#ضحية_الحاضر_والماضي
#بقلم_مريم_اليوسف
#الجزء_التاسع
ميس : انت؟؟
احمد : اي انا
ميس : تفضل
فاتت قدامو وهو فات وراها وسكر الباب
ميس : تفضل اقعد هون
قعدو بالصالون
احمد : كيفك
ميس : متل مانك شايف
احمد : لمين هاد البيت
ميس : لبيت جدي اهل امي
احمد: منيح
ميس : منشكر الله .. شو تشرب
احمد: قهوة
ميس : لحظة
راحت عملت قهوة واديها عم يرجفو وهية متلبكة وكأنو اول مرة بتشوفو خلصت القهوة واخدت نفس عميق وطلعت من باب المطبخ .. وصلت لعندو ضيفو وقعدت مقبالو
ميس : اسفة ع وضع البيت بس ماني حاسبة حساب انو حدا رح يجي
احمد : مامشكلة ..
اتطلع فبها وبعيونا يلي كتير مشتقلون وحس انها بكيانة
احمد : بكيانة ؟؟
ميس : لا بس كنت نايمة
احمد : ليش عم تشتغتلي هون او السؤال هو ليش عم تشتغلي هالشغل
ميس : وانت شو دخلك فيني
احمد : معك حق انا مادخلني .. بس انقهرت عليكي لما شفتك عم تشتغلي هيك شغل متعب
ميس : انا عاجبني
احمد : واياد عاجبك .. ولا الشغل بلا اجار كمان عاجبك
ميس : هاه شكلك عرفان كلشي ... وبعدين انت مادخلك وانت قلتلي بعدي ولاتفرجيني وجهك مرة تانية وانا بعدت عنك وكتير بس شكلو القدر ناوي يخلينا نلتقى مرة تانية
احمد : يمكن مشان ساعدك لحتى تتخلصي من هالعيشي ومن اياد
ميس : بس انا مابدي مساعدتك ولا بدي منك شي وانا بعرف دبر حالي
احمد : طيب ماشي .. بدك شي
ميس : سلامتك
قام احمد وطلع وطلعت وراه ميس .. سكرت الباب وسندت ضهرا على الباب ونزلو دموعا فورا
ميس : الله يلعنكن كلكن .. الله يلعنكن .. انا بفرجيك يا اياد الكلب وصلت معك تحكي علي قدام الكل .. مفكر اذا بدك تجبرني بالشغل فانت كتير غلطان وتضرب انت وهالاجار ... انا عم تستحمل قلت بركي بحصل على حقي .. بس هلأ معد بدي ولا ليرة لشوف كيف بدك تتحكم فيني .. ولا احمد جاي ولا كأنو كان في شي بيناتنا .. ولأ شو بدو يساعدني .. اول ماشفتو واقف قدام الباب قلت اكيد جاي يعتذر ويطلب مني نرجع متل اول .. هه
..............
فات احمد ع الغرفة يلي ببيت اياد .. مشان ينام فيها هو وعمران
عمران : وين كنت
احمد : عندا
عمران : وشو حكيتو
احمد : ولا شي حكي عادي
عمران : يعني ماقلتلا انك بتحبا وبدك اياها
احمد: لا
عمران : ليش
احمد : ماني مقتنع بهل الخطوة حاليا صح انا بحبا .. بس ماعندي ثقة فيها
عمران : لكن ليش رحت
احمد : قلت بركي بدا مساعدة .. ماشفت شو حكي اياد عنا اليوم
عمران : وشو قالتلك
احمد : طبعا رفضت
عمران : مزال عرفان بدا ترفض ليش رحت
احمد : مشان شوفا
عمران : اممم .. وشو مقرر بكرا
احمد : راجع ع البيت
عمران : يعني مارح تعمل شي
احمد : لا بدي وقت لفكر بس مزال عرفت وينا رح خليها تحت عيوني
..................
تاني يوم ببيت احمد
اية : خالة والله شبعت
فردوس : يلله كرمالي بس هاللقمة
اية : خالة انا
فردوس :قوليلي ماما
اية ؛ ماما
فردوس : كملي شو كنتي بدك تقولي
اية : ما.. ماما انتي بتعرفي انو انا مارح ضل هون عطول
فرودس بقلق : كيف يعني
اية : انا اتفقت مع احمد انووضل جنبك شهر زمان وبعدين التفت لحياتي
فردوس بين عليها الحزن وقالت : متل مابدك بس والله انا حبيتك متل بنتي مايا بالظبط ورح ازعل كتير اذا معد شفتك
اية : وانا كمان حبيتك والله بس انتي بتعرفي انا عندي جامعة وشغل واهلي بينشغل بالون علي ومافيني ضل هون عطول بس بوعدك ضل طل عليكي عطول
فردوس : اي ماشي متل مابدك .. انا قايمة روح ع ارتاح بغرفتي
اية : ساعدك
فردوس : لا لا بروح لحالي
طلعت فردوس ع غرفتا وضلت اية قاعدة لحالا ع سفرة الاكل والخادمات عم يشيلو الاكل هية تصفنت شوي حوليها وقالت : لقوم روح ع بيتنا احسن الشي
حملت شنتايتا وتوجهت لعند الباب ... وقبل ماتطلع فات احمد
احمد : مرحبا
اية من غير نفس : اهلين
احمد: ع وين
اية : امك تعبانة وطلعت ترتاح وانا شوبدي ابقا اعمل قلت بروح ع البيت
احمد : طيب خليكي لاتروحي بدي احكي معك وانا طالع شوف امي وراجع
اية : ضروري هالحكي
احمد : اي
اية : طيب ماشي
طلع احمد لعند امو وشافا حزينة
احمد : كيفا ست الكل
فردوس : الحمد لله
احمد : شبك ماما .. ليش حاسك مانك على بعضك
فردوس : عنجد اية بس بدا تضل هون شهر
احمد : اي ماما ومافيني اجبرا تضل اكتر من هيك
فردوس : بس و الله قلبي تعلق فيها وماني حاببتا تطلع من هالبيت .. لك انا بعد ساعات الليل مشان يمرقو لحتى شوفا تاني يوم
احمد : خلص لاتزعلي هلا بحاول معا تضل معك اكتر من هيك
فردوس : ماما احمد اتزوجا
احمد : شووو
فردوس : اي الله يرضا عليك وهيك بتضل هون بالبيت وقدام عيوني
احمد : ماما مستحيل يصير هالحكي لك انا لما بشوفا بشوف مايا وانتي عم تقوليلي اتزوجا
فردوس : بس هي مانا اختك
اخمد : ماما مستحيل لاتحاولي
فردوس : طيب ماشي مابدي اجبرك
احمد : بس مشان ماتزعلي رح حاول معا تضل فترة اطول
فردوس : اي الله يرضا عليك
احمد : انا نازل شوفا وانتي ارتاحي
فردوس : ماشي
نزل احمد وكانت اية ناطرتو
احمد : شو تشربي
اية : مابدي اشرب شي فوت بالموضوع فورا
احمد : بصراحة بدي افتحلك قلبي
اية : مافهمت
احمد : اية انا بحاجة احكي مع حدا ومالقيت حدا غيرك .. لانو بحسك عنجد متل اختي
اية : هه لو بتعتبرني اختك ماكنت عملت معي يلي عملتو
احمد : انا اسف بس ماكنت عم فكر غير بالانتقام
اية : المهم .. احكي عم اسمعك
احمد : بتتذكري هي البنت يلي قلتيلي عليها بنت ملعبة
اية جلست قعدتا لانو تذكرتا وحبت تعرف شوصار فيها
اية : اي شبا
احمد : انا واياها عاساس حبينا بعض وانا عنجد حبيتا من كل قلبي بس هية مابعرف اذا كانت بتحبني عنجد ولا كانت عم تستغلني
اية : ايي
احمد : بعد ما اتأكدت واجهتا وهية حلفتلي انو حبتني من كل قلبا وماكانت ناوية تستغلني وانو هية ندمانة على كلشي عملتو بحياتا
اية : وصدقتا ؟؟
احمد : لا قلتلا روحي ومعد بدي شوفك مرة تانية
اية : اي بس هيك ؟؟
احمد ؛ لا ... كان عندي سفرة ع الريف في شحنة بطاطا بدنا اياها ورحت قلت بنغير جو وبنشوف البطاطا .. وشفتا هنيك بالصدفة عم تشتغل بالاراضي
اية : وحكيتو
احمد : حكي عادي
اية : يعني واضح انو البنت متغيرة ماهيك
احمد : اي هيك
اية : لكن ليش ماجبتا معك
احمد ؛ مابعرف بس حسيت انو بدي شوية وقت لحتى رجع ثقتي فيها
اية : انا برأيي البنت بتستحق فرصة تانية اذا انت بعدك بتحبا وبدك اياها
احمد : يعني ارجع وجيبا معي
اية : هيك برأيي ولاتتأخر لانوومابتعرف شو ممكن يصير .
احمد : وبركي رفضت
اية : هه ساعتها افرض رجولتك وجيبها غصب عنها ..لانو بنات هالايام بحبو هيك حركات وكمان بتأثبتلا انك بتحبا وكمااان مابتسترجي تعلب معك لانو بتعرف مين احمد وبتخاف منك
احمد : هههه والله طلعتي مانك قليلة
اية : محدا قليل هالايام ولا تستخف بحدا .. انا بدي روح
احمد : لحظة قبل ماتروحي .. بدي احكي معك مشان امي
اية بخوف : خير شبها الخالة فردوس
احمد : لاتخافي مافي شي .. بس امي حاببتك تضلي هون وماتتركينا
اية : بس نحنا اتفقنا
احمد : بعرف وانا مابدي اجبرك على شي بس امي رح تتعب اذا تركتينا ....تعلقت فيكي بشكل كبير .. بس بدي منك تضلي كمان شهر
اية : اوك رح ضل .. ولاتفكر مشانك .. مشان الخالة فردوس وبس لانو حبيتا كتير من كل قلبي ومابدي اياها ترجع تتعب
احمد : شكرا كتير الك
اية : ماعملت شي هاد واجبي
..................
ميس نايمة والوقت الضهر فاقت ع رنة تلفونا
ميس : الو
جميلة : لك وينك ليش ماجيتي اليوم
ميس : ماني جاي ومعد اجي ع الشغل
جميلة : شو نسيتي اجارك
ميس : بالناقص منو .. انا معد بدي هالشغل لشوف شوبدو يطلع بأيدو السيد اياد
جميلة : طيب من وين بدك تصرفي
ميس : معي شوي مصاري بدبر حالي فيهن حاليا
جميلة : طيب انا رح خبر الشاويش
ميس : بتعملي منيح
جميلة : سلام
.......................
واقفة اية ناطرة تاكسي .. بيجي جمال وبوقف قداما وبيفتح الباب وبقلا اركبي
اية : مابدي
جمال : عم قلك اركبي
اية : وانا ماني راكبة
تركتو ومشت لقدام
هو نزل من السيارة ومسكا من ايدا وسحبا
اية : لك شو عم تعمل يامجنون تركني
جمال سحبا بقوة وحطا بالسيارة وقفل الباب وركب جنبا .. واية عم تحاول تفتح الباب مشان تنزل وصارت تضرب ع الباب والازاز
هو مشي بسرعة
اية : وقففف .. وقف .. نزلني هلأ
جمال : خلص اهدي .. ولاتحاولي لانو مارح نزلك ووفري طاقتك بكون احسن
اية : انت شوبدك مني ..وع وين ماخدني
جمال : شو بدي منك بدي اياكي .. وع وين ماخدك .. فيكي تقولي خاطفك لحتى تقوليلي بحبك
اية : لاتحلم قلك بحبك ... لانك مابتستاهل تنحب .
جمال : لا انتي بتحبيني .. والله يا اية انا بحببك .. بحببك .. قوليلي شو اعمل لحتى تصدقي
اية : لاتعمل شي .. لانو مارح صدقك .. فنزلني بكون احسن
جمال : لك حسي فيني .. انا عم موت .. قلبي معد يتحمل وجع
اية : ماذنبي ... وكمان انت يلي جبت وجع هالقلب لألك لونو من اول ماشفتني بعدتني عنك ماكنت وصلت لهلي المرحلة بس بغرورك وطمعك خليتني جنبك مشان تستغلني والله عم يعاقبك
جمال: وانتي ماحبيتني
اية : كنت
جمال : وبعدك
اية : لاا
جمال : كذابة
اية : جمال لاتحاول معي مشان هيك بترجاك وقفلي خليني انزل
تابع جمال طريقو بدون ولا حرف
...............
بالريف
اتصال هاتفي
الشاويش : اياد بيك ميس بطلت تشتغل
اياد : كيف هيك
الشاويش : متل ماعم قلك
اياد : طيب ماشي انا بتصرف
سكر التلفون اياد وكانت حدو مرتو
سوسن : مين
اياد : مادخلك
سوسن : المكالمة بتخص هديك البنت ماهيك
اياد : اي
سوسن : لك انت شو قصتك .. في حدا بيعمل هيك بعروستو .
اياد : اي انا .. ويكون بعملك انو رح جيبا واتزوجا
قام وتركا
سوسن : لك يبعتلك مية حمى .. الله لايوفقك من وين طلعتلي هي
...............
الباب عند ميس عم يندق .. قامت فتحت بدون ماتقول مين لانو فكرت جميلة ..
ميس : هاد انت ؟؟!!
اجت بدا تسكر بس هو دفشو بقوة وفات
اياد : مفكرة اذا بطلتي من الشغل خلصتي مني فأنتي كتير غلطانة
ميس : لك انقلع انا مابدي اياك انا بكرهك
اياد : مو على كيفك واليوم قبل بكرا رح تصيري مرتي
ميس : مافيك .. بشتكي عليك
اياد : هههه اذا قدرتي
مسكا من شعرا وسحبا
ميس : تركني يا ابن الحرام .. والله لاخربلك بيتك..
اياد : ههههه
ضل يسحبا وهية تصرخ حطا بالسيارة وراح على بيتو
نزل وفتح الباب وسحبا من ايدا وهية عم تحاول تقاوم وتعضو مشان يتركا .. بس هو كان اقوى منا
طلعت سوسن ع الصياح وشافت اياد ساحب ميس
سوسن : لك جايبها لعندي لهون
اياد : انتي بتخرسي وفوتي ع غرفتك
ميس : لك انت واحد مريض .. انت مجنون تركني خليني روح ..
اياد : اي مجنون ومريض ... سمعي هالكلمتين انا هلا رايح جيب الشيخ والشهود اذا مابتوفقي ع الزواج مني والله لاخدك بالحرام فهمتي
ميس : انت بتعرف اذا خبرو الشرطة شو بيعملو فيك .. شو مفكر البلد سايبة
اياد : لا مو سايبة بس مين يلي بدو يشتكي اذا مالك حدا يعني محدا رح يعرف بغيابك
ميس : الله لا يوفقك ..
اياد : حاج تصرخي .. انا مابطول .. وانتي وليه سوسن اذا بتهربيها من هون والله لاقتلك عم تفهمي
طلع اياد وضلت ميس عم تصرخ وتبكي وتدق ع الباب لعل حدا يأنقذا
وخطرت ع بالا فكرة مافي غير احمد بيقدر يساعدا
ميس : سوسن .. سوسن عم تسمعيني .. مشان الله بدي مساعدتك .. انا مابدي جوزك .. مشان الله ساعديني خليني اطلع من هون وبوعدك اختفي وماعاد فرجيكي وجهي
سوسن : ماسمعتيه شو حكي .. كيف بدي ساعدك
ميس : في شخص رح نقلك رقمو وانتي اتصلي فيه وهو رح يجي ويساعدني .. بترجاكي وهيك مابيعرف جوزك انو انتي الك يد
سوسن بدا تخلص منا ووافقت فورا
سوسن : عطيني الرقم بسرعة
نقلتا ميس الرقم وصارت تدق .. بس لسوء الحظ احمد حاليا بالحمام عم يتحمم
سوسن : ماحدا عم يرد
ميس : مشان الله حاولي .. ضلي حالي
بعد عدة محاولات
سوسن : مافي رد
ميس : طيب ابعتيلو رسالة انو انا ميس وانو يجي يلحقني وبدي مساعدتو
سوسن : شو ابعتلو بالظبط
ميس : بعتيلو انا ميس وانا بحاجتك ضروري اياد حابسني وبدو يتزوجني غصب عني تعال خلصني منو بترجاك وبوعدك انو معد اذعجك بعد اليوم ..بترجاك يا احمد كرمال الايام يلي بيناتنا
سوسن : بعتا
ميس : مارد
سوسن : لا
ميس : اكيد مابدو يساعدني
سوسن : انطري شوي بركي حاطط التلفون بشي مكان
ميس : طيب رح انطر .. يارب .. يارب
بعد ربع ساعة
ميس : شكلو مارح يرد .. اكيد عم يقول مادخلني سوسن : عم تقولي شي
ميس : لا .. بس اتصلي بجوزك شوفيه مطول
سوسن : ليش
ميس : مشان اعرف شقد معي وقت
سوسن : اي يلا
سوسن : الو .. وينك .. هاي صرعت الدني .. ايمت جاي ... اي
ميس : شو قلك
سوسن : قال يمكن يتأخر لانو الشيخ مانو بالبيت
ميس بصوت واطي .. احسن الشي قوم ودور ع شغلة اقتل حالي فيها يعني انا لأشلي بهل الحياة اذا محدا سأل عني ولا اهل في ولاحدا يخاف علي ..ليش عم حارب بها الحياة
سوسن : ميس شو ناوي تعملي
ميس : لاتخافي مارح انزل عليكي ضرة لو على جثتي
قامت وصارت تدور بالغرفة لقت مقص
......................
طلع احمد من الحمام عم ينشف شعرو قدام المراي .. حمل التلفون وفتحو واتفاجئ بكمية المكالمات فتح الرسالة وانصدم من يلي مكتوب .. وبسرعة اتطلع على الوقت كانت من ربع ساعة
احمد : ميس .. لا مستحيل خليها تروح لواحد متل اياد
فتح الحزانة وصار يطلع تياب ويدق ع الرقم بنفس الوقت
.................
سوسن : ميس .. ميس .. احمد عم يتصل .. ميس عم تسمعيني
ميس نايمة ع الارض والدم عم ينزف من اديها بعد ما قطعت شرايينا
سوسن : مييسس .. رح رد .. الو .. اي انا مرت اياد ... اي هية هون تعال بسرعة اياد راح يجيب الشيخ ويمكن يطول شوي .. بترجاك بسرعة
سوسن : ميس .. احمد جاي ع الطريق .. ميسسس صارت تدق ع الباب وتصرخ : مييس .. ميس
صارت تضرب على حالا وتبكي
سوسن : ميس لاتموتي ... يامييس .. شو عملتي بحالك
....................
جمال واية بالسيارة واقفين بقلب غابة
اية : مطولين ونحنا هيك
جمال : الشغلة بأيدك
اية : قلتلك بكرهك .. بكرهك .. ولاتحلم ارجعلك
جمال : لكن بنضل هون
اية : لك شو هون .. نحنا بقلب غابة مقطوعة وبعد شوي بتغيب الشمس .. خلينا نرجع
جمال : معليش انا موافق .. ورجعة ماني راجع لحتى تقولي بحبك يا جمال او تقلبي تعطيني فرصة
اية : لا تحلم
جمال : وانتي لاتحلمي ترجعي
اية : يااربي .. اهلي هلأ بينشغل بالون علي
جمال : ببعتلون خبر انو انا خطفتك ... وهون محدا بيقدر يوصللنا .. ليكي هنيك بنعمر كوخ صغير على قدنا انا واياكي وبنعيش فيه انا وانتي لحالنا بعيد عن كل الناس انا وانتي وبس
اية : بلله شووو
جمال : شبك .. اذا ماعجبك الموقع بنغيرو
اية : عفكرة مانك مهضوم
جمال : بحبك
اية : ياااربببي ... لك رجعني
جمال : تؤ
اية : اوف .. اوف
جمال : بنرجع لحديثنا .. قوليلي حلو هنيك الموقع ماهيك
اية بقهر : لااااا
جمال : خلص حبيبتي لاتعصبي ... بندور ع مكام تاني
اية : نتف حاالي
جمال : لا انا بحبك هيك بدون تنتيف
اية : يااااربيييييي شو هالمجنون
.....................
وصل اياد ومعو الشيخ وكم واحد
شاف سوسن عم تبكي وتدق ع الباب
اياد : شبك .. شوفي
سوسن : ميس .. ميس .. يمكن انتحرت
اياد : شووووو
بسرعة فتح الباب وشاف ميس بالارض والدم ماشي بأرض الغرفة .. بهل الاثناء فات احمد وكان معو كم واحد ركض وشاف ميس بالارض .. مسك اياد من تيابو وصار يضربو
احمد : شو عملتلا ياحقير .. قتلتا ياواطي
اياد : انت شو دخلك
احمد : هي حبيبتي ..
نزل ع الارض وصار يفيقا ويهزا
احمد : ميس .. ميس .. ياعمري .. ياروحي انا احمد انا هون
حملا وطلع بسرعة اجا اياد بدو يوقفو بس احمد اشر لرجالو .. وهجمو وصارو يضربوه ويضربو كلشي موجودويكسرو كلشي .. اخد احمد ميس وراح بسرعة ع المشفى
....................
الدنيا صارت ليل وجمال واية بعدون واقفين بالسيارة
اية : مطولين نحنا هون
جمال : لا
دور السيارة ومشي
اية : واخيرا اقتنعت .. ورح توصلني ع البيت
جمال : لا .. مين قلك انو رح وصلك ع البيت
اية : لكن عوين رايحين
جمال : ع مكان انام فيه هالليلة
اية : لك مشان الله افهام انا ماني الك وحاج تحاول ووصلني ع البيت لانو اهلي صارو داقين كتير ومعد فيني اكذب عليهن اكتر من هيك
جمال : قولي انك رح ترجعيلي وتعطيني فرصة ساعتها برجعك ع بيتك وغير هيك لاتحلمي
اية : طيييب اذا هيك الحكي وانت كمان لاتحلم انو اعطيك فرصة
مسكت التلفون ودقت لامها : الو ماما ... اي حبيبتي .. انا رح نام عند لمى اليوم ... لا لاتخافي والله انا كتير منيحة ... سلمي ع بابا يلا سلام
جمال: كتير منيح
ضل يمشي بالسيارة فترة صغيرة .. وفجأة طلع قدامون قطاعين طرق ملتمين وكل ومعون اسلحة
شحط فرام جمال بسرعة لانو فجاة صارو قدامو .. وهنن بسرعة هجمو ع السيارة ورفعو بوجهون الاسلحة
اية صرخت بخوف : لاااااا ... ياماما
فتحو البواب وقالو انزلو بدون ولا حركة واديكن لفوق
رفع جمال واية اديهن
اية : الله ينتقم منك ياجمال كلو منك
نزلو من السيارة ووقفوهن حد بعض.. وضربو الضو عليهن
جمال : مين انتو .. وشوبدكن
حكي واحد : مبين مين نحنا وشو بدنا
جمال : شو مابدكن خدو وتركونا نمشي
الشب : بدنا ناخد منك كلشي
جمال : انا موافق بس تركونا
الشب : رح ناخد السيارة والمصاري يلي معك والموبايل وكماااان .. هي "واشر على اية
جمال واية : شوووو
جمال : قلتلكن خدو كلشي بس هي البنت محدا بقرب عليها
الشب : طيب شو رأيك انو معد بدنا منك شي غير هي البنت
جمال : لاتحلمو تلمسوها
اية : اي انا موافقة خدوني وخلصوني منو
جمال : اااية
اية : خيير .. ليش ماحضرتك كنت خاطفني وهدول بدون يخطفوني انتو متل بعض
جمال : بس انا بحبك
اية :وانا قلتلك مابحبك ...لو مقتنع من الاول ماكنا وصلنا لهون
جمال : كذابة
اية : لا ماني كذاب
الشب : هييي .. انت واياها احكو معي انا هون
اية وجمال بصوت واحد :انت خرااس
سكت الشب ومعد حكي
جمال : اية انا بحبك مستحيل اتركك
اية : واضح كتير انك بتحبني .. انت بتحب مايا وعم تحبني لاني بشبها مو اكتر يا استاذ
الشب كتف اديه ووقف يتفرج هلى حوار جمال واية
اية : ما انا قلت لشهد توصلك بما انو معك مصاري روح اعمل منها تمثال شمع .. ما احسن ما تستخدمني انا متل شي لعبة
جمال : ياربي دخيلك هاي البنت رح تجنني... انا غلطت بس والله مشاعري مابتغلط ولاقلبي بيعرف يكذب
اية ،: اطمن بيعرف يكذب لانو انت صاحبو ...
الشب : انتو هلأ شفتو بعض يعني
اية وجمال : انت خرااس
الشب انقهر وقال : بكفييي .. شو انا موقفكن مشان اسمع مشاكلكن .. شباب جبيوها وخليه يفل من هون
اية : اي خدوني .. احسن ماضل مع واحد متسلط ومصلحجي متلو
جمال : انا متسلط ومصلحجي
اية : ايي واستغلالي كمان
جمال : اية لاتخلني طلع جناني هلأ
اية : طالعو ومين ماسكك
جمال : انا غلاطان لاني حبيت وحدة متلك .. انتو ياشباب ماكنتو بدكن اياها خدوها مبروكي عليكن ..وين مفتاح سيارتي
الشب : هاد هو خدو وروح من هون
جمال : هاتو
اخدو ومشي اتجاه السيارة .. والشباب مسكوها لاية وسحبوها ...
اية حست انو صارت وحدانية وجمال تخلى عنا ...
اية : جمااال لا تتركني
جمال : اتأخرتي
اية : لك جمااال بدك تتركني بين ادين هدول المجرمين
جمال : ما انتي بدك تروحي معون ... روحي الله معك
برم ضهرو ومشي
اية صارت تبكي
جمال بحركة سريعة مسك واحد كان قريب منو وخلصو من سلاحو وحطوا براسو
جمال : اي حركة بتعتبرو صديقكن مات
الشب : اخييي ..... اتركوو احسنلك
جمال سحبو وصار يرجع لورا فتح باب السيارة وركبو جنبو وهو برم وركب بسرعة مكانو والمسدس على راس الشب
جمال : بدكن اياه عايش تركوها
محدا حكي
جمال : تركوووها
الشب : تركوها
تركوها واية بسرعة راحت وركبت بالسيارة من ورا
جمال : بعد مية متر رح نزلو واي حدا بحاول يلحقنا او يقوص علينا رح اقتلو قبل ما اتركو عم تفهمو
جمال : افتحو الطريق
فتحولو الطريق
جمال : اية خدي هاد المسدس وخليه على راسو واي حركة بتقوسيه
اية بخوف : ماشي
اخدت المسدس منو وخلتا موجهة على راس الشب
مشي جمال .. وبعد مية متر نزلو ... وبعد مية متر تانية رمو المسدس ومشو بسرعة
اية تنهدت لما نفدو
اية : بكرهك .. بكرهك
جمال : هههههههه .. لك انتي مجنونة كيف كنتي عم تقولي بدك تروحي معون مفكرة معك الكاميرا الخفية
اية : كنت بدي غيظك .. بس ماتوقعتك ندل وتتركني
جمال : انااا ندل .. وتركت
اية : قصدي فكرتك بدك تتركني
جمال : اعتذري
اية : على شو
جمال : على كلمة ندل
اية : بلله شووو .. والله ما بعرف مين بدو يعتذر من التاني انا ولا انت .. مو حضرتك يلي وصلتنا لهون
جمال : المهم .. تعالي لجنبي
اية : هون مرتاحة
جمال : ماشي
اية : شوبدك تعمل
جمال : هلأ بتعرفي
مشي ووقف بمكان عتمة ونزل من السيارة وفتح باب الخلفي على اية وفات لجنبا .. شلح جاكيتو ورماه ع الكرسي الامامي
اية : شو عم تعمل
جمال : شو شايفة
راحت بسرعة لعند الباب التاني بس كان مقفول
اية : بترجاك لاتغلط .. وفتلحي الباب
جمال قرب منها وهية لازقة بالباب قرب منها كتير ومسكلا وجها بأيدو وقرب بدو يبوسا
اية غمضت عيونا وهية عم تبكي وتقول : لا لا بترجاك
قرب من وجها كتير وهو عم يتطلع عليها كيف مغمضة وعم ينزلو دموعا .. هية سكنت وكأنها ناطرة البوسة بس هو ماباسا بس كان قريب منها كتير وعم يتأملا
فتحت عيونا وشافتو عم يتطلع عليها واستغربت انو ماباسا
اية : مشان الله قلي شو بدك
جمال : فرصة
اية زاد بكاها وقربت وضمتو .. هو استغرب منها كمان ضمها اكتر
جمال : شو اية
اية : مافي حل تاني
جمال ضما بقوة وقال : بحبك .. بحبك
اية غمضت عيونا مع ابتسامة وسندت راسا على كتفو .. وقالت بقلبا : بحبك .. اشتقتلك
بعد فترة بعدو عن بعض وقالت : انا عملت هيك مشان اخلص من نقك .. وكمان لاعطيك فرصة مشان ما اظلمك .. واتأكد لو مابعدني بحبك لاتحلم بهي الفرصة .. بس قلبي طيب شو اعمل
جمال : بعشقك انتي وقلبك
رجع ضما على صدرو .. وهية كانت كتير مبسوطة .. وفرحت كتير لانها اخدت هالقرار
وهنن ضامين بعض حكي جمال : شو يلي غيرلك رأيك
اية : كنت خايفة انك تأذيني .. ولما اتأكدت انو ماممكن تأذيني ماشفت حالي الا وضمتتك
جمال : قوليلي بحبك
اية : لا بكير .. انت هلا تحت الاختبار
جمال : متل مابدك
اية : مابدك ترجعني ع البيت
جمال : اكيد بس لحتى اشبع منك
اية بعدت عنو وقالت : بغير رأيي بعدين
جمال : لا دخليك ..
نزلو وقعدو بالكراسي الامامي ومشو
.........................
بالمشفى
بلشت ميس تفيق .. كان كلشي مغبش قداما .. بلشت تشوف وحدة لابسة ابيض واقفة فرق راسا .. وكيس دمس ملعق
ميس : وين انا
الممرضة : بالمشفى
ميس اتذكرت كلشي واتجلست بسرعة وصارت تتطلع على اديها ..
الممرضة : اطمني تجاوزتي مرحلة الخطر
ميس : مامتت انا
الممرضة : لا الحمد لله لحقناكي على اخر نفس
ميس : مين جابني لهون
الممرضة: جوزك .. كان كتير ملهوف عليكي.. شلكو كتير بحبك .. بس ليش لحتى تعملي شي متل هيك وانتي مشالله عنك متل القمر وجوزك بحبك وبجنون
ميس : جوززي ؟؟
الممرضة : اي جوزك .. هو هلأ راح يعملك الوراق وشوي وبيجي
طلعت الممرضة ..وميس صارت تضرب على وجها : ياربي ماخلصت منو .. حتى لاحقني لهون .. ياربي .. ياربي ..يارب خلصني منو انا مابدي اياه
احمد : مين هو
اتطلعت ع الباب وشافت احمد
ميس : احمد !!
احمد : اي احمد .. ليش مستغربة
ميس : مين جابني لهون
احمد : انا
ميس : لكن مين جوزي يلي كانت عم تقول عليه الممرضى
احمد : ههههه انا .. يمكن فكروني زوجك
ميس : واياد وينو
احمد : اياد انسيه اخد نصيبو .. انا اسف بس كان التلفون بعيد عني لما اتصلتي ولما شفتو رحت لعندك فورا
ميس : اممم .. شكرا كتير الك
احمد : العفو .. بس ليش هيك عملتي
ميس : ليش لحتى ما اعمل هيك .. فجاة حسيت اديش انا وحدانية وما الي حدا وكان الموت علي اهون من انو كون لواحد متل اياد
احمد : وانا وين رحت
ميس : انت بحالك .. ولما طلبتك ومارديت فكرت انو عن قصد مارديت
احمد : معقول هيك فكرتي فيني
ميس : يمكن قلت خرجا الله لايقيما وبتستاهل واحد متل اياد ...
حط ايدو على تما
احمد : هشش انا مستحيل فكر هيك ..
بعدت ايدو عن تما وقالت : ع كل حال طلعت اصيل وشكرا كتير الك وهالمعروف بعمري مارح انساه .. واول ما اطلع من هون رح اعطيك مصاريف المشفى .. ورح اختفي متل ما وعدتك
احمد : اوك .. المهم هلأ ارتاحي ... انا رايح جبلك شي تاكليه لانك خسرتي دم كتير
هزت براسا وهية حزينة
.......................
اية عم تدق على باب لمى .. فتحتلا لمى .. واول ماشافتا ضمتا وصارت تنط من كتر الفرحة
لمى : شو صايرلك يامجنونة
اية : رجعتلو
لمى : لمين
اية : لجمال
لمى : انتي متأكدة
اية : اي اي .. بحبو ومابقدر عيش بعيدة عنو وهو كان رح يموت على فراقي
لمى : الله يهنيكي
اية : كأنك مافرحتيلي
لمى : لا بالعكس ..
ابة ؛ عنجد شوفي
لمى : اية انا بعرفك كتير منيح .. وتفكيرك بكرا انو كان يحب وحدة بتشبهك رح يداقك كتير مع الايام
اية : بس هو هلأ بحبني
لمى :بعرف .. بس بدي انتي تضلي مقتنعة بهاد الحكي .
اية صفنت شوي وقالت : هلأ هية صعبة .. بس قلبي بدو هيك
لمى : لكن الله يهنيكي ياروحي
اية : تسلميلي يا احلا رفيقة
لمى : بدك تخبري اهلك
اية : لا لبكرا .. تعالي لاحكيلك شو صار عهههه
لمى : ههه يلا تعالي
....................
تاني يوم
فاتت اية ع بيت اهلو لاحمد وكانت مبستمة .. واول مافاتت شافت فردوس لابسة وكأنو طالعة ع مكان
اية : ع وين ماما
فردوس : اهلين ياروح الماما ..رايحة ع قبر مايا زورا تروحي معي
اية : لا مابحب
فردوس : ع راحتك .. فوتي اتسلي مع البنات(قصدا الخادمات) لحتى اجي
اية : اي ماشي
مشت اتجاه المطبخ خطوتين .. بس فكرت انو هية اخدت حبيبا لمايا يعني لازم تروح تزور وتعتذر منا وهية فرصة منيحة
اية : لحظة ماما جاي معك
فردوس : اي يلا
مشو لعند الباب .. وقفون صوت الجد عبد الرزاق : ع وين يافردوس
فردوس : ع المقبرة ياعمي
عبد الرزاق : شو يعني كل فترة بتروحي شو بتلاقي غير شوية تراب اقريلا الفاتحة من هون بتوصلا
فردوس بقهر : انا هنيك برتاح اكتر
عبد الرزاق : اي لكن الله معك
فردوس : بخاطرك
عبد الرزاق : لحظة
فردوس بقهر : نعم
عبد الرزاق : وينو احمد كأنو مانام بالبيت
فردوس : اي احكيت معو كان نايم مع رفيقو بالمشفى
عبد الرزاق : اي
لف ضهرو ورجع عغرفتو
فردوس : امشي بنتي امشي
مشت اية بدون ولا كلمة .. ركبو السيارة وراحو
...................
جمال ماشي بسيارتو وحدو شهد
شهد: اي شو هالمغامرة هي هههههه .
جمال : بس الحمد لله الله سترا وقدرنا نهرب منون
شهد : اي والله الله لطف .. بس المهم انو قبلت ترجعلك ايوش
جمال : اي والله انا كتير فرحان ... ماني مصدق ايمت خلص شغلي ورح شوفا
شهد : شو عندك هلأ
جمال : هلأ اولةشغلة بدي اعملا بدي روح لعند قبر مايا لانو كتير فرحان وحابب احكيلا كلشي
شهد : لكن انا بدي روح معك
جمال : اوك .. بس لوقف اشتري ورد
وقف اشترى ورد و راح ع المقبرة .. ووصل لهنيك قبل اية وفردوس
قربو من القبر حط الوردات وقرولا الفاتحة .. وشهد راحت وقفت بعيد وجمال قعد صار يحكي معا
مايا : انا كتير فرحان .. واخيرا اية قلبت ترجعلي .. ااه لوتعرفي شو عملت فيني .. بس عنجد حبيتا لانها بتشبهك هههه بس لاتقوليلا والله بترجع بتزعل.. المشكلة انو انا حبيتكون انتو التنين سوا ونفس المحبة . ....
فاتت فردوس واية من باب المقبرة
اية : ماما كل ايمت بتجي لهون
فردوس : تقريبا كل جمعة
اية : الله يرحما
فردوس : آمين
اية : وين صار قبرا
فردوس اتطلع اتجاه القبر وابتسمت لما شافت جمال بس هو كان داير ضهرو بس هية عرفتو لانو هو الوحيد يلي بيجي على قبر مايا على طول وقالت : هنيك
اتطلعت اية وشافت شخص قاعد عند القبر بس ماعرفتو
اية : ماما مين هداك يلي قاعد عند القبر
فردوس : مافي غيرو يقبر قلبي جمال
اية لما سمعت اسم جمال .. حستو نزل عليها متل الصاعقة ووقفت مكانا
تابعت فردوس مشيا لعند القبر ... وشهد شافت اية واقفة مصدومة وعم تتطلع على جمال .. قام ضربت على راسا وقالت : لاااا .. ما وقتك ابدا
وصلت فردوس لعند جمال وقالت : مرحبا حبيبي
وقف جمال يسلم على فردوس بس تفاجئ بأية واقفة وراها ودموعا نازلين على خدا
جمال : اية ؟؟
فردوس التفتت على اية لقتا واقفة جامدة مكانا والدمعة بعيونا
فردوس : شبك حبيبتي تعالي قربي
حس جمال انو اية غارت لانو عم يزور قبر مايا وقرب منها ليبررلا ليش اجا
جمال : اية انا ..
اية : لاتحكي ولا كلمة .. كلشي واضح .تركتو وطلعت تركض وهية عم تبكي من المقبرة
فردوس : شو في
جمال بخيبة امل : مافي شي
قربت شهد منو وحطت ايدا على كتفو وطبطبت عليه بدون ولا كلمة
جمال تركون ومشي
فردوس : شهد بنتي فهميني شوفي
شهد : هلأ بفهمك كلشي
.........................
طلعت اية عم تبكي ركبت تاكسي ومشت... كانت مخنوقة كتير ومانا عرفانة وين تروح .. فكرت تروح لعند لمى بس خافت تشمت فيها او تعطيها محاضرات انها استعجلت لما رجعتلو .. نزلت جنب حديقة عامة فاتت عليها وصارت تشوف ع كل مقعد قاعد تنين مع بعض ومبين عليهن عشاق وهالشي زاد القهر يلي بقلبا .. لقت مقعد فاضي راحت قعدت عليه وصارت تبكي بصوت واطي وتمسح دموعا بكلينكس .. صار تلفونا يرن وكان جمال .. دق عدة مرات وهية ماترد
اية : خلص لازم حطلو حد ... الو
جمال : وينك
اية : مو مهم .. انت ليش متصل
جمال : قوليلي وينك انا جاي لعندك
اية : مافي داعي .. شوبدك
جمال : اية انتي فهمتي غلط انا كنت عم زورا لاني كنت فرحان انك رجعتيلي وعم احكيلا
اية : اسماع جمال انا مافيني امنعك انك ماتزورا لانو هي كانت خطيبتك وحبيبتك وبعرف انو انا مجنونة اذا بغار من وحدة ميتة .. بس انا مابقدر مابقدر كمل مع صراع بيني وبين حالي انو انت مين بتحب ولما بتتطلع علي بتشوف مايا او اية حتى لو انت قلت انك بتحبني الشك يلي جواتي رح يضل يذكرني انا مين وانت ليش حبيبتني مشان هيك انا اسفة ومابقدر كمل معك .. جمال بترجاك لهون بكفي ولاتحاول معي لانو من سابع المستحيلات كمل معك وهالشك جواتي
جمال : بس انا والله بحبك
اية : وبتحبا الها كمان .. لو مابتحبا ماكنت رحت لعندا جمال انت شخصيا مانك عرفان مين تحب يمكن الشبه اسر على قلبك ومعد خلاك تميز .. انا اسفة بس بكفي سلام . وسكرت
جمال عم يبكي : والله بحبك ... والله بحبكك
وصار يضرب على دركيسيون السيارة بعصبية
..............................
بعد ساعة واية على نفس الوضعية .. برن تلفونا وبكون احمد
اية : الو
احمد : اية وين انتي هلأ
اية : ليش
احمد : بدي تجي تضلي مع ميس هية بالمشفى لانو حاولت تنتحر وبدي تضلي جنبا
اية ما تفاجئت لما سمعت كلمة انتحار وقالت : شو انت جابيني خدامة لسه تعي وروحي .
احمد : اااه ... اي ماشي واسف ع الازعاج
اية : لحظة .. هية بأيو مشفى
احمد: خلص مافي داعي
اية : انا اسفة بس صار مشكلة بيني وبين جمال ومقهورة وطلعت الفشة براسك
احمد : ليش شو صار
اية : المهم وين المشفى
.........................
وصلت اية ع المشفى وكان احمد بأنتظارا
احمد : شو صار
اية : ولا شي .. بس الله يسامحك كلو منك
احمد : انا اسف .. ماكنت متوقع الامور توصل لهون
اية : لأ كنت متوقع وهاد يلي كان بدك اياه .. كان بدك تشوف جمال عم يعاني وهي عم يعاني وانا كمان عم عاني
احمد: صاير شي جديد
اية : صاير اشيا .. مو بس شي
احمد : بتحبي تحكيلي
اية : لأ ... وين غرفة ميس وشو صاير معا
احمد : هديك الغرفة ... بدي منك تضلي جنبا لبكرا وماتخليها تغيب عن عينك .
اية : ليش خايف تهرب
احمد : مو هيك بس انا لحد الان ماقلتلا انو بدي اياها
اية : وشو ناطر
احمد : من هون لبكرا رح جهز للعرس وبدي اعملا مفاجئة
اية : الله يهنيك
تركتو ومشت اتجاه الغرفة
احمد قلبو وجعو على اية وعرف اشقد جرحا
دقت الباب وفاتت
اية : مرحبا
ميس : اهلين .. مين انتي
اية : انا بشتغل عند احمد طلب مني ضل جنبك
ميس : اي يكتر خيرك وخير احمد
التنتين عم يحكو من غير نفس
قعدت اية ع الكرسي مقبال الشباك وسرحت
ميس اتطلعت هليها وشافت الحزن يلي بعيونا
ميس : انتي منيحة
اية اخدت نفس عميق وقالت : اي منيحة .. انتي كيفك
ميس : منيحة
اية : قالت حاولتي تنتحري
ميس هزت براسا
اية : مارح اسألك ليش لانو هالحياة مابدا غير انتحار
ميس : شكلو الجرح يلي جواتك كبير
اية : اي والله .
ميس : شو المشكلة .. احكي اذا مابزعجك
اية : هههه بس عم غار من وحدة ميتة ... او عم اتنافس انا ووحدة ميتة على واحد... او حبيبي محتارة بيني وبين وحدة ميتة
ميس : مافهمت شي
اية : هه بكون احسن .. قومي لساعدك تفوتي ع الحمام تغيري تيابك وبعدا تاكلي شي
ساعدتا اية لتغير تيابا وبعدين طعمتا
ميس : وينو احمد
اية : ليش عم تسألي
ميس : لا بس سؤال
اية : هه اي احمد مانو فاضيلك مشغول
ميس بحزن : اي الله يقويه
اية : بدك ماتزعلي كلون هيك .. مابيهتمو بحدا
ميس : لا ليش لحتى ازعل ..مزال انا مابعنيلو شي
اية : انتي هيك مفكرة
ميس : مافهمت
اية : بكرا بتفهمي كلشي .. انا طالعة خبر اهلي انو رح ابقى معك اليوم
ميس : اي ماشي
طلعت اية خبرت اهلا انو رح تنام مع زميلة بالشغل تعبانة وماالها حدا
واحمد راح خبر اهلو وطبع بطاقات العرس وبلش بتجهيز الفيلا للعرس
المسا لمى حكت اية .. بس اية ماخبرتا شي وقالتلا بكرا بتقلا كلشي وجه لوجه .. واتصل فيها احمد واطمن على ميس .. وخبرا مشان تاني يوم يجهزو حالن بكير مشان تروح ميس تختار فستان وتلحق تظبط حالا
يتبع .........
حبيييت
ردحذفاييه شكرا كتيير حلوة 🍃🍃
❤❤
ردحذفكتيرررر حلوة
ردحذف💜💜
ردحذفممتعة القصة ناطرين البقية
ردحذفكتيرررر عم تحلى 💟💟
ردحذفحلوة كثيييير 🌷
ردحذفحلوي يسلمو ايديكب
ردحذفايديكي
ردحذفnice
ردحذف٨
ردحذفيالله كتيييييير حلوة امانة طوليها لا اتخليا تخلص بسرعة و لا اتطولي بنشر أجزائها اي 😍😍😍😍
كإنو آيه بتطلع اختو لأحمد
ردحذفبتجنن
ردحذفبتجنن
ردحذفكملوهاا
ردحذف❤❤❤❤
ردحذفكتير حلوه 😍😍
ردحذفمتى الجزء ال 10؟!
ردحذفبجنن يسلمو ايديكي✌
ردحذفامتى الكمالة 😢
ردحذف