالك .. صهيب صرلو ٨ اشهر ميت ... لازم تنسي
مروة : انتو نسيتوه
محدا رد
مروة : مارح انساه لاخر يوم بعمري .. وانا هيك منيحة لا تشغلو بالكن ..
فتت ع غرفتي كان صهيب الصغير عم يناغي كان عمرو اربع اشهر... حملتو وبستو ووقفنا انا واياه ع الشباك
كانت حياتي عادي كتير ماقرب من حدا ولا ازعج حدا كنت ساعدن بشغلات البيت وارجع ع غرفتي .. وكنت روح زور اهلي ..
بعد يومين كنت قاعدة بغرفتي عم رضع ابني.. فاتت لعندي حماتي
حماتي : كيفو صهيب
مروة : بخير ببوس ايدك
حماتي : مروة .. بصراحة في موضوع بدي افتحو معك
مروة: اي حماتي عم اسمعك
حماتي : هلأ انتي قعدتك معنا غلط بالحساب انتي ارملة وعندك سلوفي تنين بالبيت
حسيت انو بدن يقلعوني
مروة : خلص مرت عمي اذا مابدكن اياني بروح لعند اهلي ... بس انا كنت قاعدة هون مشان صهيب لانو انتو متعلقين فيه كتير وقلت مابدي احرمكن منو
حماتي : لا لا .. ماهيك قصدي.... بالعكس نحنا كتير حابينك تضلي معنا بالبيت ..
مروة : لكن شو المشكلة
حماتي : انك تتزوجي يا سليمان يا معاذ
مروة : شووووووو
حماتي : انتي ختياري ... لانو انا مستحيل خليكي تطلعي من هالبيت لا انتي ولاصهيب .. وكمان قعدتك معنا مانها ظابطة
مروة : حماتي يلي عم تحكيه مستحيل يصير ..
حماتي : مشان الله فكري منيح .. والله الوضع علي صعب كتير بس هي اوامر عمك ... وكمان انتي بدك تضلي طول عمرك هيك ... لساتك صغيرة بأول عمرك ..
مروة : شيلك عني .. شو نسيانة انو سليمان متزوج وعندو ولاد ومعاذ اصغر مني بسنة يعني كيف هيك ظبطت معكن ... بس خلص انا رح اتركلن هالبيت وخلصنا
حماتي : طلعة من هالبيت ما الك .. واذا بدك تطلعي صهيب مابيطلع .. انتي اختاري يا تضلي مع ابنك وتتزوجي واحد من الولاد يا اما بتتركي هالبيت وبتطلعي منو لحالك
مروة : يعني عم تحطوني تحت الامر الواقع
حماتي : هيك شي ..
تركتني وطلعت .. وانا صرت ابكي .. انو ليش هيك عم يصير معي ليييش ... الله يسامحكن يا اهلي .. كلو منكن .. كلو منكن ..
اندق الباب وفاتت سلفتي ميس .. كانت عم تبكي
مروة : شبك انتي التاني
ميس : مشان الله يامروة .. انا بحبو لسليمان كتير .. وبموت اذا شفت وحدة عم تشاركني فيه
مروة : من كل عقلك جاي عم تقوليلي هيك انا مستحيل اتزوج بعد صهيب ..لا جوزك ولا غيرو
ميس : عنجد
مروة: اي عنجد ... حطي اديكي ورجليكي بمي باردة ...
قمت وصرت البس
ميس : ع وين
مروة : رايحة لعند اهلي ... طلعي قولي لحماتي انو مروة طالعة
ميس : شو بدك تعملي عند اهلك
مروة : ولا شي .. بس مارح طول
لبست وطلعت .. بيت اهلي كان قريب .. كان بيناتنا حارة
دقيت الباب وفتحتلي امي
امي : اهلين مروة فوتي
فتت وكان ع الطاولة فناجين قهوة
مروة : مين كان عنكن
امي : عريس لفاطمة
مروة : هه صرنا تنتين
ابي : شو يعني
مروة : يعني بيت عمي قدمولي عريسين وانا اختار منن واحد .. ياسليمان يامعاذ
ابي : اي منيح .. مشان ابنك
مروة : لهووون وبس معد خلي حدا يتدخل بحياتي ...
اصلا انا ماوصلني لهون غير حضرتكم
امي : شو نحنا يلي موتنا صهيب
مروة : لااا بس لو مازوجتوني غصب عني ماكان صار فيني يلي صار
امي : بس انتي كنتي بتحبيه
مروة : ايمت صرت حبو .. لما حبيتو قام الله اخدو .. لو مازوجتوني اياه ماكنت حبيتو
ابي : شو يعني هلأ
مروة : بتقوم بتروح ع بيت عمي وبتقلن انو مروة مابدا تتزوج حدا وبدا تعيش عنا .. وصهيب كل يوم باخدلن اياه
ابي : طيب اهدي .. هلأ بروح
مروة : اي
قام راح ابي عبيت عمي ..
مروة : من وين العريس
امي : من حمص المدينة .. وهو ممرض عم يشتغل بمركز صحي للسورين هون
مروة: وشو رأيكن
امي : بدنا نسأل عنو وعن عيلتو ... والله هالشب حلو وشخصية ومحترم وصاحب دين
مروة : الله يقدم يلي فيه الخير ... وانتي فطومة شو رأيك بالعريس
فاطمة : مابعرف
مروة : احسن الشي
رجع بابا بعد شوي ..
مروة : شو بابا
ابي : خلص متل مابدك بصير
فرحت كتير وقلتلو : عنجد
ابي : اي عنجد .. بس من هلأ اذا بدك تتزوجي شي يوم بتنسي ابنك
مروة : ومين قلكن انو بدي اتزوج .. انا رايحة جيب غراضي وغراض صهيب
رحت جبت غراضي وقعدت عند اهلي .. بعد يومين اجو اهل العريس يلي جاين مشان فاطمة .. واهلي كانو سألين عنن وعطو الموافقة .. كنت واقفة بباب الغرفة وعم اتفرج عليهن وهن عم يقرو الفاتحة .. شفت بعيون فاطمة الفرح .. فرحتلا من كل قلبي ..
مروة : الله يهنيكي يافاطمة ..
رجعت لعند صهيب كان نايمة تمددت جنبو وصرت العبلو بشعراتو ...
بعد كم يوم .. كنت عم اجلي .. سمعت الباب انفتح .. وفاتت لعندي فاطمة
مروة : مين اجا
فاطمة : خطيبي
مروة : جاي تعملي قهوة يعني
فاطمة : اي
مروة : خلص انا بعملا وبفوتا ...
فاطمة : طيب ماشي .. وكمان مشان تتعرفي على اسامة
مروة : اي يلا
عملت قهوة وفوتا .. سلمت على اسامة كان شب كتير محترم وخجول
فاطمة : اسامة هي اختي مروة الصغيرة يلي حكيتلك عنا
اسامة : تشرفت
مروة : وانا كمان
اسامة : بصراحة زعلت كتير لما خبرت انك ترملتي وانتي صغيرة
مروة : هي حكمة الله
اسامة : الله يرحمو
مروة : تعيش
اسامة : وشو ناوي تعملي
مروة : ولا شي بدي ربي ابني وكبرو وافرح فيه
اسامة : بس انتي بعدك صغيرة ليش لحتى توفقي حياتك هون
مروة : لا تقلي تزوجي ههه
اسامة : اكيد لا .. بس انو كملي دراستك
مروة : وين هوون بلبنان .. لا مو ظابطة وكمان ما الي نفس لشي
اسامة : انتي لاي صف واصلة
مروة : كنت عم قدم عاشر
اسامة : طيب ماشي .. شو رأيك تدخلي دورة تمريض
مروة : تمريض
اسامة : اي بتدرسي سنتين بمعهد وبتصيري ممرضة
مروة : ممرضة ؟؟
اسامة : اي ليش لأ .. بكرا ستنين زمان ابنك بيكبر وبيدخل روضة وبعدا مدرسة .. وانتي شو بدك تعملي لحالك .. انا عم احكي مشانك والله ...
مروة : بفكر
اسامة : اي فكري .. بس لاتطولي لانو هلأ فتحو الدورات للتسجيل . وانا من المدربين
مروة : ان شاء الله خير .. يلا بالاذن خدو راحتكن
تركتن وفتت ع غرفتي وانا ع فكر .. تاني يوم اقترحت ع اهلي الاقتراح ما عترضو .. كمان اخدت رأي بيت عمي .. كمان ماعترضو .. بس شرطت علي حماتي انو صهيب بضل عندن طول ما انا بالدورة
__________________
ومرق اربع سنين .. اخدت شهادة تمريض من المعهد وتطوعت بمستوصف للسورين .. وبعد التطوع تثبتت وصرت موظفة وصرت اخد راتب وراتبي كان ٤٠٠ دلر .. كنت كتير مبسوطة بحياتي الجديدة ومبسوطة بشغلي كنت اتسلى كتير ..كنت اشتغل مع دكتورة نسائية .. كان يجيني خطابة كتير بس انا كنت ارفض لانو بصراحة قلبي كان ميت وماكنت مستعدة لا حب حدا ولا ارتبط بحدا .. كبرت وحليت 😅 وكنت قد حالي وماخلي اي مجال لحدا يقرب مني .. كنت بشغلي مع الدكتورة النسائية شوف كتير بنات صغار بأعمار ١٤ و١٥ و١٦ . جاين وحوامل ... كنت اتذكر حالي وكيف اهلي ظلموني وزوجوني صغيرة بس الحمد لله عندي ولد بالدنيا كلا .. وبالاخير كلو بأيد رب العالمين ..
___________
مروة : دكتورة خلصو ماضل حدا
الدكتورة : اوك .. يلا سلام لاهرب لكن ههههه
مروة : اي الله معك ههههه
ضبيت العيادة وقفلت الباب وطلعت قعدت مع الممرضة يلي بتسجل اسماء
نسرين : شو خلصو مرضاكن
مروة : اي .. بس كأنو اليوم عاجقة بالمستوصف شو القصة
نسرين : اي ع دكتور السنان
مروة : اممم .. انا قايمة روح بدك شي مني
نسرين : لك قعدي سليني شوي
مروة : لا بدي روح لحق حماتي شوف شو طابخة ههههه
نسرين : ااخ منك
مروة : يلا سلام
طلعت من المستوصف ورحت ع بيت عمي
دقيت الباب وفتحتلي ليلى
مروة : شو هون ام الول
ليلى : لك هلا بمروة فوتي فوتي
همست بأدنا وقلتلا سو طابخين اليوم
ليلى : ههههه فوتي داعمينها اليوم ..
مروة : عنجد .. شو المناسبة
ليلى : عازمين خطيبة معاذ ع الغدا
مروة : اممممم
ليلى : امممممممم هههه
مروة : وين ابني .. يا سوسو وينك ماما انا جيت
طلع ابني يلي متل القمر من المطبخ واجا لعندي وفاتح اديه .. نزلت لعندو وحملتو
صهيب : ماما انتي جيتي
مروة : شو شايف .. ليلى هلأ شوفي شو بيسألني
صهيب : ماما كنتي عند الدكتور
مروة :اي ههههههه ... كل يوم نفس السؤال
ليلى : لك دخيل قلبوو انا
مروة : حبيبي شو طابخة التيتي
صهيب : لز ( رز)
مروة : بس لز
صهيب : اي بس ..
مروة : تعال لنشوف
فتنا ع المطبخ وكانت حماتي وميس عم يجهزو الغدا وكانو عاملين كبسة وكبة وصفيحة
حماتي : هلا مروة .. منيح جيتي مشان تتغدي معنا
مروة : حماتي بتحبني ههههه
حماتي : اي والله بحبك ..
مروة : عذبكن صهيب
حماتي : يقبر قلبي .. لك اذا بكسر البيت على راسنا مارح نحكي ..
صهيب : ماما عطيني تلفونك اتفرج ع التيوب ( يوتيوب)
مروة : بس شوي اوك .. مشان عيونك
صهيب : اوك
عطيتو تلفوني وراح يتفرج هو ولاد عمو
ميس : مروة بكرا خديلي موعد عند الدكتورة
مروة : لا تقولي حامل
ميس بقهر : يمكن
مروة : هههه لك شو صايرلك ماخدة مقطوع ..
ميس : بالغلط
مروة : ههههههه قلتيلي بالغلط
حماتي : دخيل الله مافي احلا من الولاد خليها تجيب وتملي البيت كلو ولاد
مروة : يلا ميس خلفي مزال في مين عم يربي
ميس : هيك قولتك
مروة : اي هههههه ... خلص بكرا انا ببعتلك ع الواتس اي ساعة تروحي مشان ماتنطري
فات معاذ ع المطبخ
معاذ : ماما كلو جاهز
مروة: هههه اي كلو جاهز اطمن ..
معاذ : لانو رح يوصلو
مروة : ياعيب الشوم عليك عم تشك يقدرات امك .. سامعة يامرت عمي
معاذ : مروة لا تحرينا
مروة : والله انا اذا ماحريت مابتهنا ههههه
حماتي : حبيبي كلو جاهز .. يلا رح ننقل الاكل على السفرة
نقلنا الاكل على السفره واجو المعازيم .. وتغدينا معن واخدت ابني ورحت ع بيت اهلي
امي : ليش اتأخرتي
مروة : كنت عم اتغدا عند بيت عمي
امي : يعني مانك جوعانة
مروة: لا صحة ..
امي : لكن نيمي صعيب وتعي لنشرب متة
مروة : اوكيي
نيمت صهيب وطلعت اقعد مع امي
مروة : وين بابا ما اجا ع الغدا
امي : اي اجا وراح قبل ماتجي
مروة : وخضر وفاطمة ماعم يجو
امي : لا ..
مروة : هدول من يوم ماتزوجو معد شفنا حدا منن
امي : كل واحد عندو هم كافيه
مروة : ليش صاير معن شي
امي : لا بس مافي حدا ماعندو هموم وكمان لاتنسي كل واحد عندو عيلة ولاد
صفت وقلتلا : اي والله محدا مرتاح
امي : اليوم اجوكي خطابة
مروة : ايي
امي : لا تعصبي قلتلن البنت مابدا تتزوج
مروة : منيح
امي : لايمت يابنتي بدك تضلي هيك .. بكرا ابنك بيكبر وبيتركك وانتي رح تضلي لحالك
مروة : هي الدباجة صرعتو سماي فيها انا مااابدي اتزوج ..واصلا كرهاني كلشي اسمو زواج
امي : والله مابعرف بس والله مشان مصلحتك
مروة : انا هيك مرتاحة ..
امي : ان شاء الله عطول
________________
تاني يوم .. وانا بالعيادة
اتصلت بميس
مروة : الو .. ميس تعالي اخدتلك موعد .. وليكي جيبلي صهيب معك بدي فرجيه للدكتور
ميس : ليش شبو صهيب
مروة : مبارح حسيت سخنان وكمان في دكتور اطفال جديد عم يقولو عنو شاطر بدي خليه يشوفو
ميس : يلا
اجو ميس وصهيب .. فاتت ميس ع الدكتورة .. وانا اخدت صهيب على الدكتور
مروة : نسرين مين في عند دكتور الاطفال
نسرين : في ولد .. تعالي لفوت معك وعرفك عليه
مروة : يلا
فتنا لعندو .. مبين عليه صغير بالعمر وحليوة ..
نسرين: دكتور يوسف هي مروة .. ممرضة معنا هون بالمستوصف هي الممرضة الوحيدة يلي لسه ماشفتا
يوسف : اهلا مروة .. تشرفت فيكي
مروة: تسلم دكتور ... دكتور بدي تشفلي هالبطل بليل لاحظت عليه شوية سخونة
يوسف : اخوكي ؟؟
مروة : ههه لا ابني
يوسف : ااه .. والله مامبين ... تعال يابطل ..
راح صهيب لعندو
يوسف : شو اسمك يا حلو
صهيب : صهيب
يوسف : اسمك حلو .. مين سماك هالاسم
اتطلع فيني صهيب
مروة : قلو للدكتور ماما
صهيب : ماما سمتني
يوسف : وع اسم مين .. ع اسم جدك يعني
صهيب : لا ع اسم البابا
اتطلع فيني الدكتور بستغراب
مروة : اي لا تتفاجئ اسمو ع اسم ابوه الله يرحمو
يوسف : اااه .. اي فهمت الله يرحمو
مروة : تعيش
فحصو وقلي : لا تخافي بس حلقو شوي ملتهب
مروة : اوك دكتور يسلمن
يوسف : مروة خلينا نشوفك
مروة : ههه هون انا وين بدي روح .. يلا بالاذن
رجعت ع العيادة النسائية
مروة: شو دكتورة بشري
الدكتورة : ههههه صرلا شهرين حامل والحمل تمام
مروة : مبروك ميس
ميس : الله يبارك فيكي
مروة حبيبي صهيب روح مع مرت عمو ع البيت وانا لما خلص بجي ماشي ياحلو
صهيب : ماشي ماما
_____________
مرق كم يوم عادي وانا بالمستوصف .. كنت شوف يوسف وسلم عليه عادي
المسا كنت بغرفتي .. وعم انقل اسماء المرضى على اللابتوب ..
طنطن تلفوني وكان واتس اب .. رقم
_ مسالخير
م_مسالنور مين ؟
_انا يوسف
م: يوسف ؟؟ مين يوسف
ي: الدكتور يوسف
م: ااه ... اهلين دكتور كيفك
ي: تمام بخير ...
م: قلي دكتور في شي
ي: اااه لا ابدا .. بس كنت بدي اتطمن ع ابنك كيف صار
م: لا منيح كتير ... عم اعطيه الدوا يلي وصفتلي اياه والحمد لله ارتاح
ي : اي كتير منيح ... انا بس حبيت اطمن عليه لاتواخذيني ع الازعاج
م: شكرا كتير لاهتمامك ... لا مافي اي ازعاج
ي: تصبحي ع خير
م : وانت من اهلو
حفظت رقمو عندي ورميت التلفون ع جنب
امي من برا : مروة .. تعالي هون اختك فاطمة وجوزا
مروة : جاي .. جاي
طلعت وسهرت معن فتحت التلفون وصرت اتفرج على الستوري بالواتساب .. طلع قدامي الستوري ليوسف
كان حاطط مقطع حلو رومنسي .. تفرجتلو وسكرت ..
قلت بقلبي : الكل عم يعيش قصص حب ههههه
تاني يوم .. اتصلت فيني الدكتورة انو ماسجلا مواعيد لانو مانها جاي .. رحت لعند نسرين
مروة : نسرين اليوم الدكتورة مانها جاي .. مشان ماتسجلي لحدا
نسرين : عندا شي ولادة ؟؟
مروة: اكيد
نسرين : لكن تعالي لحدي لنشرب فنجان قهوة
مروة : اي والله جبتيها
فتت قعدت حدا .. وكانت العيادة عم تضج بالولاد
مروة : شو قصة هالجعقة ع الاطفال
نسرين ؛ اي لانو الدكتور يوسف كتير شاطر صاير عليه زحمة
مروة :اي
طلعت الممرضة يلي بتساعد دكتور الاطفال واجت لعند نسرين
ملك : نسرين كم في مريض اليوم
نسرين :صايرة مسجلة لمية
ملك : شوووو
نسرين : اي والله
ملك : لكن اذا لسه عم يجي بس سجلي للمية خمسين ..
نسرين : طيب ماشي
ملك : شو مروة قاعدة ما تقومي تشتغلي
مروة : الدكتورة مانا جاي اليوم
ملك : نيالك
مروة : قوم ساعدك
ملك : لا مشان مايصير عجقة عند الدكتور .. بس اذا تعبت بخليكي تجي محلي
مروة : اوك .. انا هون بالارجاء
طلع الدكتور من غرفتو وقال : ملك وين صرتي
ملك : اي دكتور جاي .. جاي .. بس كنت عم شوف كم مريض
يوسف : مروة قاعدة هون
مروة : ههه اي والله اليوم استراحة الدكتورة مانها جاي
يوسف : اصبح قومي ساعدينا مشان نخلص بكير
مروة : انا عرضت خدماتي بس ملك قال مشان مابصير عجقة
يوسف : لا يلا تعالي ..
مروة : يلا بس لاشرب فنجان القهوة
يوسف : تعالي بعدين بتشربيه
مروة : ههههه جيت
قمت وفتت معن .. قعدت ورا الطاولة وصرت سجل اسماء الولاد والدوا يلي عم يكتبو الدكتور على اللابتوب .. وملك تساعد الدكتور بالفحص .. وخلصنا بكير
مروة : خالص ؟
ملك : اي
يوسف : لكن ملك عمليلنا فنجان قهوة نطلع نشربو مع الصبايا
ملك : تكرم دكتور
خلصت انا شغل ع اللابتوب
مروة ؛ دكتور كلشي جاهز هون ..
يوسف : شكرا كتير الك يامروة ... عنجد لولاكي مدري شو كان صار فينا
مروة ؛ مامشكلة ما هاد شغلي
يوسف : اي كيفو ابنك
مروة : الحمد لله بخير
يوسف : اي الحمد لله
مروة : يلا بالاذن ..طالعة انطرك برا
يوسف : اي
طلعنا قعدنا بقاعة الانتظار .. واجتمعو الاطباء والممرضين والممرضات وقعدنا نشرب قهوة ..
اتطلعت بالساعة
مروة : يلا انا صار لازم روح ..
يوسف : مروة انا رايح انطري انا بوصلك
مروة : لا شكرا .. بروح لحالي
يوسف : لك مزال رايح
مروة : اسفة دكتور .. بس انا عنجد مابركب مع حدا ..هلأ باخد تاكسي
يوسف : اوك .. واسف ع الازعاج
مروة : لا لاتعتزر .. بس لاتفهني غلط انت بتعرف وضعي وحكي العالم مابيرحم
يوسف : اي فهمت .. حقك علي
طلعت ورحت جبت ابني من بيت حماي ورحت ع بيت اهلي ... فتحت التلفون بالبيت وليقيتو باعتلي رسالة
ي: بصراحة كتير عجبتيني وعجبتني اخلاقك العالية .. واسف لانو طلبت وصلك ونسيت وضعك
م: شكرا ع تفهمك.. وشكرا على مدحك الي وهي شهادة بعتز فيها
المسا صار يبعتلي
ي:مسالخير
م: هلا مسالنور
ي: شفتك اون لاين قلت بمسي عليكي
م: اي
ي : كيفك
م: تمام الحمد لله
ي: مروة ممكن سؤال
م: تفضل دكتور
ي: شقد عمرك
م: ٢٢
ي: العمر كلو
م: يسلم عمرك
ي: شقد صرلو ميت زوجك
م: اربع سنين ونص
ي، الله يرحمو
م، تسلم
ي: ليش لهلأ ما تزوجتي
م: انا بحبو كتير لزوجي الله يرحمو ومستحيل حب غيرو او اتزوج بعدو .. وكمان مشان ابني .. لانو مافي حدا رح يستحمل ابني .. وغير هيك بيت عمي اذا تزوجت مستحيل يتركوه معي
ي : بس حرام يلي عم تعمليه بحالك.. بعدك صبية بأول عمرك
م : لا ما حرام بالعكس انا كتير مبسوطة بوضعي هاد والحمد لله ماناقصني شي.. يعني مابتكمل سعادتي الا اذا كان في شخص بحياتي
ي : مابعرف هي وجهة نظرك
م : اي
ي : يلا انا مابدي ازعجك اكتر من هيك .. تصبحي ع خير
م : وانت من اهلو
مروة : الله يرحمك ياحبيبي .. اشتقتلك كتيير .. يارب تصبرني
قعدت وصرت ابكي
فاق صهيب : ماما بدي فوت ع الحمام
مروة : يلا قوم ياعمري
اخدتو ع الحمام ورجعنا لحتى انام .. حطيتو بحضني
اتطلع فيني وقام مسحلي دموعي بأديه الصغار
صهيب : ماما ليش عم تبكي ... انا بزعل عليكي
مروة :ياعمري انت .. كل شي الا زعلك .. خلص معد ابكي
صهيب :ماما انا بحبك
مروة : وانا بمووت فيك ياروح الماما
.___________
صارت تمرالايام .. ويوسف كنت حسو يعطيني اهتمام اكتر من غيري .. وانا بلشت افهم نواياه واتجنبو .. لانو مابدي حدا ..وخايفة تتطور علقتنا واتعلق فيه وانا مابدي ابدا هالشي ..
المسا صار يحيكني
ي: كيفك مروة
م: اهلا دكتور
ي: ماقلنا بلاه دكتور برات الدوام
م: احترام الك
ي : مروة انتي ليش متغيرة صاير معك شي
م : انا .. لا ابدا
ي : بس انا حاسك عم تتهربي مني
م ؛ انا قلتلك انو انا مابحب خالط رجال كتير
ي : طيب مروة بدي قلك شي
م : تفضل دكتور
ي: مروة انا معجب فيكي وحبيتك .. وحابب ابعت اهلي يطلبوكي بس خايف انك ترفضي
م : بصراحة انت فاجئتني .. بس اسفة مابقدر كون الك زوجة
ي : ليش .. مروة انتي صغيرة وحرام يلي عم تعمليه بحالك
م : رجاءً دكتور انا بعرف مصلحتي كتير منيح ..
ي : طيب خلينا نحاول
م : بشو بدنا نحاول
ي : خلينا نعطي فرصة لمشاعرنا .. مروة انا متأكد انك تعبانة وبحاجة حنان وحب ... بس انتي عاملة حاجز حواليكي وماعم تسمحي لحدا يتخطى هالحاجز .. بس هالشي يلي عم تعمليه رح يدمرك
انا ماكنت حابة رد عليه رد قاسي لانو دكتور ومعي بنفس الشغل .. وانا مامن طبعي خجل حدا او اجرح حدا
مروة : دكتور انا عنجد ماعم فكر حاليا بهل الشي
ي : ايمت ناوي تفكري ... لما تصيري ع العكازة
م : مابعرف ...
ي : طيب ع راحتك
م : دكتور لاتزعل ..واذا بتحب رح نضل اصدقاء
ي : ما زعلت ولايهمك ... اكيد رح نكون اصدقاء
.................
تاني يوم ..بالمستوصف
كانت غايبة ملك
اجا لعنا ع العيادة ودق ع الباب
يوسف : كيفك دكتورة
الدكتورة : اهلا دكتور يوسف
يوسف : بدي اخد منك الممرضة يلي عندك اذا ماعندك مانع
انا : ليش وين ملك دكتور
يوسف : ملك معطلة وبصراحة انا عندي ضغط وماعم لحق لحالي وكل الممرضات مشغولين .. قلت اذا مروة ماعندا شي ... تساعدني شي ساعة
الدكتورة : اكيد .. مروة روحي مع الدكتور ..
مروة : : طيب دكتورة بالاذن
رحت معو وانا كتير مقهورة من تصرفو .. بس ماحكيت
فتنا ع عيادتو
مروة : من وين بلش دكتور
يوسف : تقعدي ورا اللابتوب وتسجلي
مروة : اوكي
بلشو يفوتو المرضى وانا سجل ورا الدكتور ... وكنت حاسة عليه انو ما عم يشيل عيونو عني .. انا بعرف لوين بدو يوصل .. بدو يحاول يعلقني فيه وحبو .. وبصراحة انا خايفة كتير لانو انا عنجد بحاجة لهيك شخص
لما خلصو المرضى
يوسف : بس ماتكوني تدايقتي لانو جبتك تشتغلي معي
مروة : لا ابدا .. عادي
يوسف : اي منيح .. شو رأيك نشرب قهوة
مروة : بسس
يوسف : مافي بس.. ما عأساس اصدقاء
مروة : طيب ماشي .. طلبنا قهوة لعندو ع العيادة وقعدنا نشربا
يوسف : انتي بتطلعي ع حالك بالمراي
فكرت فيني شي
مروة : اي بتطلع في شي
وصرت لمس ع وجهي
يوسف : لا لا مافي شي ... بس انو لما بتطلعي ع حالك مابتقولي ماحرام هالجمال يضل وحداني .. بدون محدا يحرسو ويحميه
مروة : دكتور بليز
يوسف : انتي ليش انانية
مروة : كيف يعني
يوسف : انانية على حالك ... انا بعرف انك عم تتقربي مني بس عم تكابري ع حالك
مروة : ما صح نهائيا
يوسف : صح ونص ..
مروة : بالاذن ..
تركتو وطلعت ..ورحت ع الحمام غسلت وجهي ووقفت قدام المراي وصرت حكي حالي : مروة لا تضعفي .. مروة لاتنسي ابنك .. ولاتنسي حبك لصهيب ... ما عأساس وعدتي حالك تضلي تحبيه لاخر يوم بعمرك ... مروة انتي قوية .. بس فجأة حسيت حالي رح انهار .. صرت ابكي ... وقول : تعبتتت ... تعبتتت ... ااااه يا قلبي ... والله معد اتحمل ..
غسلت وجهي من الدموع .. وطلعت بدلت تيابي ورحت ع البيت ..
امي : مروة . شبك .. وينو صهيب ليش ماجبتيه معك
يا الله كيف نسيتو
مروة : كنت مطوشة من كتر الشغل ..يلا رايحة جيبو ..
امي : شو صاير معك يا بنتي
طلعت وقلتلا ولاوشي ...
وانا ماشية صرت ابكي .. وحكي حالي
يخرب بيتك يامروة... نسيتي ابنك .. وصلت معك المواصيل تنسي ابنك ... لا لا كلشي الاصهيب .. اصحك يامروة ... اصحك
وصلت ع بيت عمي دقيت الباب وفتحتلي حماتي .. سلمت عليها .. وفتت لقيت صهيب عم يلعب بالالعاب .. حملتو وضميتو لقلبي وصرت ابكي ...
حماتي : مروة شبك ... بنتي ليش عم تبكي
مروة : خايفة على صهيب
حماتي : خير شوفي
كذبت عليها وقلتلا : مات ولد اليوم عنا بالمستوصف .. واهلو صارو يبكو عليه ... يا الله ما اصعب الموت .. خايفة رب العالمين يحرمني من صهيب
حماتي دمعو عيونا وقالت : استهدي بالرحمن .. مافي شي ..
قمت ضمتا لحماتي وصرت ابكي على كتفا
حماتي : شبك مروة .. ليش عم تبكي هيك
مروة: اشتقتلو يا مرت عمي ... اشتقتلووو ..
صارت تبكي معي وقالتلي كل يوم قلبي عم يحترق عليه بس ماعم احكي ... كل مابشوف ابنوو كيف كان متلو لما كان صغير .. وكيف كل حركاتو متلو قلبي بيتقطع .. بخبي دمعتي عنوو ..وبروح ببكي بالغرفة جوا .... لانو يقبر قلبي بقلي لاتبكي يا تيتا مابحبك وانتي عم تبكي
صهيب صار يبكي : ماما ليش عم تبكي انتي والتيتا
مسحنا دموعنا
مروة : خلص ياعمري .. معد نبكي ..
حماتي : ياروح التيتا انت
_______________
مرق هاليوم .. وانا تعبانة ... ويوسف يحاول يتصل فيني بس انا ماكنت رد عليه لانو ماكنت طايقتو
تاني يوم وانا بالمستوصف ..
الدكتورة : مروة بتاخدي المريضة بتركبيلا كيس فيتامين ..
مروة : حاضر دكتورة .. تفضلي معي ..
اخدتا ع غرفة الادوية
قعدتا على الكرسي وربطلا ع ايدا مطيطة مشان يبين العرق ..
_بوجع
مروة : ان شاء الله لا
قعدت مقبالا وركبتلا كيس الدوا
مروة : وجعتك
_لا يسلم هالادين ... والله يبعتلك ايام حلوة متل هالوجه
مروة : تسلمي يارب .. والله يقومك بخير وسلامة ...
_ الله يسلمك ... يعني هلأ روح ع البيت
مروة : لا ... في تخت جوا فوتي ارتاحي عليه .. لحتى بخلص الكيس
اخدتا نيمتا على تخت جوا .. وانا طالعة سمعت حدا عم يعيط برا .. طلعت لشوف مين
شفت وحدة عم تعيط وتصرخ ع نسرين
_ قلتلك بدي فووت ع الدكتور يووسف هلأ .. انتي مابتفهمي
نسرين : لو سمحتي يامدام انطري ع الدور
قربت منها وقلتلا خير شوفي
_بدي فوت ع الدكتور يوسف
مروة ؛ طيب ممكن نعرف مين حضرتك
_ انا مرتوو
انا ونسرين انصدمنا وقلنا مرتوو
_اي مرتو
مابعرف حسيت حالي فرحت .. وانقهرت بنفس الوقت فرحت لانو طلع متزوج وانقهرت لانو كذب علي
مروة : اي يامية اهلا وسهلا يا مدام نورتي .. تفضلي معي لحتى دخلك لعند الدكتور يوسف .. بس من الاول لونك قايلة انك مرتو كنا دخلناكي بكل هدوء .. تفضلي معي ...
رحنا ع عيادة يوسف ..
دقيت الباب وانا الابتسامة على وجهي
مروة : كيفك ..دكتور
ابتسم وقلي اهلين مروة
مروة : جايك ضيوف .. تفضلي مدام
واول مافاتت حسيتو تلون وتلبك ومعد يعرف يحكي
تركتن وطلعت
يتبع.....
#قلبي_الصغير_لايتحمل(واقعية)
#بقلم_مريم_اليوسف
#الجزء_السابع
رجعت ع عيادتي وصرت اشتغل .. صار تلفوني يرن . شفتو وكان يوسف .. مارديت وحطيتو صامت ..
خلصت الدكتورة شغل وقامت راحت
وانا صرت ضبضب العيادة .. ماشفت غير الباب انفتح وفات يوسف وسكرو
يوسف : ليش ماعم تردي
مروة : اااه ما انتبهت اسفة دكتور كان صامت
يوسف : مروة خليني اشرحلك ..
مروة : شو بدك تشرحلي
يوسف : صح هية مرتي بس والله عم نطلق
مروة : مافهمت انا شو دخلني لحتى عم تقلي
يوسف: مروة انا والله بحبك
مروة : وانا قلتلك مابدي حب حدا .. بس حضرتك ماعم تفهم .. وبعدين يلي بدو يحب من الاول بكون صادق .. بس انا هلأ فهمت كل نواياك اتجاهي والحمد لله انو ماقبلت عرضك
يوسف : انا كنت ناوي قلك .. بس كنت ناوي قلك لما خلص من القضية
مروة : ومنيح ماقلتلي لانو انا مارح اقبل فيك
يوسف : ليش لاني مطلق .. شو نسيانة انك ارمل
فجأة سكت وحس عحالو غلط
حبست غضبي وقلتلو ... اي انا ارملة ... ولا الارملة صارت عار ... ولا لانو ارملة قلت هي دغري بتقبل فيني .. نحنا مجتمع فاشل .. كلو بينظر للارملة نظرة حقيرة . ومفكرينا لقمة سهلة .. انت لما شفتني ارملة قلت هاي هي ... بنتسلى معا ولما كنت صدك جيتني من باب الزواج ... بس الحمد لله الله فضحك
يوسف : انا اسف .. بس والله ماهيك نيتي فيكي
مروة : لو سمحت دكتور ياريت تطلع لانو نحنا بمكان عمل ..
نزل راسو وطلع وهو خجلان
عنجد انا حسيت هم وانزاح عن قلبي
خصلت شغلي ورحت وانا مرتاحة كتير .. رحت عبيت عمي اخدت صهيب ورحنا ع البيت
ويوسف يبعتلي رسائل اعتذار ورسائل يحلفلي فيها انو هو بحبني ... وصار يدق ..وانا مارد عليه
المسا اجا اخي خضر لعنا .. وبالصدفة صار يدق
مروة : اخي رد
خضر : مين هاد
مروة : خلص رد هلأ وبعدين بقلك
اخدك خضر التلفون : الو .. مين بدك .. انا اخوها قلي بدك منها شي ... طيب ماشي
سكر وقلي شو بدو
مروة : هاد دكتور عنا بالمستوصف وقال بدو يجي يخطبني وانا عم ارفضو
خضر : اذا منيح عطيه فرصة
مروة : لا مانو منيح وكمان متزوج
خضر : اي .. انا لو الامر الي مابخليكي تطلعي برات هالبيت
مروة : اي منيح هالامر مانو الك ..
خضر : لك يا اختي لاشلك بالشغل اذا مصروفك ومصروف ابنك كل راس شهر عندك ..
مروة : انا ماعم اشتغل مشان المصاري .. انا بدي اثبت حالي .. حس انو عم اعمل شي بهل المجتمع
خضر : هههههه
مروة : ليش عم تضحك
خضر : لا سلامتك ..
مروة : اي الله يسلمك
مرق اسبوع ويوسف بعد محاولاتو الكتيرة وانا صدو شكلو مل ومعد قرب مني
هلأ انا اكتر ايامي بضل قاعدة لانو الدكتورة بصير عندا ولادات وبتروح من نص الدوام او مابتجي
واليوم اتصلو فيها من المشفى وراحت .. وانا رحت قعدت عند نسرين
نسرين : شو رأيك تروحي ع الدكتور عماد ..
مروة : ليش وينا اسماء
نسرين: مريضة
مروة : لكن لقوم .. بتسلا ..
رحت ع لعند الدكتور عماد وهو دكتور صحة عامة ..
مروة : كيفك دكتور
الدكتور : اهلا مروة
مروة : جاي ساعدك ..
الدكتور : اي والله ياريت ..
كروة : من وين بلش
الدكتور : دخليلي المريض يلي بعدو
مروة: حاضر
طلعت وقلت يلي بعدو .. وكان زلمة كبير بالعمر وضعيف كتير .. وعم يمشي غصب .. قربت لحتى ساعدو
مروة : عمو انت جاي لحالك
_لا والله .. جاي معي ابني بس طلع يدخن برا
مروة : تفضل انا بساعدك ..
ساعدتو لفات والدكتور صار يفحصو ..
الدكتور : عم تاخد الفيتامينات يلي كتبتلك عليهن
_اي عم اخدن ..
الدكتور : طيب تابعن وبتاخد هاد الدوا معن
_شكرا كتير يادكتور
مروة : ساعدك عمو
_اي والله ياريت ..
سندتو وصرت امشي معو شوي شوي
_ذكرتيني بشب كان معي بالسجن كان يعطف علي كتير ويضل يساعدني
مروة : عمو ليش انت كنت بالسجن
_اي والله ياعمي
مروة : بسوريا
_ اي بسوريا ... صرلي شهرين طالع
مروة : وشو تهمتك ياعمو ..
ضحك وقلي : ارهاب
مروة : ارهااب ؟؟
_تهمتي ارهاب بس انا بحياتي ماشلت سكين
مروة : كيف اخدوك لكن
_بالغلط .. هههه قصة طويلة مابدي وجعلك راسك
مروة : المهم طلعت والله فك اسرك
_اي والله الحمد لله .. قوليلي يابنتي انتي من وين
مروة : من ريف حمص
_من ايو ضيعة
قلتلو اسم ضيعتي
_لك الشب يلي كان معي من نفس ضيعتك ..
مروة : كان معك بالحبس
_اي بس والله نسيت اسمو .. مع انو اسمو ماعم يروح عن بالي
اجا ابنو للزلمة
_ابي فتت ع الدكتور
ابوه: اي .. ليك ابني هاد الشب يلي قلتلك عنو كان معي بالسجن بتتذكر شو اسمو
_ليش عم تسأل
ابوه : هي الصبية من نفس الضيعة .. بدي قلا اسمو او اسم عليتو بركي بنوصل لعيلتو
ابنو : والله ماني متذكر بس هو اسمو مسجل عندك بالبيت وكمان في رسالة بأسمو
ابوه : لك انا صاير انسى كتير .. بعد ما اكلت ضربة ع راسي
ابنو : انتي يا انسة هون عطول ماهيك ؟
مروة : اي .. بس اسألو عن مروة
ابنو : خلص بكرا بجبلك اسمو .. بركي بتوصلينا لاهلو وبنفرحلن قلبون .... وهو امنو لابي انو يوصل هالرسالة لاهلو
مروة : ان شاء الله ... والله يجزيكن الخير ويوصل الخبر لاهلو
رجعت لعند الدكتور .. ونسيت القصة تماما ..
..............
تاني يوم .. وانا بالعيادة مع الدكتورة .. فاتت لعندي نسرين وقالتلي في شب عم يسأل عنك برا
مروة : عني انا؟؟
نسرين : اي .. قال ابوه كان محبوس وفي رسالة
مروة : اي .. اي .. جاي
طلعت لعندو
مروة : اهلا .. اي قلي شو اسمو ومن بيت مين
الشب : بصراحة مابعرف اقرا ليكي اسمو مكتوب هون .. اخدت الورقة من ايدو وقريت الاسم
حسيت اجتني الجمدة مابعرف شو صابني .. ادي صارو يرجفو ..
نسرين : مروة شبك
اخدت مني الورقة ..
نسرين : شوفي ليش هيك مصدومة مافيها شي الورقة
مكتبو صهيب .. لما قالت اسمو تذكرت
نسرين : مروووة ؟؟ هااد زوجك
وعيت من الصدمة وانا طايرة من الفرح ..
صرت ابكي دموع فرح وقلتلا : ايي ..ايي.اي .. هاد اسم صهيب .. هاد زووجي
حسيت الدنيا ما واسعتني ومعد عرفت وين روح او وين اجي .. رحت قعدت ع الكرسي .. وانا لساتني عم اتأمل الاسم وابكي
الشب : بكوون زوجك؟
قمت لعندو قلتلو : اي زوجي ... مشان الله قلي هو منيح .. شو اخبارو
الشب : انا مابعرف .. بدك تسألي ابي .. بس ليكي هي الرسالة عطاها لابي
اخدت الرسالة منو بسرعة ورجعت قعدت لانو عنجد رجلي حسيتون معد حملوني .. وفتحتا بلهفة وكتر ماكنت مستعجلة كنت رح خزقا
فتحتا وصرت اقرا بعيون مدمعين وادين عم يرجفو . ونسرين قعدت حدي
( الرسالة .. السلام عليكم ورحمة الله الله وبركاته ...
انا صهيب ########## من ضيعة ####
مواليد ١/٧/١٩٨٣ .. تاريخ كتابة الرسالة ٢٢/٤/٢٠١٦
الرسالة رقم ٣٥
عم اكتب هي الرسالة وان شاء الله توصلكن يا اهلي .. مابعرف شو بتعرفو عني .. بس انا عايش والحمد لله .. هداك اليوم طلعت بوجهنا دورية كبيرة وقوست علينا . وتصاوبنا انا وعمر ابن عمي .. عمر للأسف مات الله يرحمو .. بس انا الحمد لله الله كاتبلي عمر اخدوني عالجوني ... وحطوني بالحبس ... انا بسجن صيد نايا بالشام .. تهمتي تهريب وتهريب اسلحة .. لانو انكمش معي سلاح .. المهم انا بدي طمنكن عني .. وانا مشتقلكن كتيير .. لابي وامي واخي سليمان وليلى ومعاذ .. وطبعا حبيبة قلبي ورروحي مروة ... وابني يلي مابعرف اذا اجا ع هالدنيا او لا ... انا كتير تعبت ع غيابكن ... وبدي منكن اذا وصلتكن هي الرسالة توكلولي محامي وتطالعوني من هون قد ماكلفت الشغلة ادفعو .. وانا كمان تهمتي خفيفة والحمد لله مامسجليني ارهاب ...
ناطركن او ناطر منكن رد .. ورح ادعي ليل مع انهار انها توصل .. ابنكن صهيب )
ضميت الرسالة وصرت ابكي وقول ،: وصلت .. وصلت يا روحي .. وصلت
ضميت نسرين وقلتلا : طلع عايش ... طلع عااايش ... دخيل اسمك يا رب ما اكرمك ... الف حمد وشكر الك يارب ... الكل يلي بالمستوصف التم علي وانا عم ابكي واصرخ
مروة : انا لازم روح .. ..
قمت ومن لهفتي كنت رح اطلع بالمريول
نسرين : مروووة ... شلحي المريول .
تضحكت ع جدبنتي .. واتذكرت ورجعت لعند الشب ..
مروة : بترجاك عطيني عنوانكن
نسرين : انا باخدو منو .. روحي انتي
مروة : اي .. اي ..
طلعت متل المجنونة .. وقفت تاكسي ورحت ..
مروى : مشان الله اسرع
_والله ماشي بسرعة ..
حسيت الوقت وقف ومعد مشي
نزلت وعطيت كلشي معي مصاري لابو التاكسي ..
وفتت ع البناي .. من كتير ماني مستعجلة تفشكلت ع الدرج مرتين .. وصلت وصرت دق بقوة ورن الجرس ..
ميس من جوا : اي .. اي .. جاي .. رح تكسرو الباب
كانت الساعة عشرة ولسه محدا راح ع شغلو ..
فتحتلي ميس : مروة شبك ..
دفشتا وفتت .. لقيت الكل قاعدين عم يفطرو ..
حسيت لساني انربط ومعد طلع معي الحكي
قامو لعندي ملهوفين
لانو كنت عم ابكي ..
حماتي : مروة شبك ..
عمي : شبك يابنتي . ..
سليمان : خلوها تاخد نفس ..
جابولي كاسة مي ... بدي احكي ما اقدر حسيت حالي خرست ...
بس كنت عم ابكي ...
قربت مرت عمي وصارت تسمي علي وتقرالي قرأن
معاذ : مروة خلصينا نطقي هالجوهرة
مروة : صهيب ... صهيب..
حماتي : صهيب نايم .. فيقلك اياها
هزيت راسي انو لا ... ورجعت قلتلن صهيب .. صهيب
معاذ : شبك علقتي ع كلمة صهيب
مروة : لك صهيب عااايش .
الكل : شووووو
مروة : والله عااايش .. عاايش مانو ميت ... وهو هلأ بسجن بسوريا ..
حماتي صارت تبكي وتقلي عنجد .. عنجد
مروة : والله ... والله
سليمان : مين خبرك
مروة : هي الرسالة منو ..
اخد الرسالة مني وقعد يقراها والكل تجمع عندو لحتى يقرو معو ..
انا ماشفت حالي غير عم اسجد واحمد الله
خلصو الرسالة .. وكانو كتير مبسوطين .. ومرت عمي صارت تزلغط ... اجت ضمتني وانا ضميتا وصرنا نبكي
عمي : من وين جبتي هي الرسالة
مروة : شخص كان بالسجن معو .. هلأ بتبعتلي نسرين عنوانو ..
رن تلفون برسالة
هاد العنوان .. اخد سليمان مني التلفون وبعت الرسالة لعندو ..
سليمان : تروح ابي
عمي : اكيد .. يلا ..
راحو ونحنا كنا عم نبكي من الفرح ...
حماتي : انا قايمة صلي كم ركعة شكرر لله
قامت مرت عمي وفات ابني صهيب كان فايق من نومتو
حملتو وصرت دور فيه وصرت قلوو البابا عايش .. البابا عايش ورح يجي لعنا
وضلينا هيك قاعدين ع اعصابنا لحتى اجا عمي وسليمان
حماتي : شوو بشروو
عمي : اي والحمد لله عايش وصحتو منيحة
حماتي ،: الف حمد وشكر الك يارب .. الحمد لله يارب
مروة : انا قايم بشر اهلي
عمي : مروة
مروة : اي عمي
مروة : شوي شوي .. لانو لاتسي اخوكي عمر
مروة : والله ماني ناسيتو اصلا حاسة بغصة مشانو
____________________
مروة : امي ... امي ..
امي : شبك بنتي
مروة : في خبر بدي خبرك اياه
امي : شو هو
مروة: امي صهيب طلع عايش
تفاجئت امي : وقالتلي عنجد ... كيف هيك .. ومين خبرك ... طيب اخوكي عمر
مروة : عمر متوفي
خبت حزنا عني وقالت : بعرف .. كان عطول يجيني بالمنام ... اي المهم قوليلي عنجد جوزك عايش
انرسمت الابتسامة ع وجهي وقلتلا : اي .. وهو هلأ بالسجن
امي : والله فرحتلك من كل قلبي ... الله يفك اسرو .. عنجد شي مابيتصدق ... بس قوليلي كيف عرفتي
قعدت حكيتلا كلشي لامي
امي : الف حمد وشكر الك يارب ... الحمد لله جبر بخاطرك وفرحلك قلبك
مروة : عنجد يا امي الدنيا مانها وسعانتي .. بس ياريت كملت هالفرحة مع عمر
امي : لا تزعلي ع اخوكي .. اخوكي مبسوط وانا قلبي مرتاح تجاهو
مروة : الله يرحمو
امي : امين
تركتني وفاتت ع غرفتا يمكن تبكي .. بصراحة انا ماقدرت ازعل .. والله ماني انانية ومابكرهو لاخي ... بس كنت محتاجة هيك خبر ..
قعدت صهيب يلعب بالالعاب وانا رحت توضيت وصليت واشكر رب العالمين يلي فرجلي همي .. وجبر بخاطري وطلع زوجي عايش .. كنت اسجد وابكي
المسا لما اجا ابي حكيتلو .. واتصلنا بخضر وخبرناه ورحنا ع بيت عمي
__________€
ابي : يهنيكن السلامة
عمي : الله يهنيكن .. والله يرحم عمر
ابي وامي : امين
ابي : اي شو بدكن تعملو هلأ
سليمان : حكيت مع واحد صاحبي تعرفت عليه هو بلبنان.. قال بيعرف محامي كتير شاطر وخلال شهر بجيبو لعنا لهون
عمي : وكيف بدنا نوصلو
سليمان : دفعت ٥٠٠ دولار لحتى بس قابلو
عمي : اوووف ٥٠٠ بس لحتى تشوفو ... لكن شقد بدو ياخد لحتى يطالع صهيب
سليمان ؛ قد مابدو رح ادفعلو
مروة: وبركي كان نصاب
سليمان : مابياخد ولا ليرة لحتى يسلمنا صهيب
مروة : وايمت بدك تقابلو
سليمان: بكرا
__________________
تاني يوم رجعت من الشغل ورحت ع بيت عمي
مروة ؛ مرت عمي شو صار
حماتي : سليمان شاف المحامي وقال بالاول بدو يشوف صهيب اذا عايش او لأ .. وحسب القضية بياخد مصاري
مروة : ياااارب
بعد اسبوع اتصلت فيني حماتي المسا : مروة تعالي بسرعة ..
قمت لبست ورحت لعندن وانا قلبي عم يدق بسرعة عم ادعي انو يكون خبر من صهيب ... وخايفة انو يكون مانو موجود
دقيت الباب وفتت
مروة : شووو
حماتي : المحامي هلأ كان عنا
مروة : اييي
حماتي : شافو لصهيب .. وحكي معو ..
مروة: الحمد لله يارب
ضميتا لمرت عمي وانا طايرة من الفرح ..
قعدنا ..
مروة : وشو عشان المصاري
سليمان : بدو ٥٠ الف
مروة : سوري
سليمان : دولار
مروة : ماكتيير
سليمان : لا المهم صهيب يطلع .. وبعدين هي المصاري لصهيب وهو كاتب بالرسالة انو ادفعو وطالعوني
مروة : المهم يطلع يلعن ابو المصاري .. واصلا ماوصلنا لهون غير المصاري ..
_________________
مر حوالي الشهر ونحنا ناطرين ع اعصابنا .. والمحامي كان عاطينا موعد انو رح يجيبو ع باب البيت عن اليوم ..
البيت كلو متوتر حماتي طبخت كل الطبخات يلي بحبا صهيب .. وانا واقفة ع الشباك ... وانا كانت اعصتبي فارطة من الانتظار وكانو اهلي موجودين
حماتي : تعو لهون كلكن
تجمعنا حواليها
حماتي : هلأ لما يجي صهيب مروة بتفوتي بتتخبي بالغرفة جوا ... واذا سأل عنك صهيب بنقلو انك تزوجتي ..
مروة : حماتي بترجاكي .. ماني مصدقة ايمت شوفو وضمو .. وهلأ انت عم تقوليلي اتخبي
حماتي : بدنا نمزح مع صهيب شوي
مروة : والله ماوقت المزح هلأ
الكل قالو : اي .. اي .. مروة تخبي
معاذ كان واقف ع الشباك وصار يصرخ : ماما .. اجا .. اجا ... فاتوتني ع غرفة وقفلو علي الباب .. وكلون فتحو الباب ونزلو يستقبلوه ع باب البناي .. وصرت اسمع صوت الزلاغيط .. والضجة .. صرت اتناوق من شق الباب
مروة : الله يسامحك يا حماتي ..
فاتو كلن وكانو عم يبكو من الفرحة .. وانا كمان صرت ابكي ... شفت صهيب .. شفتو لحبيبي بعد خمس سنين غياب .. مانو متغير كتير .. بس ضعفان .. ودقنو طويلة كتير وشعرو كمان .. فوتوه ع غرفة الضيوف ..
اجت ليلى فتحتلي الباب .. ورحت صرت اتفرج عليهن من شق الباب .. كان قاعد بين امو وابوه و ضاممن ..
اخدت ليلى صهيب الصغير وفاتت لعندن .. انا بعدت عن الباب مشان مايشوفني ولما تسكر الباب رجعت اتفرج
ليلى : مابدك تسلم على هالبطل
صهيب بصوت حنون قال : ابني ؟؟
ليلى : اي هاد صهيب الصغير
نزل لعندو صهيب .. بس ابني خاف منو
صهيب : حبيبي تعال انا بابا
ابني : انت عمو بابا
الكل ضحك حتى انا ضحكت
صهيب : اي انا عمو بابا .. تعال سلم علي ..
قرب ابني وصهيب ضمو وصار يبسو ويشمو
صهيب : يا حبيبي ... يا عمري ..
بصراحة انا برا معد فيني صبر ... وعم حاول قاوم غصب عني
حملو صهيب ورجع ع مكانو .. وصار يتطلع فيهن
صهيب : مروة وين
محدا رد وصارو يتطلعو بالارض عأساس خجلانين بس هنن بالعكس عم يكتمو ضحكتن
صهيب : ماتردو .. مروة وين
حماتي : ابني لاتزعل ... مية بنت بتتمناك
صهيب ،: تزوجت
حماتي : اي والله فكرناك ميت وهية صبية اول عمرا .. وماحبينا نوقف بوجها .. اجها شب ادمي وهية وافقت وتزوجت
صهيب بحزن : الله يهنيها ويسعدا
ابني : عمو انت بدك الماما ... الماما برا
صهيب : وين برا
ابني : هون .. انا رايح جيبا نزل من حضنو وفتح الباب وانا كنت واقفة ورا الباب واول ما انفتح شافني صهيب .. واول ماشافني وقف .. وهو مستغرب
الكل ضحك ضحكة عالية
ركضت وضميتو .. وقلتلو بتصدق انو ممكن اتزوج غيرك .. وهو ضمني بقوة وصار يبوسني على وجهي بلهفة .. ومسكلي ادي وصار يبوسن .. كان مشهد مؤثر كتير .. وصارو كلن يبكو من لهفتنا ع بعض
مروة : اشتقتلك ... اشتقتلك
صهيب : كنت عم مووت ع غيابك
مروة : ماقدي وانا مفكرتك ميت وانو معد شوفك مرة تانية
صهيب : ااااه يا مروة ... اااه شو بحبك
مروة : بحبك .. بحبك ..
وانا ضاممتو حسيت قلبي عم يدق بسرعة وكأنو قلبي بدو يطلع من بين ضلاعي ويضمو .. حسيت الدنيا كلا بين ادي ... مافي اي شعور بيوصف الفرح يلي انا فيه
قعدني حدو وحاوطني بأيده .. وصار يحكيلنا كيف تصاوب ولما فاق لقا حالو بمشفى عسكري بعدا حولوه ع السجن .. وعن معاناتو ..
حماتي : يلا قومو خلونا ناكل هلأ الاكل بيبرد .. قعدنا انا واياه حد بعض ... وصرت انا طعميه بأدي بس هو رفض وهو يلي صار يطعميني ... كنا محط انظار الجميع .. وكل شوي يشيل صهيب الصغير ويبسو ..
خلصنا غدا
صهيب : سليمان قوم خدني ع الحلاق
سليمان : يلا
مروة : اجلها ماعم نشبع منك
حماتي : اي والله
سليمان : مابنطول .. انتو حمولو الحمام
مروة : بس لا تطولو .
صهيب : ليش فيني طول ..
طلعو وانا قمت حميتلو الحمام ..
اجا صهيب الصغير
صهيب : ماما مين هاد عمو البابا
مروة : حبيبي بس قلو بابا ..
صهيب : يعني هاد بابا ..متل لجين بنت عمو سليمان عندا بابا وانا بدو يصير عندي بابا
مروة : اي ياعمري
صار يضحك ويقول : انا عندي بابا .. انا عندي بابا
بعد شوي اجا صهيب كان حالق كان طالع بجنن بنظري ..
وقفت وصفنت فيه
صهيب : مافي نعيما
مروة : اي نعيما حبيبي
صهيب : شو هالنعيما الناشفة
قربت بستو عل خدو وقلتو نعيما هيك منيح
صهيب : اي منيح هههههه
والكل صار يضحك ههه
كنت مشتريتلو تياب جديدة .. رحت طالعتلو بجامة وعطيتو منشفة فات تحمم وطلع ..
كنا كلنا ماعم نشبع منو ولا من وجودو ولا من حكيو .. مرق الوقت بسرعة .. وصارت ١ بعد نص ليل
صهيب : انا نعست وين بدكن تنيمونا
سليمان : قوم نام بغرفتي انت ومروة
مروة : لا شو رأيك نروح انام ببيت اهلي .. غرفتي فاضي
خضر : اي روحو نامو هنيك .. وانا باخد امي وابي ينامو عندي
مروة : لا ليش لحتى يروحو .. بنامو معنا
امي : اي متل ماقال خضر
مروة : شو هلأ تلبكتو فينا .. خلص صهيب نام هون عند اهلك وانا بنام عند اهلي
اتطلع فيني وزورني
مروة : ليش هيك عم تزور
صهيب : لا سلامتك حبيبتي.. خلص انا رح نام هون عند اهلي انتي بتأمري
مروة : ههههه زعلت
صهيب : لا ليش لحتى ازعل .. يلا شاطرة قومي مشان ما تتأخري ع المدرسة ... قومي نامي عند الماما
مروة : صهييييب
صهيب : سليمان وين بنامو ولادك
سليمان : بهديك الغرفة .. كانت تنام فيها مروة اول ماجينا لهون ..
صهيب : تصبحو ع خير .. ابقو غطوني ..
امي : ااخ متل الولاد ... خدي مروة هاد مفتاح البيت نحنا رايحن ننام عند خضر
مروة : يسلمو .. صهيب نروح
صهيب : مابعرف بدي اسأل الماما اذا بتخليني نام برات البيت
مروة: هوهووو علينا .. خلصنا
صهيب : مشيت .. اي وينو ابني
ليلى : نام من زمان حرام تفيقوه هلأ
صهيب : اي .. يلا تصبحو ع خير
الكل : وانتو بخير ... حطيت ايدي بأيدو ومشيت ..
صهيب : بعيد البيت
مروة : لا هون قريب بالشارع التاني ..
تمشينا ع البيت .. فتحت الباب وفتنا ..
مروة : نور البيت ..
صهيب : منور فيك ياقمر ..
حسيت حالي خجلاني منو ..
مروة : بتحب اعملك شي .. مشتهي شي
صهيب : ماني مشتهي غيرك ..
مروة : ع فكرة انا بخجل ..
صهيب : ع فكرة انا معد فيني ..
حملني وقلي وين غرفتك وانا خجلانة قلتلو هديك ...
كانت ليلة مليانة حب ومشاعر ورمنس ... هديك الليلة مانمنا ضلينا فايقين لوجه الصبح ..
____________
كنت نايمة بحضنو بس مفتحين عيونا ..
مروة : طلع الضو
صهيب : اي واذا
مروة: بدي نام
صهيب : بدي اشبع منك هلأ اهلنا بيبعدونا عن بعض ومعد القطك للمسا ..
مروة : لكن رح حط حالة ع الواتس اب انو نحنا نايمين ولاحدا يزعجنا
صهيب : واتس اب
مروة : اي برنامج دردشة ببقا بفرجيك اياه ..
مسكت تلفوني ... وصهيب تفاجئ فيه
مروة : بيشتغل ع اللمس
صهيب : حاسس صرلي مية سنة محبوس
مروة: بالنسبة الي كانو اكتر من مية ..
صهيب : بعدك بتحبيني ..
مروة : انا مابس بحبك انا بموت فييك .. وانت
صهيب : انا من اول يوم شفتك فيه لما كنت رح ادعسك من يومتا حبيتك .. وانا بالحبس ما تذكر غيرك .. وضل ادعي انو ماتتزوجي وتتركيني .. انو نلقتى
مروة : والحمد لله الله استجابلنا
صهيب: مروة
مروة : اي حياتي قلي
صهيب : شو هاد يلي عتمك
مروة : ع تمي ... وين ..
صهيب : تعي لقلك
مروة : صهييب
صهيب : طيبة وماعم اشبع منك شو اعمل هههههه
والحمد لله وبفضل الله تعالى رجعت حياتي حلوة .. وانا وصهيب استأجرنا بيت صغير وعشنا فيه .. طبعا صهيب ماتغير وغيرتو علي بعدا .. والاكيد انو خلاني بطل من الشغل ... اهلو عرضو عليه انو يشتغل معن بمحل الدهب هو رفض .. لانو كان بدو يبلش من الصفر .. اتدين شوية مصاري من اهلو وقرر يشتغل بتجارة لانو لقا حالو بيفهم فيها .. والحمد لله الله فتحا بوجهو وخلال سنة كان تاجر معروف والو اسم ع الحدود ومعو بطاقة تجارية يطلع ويفوت عليها .. واشترينا سيارة وعم نصمد نشرتي بيت وصهيب الصغير سجلناه بالروضة ... والخبر الحلو انو انا هلأ حامل 😅😅 شكلي رح صير متل سلفتي ميس 😂😂
الحمد لله... رب العالمين ما بيحرمك من شي الا ليعوضك من شي احسن .. ومهما داقت فيكن الدنيا اتأكدو انو الفرج جاي وقريب ومتل مافي ليل في نهار .. ورب العالمين ماعندو الاجبران الخواطر ... وان شاء الله تضل كل ايامكن نهار ومشرقة وان شاء الله مابتشوفو الشر والحزن والله يبعدن عنا
ولاتنسو #لاتقنطو_من_رحمة_الله
عطونا رأيكن بالقصة لاتنسو😅
وجهزو حالكن شي جمعة ورح نزل روايتي الجديدة المليئة بالاكشن .. بعنوان الباشق
مع تحياتي الكم #مريم_اليوسف
يسلم دياتكككككككككك عنجد بتجنن متل العادة واكتر ربي يسعدك❤️
ردحذفكلمة مبدعة قليلة بحقك 😍😍😍
ردحذفواااااااااااااو بتجننممنممنم والله راااااااااااااااااااائعة @♡♡♥♥♡♡
ردحذفرائع وأكثر وحلوة كتيرة ولما لواحد بيعرف أنها حقيقية يتأثر أكثر سلمت يأداكي
ردحذفرائعة
ردحذفبتجنن الله يهنيكم
ردحذفحبيتها كثير يسلم اليد الي كتبت
ردحذفالله يسلم ايديكي كتير بكيت يمكن لأني عشت وضع قريب لوضعك بس الحمد لله زوجي موجود والله يسلملي ياه
ردحذفروووعه تسلم ايدك
ردحذفقصة رائعه عنجد والحمدالله النهاي سعيدي ورجع الحب والسعادي لقلب الجميع برجعت صهيب
ردحذفاكثر من رائعه تسلم يدك
ردحذف