ضحية الحاضر والماضي الجزء العاشر قبل الاخير

#ضحية_الحاضر_والماضي

#بقلم_مريم_اليوسف

#الجزء_العاشر

طلعت الشمس وحاملة بنورها الفرح والتفائل بالنسبة لاحمد وميس اما اية وجمال يمكن رح تضل شمسون مغطيتها الغيوم فترة

كانت اية نايمة على كرسي جنب تخت ميس حست على حدا عم يفيقا بصوت واطي فتحت عيونا وكان احمد

احمد بصوت واطي : صباح الخير

اية : صباح النور

احمد: اسف عم عزبك معي

اية : مامشكلة

شافت بايدو وردة حمرا

اية : انا طالعة جيب فنجان قهوة

طلعت وقام احمد قعد حد ميس وصار يمرر الوردة على وجها

فتحت عيونا واتفاجئت بأحمد عم يتطلع عليها بكل حب

نقزت ورجعت لورا

احمد : لا تخافي انا احمد

ميس : اهلين احمد .. في شي

احمد : صباح الخير

ميس : صباح النور

قرب وقعد جنبا وحط ايدو على كتفا وبالايد التاني عطاها الوردة

هية تفاجئت وفرحت بنفس الوقت

ميس : شو هي

احمد اتطلع ع الوردة وقال : يمكن وردة

هية ابتسمت وقالت : بعرف وردة بس ليش

احمد : عربون صداقة

ميس عرفت انو عم يمزح وقالت : مافي صديق بيهدي صديقتو وردة حمرا وبيقعد جنبا هالقعدة

احمد : طيب عربون حب شو رأيك

ميس : رأيي انو لأ

احمد تفاجئ : ليش

ميس : يعني مابدا كل هالوقت لحتى تفكر وتقرر انك تجي وتعترفلي بحبك

احمد : ومين قلك انو اخدت كل هالوقت وانا عم فكر

ميس : لكن وينك من مبارح مو مبين ولا حتى اتصلت واتطمنت علي

احمد : بصراحة كنت مشغول بشي اهم من انو واجي قلك انو بحبك

ميس: يعني في شي اهم مني

احمد : انا ماقلت اهم منك .. انا قلت اهم من انو اجي

ميس : طيب انا مابدي عطلك روح لعند هالشي المهم

احمد : مابدك تعرفي شو هو الشي المهم

ميس : لا مابهمني ولو سمحت بعد عني عم تدايقني

احمد : الشي المهم هو كنت عم حضر لعرسي

ميس : عرسسك؟؟

احمد :اي عرسي وهلأ جاي لحتى اخد العروس

ميس : عرس مين وعروس شوو

احمد : لك شبك بطلتي تفرزي ...اول ماشفت رسالتك جنيت انو ممكن حدا ياخدك مني..  مشان هيك اول ماجبتك واتطمنت عليكي رحت جهزت لحتى نتزوج لانو معد استحمل بعدك عني اكتر من هيك .. فهمتي هلأ

ميس : بس انا ماني موافقة

احمد : حبيبتي انا صبري بلش يخلص .. وبدك توافقي غصب عنك فهمتي

ميس : لا ما..

ماكملت الكلمة الا وقاطعة ببوسة على تما خرستا .. وهية حست حالا انشلت عن الحركة وماقدرت تقاومو او تمنعو ...... بعد عنها وقال : وليي على قلبي ما اطيبك ....لسه بدي اصبر للمسا

هية خلجت وماردت

احمد : شو موافقة ولا لأ

ميس منزلة راسا وماردت

احمد : شوووو

هزت براسا بأي

احمد: اي هيك ها ..انا بحب الزوجة المطيعة .. قال من مبارح عم جهز واركض وقال مانها موافقة هههههه

ميس : بسيطة يا احمد

احمد مسكها من انفا وقال : دخيلو يلي عم يهدد

قام وقال انا طالع ورح تفوت اية لعندك بتجهزي حالك وبتطلعو لانو بدك تروحي تنقي الفستان وتلحقي تروحي ع الكوفير

اتطلعت على اديها الملفوفين بالشاش من عند المعصم وقالت كيف بدي البس فتسان وادي هيك

احمد : امممم ... نقي واحد بكم

ميس : اي والله صح هاد يلي دارج

احمد : اي لكن يلا قومي ولاتتكاسلي

ميس مع ابتسامة : ماشي

احمد : لك دخيلا هالابتسامة 

مشي خطوتين لعند الباب ووقفو صوت ميس

ميس : احمد

احمد : يا عيونو لاحمد

ميس : بحبك

ابتسم وقال : رح احتفظ بحق الرد للمسا ههههه لانو اذا بدي رد عليكي بطريقتي هلأ مشكلة

ميس : ههههههه

بعتلا بوسة ع الهوا وطلع .. كانت اية قاعد بالكوريدور ومعا كاسة قهوة عم تشربا وصافنة

قرب وقعد جنبا وقال : كيفك

هزت براسا انو منيحة

احمد : مابعرف اذا كلمة اسف كافية لحتى عبرلك عن اسفي وندمي انو عملت فيكي هيك

اية : المشكلة انو ما بتتذكر الاسف الا بعد ماتجرحو الواحد

احمد : انا فكرت انو بمبلغ منيح بتنسي

اية : هلأ انت لو عطوك كنوز الدنيا بتقدر تتنسا ميس

احمد سكت ومارد

اية : عمرا المشاعر ما كانت سلعة بتنباع وبتشرا .. بس انا ماني زعلانة منك .. بالعكس علمتوني درس انو بعمري ما اوثق بحدا .. وانو هالدنيا كلا مصالح واستغلال حتى جمال كان عم يحبني ليستغل شكلي مو اكتر

احمد : انا بعرف جمال منيح .. وهو عنجد بحبك حاولي تعطيه فرصة

اية : ومين قلك انو ما عطيتو

احمد : وشو صار

اية : مبارح رحت انا وامك ع قبر اختك وشفتو هنيك ومعو بوكيه ورد .. ممكن توضحلي شو كان عم يعمل عند قبرا ... يمكن مايكون لانو بحبا عم يزورا بس انا مابقدر عيش مع شخص مابعرف كيف بينظرلي .. مابعرف اذا كان قاصد بمشاعرو انا او مايا .. لو مابتشبهني كان ممكن خليه ينساها ويكمل معي .. بس المشكلة انو انا انصدمت فيها وماقدرت ميزا عني كيف هو... واصلا لما شفتو مبارح اتاكدت انو بعدو بحبا

احمد: معك حق صعبة ..  بس لو بحبا ماكان طلب منك فرصة تانية .. وانا متاكد انو بحبك

اية : مابعرف .. بس الشك جواتي ورح يضل جواتي مشان هيك انا قررت بلش من جديد وبدي دور على حب جديد

احمد : مابعرف بالاخير هي حياتك وانتي حرة

اية : وانت  خلصت انتقامك

احمد : بصراحة .. المرحلة يلي وصلتو الها بتكفيني .. وكمان عم راجع حالي وعم قول انو يمكن ماهو يلي قتل مايا

اية : هه اي منيح .. لكن ماتدور على القاتل الحقيقي

احمد : رح ارجع افتح القضية بس رح افتحا بشكل سري لازم اعرف مين هو القتال

اية : ان شاء الله تظهر الحقيقة ..وتصفى القلوب

احمد : آمين .. انا هلأ بدي روح في سيارة ناطرتكون تحت انتي وميس .. هلأ بيجي الدكتور بخرج ميس السيارة رح توصلكن ع محل فساتين وبعدا رح يوصلكن لعند الكوفير

اية : اوك

احمد : كمان انتي جيبي فستان وعملي شعرك بدي اياكي بأحلى طلة

اية : بعتزر

احمد : مافي اعتزار بعدين بزعل منك

اية : هههه وليش انا بهمني زعلك

احمد : طيب مشان ماما من مبارح عم تسألني عنك

اية : طيب ماشي كرمال امك بس

احمد : هههه يكتر خيرك لكن

قام احمد وراح واية حست برايحة لما حكت مع احمد حست في شي بيربطا فيه وكأنو مانو غريب .. يعني بتاخد راحتا بالحكي معو .. رمت الكاسة بسلة المهملات وفاتت لعند ميس ساعدتا بضب غراضا واجا الدكتور عطاهن ورقة التخريج وطلعو ركبو بالسيارة

ميس : اية انا جوعانة

اية : خسا الجوع .. لو سمحت وصلنا ع محل نفطر فيه

الشوفير : حاضر

.........................

بشركة جمال قاعد وعم يفتل على كرسيه .. فاتت لعندو شهد

قربت منو ورمت ع الطاولة كرت عرس احمد

جمال : شو هاد

مسكو وفتحو

جمال : عرس احمد اليوم ؟؟

شهد : اي

جمال : اي الله يهنيه

شهد : مابدك تروح

جمال : انا ؟؟

شهد : اي هاد الكرت الك الخالة فردوس طلبت مني وصلك اياه

جمال : لا ماني رايح

شهد: ليش

جمال : شو ليش نسيتي احمد شو عمل معي .. يعني اكيد مارح سامحو فورا وروح على عرسو

شهد : كرمال الخالة فردوس ع القليلة

جمال : لا مابدي

شهد : وكرمال اية

جمال : هههههه ضحكتيني من كل قلبي

شهد : طيب هية ليش زعلت

جمال : مابعرف .. مابعرف

شهد : بصراحة هلأ لو تحلفلا ع المصحف معد تصدق انو بتحبا ومابتحب مايا 

جمال :  لا تصدق .. انا تعبت وتعبت كتييير

شهد : شو استلمت

جمال: اي استسلمت .. وهاد قلبي بدي ادعس عليه برجلي اذا لسه بدي حب او حن لحدا خلص انا هيك بدي كمل ...

شهد : بتسمحلي قلك كذاب

ابتسم ومارد

...................

فطرو ميس واية وبعدا راح اشترو فستان حلو كتير الو شاحط و كمان ومفتوح لنص ضهرو ومكشوف من على صدرو .. واية اشترت فستان عادي مفتوح من على ضهرو وطولو لعند الركبة لونو توتي ..وراحو ع الكوفير عملو شعورن مع ميكب .. وكانت الدنيا العصر .. اجا احمد ياخد عروستو ..

طلعت ميس ومعا اية من الباب .. واحمد تعلقت عيونو على ميس وحس حالو طاير من الفرح وكان هو بكامل اناقتو .. راح لعندا بسلا ايدا وطلع من جيبتو خاتم مرصع بالالماس ولبسا اياه

احمد : صح اتأخرت لحتى لبستك اياه بس ان تصل متأخرا افضل من الا تصل ابدا

ميس : لا انت ابدا ما اتأخرت

احمد : بحبك

ميس بخجل : وانا كمان

مسكا من ايدا وساعدها لحتى تركب معو بسيارتو المزينة .. واية راحت ركبت مع الشوفير وكانت عاملة شعرا لورا متل الشلال وكانت طالعة كتير حلوة

راحو ع الفيلا وكانت مزينة كلا فاتو العرسان وكانت كل المعازيم واصلة واستقبلو العرسان بعراضة شعبية بسيف وترس ودخان وورد عم ينزل عليهن من فوق .. مشو واية كانت ماشية عم تساعد العروس بالفستان ...سلمو على توفيق وفردوس وكانو كتير مبسوطين ولما شافو ميس وجمالا فرحو كتير انو ابنون عرف ينقي ..

توفيق : اهلا يا عروستنا نورتينا

فردوس : مشالله عليكي على هالجمال .. ماتوقعت احمد زوقو كل هالقد حلو

احمد : مشان تعرفي انو ابنك مابنقي حيلا

الكل : هههه

فاتو العرسان  ع الحديقة لانو الحفلة كان بالحديقة

وفردوس اول ماشافت اية مسكتا وصارت تبوسا

فردوس :تقبري قلبي طالعة بتجنني ..عقبالك ياروحي

اية : تسلمي لقلبي ياماما

فردوس : عشان مبارح انا زعلت منك بس ماوقتو هالحكي

اية : متل مابدك

توفيق : تعالي عمو عطيني بوسة والله صاير عم اشتقلك

اية : هههه والله وانا كمان

قربت منو وهو ضما على صدرو وباسا من راسا .. حس شعور جواتو غريب حتى نزلت من عينو دمعة بس مسحا قبل محدا يشوفا ..

توفيق : انا رايح شو بابا وينو

اية : خليك عمو انا رايحة شوفو

مشت اية بين المعازيم تدور عليه بس مالقتو ..وكملت ع قلب الفيلا لحتى تشوفو اذا بغرفتو

طلعت على الدرج لوصلت لغرفتو .. ورفعت ايدا لحتى تدق على الباب بس وقفا صوتو كان عم يحكي ع التلفون وقال: بدي تقتلوها اليووم

شهقت ورجعت لورا.. رجعت قربت ادنا من الباب لتسمع

عبد الرزاق : متل ماقلتلك ... لانو اذا ماتخلصت منا رح تجبلنا وجع راس وتشكف حقائق وينخرب بيتي...اي اليوم بعد العرس وهية رايحة على بيتا بدي اياه يبين حادث سير .. اي المسا ناطر خبرا

اية حاطة ايدا على تما ومصدومة

اية : مين بدو يقتل هاد ياربي .. شو اعمل .. بركي قتل حدا ... شو اعمل .. شو اعمل

نزلت بسرعة وهية متلبكة .. وشافت توفيق تحت بالصالون

توفيق : شو عمو ليقتي بابا

اية : ااه .. مابعرف .. مابعرف .. وطلعت فورا

صارت تتطلع بالمعازيم وحدة وحدة .. ياترى مين بدو يقتل .. اكيد وحدة هون بالحفلة بس ميين .. وليش لحتى يقتل ...معقول يامر حدا يقتل حدا ... اصبح هاد قاتل .. ياربي شو عم يصير معي

اية : معقول بدو يقتل العروس .... لا لا مابظن لانو قال بدو اياها تموت بحادث سير ..يعني رح تكون لحالا واحمد رح يكون مع العروس .. بعدين مالو مصلحة بقتل العروس اذا لسه مابيعرفا .. لكن مين بدو يقتل .. ركزي يا اية ركزي .. قال تكشف الحقائق .. عن ايو حقائق عم يحكي .. وشو قصدو عن الحقائق .. اكيد مخبي شي وخايف حدا يفضحو .. بس مييين ... معقوول ماما فردوس ؟؟ ... لا لا اصلا ماما فردوس يمكن ما تطلع من الفيلا بعد العرس اصلا ليش لحتى تطلع اذا هاد بيتا ... العما ما اغباني .. بس هون في كتير نسوان اكيد وحدة منون ... بس كيف بدي اعرفا وامنع هالجريمة من انو تصير .. لازم راقبو وشوف مع مين بدو يوقف .. وهية واقفة عم تتطلع على المعازيم اجت لعندا شهد

شهد : هاي اية

اية : اهلا

شهد : شو شبك حاسستك عم تدوري ع حدا

اية : اااه .. لا مافي شي

شهد : اذا عم تدوري على جمال فهو ما اجا

اية اتطلعت عليها بطرف عينا وقالت: انا وين وانتي وين

تركتا ومشت

شهد : شو صايرلا هي اذا ماعم تدور على جمال لكن ع مين عم تدور والله تصرفاتا ماعاجبتني

راحت اية على جنب مسكت تلفونا ودقت لسمير

اية : الو سمير .. بدي مساعدتك ضروري

سمير : شوفي

اية ؛ انا حكيتلك عن جدو لاحمد تذكرتو

سمير : اي شبو

اية : سمعتو عم يحكي ع التلفون مع واحد وطلب منو يقتل حدا

سمير : شوووو

اية : اي والله متل ماقلتلك .. شو اعمل انا

سمير : مين بدو يقتل ماعرفتي

اية : لا كل يلي عرفتو انها وحدة .. وبدون يقتلوها بحادث سيارة ... انت مابتقدر تعرف مع مين كان عم يحكي او تقدر تعيد المكالمة

سمير : لا صعب .. هاي الشغلات بس الشرطة بتقدر تجيبا

اية : ياربي شو اعمل انا مشان امنع هالجريمة انو تصير

سمير : انت ماطالع بأيدك شي تعالي ع البيت

اية : وبركي حدا مات

سمير : يعني انت طلع بأيدك شي وماعملتيه

اية : ياربي .. اوووف

سمير : متل ماقلتلك عملي

اية : مابدي اجي هلأ لحتى يروحو كل المعازيم واطمن انو ماصار على حدا شي .. او يمكن انا سمعانة غلط

سميى : متل مابدك .. بس لاتعملي شي وتتهوري وانتبهي على حالك

اية : اوكي

سكرت وراحت قعدت جنب فردوس .. واجا مأذون من المحكمة كتب الكتاب وكان احمد وميس كتير فرحانين  .. وحطو غناي للعروسين يرقصو عليها

طبعا صار يدور حديث بين المعازيم انو اية بتشيه مايا .. بس اية كانت متجنبة الكل وماتعطي مجال لحدا يحكي معا او يسألا .. وكانو يسألو فردوس وهية تقلون انو اية بتشتغل بشركة احمد

اية طول الوقت متوترة وعم تتفحص المعازيم وحدة وحدة وانو مين ممكن تكون هية الضحية

احمد عم يرقص مع ميس وكان صافن فيها وهية عم تبادلو نفس النظرة

احمد : طالعة كتير حلوة وما عم مل من شوفتك

ميس : وانت طالع كتير حلو

احمد : الله يقدرني واسعدك لاخر يوم بحياتي

ميس : الله يخليلي اياك ولا يحرمنك منك .. انت بس وجودك حدي بخليني اسعد انسانة

مسكلا ايدا باسا ورجعو يكملو رقصتون

شهد صورت اية بدون ما تنتبه وبعتتا لجمال

وصلتو الرسالة لجمال ... فتحا وانصدم بأية .. كانت طالعة كتير حلوة .. كان واقف قعد وصار يتأملا ويلمس ع الشاشة على شعرا ووجها ..

بعتلا رسالة لشهد : شكرا

خلصت الحفلة والمعازيم بلشو يروحو على بيوتن .. واحمد اخد عروستو وراحو على اوتيل خمس نجوم يقضو ليلتون وتاني يوم يسافرو ..

الدنيا كانت المسا والفيلا ماضل فيها حدا كل المعازيم راحو وضلو الخدم عم ينضفو المكان

اية : يمكن انا عم اتوهم .. او سمعانة غلط .. لو بدو يصير شي كان صار او سمعنا شي خبر

اية : ماما فردوس انا فايتة غير تيابي وروح على بيتنا من مبارح ما فتت عليه

فردوس : اي حبيبتي .. اذا بدك فوتي على غرفة مايا

اية بسرعة ؛ لا مابدي .. رايحة ع غرفة احمد لانو فاضية

اخدت تيابا وطلعت على غرفة احمد غيرت تيابا بسرعة وحطت الفستان بالكيس يلي معا ونزلت وهية نازلة على الدرج التقت بعبد الرزاق

عبد الرزاق : شو ع البيت ؟

اية بخوف : اي والله

عبد الرزاق ،: الله معك . وكمل على غرفتو

اية : ياربي ليش هيك خفت منو .. او هو بخوف

طلعت من الفيلا كانت طالبة تاكسي .. ركبت ومشت

وهية بعدا عم تفكر انو اذا يلي سمعتو عنجد صح .. مين هية .. هههه ماضل غير انا.. معقول انا .. لا انا شو الو مصلحة معي حاج تخريف انا اكيد فهمت غلط

فجأة تلفون شوفير التاكسي برن : الو .. اي .. اي ماشي .. فورا

وقف التاكسي وقال : لوسمحتي يا انسة انزلي

اية : انزل .. ليش .. وكمان لسه شوي وبوصل علىبيتنا

الشوفير : انا مستعجل كتير ياريت تنزلي بسرعة

نزلت اية وهية مستغربة ..

اية : شقد بتريد

الشوفير : ولا شي .. بس انزلي

نزلت وبلشت تمشي ع الرصيف

اية : ياترى مين دقلو .. وليش نزلني بنص الطريق يعني خمس دقايق وبكون ببيتي ليش نزلني هون .. وبعدين مين هاد يلي اتصل فيه .. وقفت شوي وصفنت .. وقالت : معقووول انااااا

فجأة شافت ضو سيارة مسرعة  جاي من بعيد .. وهية صارت تركض تبعد عن الطريق قد ما فيها .. صارا تركض والسيارة جاي باتجاها .. تركض وتتطلع لوراها شافت السيارة طلعت ع الرصيف .. طلعت قداما حاوية قمامة .. بسرعة سحبت لقدام السيارة وهربت .. والسيارة معد قدرت تغير طريقا وخبطت بالحاوية وع اسر الضربة طارت الحاوية بالجو ورجعت وقعت ع الارض .. واية عم تركض وتتطلع لوراها فجأة خبطت بعامود كهربا ووقعت ..

رجعت السيارة لورا مشان يرجع ويخلص عليها .. بس لحسن الحظ اجت سيارة قدامو .. وغير مسارو فورا وهرب ...وصلت السيارة ونزل صاحبا وشاف الحاوية بنص الطريق  ومن على جنب مطعوجة من اثر الضربة

وشاف اية واقعة بالارض والدم عم ينزف من جبينا

حملا بسرعة وحطا بالسيارة واخدا ع المشفى

وصل ع المشفى واجو الممرضين اخدوها .. وضلت شنتايتا بالسيارة

.................

اهلا لاية حسو انو اية اتأخر وصارو يدقولا وماكانت ترد .. وهية اذا بدا تتأخر بتخبرون بس هية خبرتون انها ع الطريق .. اتصلو بلمى واجت لعندون

لمى : خير شوفي

ام اية : عم ندق لاية ماعم ترد

لمى : رح حاول انا

حاولت كتير وحدا يرد

لمى : معقول مع جمال

ابو اية : ليش  شو دخلو جمال

لمى : مبارح خبرتني اية انها رجعتلو

ابو اية : شو نحنا رجل كرسي بهل البيت مابتخبرنا بشي انهار تركتو وانهار رجعتلو حتى تجي انا الي معها تصرف تاني عطينها الحرية والثقة وهية معد اخدت رأينا بشي

لمى : ماوقتو هالحكي هلأ .. بدنا نعرف وينا

ابو اية : معك رقم جمال

لمى : اي رح دقلو

ابو اية : بسرعة

دقت لمى  كان جمال سهران مع اهلو عم يتفرجو ع التلفزيون

جمال : الو

لمى : مرحبا انا لمى رفيقتا لاية

جلس قعدتو جمال وقال : شوفي

لمى : بس بدي اسألك اية معك

جمال : لا اية مو معي .. ليش وينا

لمى : لا بس من ساعة خبرت اهلا انو جاي ع البيت ولهلأ ماوصلت وعم نتصل ماعم ترد

جمال : لا مامعي .. انا رح حاول اتصل وانتو كمان واذا ردت طمنيني

لمى : ماشي ..شكرا عزبتك

سكرت لمى وقالت : مانا معو

ام اية : ياربي وين راحت هالبنت يارب  تكون معا

ابو اية : بسيطة بس حتى ترجع

ام اية : ما وقتو هالحكي .. لحتى نعرف وينا البنت

ابو اية : خليكن عم تدقو

..........................

بالمشفى

اية قاعدة على سرير بالمشفى بعد ماصحوها .. وفي ممرض عم يعقملا الجرح يلي بجبينا

الممرض : عم وجعك

اية : شوي

الممرض : الجرح سطحي ومافي داعي نقطبو

اية : اي شكرا .. بس انا كيف وصلت لهون

الممرض : في شخص برا لقاكي واقعة ع الرصيف ومجروح راسك

اية : اي خبطت بعامود الكهربا

الممرض : وكل العامود مانك شافيتيه

اية بقهر : مبلا شايفتو بس في سيارة طلعت ع الرصيف وانا خفت وركضت لحتى ابعد عن طريق قام خبطت بالعامود

الممرض : بكون سكران .. او فلتت الميزانية معو .

اية وهية صافنة قالت : بجوز

اية : وين جزداني

الممرض : مابعرف .. هلأ بسأل الشخص يلي جابك ..وهيك خلصنا

اية : فيني قوم

الممرض : لا خليكي قاعدة مشان ماتدوخي

اية : طيب

الممرض : انا رح خبر الشخص يجبلك جزدانك

اية : اي ياريت

طلع الممرض وقال للشخص : كان مع الصبية جزدان وينو

الشخص : بالسيارة .. بس هية كيفا

الممرض : منيحة

الشخص : فيني روح انا

الممرض : اي وشكرا الك

الشخص : العفو ماعملت غير واجبي .. انا رح جبلا الجزادن  وبعدا روح

طلع فتح السيارة كان تلفون اية عم يرن مسكو ليرد بس مالحق .  رجع رن وكان جمال

الشب : الو

جمال : الو مين انت وينا اية 

الشب : طول بالك البنت يلي عم تسأل عنها هية منيحة لقيتا بالطريق غايبة عن الوعي وجبتا ع المشفى

جمال : شووو ووينا هلا عطيني احكي معا

الشب : تلفونا معي بالسيارة وهلأ طالع اخدلا اياه دق بعد شوي بكون وصلتلا الجوال

جمال : وين بايو مشفى

الشب : بمشفى ...

سكر جمال و بسرعة طلع ببجامتو 

امو وابوه صارو يندهو عليه مارد وطلع فورا

عطا الشب الجزدان لاية .. واية شكرتو وطلع

فتحت تلفون وشافت بالسجلات انو جمال داقق وفي حدا رادد عليه ..

اية : ياربي مين رد عليه .. 

صار يرن تلفونا كانت لمى

اية : الو

لمى : لك وينك

اية : بالمشفى

لمى : شو صار

ابة : خبطت بعامود كهربا ع الطريق فقت لقيت حالي هون

لمى : بأيو مشفى .. نحنا جايين لعندك بسرعة

اية : بمشفى .....

...............................

بالاوتيل ..

فات احمد وهو حامل عروستو على الجناح يلي حجزو

دخلا فورا على غرفة النوم .. ونزلا ع التخت

ميس : شو حبيبي شكلك مستعجل

شلح الجاكيت ورماه وقال : اكتر ما بتتصوري

ميس : بس في شي ماخبرتك عنو

احمد : شو هو

ميس : انا عندي عذر شرعي

احمد : شوووو

ميس : بصراحة اي

احمد : وليش ماحكيتي

ميس : ايمت بدي احكي اذا انت كنت مجهز كلشي وكمان ماكنت زوجي بخجل قلك

احمد : هاه قلتيلي

ميس : زعلت ؟

احمد : لا ابدا .. يلا قومي غيري فستانك وعمل شاور بكون وصل العشا

ميس : يلا

قامت وهية مبتسمة ابتسامة نصر وفاتت ع الحمام .. وهو طلب عشا

....................

فات جمال بلهفة على غرفة اية واية تفاجئت فيه

جمال : خير شو صاير معك

اية : انت مين خبرك

جمال : مامهم قوليلي شوصار معك

اية : خبطت بعامود كهربا وغبت عن الوعي

جمال برياحة : اي الحمد لله

صارت اية تتطلع عليه من فوق لتحت كان لابس بجامة رياضية وبوط رياضي كان كتير حلو وجذاب وسرحت فيه .. فجأة حست انو الممرضات واقفين ع باب الغرفة وفاتت وحدة

الممرضة : الحمد لله ع سلامتك

اية : الله يسلمك

اتطلعت الممرضة على جمال بلطف وقالت : كيفك استاذ

جمال : اهلين

اية هون جنت ليش هديك عم تحكي جمال

الممرضة : لا تخاف عليها هية كتير منيحة وهلأ بتطلع الصورة بنطمن اكتر

جمال : شكرا الك

الممرض : هي اختك ماهيك

اية : لأ

ابتسم جمال لانو اية غارت عليه

الممرضة : لكن شو بتقربك

جمال اتطلع على اية مشان تجاوب

اية ماحكت

جمال : صديقتي

الممرضة : ونعم الصداقة والله

اية : والنعم منك 😒

الممرضة : انا رولا وحضرتك

جمال : جمال

اية : وانا اية

رولا : اي .. بدكن شي عايزين شي

اية : لا وياريت تطلعي لانو بدي ارتاح

رولا وعيونا على جمال : ماشي .. بس اذا بدكن شي اكبسو الزر وانا بكون عنكن فورا

هز جمال براسو وهو عم يكتم ضحكتو

طلعت الممرضة وهية عم تدبل بعيونا لجمال

اية : شكلك عجبتها كتير

جمال : وشو اعملا

اية : ماتعملا شي بس تقل حالك شوي

جمال : وانت ليش مقهورة بس ماتكوني غرتي

اية : اناااا .. ههه وعشو بدي غار

جمال : علي مثلا

اية : لا طبعا

جمال : طيب انا رايح شوف الدكتور

اية : مافيني شي بس ليش خلوني مابعرف وقال صورني .. بعرف كل هاد مشان يلهطو مصاري

جمال : معليش يلهطو المهم صحتك

طلع .. وفاتو اهلا وراه فورا

ام اية : خير حبيبتي شبك

اية : والله مافي شي

.................

فات جمال واتفاجئ بأهلا

جمال : مرحبا

ابو اية من غير نفس : اهلين

جمال : قال الدكتور مافيكي شي وفيكي تتطلعي هلأ .

ابو اية : يلا بنتي قومي .. خلينا نطلع من هون

اية : يلا

ابو اية لجمال : بظن هون مهمتك خلصت واسفين ع الاذعاج

جمال : مامشكلة .. اية غالية علي..يلا بالاذن .. واذا احتجتو شي خبروني

ابو اية : اطمن مارح نحتاج شي

طلع جمال 

ابو اية : ايمت رجعتيلو

اية : ما رجعتلو بابا ومافي شي بيناتنا

ابو اية : لكن ليش قالت لمى انكن رجعتو

اية : لمى فهمت الموضوع غلط ..

لمى ماحكت شي لانو عرفت انو اية عم تخبي شي

ابو اية ؛ لكن ليش هو هون

اية بعتاب : والله مابعرف مين خبرو

لمى ؛ عمو ما انت قلتلي اتصلي واساليه

ابو اية : اي صح .. يلا انا طالع حاسب مشان نطلع

طلع ابو اية وقامت اية واما ولمى طلعو من المشفى وبعد شوي لحقون ابو اية وقال : مدفوعة فاتورة المشفى

ركبو تاكسي وراحو وجمال كان بعدو واقف بسيارتو عم يشوف اية لحتى امن عليها مشي وراح على بيتو .. بس اية كان عقلا مشوش انو ليش كان بدو يقتلا .. اكيد في سبب وهية مارح تسكت ولازم تنتبه كتير منيح ...

.........................

قاعدة ميس قدام احمد عم يتعشو واحمد كان عم يطعميها بأيدو

احمد : مية صحة وهنا

ميس : ع قلبك حبيبي

احمد : انا نعست شو رأيك نقوم انام

ميس : اي والله وانا كمان

راح احمد تمدد على التخت .. وميس وقفت قدام المراي رشت برافان على رقبتا وشلحت الكامينو يلي كانت لابستو وكان تحتو قميص نوم قصير

احمد : والله حرام عليكي يلي عم تعمليه فيني

ميس : البس شي غيرو

احمد : لا لا كتير حلو .. يلا تعالي بدي نيمك بحضني واشبع منك ومن ريحتك

قربت  .. رفعت الغطا وتمددت جنب احمد ودارتلو ضهرا .. وهو سحبا لعندو وضما من خصرا وصار يستنشق ريحتا .. وطبعلا بوسة ناعمة على رقبتا

ميس : حبيبي

احمد : اي معك ياروحي

ميس : بدي اعترفلك بشي

احمد : حبيبتي انا كلشي قبل هي الليلة مابهمني

ميس : ما بتتذكر لما مرة قلتلك بدي قلك شي وانت ما سمعتني وبعدين اكتشفت الحقيقة وزعلت مني

احمد : بس هالمرة عم احكي جد وشو ماكان يلي بدك تحكيه مابدي اعرفو

ميس : بس ممكن تندم لانك ماسمعتو

احمد : اطمني مارح اندم

ميس : طيب خليني احكي

احمد : مصرة تعكريلي مزاجي .. تفضلي احكي عم اسمعك

ميس : بصراحة ..  هو.... انو ...

احمد : خليصنا ميس

ميس : بصراحة كذبت عليك كذبة صغيرة

احمد ؛ شو هية .

ميس : بالاول وعدني انك ماتزعل

احمد : احكي بالاول

ميس : وعدني

احمد : الله يمضي هالليلة ع خير .. بوعدك انو ما ازعل خلصينا احكي

ميس ؛ بصراحة .. انا

احمد : انتييي شوووو 

اتجلست وصارت تلعب باديها بتوتر

هو تجلس وقعد جنبا وقال ميس شو مخباي عني

ميس : انا

احمد : ايييييي

ميس حكت بسرعة وقالت : انا كذبت عليك لما قلتلك اني معزورة وقامت بسرعة

احمد : ارجعي قولي شو حكيتي

ميس : انت وعدتني انك ماتزعل

احمد : ميييس .

ميس بنظرة بريئة : شوو

احمد : مارح ارحمك

ميس : احمد انت قلت مارح تزعل

قام احمد من على التخت وصار يقرب منا وقال : اي ومين قلك اني زعلان

صار يقرب منا وهية ترجع لورا حتى لزقت بالحيط

احمد : هههههه مافي مهرب .. مصيرك عندي

قرب منا وحاوطا من خصرا وقرب باسا من رقبتا وهمس بادنا وقال : مو حلوة هالكذبة هالمرة سماح .. بس تاني مرة لاتعيديها ............

............................

وصلت اية ع البيت وكانت صافنة عم تتذكر جمال .. اشقد كان طالع حلو

اية بقلبا : يارربي  ليش مافي شي بيكمل معي.. بس هيك احسن خليه بعيد .. بس انا وين ويلي فيه وين لازم اعرف ليش هالختيار الجن كان بدو يقتلني  اكيد في سبب

ام اية : شو اية وين صافنة

اية : ماما هون

ابو اية : بنتي هلا بدك تحكيلي كلشي وشو هالشغل يلي عم تشتغليه ووين وجمال شو قصتو .. نحنا عطيناكي الحرية بس انتي صايرة تتصرفي كلشي من راسك ومعد اخدتي رأيينا بشي

اية : بابا والله تعبانة هلأ خلينا نأجل الحديث

ابو اية : لأ مافي ولا بكرا مافي تروحي ع الشغل

اية : طيب ماشي .. رح احكي كلشي من الاول

ابو اية : عم اسمعك

اية : بس بالنهاي بدي تدعموني وتوقفي جنبي .. لانو انا مهددة حياتي بالخطر

ابو اية : شوووو

اية : بابا بترجاك سمعني للأخير

ابو اية : احكي عم نسمع

اية : انا اول مابلشت اشتغل بشركة احمد بيك انتو عنكن علم فيها

ابو اية : صح

اية : هاد احمد هو يلي عطاني مصاري لحتى اشتري ارض البيت يلي نحنا عليها

ابو اية : كمان هي بنعرفا

اية : احمد طلب مني فوت ع شركة صديقو القديم مشان سربلو معلومات ويلي هية شركة جمال

ابو اية : ايييي ... وانتي وافقتي

اية : بصراحة اي .. لانو الو علي دين وماقدرت قلو لأ

ابو اية : ومالقى حدا غيرك يدخلا ع الشركة

اية : قال انا انسب وحدة .. لانو بشبه اختو يلي هية كانت خطيبتو لجمال

ابو اية وام اية اتطلع ببعض بصدمة

ابو اية : احمد !! شو اسم اختو

اية : اسما مايا

ابو اية وام اية : شووووو

اية استغربت من ردة فعل اهلا

اية : شبكن انصدمتو

ابو اية اخد نفس وتمالك اعصابو وقال : ليش وينا مايا هلأ

اية : مايا انقتلت ومحدا بيعرف مين قتلا واحمد اتهم جمال انو هو قاتلا مشان هيك خلاني فوت ع الشركة .. طبعا انا كل هالشي ماكنت بعرفو .

ابو اية : كملي

اية : صرت اشتغل عند جمال وهو صار بتقرب مني بعدين اعترفلي بحبو .. بس انا ماسربت معلومات ابدا لاحمد لانو ضميري ماطاوعني .. بس احمد كان هدفو الاساسي انو بعد ما يحبني جمال يطالعني خاينة بنظرو ويكسرلو قلبو ... كان هدفو انو يشوفو مكسور ومجروح

ابو اية : وصار هالشي

اية : اي صار ..وبوقتا عرفت انا انو جمال حبني لانو شبه حبيبتو ... وعاساس كل واحد راح بطريقو .. بس جمال اكتشف بسرعة انو انا برئية وماسربتلو لاحمد شي وانو كل هالشي لعبة من احمد .. وحاول يرجعلي ويعتزر كتير وانا كنت ارفض .. ولهلأ عم يحاول معي وانا عم ارفض .. مع انو اكدلي انو حبني كتير بس انا مافيني كمل معو وكان يحب وحدة بتشبهني

ابو اية : المهم خلصنا من قصة جمال ..هلا انتي وين عم تشتغلي بشركة احمد يعني ؟؟

اية : لا .. انا لما عرفت انو احمد كمان استغلني اخدت وراق الارض ورحت رميتا بوجهو عندو بالبيت ولسوء الحظ شافتني امو وغابت عن الوعي فكرتني بنتا .. اي اخدوها ع المشفى.. وتعافت .. بس احمد طلب مني ضل عند امو كل يوم روح لعندا شي ساعتين .. طبعا هو رفض ياخد وراق البيت

ابو اية : ومين حاول يقتلك

اية : بظن الجد .. جدو لاحمد اسمو عبد الرزاق

ابو اية بصدمة : هالختيار بعدو عايش

اية : ليش من وين بتعرفو

ابو اية : اااه .. لا ولا شي .. بس روحة ع هداك البيت معد في روحة

اية وقفت وقالت : بابا ماما شو مخبين عني .. لما قلتكن اسم مايا انصدمتو .. وهلأ انت عم تقول هالختيار بعدو عايش .. انتو بتعرفوها لهل العيلة

ابو وام اية : .....

اية : احكووو .. شو مخبين عني

صفنت اية وقالت : لك احكوووو ... الشبه يلي بيني وبين مايا مامجرد صدفة ماهيك ؟؟

اية : لك احكوووو ..

اية : انا بنتون ولا مايا بنتكن

ام اية عم تبكي : انتي بنتي ..انتي روحي

اية : انتو بعتو اختي

ام اية : لا .. لا .. متسحيل بيع بنت بطني

اية : شووو القصة

ابو اية : كنتي ملفوفة بحرام صغير والدم بعدو على جسمك لما ...

ام اية : لاااااا .. لاتحكي

ابو اية : اية كبرت ولازم تعرف الحقيقة

ام اية  بترجااك لأ .. بترجاك لأ

اية : مشااان الله خليه يحكي .. انا ميين ..

راحت لعند ابوها وصارت تهزو وتقولو : انااا ميين .. بابا انا ميين ... انا بنتون ؟؟

ابوها وهو عم يبكي : اي ... اي

تركتو وهية مصدومة ولمى جنبا سندتا وقعدتا على الكرسي ...ضلت صافنة وهية عم تبكي

الكل عم يبكي بدون ولا كلمة

اية بصوت خفيف : انتو خطفتوني ؟؟

ابوها : لا لا نحنا انقذناكي من الموت

اية : كيف

ابوها : كنتي اول مانك خلقانة لما جابك عبد الرزاق وعطاني اياكي قلي روح ادفنا

اية : شوو .. بترجاك احكي من الاول

ابوها : انا كنت بشتغل بالحديقة كنت اعتني بالورد والاعشاب

#########فلاااااااش_بااااااااااك########

كنت عم اشتغل بليل بالحديقة  تحت ضو القمر .. اجا لعندي عبد الرزاق حاملك ملفوفة بالحرام والدم بعدو على جسما

عبد الرزاق : كمال .. كمال

كمال : خير ياباشا

عبد الرزاق : خود هي البنت وادفنا

كمال : خير يا بيك ليش هية ميتة

عبد الرزاق : اي ميتة خلفتا فردوس وماتت والدكتور قلي مشان ماتزعل ندفنا بدون مانخبرا. . ونقلا انو بس جابت بنت

كمال : حاضر

حملتك بين ادي ورحت ع المقبره .. كنتي متل الميتة مغمضة عيونك وماكنت بعرف انك عايشة .. حطيتك ع جنب  وبلشت حفر .. خلصت حفر .. وقربت منك حملتك كان ضو القمر ضارب على وجهك .. مابعرف لما شتلك حسيت بشعور غريب .. قربت وبستك وقلت الله يرحمك .. لما قربت بوسك حسيت بنفسك ... هون انصدمت وحطيت ادني على قلبلك كان عم يدق .. وقتا جنيت وفرحت كتير وصرت اتحمد رب العالمين انك عايشة وانو امك رح تكون فرحانة كتير لما تعرف .. بوقتا ماكان في جوالات .. حملتك ورحت بسرعة ع اقرب دكان واتصلت على جدك وخبرتو انك عايشة ... لليوم مابنسى صوتو كيف صرخ بوجهي وقال : لهلأ مادفنتا

كمال : يابيك البنت عايشة كيف بدك ادفنا

عبد الرزاق : وانا بدي اقتلا .. فهمت .. يلا ادفنا وتعال بسرعة ع الفيلا

كمال : بسس

عبد الرزاق : اذا مادفنتا بدي ادفنك انت مكانا عم تفهم

انا انصدمت كتير .. واتطلعت عليكي كان بعدك متل الميتة وعرفت انو اكيد عبد الرزاق عاملك شي .. كان كل همي انو انقذك .. رحت بسرعة ع الدكتور وقلتلو هي بنتي وانك ماعم تفيقي

فحصك الدكتور .. وقلي البنت ماخدة جرعة منوم قوية وانو ممكن تموتك ... وصرت اترجاه يأنقذك

الدكتور حولني ع المشفى .. .. رحت حطيتك بالمشفى ورحت عالفيلا

عبد الرزاق : دفنتا

كمال: اي يابيك

عبد الرزاق : اذا عم تكذب ماتلوم الا حالك

كمال : اذا بتحب بكرا باخدك ع القبر واذا بدك بنبشو وبتتأكد بنفسك

عبد الرزاق : ماشي

انا قلت هيك مشان يتأكد.. بس بعرف انو مارح يروح ولا رح يجي ..كملت ع غرفة الخدم كانت امك عم تشتغل بين الخدم وكانت قريبة مني كتير .. فيقتا واخدتا لبرا وحكيتلا كلشي صار .. وهية قالتلي منيح يلي عملتو وانو انتي روح وحرام نقتلك... صرنا انا وامك نروح لعندك ع المشفى نطمن عليكي كل يوم .. ضليتي اسبوع لحتى رجعتي طبيعية .. واتفقنا انا وامك انووهية تترك الشغل لانو محدا بشك فيها ..امك تركت الشغل وصارت تعتني فيكي .. ولما عرفنا انو سمو اختك مايا سميناكي اية مشان يكون متناسق مع اسما لانو متأكدين رح يجي يوم وتتعرفي على عيلتك الحقيقة .. وصرتي تكبري قدامنا متل الفراشة وهالشي خلانا انا وامك نتعلق ببعض ونحب بعض واتزوجنا وقررنا نصير امك وابوكي ... وبعد فترة سنة تركت الشغل ودورت ع شغل تاني وبلشنا حياة جديدة

طبعا صغرتك سنة وسجلتك على اسمي

#############بااااااااك#######

ايةوهية شبه منهارة : ليش خبيتو عني ..... ليش ماخبرتوني بالحقيقة .... ليييش..  لو مخبريني من الاول ماكنت وصلت لهون ... ليش انا لازم عطول كون الضحية ... لييش .. ليش مادفنتوني هداك اليوم وريحتوني من هالعيشة .. لييييييش .. مشان الله حدا يفهمني ليش .. بس انا شكلي مكتوب علي العذاب من انا وصغيرة ... ربيت بحضن فكرتو حضن امي .. وامي بعيدة ومانا حاسة بوجودي .. ليش انا هيك حظي ليش

ام اية : حبيبتي انتي بنتي وروحي وقلبي

اية : انتو فضلتو علي كتير .. وشكرا كتير بس لهون وبكفي .. انا لازم اخد حقي وبلش من جديد

ام اية : بدك تتركينا بعد كل هالسنين وتروحي لعندون

اية : رح اتركن صح بس ما رح روح لعندن .. رح عيش لحالي .. بس بعد ما اخد حقي من يلي ظلمني طول هالسنين وخليه يعيش بالجحيم

كمال : يا بنتي مانك قدو .. هاد شيطان

اية : شيطان على حالو وعلى الضعفاء ..وانا ماني ضعيفة بتعرفو ليش .. لانو ماعندي نقطة ضعف .. يعني ماني سئلاني اذا بموت او لأ

كمال : بنتي لا تتهوري

اية : اذا ما تهورت ما بكون بفهم .. بس لاتخاوف انتو رح تضلو اهلي لاخر العمر وما رح انسا فضلكن علي لحتى موت .. بس متطرة انهي هالمسلسل وحط النقاط على الحروفا

اية: اكيد هو الو يد بقتل مايا مو هيك بابا 

ابو اية .: اكيد مافي غيرو

ام اية : طيب لاتروحي وخليكي معنا

اية : هيك احسن مشان مايلحقكن اذى... بس لاتخاوف مارح بعد ورح ضل قريبة منكن على طول

فاتت ضبت غراضا واهلا واقفين ع الباب عم يبكو ... سكرت الشنتة وطلعت ضمتون وهنن عم يبكو .. وطلعت هية ولمى

اية : بتسقبليني فترة عندك

لمى : بستقبلك طول العمر

راحت اية لعند لمى .. وضلت طول الليل تفكر .. صارت تفكر بفردوس وبأخوها احمد وبأبوها توفيق وبأختا مايا يلي ما شافتا بس حست فيها ومن جدا الظالم ..

اية : رح انتقم لالي ولاختي مايا ..ورح افضحك  ياحقير

......................

الصبح

قاعدة اية مع لمى وسمير

اية : سمير قلي شو اعمل

سمير : انتي قلتي انو بضل مسكر غرفتو فأكيد في سر عندو بالغرفة

اية : يعني لازم فوت وبحبش عن شي عندو بالغرفة

سمير : اي

اية : بس انا بدي نشفلو دمو وماخليه يعرف ليلو من انهارو

سمير : لازم نلاقي عليه اثبات بالاول

اية : طيب هالشغلة انا بحلا

سمير : بدك تكشفي انك بنتون

اية : لأ

سمير : ايمت لكن

اية : مارح اكشفلون شي .. بس لحتى شوفو معلق على حبل المشنقة رح اترك كلشي وهج

سمير : ع وين

اية : ارض الله واسعة

سمير : واهلك

اية : هدول مانو اهلي .. لو بحبوني عنجد ماكانو خبو عني .. بس انا ماني حقيرة ورح ضل حبون لاخر يوم بعمري .. وانا ماني ناكرة للجميل .. بس انا صار لازم بلش من جديد لحالي وكمان اهلي مانون محرومين من الولاد يعني بكرا بينسوا .. وكمان بدي عيش لحالي مشان احميهن من هداك الحقير    ... بس ليش خبو عني ليش .. هاد الشي يلي رح يدبحني

سمير : يلي بريحك عمليه

لمى : بدك تروحي اليوم ع الشغل

اية : لا هلأ بتصل وبخبرون انو صار معي حادث بسيط وانو اليوم مارح اجي .. كمام مشان عبد الرزاق مايشك فيني انو بعرف شي ... المهم هلأ خلينا نتفق على خطة بدي نفذا قبل مالاقي دليل

سمير : كيف يعني

اية : بدي رقم تلفون يكون وهمي ومابدي يكون الو موقع

سمير : سهلة انا بعملك رقم وهمي واذا حددو موقعو مايظهر موقع

اية : كتير منيح

........................

بمكتب جمال ..

ماسك تلفونو عم يفكر يتصل باية ولا لأ ...

فات نجم

نجم : جمال ما حلنا نبلش شغل من جديد ونرجع اسمنا ع السوق متل اول واقوى .. هي احمد خلصنا منو  ومعد يتعرضلنا

جمال : معك حق  .. في شي شغل جديد

نجم :في كتير بس نحنا كنا نرفضو كلو ...

جمال :طيب بلشو اقبلو كلشي .. وكمان خلينا نشتغل هالفترة بقيمة اقل .. وكمان بدي الجودة والمصداقية بشغلنا

نجم : انت بتامر .. اي من زمان هيك

طلع نجم .. وقال جمال : معك حق لازم ارجع اقوى وارجع متل اول .. ومعد خلي شي يأثر علي ... خلص خليني التهي بشغلي وبس

......................

بعد يومين

راحت اية على بيت اهلا بيت اهلو لاحمد

فاتت وسلمت على فردوس وتوفيق كانو عم يفطرو

كانت عم تتطلع عليهن وتتفصحن منيح وصارت تقول بقلبا هلأ انتو اهلي .. انتو يلي من لحمي ودمي

فروس : سلامتك حبيبتي .. ليش ماعطيتيني العنوان لحتى روح زورك

اية : مافي داعي انا كتير منيحة .

توفيق : والله كان مشغول بالنا عليك

اية : لا تخافو انا كتير منيحة عرضية

فردوس : تعالي ياعمري اقعدي فطري معنا

اية : والله مالي نفس

فردوس : ماعلى كيفك يلا اقعدي .. لو تعرفي اشقد اشتقتلك ..

اية ؛ وانا كمان . وبقلبا معقول قلبك حسك وانا ماحسيت فيكي .. بحبك يا ماما .. بس مارح اقدر قلك انو انا بنتك ..

قعدت حدا اية وصارت تاكل

توفيق : عمو احكيلنا شو صار معك

اية : نزلني شوفير التاكسي بنص الطريق ..

وهية عم تحكي نزل عبد الرزاق ..  اية اول ماشافتو صار قلبا يدق وخافت منو بعدين تشجعت وعملت حالا مانا منتبهتلو  وكملت حكيا

اية : نزلني بنص الطريق يمكن عندو حالة مستعجلة .. وانا قلت مو محرزة وقف تاكسي تاني لانو البيت صار قريب .. (عبد الرزاق عم يمشي ببطئ لعند الطاولة وعم يسمع الحديث )

وانا ماشية .. فجأة بتجي وراي سيارة يمكن فلتت الميزانية تبعتا وطلعت ع الرصيف انا من خوفي مشان ابعد عن طريقو ركضت قام خبطت بعامود الكهربا

وبعد معد حسيت على شي الا وانا بالمشفى

توفيق : عمو والسيارة ماعرفتي شو صار فيها

اية : لا والله يمكن فاتت بشي حيط او صاحبا حاول يسيطر عليها .. المهم اجت على خير

عبد الرزاق :بقلبو ؛ منيح ما عرفت انو هي السيارة كانت بدا تقتلا .. بس رح نحاول مرة تانية شو عليه

عبد الرزاق : كيفو جدو .. الحمد لله عسلامتك

اية : اهلين جدو .. الله يسلمك يارب

عبد الرزاق : الحمد لله هيك ولاغيرو الله لايوفقو الله اعلم شو كان صار فيكي لو مابعدتي عم طريقو

اية بقهر : اي والله ... الله لايوفقو لا دنيا ولا اخرة

توفيق : حرام عمو بكون مابقصدو

اية : لازم يتأكد من السيارة قبل مايطلع فيها

توفيق : مافي انسان الا مامعرض للخطأ .. والله اعلم شو بكون صار فيه .. يمكن فات بشي حيط وتصاوب

اية : معك حق .. مالازم اظلم حدا

اية بقلبا : تقبر قلبي شو انو قلبك طيب وطاهر مو متل هالجني

من تحت الطاولة مدت ايدا وكانت فاتحة علىاسم سمير عملتلو مسكول .. وسكرت

وخبت التلفون بسرعة .. ورفعت اديها وصارت تاكل

اية : صح كيفو العريس

فردوس : اااخ من هالعريس مانو متذكرنا ابدا

اية : لكن ياعمي مين شافو حبابو نسي صحابو

اجت رسالة على هاتف عبد الرزاق .. اية اتطلعت عليه بطرف عينا .. وتابعت حديثا مشان ماينتبه عليها وكملت حكي : ولايمت اجازتو

توفيق : اجازتو مفتوحة..

اية : المهم انو مبسوط .. والله يهنيه

فردوس : عقبالك

اية : انا بكير

عبد الرزاق بعد ماقرا الرسالة تغير لونو وصار وصفن

اية كل شوي تتطلع عليه بطرف عينا وكانت تحكي وتضحك مشان مايجتلق عليها

فردوس : بدي احكي معك بموضوع

اية : عشان جمال ماهيك

توفيق : ليش شبو جمال

عبد الرزاق : انا دايمة

اية : جدو ما اكلت شي

عبد الرزاق اتطلع عليها نظرة طويلة وقال هلأ باكل بغرفتي فوق

اية : عراحتك

توفيق : ماقلتولي شبو جمال

فردوس : بحب اية

اية : لأ ماما فردوس هو بحب مايا مابحبني الي

طالع عبد الرزاق ع الدرج وسامع حديثون .. وشايف انو اية منسجمة بالحكي

فردوس : كان يحب مايا ومايا الله يرحما

اية : عمو انت احكم بينتانا .. لنفترض جمال حبني الي .. شو هو السبب يلي حبني مشانو .. ما لانو انا بشبه مايا

توفيق : اي ممكن

اية : طيب انا كيف بدي حب شخص حبني لانو بشبه حبيبتو الميتة... هي اذا بحبني عنجد

توفيق : بصراحة الموضع صعب .. مشان هيك انا رايح على شغلي ..

اية : شفتو عمو شو قال .. يعني انت واقف معي مو هيك عمو

توفيق : اي حبيبتي .. انا معك بكلشي بتختاريه .. لك انتي صرتي بنتي يلي ماخلفتا

غصت اية وقالت بقلبا: لأ بنتك يلي انت خلفتا .. يلي من صلبك يا بابا

توفيق : يلا سلام

.................

وصل عبد الرزاق على غرفتو .. وفتح الرسالة مرة تانية .كان مضمون الرسالة : عبد الرزاق الاحمد  انت عملت كتير اغلاط بحياتك وصار الوقت يلي لازم تتحاسب فيه .. المرسل ملاك الخير

عبد الرزاق : مين يلي باعتلي هي الرسالة .. ومين يلي بيعرف ماضيي واغلاطي ..

مسك التلفون واتصل على شخص وقلو : في رقم رح ابعتلك اياه بدي تعرفيلي لمين .. ومن وين عم يبعتلي الرسائل ... لا طول

..............

اية عم تروح وتجي وتفكر كيف بدا تفوت على غرفتو

راحت قعدت جنب اما فردوس

اية : ماما ممكن اسأل سؤال

فردوس : اي حبيبتي .. سألي

اية : هلأ جدو عبد الرزاق ليش هيك بضل وحداني ومابيطلع من غرفتو

فردوس : هيك من يوم يومو

اية : معقول مابيطلع من البيت نهائيا

فردوس : لأ بيطلع عطول

اية : عنجد .. مع انو ولا مرة شفتو برات البيت

فردوس : يمكن ما تكوني انتي لما بيطلع

اية : طيب الو اوقات مخصصة بيطلع فيها

فردوس : لا .. بس اغلب الاوقات بيطلع عند المغرب

اية : اممم .. وغرفتو ليش بضل قافلا يعني عندو شي سر مخبيه

فردوس : لا ماعندو شي بس هيك مابحب حدا يفوت على غرفتو ولا حدا يلمسلو غراضو

اية : لكن مين بنضفا

فردوس : طبعا الخدم بس هو يكون موجود

اية : اممم .. طيب اذا احتجتو شي من غرفتو وهو مانو موجود كيف بتدخلو على غرفتو

فردوس : ما منحتاج شي .. واذا بدنا نفوت ما بنفوت غير لما يكون موجود .. بعدين انتي ليش عم تسألي كل هالاسئلة

اية : اااه ..اي بس فضول لانو بحسو شخص غامض

فردوس : ههههه معك حق .. بس لاتفكري فيه زيادة هو بحب يعمل هيك مشان يعمل لحالو اهمية وعأساس عندو خصوصيا بس بالحقيقة ماعندو شي

اية : امممم ..

صفنت شوي فردوس وقالت : مرة مايا فاتت على غرفتو بغيابو .. تراهنت هية واحمد انو بتقدر تفوت على غرفت جدا

اية : اي وشو صار

فردوس : سرقت المفتاح من دون مايحس عليها جدا وفاتت ع الغرفة .. بس لسوء الحظ هالختيار حس انو المفتاح مانو معو ورجع ع البيت بسرعة وشاف مايا طالعة من الغرفة .. يومتا عملا بهدلة كبيرة .. وهية زعلت كتير

صفنت اية وقالت بقلبا : اكيد في سر لانو مستحيل يعصب على شي فاضي ..

اية : ماما ايمت صار هالشي

فردوس : والله مابعرف من زمان ..يعني قبل كاتموت مايا بشي اسبوع

اية : امممم .. الله يرحما

اية : انا بدي مساعدة حدا .. لحالي مابقدر فوت ع الغرفة .. مين يا اية .. مين

اية : اي لقيتا .. مافي غير احمد ..بس كيف بدي اقنعو .. رح حاول اقنعو بكل الطرق ..

............................................

بعد شهر ...

اية : يعني معقول صرلي شهر وماقدرت اعمل شي

سمير : شو صار مع احمد ايمت راجع

اية : يمكن اليوم ..

سمير : كنت بدي قلك بس متردد

اية : شوو .. احكي

سمير : طلبي المساعدة من جمال

اية : جمال هه .. جمال مانو فاضيلي هالايام ماعم تسمع اخبارو كاسح السوق كلو

سمير : بس اكيد رح يساعدك .. ولاتنسي انو بحبك

اية : لك ايو حب .. قلنالكن مليون مرة بحب مايا .. وكمان لو بحبني كان حاول يحكيني يطمن عني كل هالفترة

سمير : وليش لحتى يجي اذا مانك عم تعطيه ضو اخضر نهائيا

اية : المهم جمال لأ شيلنا منو .. احمد مناسب اكتر لانو العيلة وهو الوحيد يلي رح يدخلني على غرفة جدو

سمير : بس مستغرب انو عبد الرزاق ليش ماحاول يقتلك بهل الشهر

اية : يعني بدك اياه يقتلني استاذ سمير

سمير : لأ .. بس هدوئو بخوف

اية : يمكن مشغول برسائل التهديد يلي عم نبعتا

سمير : بس لحد الأن مابعتنالو دليل .. رسائل تهديد ع الفاضي

اية : بس لو مانو عامل شي مابخاف ... بس لا تقلق قريبا رح يصير معنا دليل .. كنت بدي استخدم دليلي انو كان بدو يقتلني وانا صغيرة .. بس هيك دغري بيكشفني انو انا ويمكن يخلص علي

سمير : معك حق .. خلينا ننطر احسن الشي ..

اية : بس مالازم نوقف رسائل التهديد .. بس رح نقللون هالفترة .. يعني كل يومين رسالة لشوف شو رح يصير معنا

سمير : اوك .. شو ابعتلو بالرسالة الجاي

اية : ابعتلو جهز حالك للضربة القاضية .. واكتبلو انا عم ماطل بالقصة مشان نشفلك قلبك بركي بتموت وبنرتاح منك

سمير : ههههه ماشي

اية : شي ساعة وابعتا انا رايحة لعندن

سمير : اوك

يتبع ......

انطرونا بالجزء الاخير ..بس يمكن اتاخر فيه شوي